صدمة
أقل ما يقال عندما نتعرض لموقف غير متوقعين حدوثه
تفكير
حلول تأتي من لا وجود لحل تلك الصدمة
ماذا عن الصدمة الكهربية
تيار يسري في أسلاك ليضئ الطرف الأخر
عقل مدبر وقلب يأبي الخضوع
ويظل السؤال دائما
هل سأرفع شعار
"قلبي لك "
في منزل الشافعي
وصل أخو زوج الجارة بسملة ليأخذ أولاد أخيه بعدما علم أن والدته ستظل في المشفى لبعض الوقت .. شكرها علي حسن الضيافة ..
نامت إبان من كثرت التعب لم تفكر قط أن العناية بأطفال تكون بتلك المشقة ؟؟ .. ف تير يبدو عليها الهدوء رغم جنون والدتها
في الصباح استيقظت علي صوت المنبه ليخبرها بأن هناك موعد قريب لذا عليها الاستيقاظ والتجهيز له .." أحمق .. إنها الكلية وحسب . موعد قال"
تجهزت وخرجت لوالدتها وجدتها تعد طعام الإفطار وأختها جالسة علي مقعد أمام الطاولة ..
ألقت عليهم إبان التحية : صباح الخير
= صباح النور
تساءلت بتول : إيه اللي مصحيكي دلوقتي .. دانا قولت هتنامي أسبوع من حالتك اللي كانت امبارح
إبان بضيق : الكلية وقرفها .. وأنا عندي ميعاد مع صافي
بتول : اها .. ابقي سلمي لي عليها ..
تناولت فطورها علي عجلة وخرجت لتستقل سيارة أجرة لتتجه إلي كلية الهندسة ...
أنهت محاضرتها لتذهب إلي موعدها مع صديقتها
تقابلت الصديقتين في مطعم ما
احتضنت صافي إبان فور رؤيتها : وحشتيني أوي يا إبان
بادلتها الأخرى حضنها : وأنتي كمان والله يا صافي
صافي بعد أن جلست : وأما وحشتك يا جزمه ليه مبقتش أشوفك
إبان : مانتي عارفة الكلية وقرفها ..
ضحكت صافي : إبان الشافعي رجعت الكلية تاني دانا لحد دلوقتي مش مصدقة والله !!
إبان : ههههه ولا أنا والله .. بس أهو أحسن من عريس الغفلة إياه
صافي : بقي تكملي قرف التعليم ده وترفضي العريس .. أنتي متعرفيش يعني حب وجواز ..
إبان : ههههه .. لا والله معرفش .. لا أنا متجوزة زى بتول ولا مخطوبة زيك كده ..أنتوا بتسألوا أسئلة غير منطقية ..؟؟!
ضربتها صافي علي كتفها : أبو شكلك بطلي فصلان ووافقي علي عريس من اللي بيجولك ... نفسي أحضر فرحك قبل ما أموت ..
إبان : لا الموت أقربلك هههه ...
صافي : يعد الشر عليا ده حتى محمود خطيبي ممكن يجراله حاجة لو بعدت عنه ..
إبان مازحة : ليه فاكره نفسك البنكرياس .. ههههه
صافي بضيق : فصيلة .. أنا ماشية
إبان : لا خلاص هتكلم جد ... وأخرجت من حقيبتها الظرف الذي وجدته أمام الباب بالأمس : هو ده اللي قولت لك عليه أنا خايفة أوي ده بيتصل بيا لا و بيعرف لو غيرت الخط وبعتلي رسالة مع الميموري "لو سافرتي المريخ فأنتي لي "
أخرجت الميموري من الظرف ووضعته صافي في هاتفها وفتحته
فوجئت بمحتواه ونظرت بهلع إلي تلك القلقة أمامها : يعني بيراقبك .؟؟!
في الشركة
وصل إياس إلي مكتبه ووجد سمر تجلس أمام دينا بهدوء
ألقي عليهما التحية ودخل إلي مكتبه
دخلت خلفه دينا وبقيت سمر في الخارج
تساءل إياس : أنتي مش قولتى إنها مش هتيجي تاني ؟؟1
دينا : والله ده اللي كنت مفكراه بعد حالتها امبارح بس مش عارفة النهاردة متغيرة .. مسألتش عليك هتيجي امتي حتى ومن أول ما جات وهي قاعدة كده ..
= اها .. تمام خليها تدخل
خرجت دينا وسمحت لسمر بالدخول
حاولت سمر التماسك وإبادة التوتر والخوف فربما تكون تلك المرة التي تكون معه وحدها أو التي يسمح لها بذلك ..
سمر برسمية : صباح الخير يافندم .
تعجب إياس من تغيرها ومع ذلك أخفاه ببراعة : صباح النور ..اقعدي
جلست علي الكرسي الذي أمامه : بصي أنا هعلمك الأساسيات و هتكملي مع إسلام .. ومن غير كلام كتير هنبدأ النهاردة بأقل حاجة
أمسك بعض الأوراق وظل يشرح لها بعض الأشياء وتوقف فجأة
نظرت له بتساؤل فرد : احم .. روحي طبقي ده بقي دينا هتدلك علي المكتب اللي هتقعدي فيه ..
أومأت موافقة وخرجت لدينا التي أخذتها إلي مكتب مشترك به 3 مكاتب أخري جالس عليهما فتاة وشاب
دينا معرفة : دى سمر وهتكون معاكم هنا ..وأشارت للأخريين : وده عمرو ودي سمية ..
ابتسمت سمر بمجاملة : تشرفت
تقدمت منها سمية : امممم . و دى إيه بقا ؟؟!
دينا : متدربة .. من طرف إياس بيه
سمية بسخرية : من طرف إياس بيه ليه بقا تطلع مين ؟؟!
تولت سمر الرد : أنا أبقي بنت عمه .. بس مش عايزاكم تعاملوني علي الأساس ده خالص ..
صدمة حلت علي الموجودين .. أيعقل أن تكون هكذا ؟؟!
تركتهما واتجهت إلي مكتبها الذي دلته عليها دينا ؟!
مر أسبوع علي نفس المنوال
** فإياس مازال يتابع قضية إبان ومنتظر الحكم عليها حتى يستطيع رد لها الصاع ....
.. وإبان تدرس لقرب امتحاناتها مع قلقها الذي يتزايد كلما طال غياب والدها تلك المرة فدائما ما تأتي إجازته مبكرة فلما الغياب الآن
... أما سمر مازالت تتدرب تحت أيدي إياس الذي أحيانا ما يرسلها إلي إسلام صديقه وتنفذ نصائح مي المتكررة عن كسب إياس في صفها
... ومازال المجهول يرسل لإبان الرسائل والاتصالات التي لا تتوقف
وهي مازالت تبحث عنه سريا مع صافي ولكن النتيجة واحدة "غير مسجل"
ويظل السؤال قائما
متى سيتوقف العقل عن التفكير
ويرفع القلب شعار
"سأظل لك "
أنت تقرأ
قلبي لك الجزء الاول للكاتبه أميرة صلاح
Romantizmجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح
