الفصل الأخير
سمع فارس صوت صندوق السيارة يغلق فانطلق بالسيارة إلى الخارج واجتاز الأمن وهو سعيد ويحلم بليلته مع تلك الفاتنة نظر في المرآة ليجد سيارة تتبعه فجحظ بعينيه بصدمة وظن انه هالك لا محالة .....
*_____________________________*
ازاح نانسي بعيدً عنه وركض تجاه غرفة صبا فلم يجدها داخلها فأخذ يصرخ كالمجنون بإسمها في كل المنزل فلم يجدها فعاد لنانسي من جديد فوجدها تجلس على الفراش كما تركها وسألها بهدوء قاتل :
_ مراتي فين ؟!
_ أنت بجد صدقت انها مراتك يابني فوق هي أصلًا مكنتش موافقه على الجواز منك و مضت تحت التهديد يعني اصلا الجوازة دي باطل
_ فين صبا يا نانسي ؟! .. قالها إياد بنفس الهدوء
وقفت نانسي وتحركت تجاه الثلاجة الصغيرة الموجودة بالغرفة وأخرجت منها علبه عصير صغيرة :
_ اسأل فارس صاحبك
فتحت نانسي علبة العصير وأخذت ترتشف منها فضيق إياد عينيه وتسائل :
_ وإيه دخل فارس بـ صبا ؟!
لوت نانسي فمها وقالت بتسلي :
_ أنت نايم يابني ولا اي ؟! فارس صاحبك حاطط عينه على مراتك ودلوقتي خطفها وطار
خرج إياد من هدوئه وقال صارخًا :
_ إيه اللي انتي بتقوليه ده ؟؟ وانتي دخلتي هنا ازاي وفين الأمن ؟! وقصيتي شعر صبا ازاااااي وليه انطقي !!
_ حقي .. باخد حقي وقصيتلها شعرها بس بدل ما احلقه زي ما انت عملت معايا بس هي صعبت عليا واخدت حقي وبس إنما اللي غفلك بجد هو صاحبك واخد مراتك وطار انما دخلت هنا ازاي دي فأنا في بيتك بقالي كتير وكنت مستنيه الفترة المناسبة واخد حقي
نظر لها إياد لا يصدق أن صديقه خانه وخطف زوجته كيف يثق في كلامها فاتصل بالأمن على الفور :
_ أيوا يابني فارس فين ؟! .. ايه خرج امتى ؟! .. فتشتوا عربيته ؟! ... ازاي يا بهايم ما تفتشوش العربية .. اتنين يطلعوا وراه بالعربية ويدوروا عليه وتجيبهولي حيًا او ميتًا ومحدش يمس مراتي بسوء فاهمين!؟
أغلق الخط وأمسك بـ نانسي من عنقها وصرخ فيها قائلًا :
_ ولما انتي عارفه ليه ما قولتليش ، انا هندمك على كل لحظة كنتي بتخدعيني فيها يابنت ال ****
أزاحت نانسي يده عنها واكملت ارتشاف العصير وقالت :
_ مشكلتك انك دايمًا بتحسبها غلط ! انت دلوقتي معصب عليا انا علشان مفيش قدامك غيري في حين ان عدوك الأساسي مش انا ولا فارس ولا حتى صبا
_ قصدك مين ؟!
_ سنااااااااااااء
جحظت عينا إياد بقوة كيف علمت بأمر سناء ونظر لها بـ شك وقال :
_ سناء !! انتي تعرفي سناء منين وسناء عدوتي ازاي دي ما تفكرش حتى انها تعاديني او تلمسني او حتى تقرب ليا
ضحكت نانسي بقوة وقالت وهي تجلس على طرف الطاوله :
_ مشكلتك يا باشا ان انت فاكر علشان حد خاف منك مش هيقدر يضربك بمجرد ما تلف ضهرك الميزة دي بتكون في الثقه وبس إنما اللي يخاف منك أول حاجه هيعملها لما تجيله فرصه انه يتخلص من خوفه وبس وده بالظبط اللي سناء عملته
أنت تقرأ
حب تفصيل
Romanceالحب لا يوجد فقط في الروايات لكل خيال واقع ملموس ولكن ليس الكل محظوظ بإيجاده وان لم تكن من المحظوظين لا تستسلم للأمر الواقع خذ بثأرك و شكل بطلك بيدك وحينها ستنال ما ترضاه وتخبر الجميع أن ... هكذا تصنع الأبطاااال 💪❤
