قلبي لك الجزء الاول للكاتبه أميرة صلاح

الفصل الرابع عشر

غضب وصراخ 

عذاب يتبعه عذاب
بئسا لقلب ارتوي من العذاب ما يكفي ومازال ينبض لك
عشقك تغلل ومازال يسيطر
عقل وقلب أبوا الاتفاق
عقل يرفض السيطرة
وقلب ينازع للحياة
وما بينهما أنا أموت شوقا لك
اصمت ولا تتحدث
فقد رفعت لك شعار
منذ الأزل بأني
"قلبي لك "

كان الحوار ساخنا بين ثلاثتهم واشتعل أكثر عندما ألقت إليهما صافي قنبلة " الحمل " لتجعل أخيرا إياس وإبان يتفقا علي شئ
صرخا معا : إيه ؟؟!
إياس بعصبية : أنتي بتقولي ... أنتي اتجننتي ؟؟!
إبان بغضب : شكلك لسعتي وبقيتي بتخرفي ؟؟؟
اقتربت صافي من إبان وهمست لها : كملي بس الحوار وأنا هارسيكي عليه بعدين ...
همست بضيق : أنتي اتجننتي يا صافي .. حامل ...
صافي : اسمعي اللي بقولك عليه وبعدين هقولك ..
إياس : أنتوا اتهبلتوا صح ... أنا أعرفك يا بت أنتي عشان توصل للحمل .
صافي : ومش بس كده إحنا هنطلع ونقول للصحافة وتوصل للطب الشرعي كمان ولا وإيه هنرفع عليك قضية نسب ويطلع الواد ابنك وتطلب بقا جواز ونفقة ومصاريف الواد وتعمل معاها يجي بتاع 5 مليون جنيه ..
إبان : أيوة وكمان هاقول لأمك ..
إياس بغضب : وأمي إيه اللي دخلها في الموضوع دلوقتي ..؟؟!
إبان : و هقولها إنك عملت محضر في القسم بعد ما عرفت إني حامل منك وطبعا هتصدقني عشان أنا معملتش حاجة فيك ..
إياس : أنا معملتش محضر هما اللي طلبوا وأنا نفذت ..
إبان بسخرية : ده من امتي البراءة دى بقا ...؟؟!
إياس وهو يشير لهما : اسمعوا أنتوا الاتنين أنا مبخافش واللي عندكم اعملوه .. أصلا أنا معرفهاش وكمان مفيش إثبات علي حملك ده ..
صافي : لا متخافش أنا عندي دكتور معرفة هيخلص لنا كل حاجة ...
إياس بغضب : ده أنتوا طابخينها سوا بقا ..
إبان ببرود : ده اللي عندنا بقا وإن كان عاجبك يا أخ ..
إياس : أهي قالت يا أخ .. يعني مينفعش واحدة تحمل من أخوها ..
إبان بغضب : أنت بتمسك في الكلمة ليه ؟؟!!
صافي : ده اللي عندنا وإلا هنطلع من هنا ونروح عند مدام فريدة ..
إياس : وإيه اللي يضمن لي إنكم مش هتبقوا قد كلامكم ..؟؟
إبان بغرور : كلمة مني ليك ... زى ما بيقولوا كلمة شرف ..
إياس بسخرية : شرف إيه ده من واحدة جاية تدبس واحد في حملها .
إبان بغضب : لم نفسك يالا .. واعرف كويس أنت بتكلم مين ؟؟!!
إياس : إيه وزير الشباب قدامي ؟؟!!
إبان : لا أنا أحسن منه طبعا ...
صافي بصراخ: بس بقا أنتوا الاتنين إحنا مش ممكن نبقي أندال وأنت كنت أد كلمتك .. وعملت اللي طلبناه ...
إياس : موافق بس بشرط ..
إبان بغيظ: وأنا مش موافقة علي شرطك ..
صافي نهرتها : ما تسكتي .. اتفضل قول ..
إياس : أنا مش مطمن للبت دى عشان كده هتبقي تحت عنيا 24 ساعة ..
إبان : يعني إيه ..؟؟ هتراقبني ؟؟!!
إياس : ازاى مش عارف .. بس مش مطمنلك الصراحة ..
صافي : ماشي إحنا موافقين شوف عايز وإحنا هنفذه ..
إياس : اتفقنا ... ازاى بقا لسه مش عارف .. عشان كده سيبي رقم تليفونك وأنا هقولك ازاى ؟؟!!
إبان : مادام مامتك عرفت عنواني .. تقدر تجيب نمرة تليفوني .. سلام بقا .
وخرجتا تاركتاه يغلي من الغضب كيف علموا بأمر والدته وأنها ستساندهما ... سحقا ... لم يجد سوي أخيه ليخفف عنه
ضحكة ساخرة مدوية اخترقت أذن إياس عندما كان يتحدث مع أخيه وقص عليه ما دار في الحوار كله
يوسف : ههههه .. يعني لبسوك العِمّة يا بطة ..
إياس بغضب : ما تتلم يالا يعني أنا ناقص ..
يوسف بسخرية: وهي تعرف أمك منين عشان تروح تقولها ؟؟!!
إياس بضيق : راحت عندها البيت وقابلتها عشان تديها الورق ...
يوسف بتساؤل : وأنت هتعمل إيه يعني ؟؟
إياس : زى ما قولتلك هخليها تحت عينيا عشان مش مطمنلها ..
يوسف : خلاص علمها الأدب ..
إياس : ده اللي هو ازاى ..
يوسف : خليها تشتغل عندك شغلانه تخليها تحت عنيك دايما ..؟
إياس : اللي هي إيه يعني أنا عندي دينا ومش هقدر أستغني عنها ..
يوسف : يبقي تشغلها مساعدة ليك ..حاجة كده شبه مدير الأعمال .. واهي تبقي تحت عنيك ...
إياس : تصدق فكرة بس برضو أنا هعمل إيه معاها يعني ؟؟!
يوسف : دى بتبقي مسئولة عن كل المواعيد بتاعتك وبما إنها مش سكرتيرتك في الشركة خليها للمواعيد البيرسونال ...
إياس : واهي تمسك عليا ذلة مهي ناقصة ..
يوسف : بس يالا .. مانت فكرها دايما بالشيكات اللي عليها ..
إياس : طب هاشوف ماشي ...
يوسف : بقولك .. ابعتلي فلوس عشان مصاريف المدرسة بتاعت أدم ..
إياس : وهو أنا كنت أبوك أو خلفتك ونسيتك ..
يوسف : دانا لسه قايلك علي فكرة .. فخلي عندك دم وابعت ...
إياس بضيق: أما أنت عاطل ما تيجي مصر وتلم نفسك ...
يوسف : أنت هتذلني يالا ابعت وأنت ساكت ..
إياس : اووف .. ماشي .. سلام
أغلق الهاتف وخرج من مكتبه
إياس : دينا أنا خارج نصاية كده وراجع .. لو جه إسلام خليه يستناني .
دينا : حاضر يافندم ...
خرج إياس من الشركة متجها للبنك ليحول لأخيه المال الذي يريده