قلبي لك الجزء الاول للكاتبه أميرة صلاح

الفصل العشرون

أتعرف ما هو البؤس يا صديقي
حين تجد ما يفرحك
ليأتي أقربهم إليك ليطلبه منك

ليس البائس من لم يجد طعاما
بل الباحث عن الفرحة في أرض الحزن

في الصباح استيقظت إبان نشيطة فمنذ الأمس وهي تنتظر هذا الصباح
خرجت من غرفتها بعدما جهزت نفسها لتجد والدتها تجلس بجانب بتول وتحاول تهدئة الأخيرة
اقتربت قائلة بقلق : مالك يا بتول .. إيه اللي حصل ....؟
بتول ببكاء : أمجد ... أمجد ... اهئ .اهئ
تولت مني الرد : أمجد قال هيقعد حوالي شهر كمان ...
إبان : طب وفيه إيه يعني مهو علطول عنده مهمات وبيقعد فيها أطول من كده كمان .....
بتول : بس أنا مش عارفة قلبي مقبوض ليه المرادي ...؟
إبان : طب بس اسكتي إن شاء الله خير ... ومتفوليش أنتي بس عليه .. قفلتي اليوم أبوشكلك ...
مني بدهشة : ليه هو اليوم في إيه عشان يتفقل ...؟؟
إبان بحماس : النهاردة أول يوم في الشهر ...
مني : أيوة يعني ماله ...؟؟
إبان بفرحة : النهاردة أول مرة هأقبض مرتب بقا ...
بتول : ههههه .. ضحكتيني ... وهو مرتبك كام يعني ...؟؟
إبان بحزن : بصي هو مش كتير بس يعني أحسن من بلاش .. لا وكمان هنتغدا برره ..
بتول : ليه يعني ده كله ...؟
إبان : هنحتفل بقا ... وشهيصة وكده ...
بتول : لا طالما فيها احتفال يبقي أنا معاكي ...
ورقصت الاثنتان سويا تحت نظرات أمهما المتعجبة والفرحة ....
وصلت إبان إلي الشركة بعد مدة لتتجه نحو مكتب إياس
إبان : دينا .. هو فين مكان القبض ..؟
دينا بحزن مصطنع : اخص عليكي مشوفكيش غير لما تكوني عايزة مصلحة ...
إبان : لا مش قصدي بس عشان النهاردة أول مرتب ليا فمتحمسة يعني
دينا : هههه .. وإن شاء الله مش أخر واحد
دلتها دينا علي المكان فاتجهت مسرعة نحوه ... وصلت وجدت بعض الموظفين ... انتظرت قليلا حتى انتهوا جميعا ...
إبان : احم ... وأنا كمان عايزة المرتب ...
الموظف : اسمك إيه ..؟؟
إبان : إبان الشافعي ...
الموظف : أنتي اللي شغالة مع إياس بيه ...
إبان بسرعة : أيوة هي بشحمها ...
الموظف : بس أنتي ملكيش مرتب ...
صدمت من قوله فصرخت به عالياً : يعني إيه ملييش مرتب .. ليه يعني دانا بشتغل برضو وبتعب .. وخفضت صوتها وهي تكمل : مش بتعب يعني أوي الصراحة .. بس أنا ليه مش ليا مرتب كمان ...
الموظف : عشان دى أوامر إياس بيه ...
إبان : ماشي يا إل " إياس " أنت والله ما هسكت علي ده كمان ...
تركت المكتب غاضبة متوجهة مباشرة نحو مكتب إياس .. دخلت مباشرة دون أن تعبأ بنداءات دينا ...
دينا : سوري يا إياس بيه بس هي اللي دخلت كده فجأة ...
إياس : خلاص يا دينا روحي أنتي ........ والتفت لإبان : وأنتي مالك بقا ..؟
إبان : أنا عايزة أعرف ليه ملييش مرتب زى البقية ...؟؟؟
إياس : مهو أنا خصمته من الفلوس اللي عليكي ...
إبان بغضب : ملكش دعوة أنت أنا هأدفعهم كلهم ...
