الفصل العاشر
نظر آيهم جانبه فتجمدت الدماء في عروقه لرؤيته لصبا تقف وعلى وجهها علامات الحزن والألم وهي ترى آيهم وبين أحضانه فتاة اخرى ولكنها أكملت طريقها متصنعه عدم الاهتمام رغم ما بداخلها من نيران الغيرة .. ابعد آيهم كارمن عن صدره وركض سريعا خلف صبا فصدمت كارمن وضيقت عينيها والنيران اشتعلت بداخلها وهي ترى نظرات الناس من حولها ...
آيهم بلهفة : صبااااااا ! صبااااااااااا
توقفت صبا عن الحركه ولكنها لم تلتفت فركض ليقف أمامها وقال سريعا :
_ ايه اللي جابك هنا !
صبا وهي ترفع حاجبيها :
_ نعم ؟؟ دا نادي لكل الناس عادي يعني انا اروح المكان اللي انا عاوزاه
_ مقصدش أقصد يعني اللي انتي شوفتيه ده مش صح يعني مش مقصود اللي حصل ان .... قالها آيهم مبررا فقاطعته صبا
صبا ببرود :
_ ما يهمنيش أعرف ومش عاوزة اعرف بعد إذنك
لاحظ آيهم باقه الورود في يدها فتسائل بغيرة شديدة ظهرت في نبرة صوته :
_ ايه ده ان شاء الله من مين ده بقا !
نظرت صبا لباقه الأزهار في يدها وابتسمت لتقول مثيرة غضب آيهم :
_ ده الشاب اللي حصل معاه موقف قدام الكليه طلع جانتي خالص وجابلي بوكيه الورد ده واعتذرلي بجد ما شوفتش في ذوقه
تحول وجه ايهم للون الأحمر من الغضب وانتزع باقة الزهور من يدها وتوجه الي سلة القمامه وقام بإلقائها داخلها تحت نظرات صبا المصدومه ثم عاد اليها وجذبها من يدها وتوجه الي سيارته وأجلسها عنوه في الكرسي الأمامي وتوجه الي كارمن قائلا :
_ ما تقلقيش انا ضربتهم ومحدش منهم هيتعرضلك تاني تقدري تروحي من غير ما تقلقي والجاكيت خليه معاكي بس مضطر امشي دلوقتي
لم تنطق كارمن ولكن نظراتها الساخطه كادت تفتك بآيهم وهو يجلس بجانب صبا في السيارة ويخرج بها من بوابه النادي فقالت كارمن وهي تحدث نفسها :
_ عمري ما شوفت اللهفه اللي في عينك دي علي حد قبل كده ، مكنتش آيهم التقيل الراسي ، شوفت ايهم اللي بيحب زيه زي اي راجل بيريل ورا البنت اللي بيحبها بس حلو كدا مهمتي هتبقا مسليه أكتر
*__________________________________*
جلست مها مع مراد في الكافيه وكان يبدو على ملامحها الضيق والحزن فنظر لها مراد قائلا :
_ يابنتي ريحيني وقوليلي مالك ايه اللي مزعلك ! طب انا ضايقتك من غير ما أقصد قوليلي
هزت مها رأسها بالنفي فارتفع صوت مراد قائلا :
_ اومال فيه ايه يامها ما بقتش فاهم فيه ايه !
انتفضت مها اثر صوت مراد المرتفع ودمعت عينيها فانتبه مراد لما فعله واقترب منها فسحبت يدها ووقفت لتقول بصوت فيه اثر البكاء :
_ انا عاوزة اروح !
أنت تقرأ
حب تفصيل
Roman d'amourالحب لا يوجد فقط في الروايات لكل خيال واقع ملموس ولكن ليس الكل محظوظ بإيجاده وان لم تكن من المحظوظين لا تستسلم للأمر الواقع خذ بثأرك و شكل بطلك بيدك وحينها ستنال ما ترضاه وتخبر الجميع أن ... هكذا تصنع الأبطاااال 💪❤
