حب تفصيل

الفصل الخامس عشر (الجزء الأول )

الفصل الخامس عشر

ركض آيهم سريعا وهو يلهث لا يصدق ما يراه صبا ماذا تفعل ؟! كانت السيارات تتخطى صبا سريعا وتمر من جانبها بسرعه فائقه وصبا تبكي وهي تغمض عينيها تنتظر مصيرها .. وقف آيهم علي جانب الطريق وصرخ فيها قائلا :
_ صباااا يا صبااااااا ارجعي يا صبا

فتحت صبا عينيها ونظرت لآيهم نظرة وداع كانت تبدو وكأنها الآخيرة جعلت كل ذره قوى في آيهم تخر صريعه فركض محاولا الوصول اليها ولكن السيارات لم تسمح له بذلك فكان يعود ثم يركض تجاهها ثم يعود فورا فصرخ فيها مره اخرى قائلا :
_ بقولك ارجعي يا صبا انتي بتعملي فيا كده ليه !! ارجعي صدقيني كل حاجه هتتحل انا بحبك

بكت صبا بقوة أكبر وجسدها يهتز وقالت :
_ كدب كدب كله كدب انا بقيت عاله على الكل وبعمل للكل مشاكل انا بقى وجودي سبب كل حاجه وحشه بتحصل في الدنيا ومبقتش قادره استحمل

آيهم وهو مازال يحاول الوصول إليها :
_ انا جمبك وحماكي وضهرك وكل حاجه واوعدك أخبيكي بعيد عن الدنيا كلها ومحدش يعرف يمس شعره منك وهخليكي اسعد واحده في الدنيا

صبا بغضب : ليه مش انا بقيت بلوة انت بليت نفسك بيها ومش عارف ازاي جبتني معاك مش ده كلامك ولا انا بتخيل ؟؟

توقفت قدمي آيهم عن الحركه واتضحت في عقله الصورة كامله وان صبا قد فهمت حديثه بشكل خاطئ فقال بقوة وغضب :
_ أنا لو شايفك تقيله او عالة مكنتش عملت كل ده وانا كنت بتكلم مع امي علي العهدة بتاعت الشغل مش انتي خالص ورحمه أمي كنت بتكلم عن العهدة

نظرت له صبا بصدمة كان صادقا بشكل يصعب تكذيبه فتحركت تجاهه بلا وعي لتطلق سيارة زمور عاليا مضيئه أنوارها العالية في وجه صبا فتصلبت في مكانها وأغمضت عينيها سريعا فصرخ آيهم بقوة :
_ حاااااااااااااااسب !

*____________________________________*

أخبر حمزة سلا بكل ما حدث معه في المشفى وما فعل والدها مع صبا .. مر مشهد محاولة قتلها بواسطه أبيها أمام عينيها فبكت وقالت بحزن شديد :
_ للأسف بابا طول عمره شايف أن البنت حاجه عيب وأنه ما ينفعش أن يكون للبنت رأي وأن كل ما اتجوزت بدري كل ما كان احسن ولولا شكله قدام الناس مكنش طلعنا ولا علمنا وفي الحقيقه هو كده بيدفننا بالحياة مش بيربينا البنت اللي ما تلاقيش الدلع والحب بين آيدين أبوها اللي هو أول راجل هتتعامل معاه في حياتها كل حياتها هتتدمر وهتبقي يا أما بتكره كل الرجالة يا أما هيتضحك عليها بكلمتين والحقيقه أنه لولا أخواتي الصبيان كنا ضيعنا كلنا ......

لم يعلق حمزة فهو يعلم أن حديثها لا يحمل شيئا من الخطأ يعلم أن حب الأب ودعمه هو الدفعه الأولى التي يواجهها الشخص في حياته الخاصه وان الأب عمود المنزل فإن فسد العمود لن يصمد المبني علي من في داخله .....