إياس بلامبالاة: نقول أول 200 جنيه من الجديد .....؟؟!!
إبان : لا ده ظلم .. وربنا علي الظالم والمفتري ... اهئ . اهئ ... حرام عليك حطمت كل أحلامي ...
إياس بتعجب : أحلام إيه دى ب4000 جنيه ...؟؟
إياس : أنت مالك أنت دى أحلامي بتاعتي .. عايز تاخدهم كمان خدهم ما هي ناقصة ...
إياس : لمي لسانك شوية واقعدي عشان في خبرين عايز أقولهم ...
إبان : أكيد طبعا أخبار منيلة .. مهو أصل ميجيش من وراك أخبار كويسة ..
إياس : هو أنا لو قطعت لسانك ده هيحصل حاجة مثلا ....؟؟!!
إبان بغضب : كمان عايز تقطع لساني يا مفتري ...
إياس : بت أنتي لمي لسانك وإلا والله هانسي إنك بنت ...
إبان بخوف: طب قول خلصني خبرين إيه دول ...؟؟
إياس : الأول .. فريدة هانم هتقابلك بكرة ... والتاني هتشتغلي في مكان تاني ...
إبان بفرحة : سيبك من الأول خلينا في التاني .. أنت بتتكلم بجد يعني أنا خلاص هأشتغل في مكان تاني وأخد مرتب وكده ...
إياس : لا خالص .. أنتي هتشتغلي هنا في الشركة مهندسة مكان واحدة مشيت و هتشتغلي تحت إيدي كمان ...
إبان : مش مهم .. المهم إني هأقبض مرتب ... هيه .هيه
إياس : ههههه .. لا خالص المرتب هيكون ليا أنا ..
إبان بصدمة : يعني قصدك إيه .. !! ... قصدك إني مش هأخد مرتب وكده .. في حياتي مش هأمسك فلوس من شغلي ...؟؟
وفجأة سقطت مغشي عليها .. صدم إياس من سقوطها وجري ناحيتها بسرعة .. رفع رأسها علي يده : إبان .. إبان فوقي يخربيتك هتجبيلي مصيبة .. فوقي ... وصرخ : دينا ..
أتت دينا بسرعة بعد سماعها لصراخه العالي ..
دينا : إبان .. هو إيه اللي حصلها ...؟
إياس : مش عارف بس هي وقعت فجأة كده ...!!
دينا : طب خلاص حطها علي الكرسي وأنا هأجيب ماية ...
حملها ليضعها علي الأريكة وكذلك أحضرت دينا كوب ماء لتنثر بعضه علي وجهها ... أفاقت بعد دقائق وهي تمتم ب " منك لله يا إياس "
انزعاج وراحة بدت علي وجه إياس بعدما فهم ما تقوله ..
إياس : خلاص روحي أنتي يا دينا ...
أومأت دينا : حاضر ..
بدأت إبان تستعيد وعيها تدريجياً ... حتى أفاقت تماما ...
قامت من مكانها فزعة : أنت عملت فيا إيه .. انطق ..؟؟
إياس : وأنا هاعمل فيكي إيه يعني ...؟
إبان : هو إيه اللي حصل أصلاً ..؟؟
إياس : فجأة لقيت واحدة وقعت مكانها .. أنا كنت عارف من الأول إنك عايزة تخلصي مني .....
إبان : الصراحة آه ... بس مستقبلي أهم .....
إياس بغضب : قصدك إيه يا بت أنتي .......؟؟
إبان : لا دى هلوسات متاخدش في بالك .... أنا هأروح بقا ..
إياس : يكون أحسن وأبقا ابدئي من بكرة ..
إبان : إن شاء الله عن إذنك ...
إياس بعد مغادرتها : عن إذنك ...... مالها دى ...؟!!
عادت إبان إلي المنزل بخيبة أمل جديدة .. رأتها بتول فجرت ناحيتها
بتول : ها .. إيه الأخبار .؟؟
إبان بحزن : ملييش قبض ...!! اهئ ..
