الفصل الثالث
خرج آيهم من النادي وعقله مشغول بالتفكير فأوقفته فتاة ما التفت آيهم خلفه ليجد كارمن تقترب منه حتي وصلت أمامه فوضعت يدها علي معدته وهي تقول مازحه :
_ عامل ايه يا مان ! انت بقيت تيجي زياره وتمشي علطول لما سيكو قالي انك جيت ما صدقتش نفسي
ازاح آيهم يدها عن بطنه وقال بخشونه :
_ مشغول شويه يا كارمن مش فاضي للنادي وكل ما بيكون عندي وقت باجي العب رياضه وامشي مش فاضي اقعد زي زمان
ابتسمت كارمن ولمعت عينيها لتقول بصوت عذب :
_ ودي أكتر حاجه بتعجبني فيك يا آيهم انك راجل جدااا مش زي الشباب الضايع اللي هنا في النادي بجد يا بخت اللي بتحبهم بيك
نظر آيهم في ساعته وقال سريعا :
_ معلش هستأذنك يا كارمن انا مواعد والدتي اني اكون في البيت كمان خمس دقايق ومقدرش اتأخر ، سلام !
تحرك آيهم مبتعدا فوقفت كارمن تتابعه وهو يركب سيارته السوداء وانطلق بها بهدوء خارج بوابه النادي فاقتربت منها صديقتها ومعها ثلاثه فتيات اخريات فتسائلت شاهي بحماس :
_ ايه ده هو آيهم مشي بسرعه كده ليه مش قولتي هتقعدوا وتشربوا حاجه !!
_ شور يا بيبي بس آيهومي عنده شغل دلوقتي وبعدين هو قالي مقامي مش نادي زي ده نقعد فيه لا احنا بليل عندنا سهرة كبيرة في افخم مطعم في القاهره يلا هروح انا اجهز نفسي تشاو يا بنات ! .. قالتها كارمن بغرور مصدقه كذبتها تلك
نظر الفتيات لكارمن بعد ان رحلت فقالت احداهن :
_ يا بختك يا كارمن وقعت واقفه
_ يابنتي انتي صدقتيها دي بتعمل حوار فيك علشان نقول كده انما اصلا آيهم مش مديها وش هو ملوش في سكه البنات دي خالص هو ما يعرفش غير الجد وبس معقول يوم ما يقع يقع في كارمن .. قالتها شاهي بتهكم
_ يابنتي انتي مستهونه بكارمن دي كارمن الديب اسم علي مسمى ولو فعلا ما وقعش مسيره يقع علي جدور رقبته ، كارمن مش بتقع غير واقفه يابنتي ..
_ بكره الآيام تثبت كل حاجه والليل مش بعيد .. قالتها شاهي بتشفي حقيقي
*________________________________*
خرجت مها من المكتبه مع نهاية فترتها الصباحيه وهي تعدل من وضع حقيبتها علي يدها ومشيت مسافه لا تتعدى بعض المترات حتي شعرت أن أحدًا يمشي من خلفها فتوقفت ونظرت خلفها فلم تجد أحدًا فتعجبت من الآمر والتفتت لتكمل سيرها فوجدت ثلاثه شباب يقفون ليقطعوا عليها طريقها وفي يد أحدهم كلب ضخم أسود اللون فابتلعت مها ريقها ونظرت أرضا وابتعدت عنهم لتكمل طريقها فنبح الكلب بقوة لتقف مها مكانها والتفتت للخلف لتعود أدراجها بخطوات سريعه فركض أحدهم ليقف أمامها فتلعثمت مها قائله :
_ لو سمحت سيبني أمشي ما ينفعش اللي أنتوا بتعملوه ده !
_ ايه يابني ادم يا متخلف انت وهو اللي انتوا بتعملوه ده سايبين الانسه شايله الشنطه بنفسها ! لا لا دي مش أصول أبدًا لا انا بقول عنك يا هانم نشيلها بدالك احنا ولا إيه يا زيكا !؟ .. قالها أحدهم بنظرات ذات معنى
أنت تقرأ
حب تفصيل
Romanceالحب لا يوجد فقط في الروايات لكل خيال واقع ملموس ولكن ليس الكل محظوظ بإيجاده وان لم تكن من المحظوظين لا تستسلم للأمر الواقع خذ بثأرك و شكل بطلك بيدك وحينها ستنال ما ترضاه وتخبر الجميع أن ... هكذا تصنع الأبطاااال 💪❤