بتول : ملكيش قبض ازاى هو أنتي مش بتشتغلي ......؟؟
إبان : آه بشتغل ..بس هو أخدهم عشان الفلوس اللي عليا ..... وقالي هأخصم المرتب منك كل شهر .....
مني بغضب : يبقي بلاها دى شغلانه وأنا هأكلم أبوكي عشان يتصرف ...
إبان : أنا هأدخل أنام..... تصبحوا علي خير ....
مني : ربنا يستر عليكي ..
بتول : أنا هأكلم صافي تيجي تشوفها ...
مني : اعملي اللي أنتي عايزاه أنا مش هرتاح أبداً منكم ..
أمسكت بتول بهاتفها لتتصل بصافي صديقة أختها والتي هي علي علم بها
بتول : صافي ... ازيك ...
صافي بتعجب : مين .بتول أنا مش مصدقة والله ...؟؟
بتول : ههههه معلش ياختي مشاغل ...
صافي : أيوة ياعم ناس متجوزة وبقيت مشغولة ...
بتول : لما تتجوزي هتعرفي ياختي الشغل ...
صافي : ماشي .. ماشي .. بس إيه اللي فكرك بيا يعني ...؟؟
بتول: صاحبتك مصدومة ....
صافي بتعجب : إبان مصدومة .. ده اللي هو ازاى ..؟؟
بتول : بصي تعالي هنا وأنتي هتعرفي مالها ...
صافي : طب تمام ماشي .. هأجي بالليل إن شاء الله ... سلام ..
بتول : تمام وأنا هستناكي ...سلام...
عاد إياس إلي المنزل في المساء
وجد أصواتٍ تأتي من الداخل ... ميز منهم صوتاً يعرفه جيداً ويحفظه عن ظهر قلب ...
إياس بغضب : أنت بتعمل إيه هنا يالا ....؟؟
انطلق نحو فريدة ليبقي في حضنها يحتمي بها ...
فريدة : وأنت بتزعق كده ليه يعني ..؟؟
إياس : هو مش كان في المعسكر إيه اللي جابه ...؟؟
سيف : وأنت عايزني أفضل هناك علطول يعني .. خلصنا وخدنا المركز الأول وأخدت ميدالية كمان ......
إياس : طب يلا روح خلي أمك تشوفها ...........
سيف : لا مانا وريتها ل تيتة قبل منام ....
إياس : ليه هو أنت نمت فين ..؟؟.
سيف : نمت هنا في حضن تيتة .....
صرخ إياس : وحياة أمك .... طب تعرف لو ممشتش من هنا دلوقتي هعمل فيك إيه .....؟؟
سيف : مش هتقدر تعمل حاجة .....وأخرج له لسانه ...!!
إياس : سيف ...
فريدة : خلاص يا إياس ... أنت جاى تتعصب عليه ولا إيه ......؟؟
إياس بضيق : وأنتي مش سمعاه بيقول إيه ......؟؟
فريدة : هو أنت ليه محسسني إنه واحد صاحبي .... ده حفيدي وأنت خاله ..
اقترب إياس من مقعدهما وأزاح سيف عن حضن فريدة لينام هو علي الأريكة واضعا رأسه فوق قدميها وقدميه علي حافة الأريكة ..
إياس : لا مشكلة واحد صاحبك دى تحليها مع سيف باشا لكن الزفت الصغير ده مشكلته معايا أنا ......
فريدة بصدمة : يعني أنت مش هامك واحد صاحبي كل اللي هامك بس إنه سيف العيل الصغير ده ..!!؟؟
إياس بغيظ : متقوليش عليه عيل ده ... ده كارثة ماشية علي الأرض ومحدش واخد باله ....
ضحكت فريدة : ههههه .. حرام عليك الواد صغير ..... وكل اللي عايزه حضن جدته وبس ...
إياس بضيق طفولي : وأنا كمان محتاج الحضن ده ...
سيف ببكاء : طب وأنا عايز أقعد كمان ...
رفعه مراد من الخلف وهو يقول : ينفع حضني أنا طري برضو زى بتاع فريدة ......
سيف : لا أنا مش عايز غير بتاع فريدة وبس ....
مراد : لا دى مشكلة وخيمة و خايف تحصل إصابات في النص ههههه
فريدة : أنت كنت فين من امبارح ....؟؟
مراد : لا أنا جيت متأخر امبارح ونزلت بدري النهاردة ....
إياس بسخرية : ده من امتي النشاط ده ...؟؟
مراد : بدور علي شغل .....!!
فريدة : شغل إيه ده .. أنت مش مقدم في شركة الطيران ...؟؟!!
مراد : لا مهو أنا مش عايز أشتغل بالواسطة ...
إياس : أنت أهبل يالا ... أنت اسمك ده هتعمل إيه يعني ...؟؟
مراد : مهو عشان كده أنا بدور علي شغل كده يعني ...
فريدة بغضب : قصدك إيه يعني طالما مش هتقدم الطيران يبقي تروح تشتغل في الشركة معاهم ....
مراد : إن شاء الله عن إذنكم بقا ......
فريدة : أنت خارج تاني ولا إيه ...؟؟
مراد : كنت جاى أرتاح شوية .... بس شكلها مفيش راحة ...
إياس : خلاص يا فيرو سيبيه وأنا هأشوفه ماله .....؟
في منزل الشافعي
جلسن الفتيات في الصالون .. كانت صافي جالسة بجانب إبان وبتول في المقعد المقابل لهما وهي تضحك .....
بتول بضحك : ههههه ... جاوبي عليها يلا ...؟
صافي : ههههه .. أيوة يا إبان بالله عليكي تقوليلي ازاى .....؟؟
إبان بغضب : ازاى إيه ..؟؟
صافي : ههههه .. ازاى تتصدمي ويجيلك برد ....؟؟
بتول : ههههههه .. أيوة أنا أعرف الناس اللي بتتصدم بيجيلها سكتة قلبية وغالبا بتموت ...
صافي : هههه .. أيوة ودي مش أي صدمة .. صدمتك كانت في الفلوس يعني موت مباشرة ....
إبان بتعب : أتشو ... كل عندي حاجة جديدة ...
صافي: طب ده .. هيعمل مفعول حلو .....
إبان : بنادول اكسترا .. ده بقا شبه ريفو ليه .. بقي بتاع كله ...
صافي : اشربي وأنتي ساكتة ...
إبان : شوفتي يا صافي قتلي طموحاتي كلهما قبل ما تشوف النور ...
بتول : ههههه .. معندوش دم قاتل الأحلام ده ....
صافي : ههههه .. اسكتي يا بتول شوية لما نشوف القاسي ده عملها إيه ...
بتول : ههههه .. أنت قلبك قاسي أوي .أوي .. أنت مش بتحب كده وكده ..
انفجرت صافي في الضحك : ههههه ههههههه بس يا بتول كفاية أبوس إيدك ...
إبان بغضب : أنتوا بتتريقوا عليا .. أتشو ..
صافي : هههه .. لا خلاص اقعدي ..
إبان : لا أنا عايزة أنام .....
بتول : ههههه ..بلاش تنامي .. أحسن تكوني من إل "نام مزعلها صحي دفنها "... ههههه
إبان بغضب : بتول غورى من هنا .. أنت وابنك أحسن ...
صافي : ههههه .. لا خلاص أنا هامشي بقا وأبقي أطمن عليكي ... سلام
رحلت صافي تاركة إبان مع بتول
إبان : بقي بتعملي حفلة عليا .. أبقي اتصلي بأمجد يجي يلحقك ...
جرت بتول نحو المطبخ لتختبئ خلف والدتها
إبان : اطلعي يا جبانة .. والله ماشي يا بتول ..
مني : في إيه مالكم ..؟؟
بتول : أبداً يا ماما معملتش حاجة .. دى جزاتي عشان كنت عايزة أطلعك من المود .. مهو خيراً تعمل شراً تلقي ....
في اليوم التالي عادت إبان إلي العمل في الشركة فهي ستستلم عملها الجديد
اتجهت مباشرة نحو مكتب إياس ...وجدت دينا تعمل كالعادة
إبان : صباح الخير ...
دينا : صباح النور ... عاملة إيه دلوقتي ...؟؟
إبان : الحمدلله ... كان عندي صداع بس راح .. و معرفش جالي منين دور البرد ده وخلاني نايمة اليوم كله امبارح ...
دينا : لا ألف مليون سلامة ..
إبان : الله يسلمك ... هو جه ...؟؟
دينا : آه من شوية يعني ... ادخلي هو سأل عليكي وقال خليها تدخل ..
دخلت إبان إلي المكتب وجدته يتابع باهتمام بعض الأوراق
إبان : احم ... صباح الخير يافندم ...
انتبه إياس لوجودها : صباح النور ...
إبان : سوري علي التأخير ..!!
إياس : تمام .. عاملة إيه ..هتقدري تشتغلي ...؟؟
إبان : اها ..الحمدلله ... طب وميعاد فريدة هانم ...؟؟
إياس : هأخدك معايا أنا ومروح .. هي هتقابلك في البيت ...
إبان : إيه تاخدني دى أنت فاكرني عيلة ولا إيه ... أنا لولا روحت البيت قبل كده مكنتش جيت أصلا ...
إياس بخفوت : حتى لو كده مش هينفع دانتي هتبقي مرات أخويا ...
إبان : بتقول حاجة ..؟؟
إياس : لا مبقولش روحي بقا علي مكتبك الجديد ...
دخلت دينا بعد أن طرقت الباب : إياس بيه الآنسة سمر برره وعايزة تقابل حضرتك ...
إياس : سمر .. ودي عايزة إيه دى ...دخليها ..!؟
دخلت سمر لتفاجئ بوجود إبان ... نظرت إليها من أعلي رأسها إلي أخمص قدميها باحتقار ...
إبان بسخرية : إيه عجبتك ...؟؟!!
إياس : روحي أنتي يا إبان ...
إبان : حاضر .. عن إذنك بقا ....
التفت إياس لسمر بعد خروج إبان : عايزة إيه يا سمر ...
سمر : هو أنا مينفعش أجي يعني ..؟؟1
إياس : لا .. بس بعد اللي عملتيه مع مي لو كان عندك دم مكونتش شوفت وشك تاني بعد كده ...
سمر بعتاب : اخص عليك يا إياس ده أنا سمر ...
إياس : مهو عشان أنتي سمر بنت صفية لازم أعمل كده ...
سمر: أنت علطول ظالمني وماما كده ...
إياس بسخرية : طب يا حبيبة أمك جاية ليه بقا ...؟؟
سمر : كنت جاية أخد إجازة عشان الامتحانات قربت ...
إياس : ده علي أساس إنك كنت بتيجي...!!.؟
سمر : مهو أنا قلت هأكمل شغل بعد الكلية هنا ...
إياس : ربنا يسهل روحي أنتي بقا ...
سمر : أوك باي ..
إياس : استغفر الله العظيم ... هو مفيش مبيد حشري للزقة دى ...
في فترة الراحة للغداء
ذهب إياس إلي مكتب إبان الذي تتشاركه مع اثنين آخرين
إياس : يالا يا إبان ...
إبان : ثانية بس لسه مخلصتش الشغل كله ...
إياس : الشغل مش هيطير خليني أمشي ...
إبان وهي تلم أدواتها : حاضر جاية أهو ...
خرجت من المكتب تحت أنظار زميلتيها الغيّرة والحاقدة من تلك لتنعم بمقابلة مع إياس منصور .....
استقلت السيارة معه ليتجهان مباشرة نحو المنزل ...
وصلا بعد مدة من الوقت ليجد سايا تلعب بالألوان كالعادة في الحديقة
صفّر لها إياس : سايا ..
ركضت نحوه : خالو .. وانتبهت لوجود إبان : أنتي .. أنتي .. أنا فاكره الاسم استني ..
إبان : إبان ... اسمي إبان ...
سايا : أيوة افتكرته .. عاملة إيه ..؟؟
إياس : قوليلي فين فريدة ...؟؟
سايا : قاعدة جوه مع خالو مراد وماما كمان ...
إياس بضيق : والزفت سيف فين ...؟؟
انتبهت إبان لطريقة حديثه عن سيف ظنا منها أنه يتحدث عن والده : قلة أدب ..
إياس : بتقولي حاجة ...؟؟!!!
إبان : ها .. لا .. أنا بقول يلا عشان ألحق الشغل ...
إياس : اها .. تمام تعالي .....
دخل وبحث بعينيه عن أحدهم ليصرخ الأخر من حضن جدته : أنا أهو ..
إياس : أنت بتعمل إيه عندك يالا ...؟؟
سيف : قاعد في حاجة ... ؟؟
إياس بوعيد : لا خالص حسابنا بعدين ...
سيف : مين اللي معاك دى يا خالو .. سوزي ولا بوسي ...؟؟!!
فريدة : مدّخل ضيفتك جوه ...
إياس : هو مش أنتي اللي عايزة تقابليها أهي قدامك سليمة ...؟
والمسكينة لا تفهم شيئا في الوسط .. عن ماذا يتحدثون ..؟؟؟!!
فريدة : تعالي يا إبان اقعدي ...؟؟
اتجهت إلي حيث أشارت صامتة محرجة ....
فريدة وهي تشير إلي مي ومراد : دول مي ومراد ابني ...
مراد : أنا شوفتها لما كانت هنا مع سايا ...
أتت الخادمة سعيدة : فريدة هانم الغدا جاهز ...!
فريدة وهي تنهض : قوموا يلا .. سيف مش جاى ... تعالي يا إبان .
إبان : احم ... لا شكرا بالهنا أمشي أنا وأجي في وقت تاني ...!!
فريدة : ليه هو إياس ممكن يعارض ..
إياس : وإيه دخل إياس بقا .. ما إياس قاعد في حاله أهو ... اتجه نحو إبان ليمسك بذراعها ويتجه نحو غرفة الطعام : امشي معايا أنتي كمان ..
مي : ههههه .. حرام البنت والله ....!!
التفوا جميعا نحو الطاولة واختارت كرسيا بعيداً نسبياً عن البقية بجاني الأطفال ....
مي بفضول : هو أنتي اسمك كده إبان يعني .....؟؟
إبان : آه والله اسمي كده ..
مي بتفسير: لا مش قصدي حاجة.. قصدي يعني غريب شوية بس حلو ..
هو مين اللي سماكي وجاب منين الاسم ده ..؟؟
انتبه إياس للحوار فهو يقتله الفضول لمعرفة سر اسمها ولكن الكبرياء يحتج دائما .....
إبان : أصل أنا وأختي الكبيرة الفرق بينا أربع سنين فهي كانت الوحيدة ومدلعة فلما جيت أنا بقا هي اعترضت وكانت رخمه أوى كانت بتحب اللبان جداً فكانت مصرة إنها تسميني لبان .. فبابا اعترض وهي أصرت فدور علي حل وسيط وعرف ده فضرب عصفورين بحجر ... إبان معناه "قبل " عشان أنا جيت قبل ميعادي سبع شهور ومنه إبان يبقي قريب من لبان عشان خاطر أختي ...
مي : والله جدع باباكي ده .. ربنا يحفظهولك ..
صرخت سايا : هي أكيد كانت بتحب لبان ماربيلا ...
إبان : اشمعنا يعني ..؟؟َ!!
سايا : عشان اللي بياكلوا اللبان ده بيبقوا رخمين شبه سيف كده ...
سيف :لا أنا كيوت .. وهي بتقول كده عشان بتحب إياس وبس ..
نهض إياس : أقوم أنا أمشي قبل ما أعمل تصرف مش لطيف ...
نهضت إبان هي الأخرى : تمام ...
فريدة : وهي مش جاية عشان تقابلني فروح أنت وسيبها ...
خرج إياس من المنزل تاركاً إبان مع فريدة بعدما أوصي سايا لتخبره بما سيدور في الحوار بينهما ,.,.,.,.,.