جهزت إبان حقيبتها لتستعد للسفر بعد موافقة والديها علي ذلك عندما أخبرتهم بأنها ستسافر مع رئيسها في العمل لرؤية بعض الأعمال .. وإخبارها لوالدها بالحقيقة فقط .....
اطمأن عليها عندما علم بما فعله إياس طول الفترة الماضية في المشفى
استعدت إبان جيداً واتجهت مغادرة نحو المطار ....,,...
قابلت إياس في المطار بعدما أصرت هي للذهاب وحدها والتقائهما في المطار ....
تقابلا وليتجها نحو الطائرة ومغادرة أم الدنيا مصر " يا بختهم وعقبالي "..
استقلا الطائرة لتقلع متجهة نحو دبي ......
وصلا هناك بعد مدة من الوقت .. استقلا سيارة خاصة متجهين نحو الفندق الذي حجز فيه إياس لثلاث أفراد .....
وصلا هناك ليتجها نحو الاستقبال ...
الموظف : أهلا بك سيدي ...
إياس : في أوضتين محجوزين باسم إياس منصور ...
بحث الموظف علي الجهاز عن اسم إياس : نعم يافندم وأيضاً هناك أحدهم يسأل عنك ...
التفتت للجهة التي أشار إليها الموظف ليجد المحامي " سمير " جالسا في الاستراحة ...
إياس : إبان ... تعالي معايا ...
إبان :أجي فين ..؟
إياس: تعالي بس ....
اتجها معا نحو الاستراحة الجالس بها المحامي سمير ...
إياس : ازيك يا سمير. ..
سمير : أهلا وسهلا يافندم ......حمدلله علي السلامة ....
إياس: الله يسلمك يا سمير .. تعبتك معايا ...
سمير :ولا تعب ولا حاجة يافندم ....
إياس : تمام .. دى الآنسة إبان الشافعي ...أظن اتقابلتوا قبل كده ...
سمير :أيوة .. دى الآنسة بتاعت القضية ...صح ؟!
لعنه إياس في سره لذكره الموضوع .في حين أكدت إبان قائلة :أيوة أنا .
سمير : احم .. أهلا وسهلا ...
إبان :أهلاً بحضرتك ....
إياس : إحنا هنطلع نرتاح دلوقتي .. وبالليل بقا نتقابل عشان نعرفك الموضوع كله ...
سمير : تمام يافندم ...
إبان : طب ماحنا فيها أهو ...
إياس :أظن إن أنتي أكتر واحدة محتاجة الراحة دى .....
إبان : ماشي .. يلا ..
إياس: اتفقنا يا سمير ...
سمير : تمام يا إياس بيه .. نتقابل بالليل إن شاء الله ,,,.
إياس : تمام ..سلام ...
اتجها نحو الاستقبال وأخذا مفتاحي الغرفة لينعما ببعض الراحة ..
في المساء اجتمعوا جميعاً في مطعم الفندق ...
سمير : طب تمام .. حضرتك اطمني وكمان الورق اللي معاكي هيفيدنا بكتير ...
إبان : طب هو هياخد وقت كتير ...
سمير :عادة دى قضية كبيرة وهتاخد وقت كتير جداً ... لكن أنتوا مش مطلوبين منكم تقعدوا هنا ... لو القضية هتقدميها باسمك أنتي يبقي مطلوب منك تدلي بشهادتك في المحكمة ... وأنتي متعرفيش حاجة عن الموضوع ده فبكده القضية هتكون باسم الأستاذ مصطفي والد حضرتك ....
إياس :إيه يا سمير اللي بتقوله ده . مش هتقدر تخلص لموضوع لوحدك ..
سمير :والله يا إياس بيه ده كله بيتوقف علي الأوراق اللي معاكم ....
إبان : أنا معرفش إيه في الورق ده ...؟!
إياس : خلاص بكرة الصبح نروح للراجل ده ونشوفه وكمان نجيب الورق منه ويمكن يكون يعرف حاجة عن الشركة دى ...,,
سمير :طب تمام .. إحنا نروح الصبح .. وكمان يكون يوسف بيه جه
إبان : مين يوسف ده ...؟
إياس: ده يوسف أخويا .. هيبقي مع سمير في القضية هو محامي ...
إبان : اها تمام .......
إياس : تصبح علي خير بقا يا سمير والصبح إن شاء الله نتقابل ,,,
سمير: تمام يافندم ...... عن إذنكم ...
إياس: أنتي هتنامي دلوقتي ....؟؟
إبان : الصراحة أنا نمت كتير بالنهار ومعتقدش إني هأنام دلوقتي ...
إياس :طب إيه رأيك تيجي نتمشي شوية ...
إبان : حلوة الفكرة بس يعني ....
أكمل إياس : يعني عشان جايين لموضوع مش ولا بد يعني ..أومأت برأسها فأكمل هو : ياستي هتتحل إن شاء الله .. طالما مع إياس منصور يبقي أنتي في المضمون ......
إبان : ههههههه .. بجد ..أول مرة أعرف ...
إياس : أي خدمة ياستي... .يلا ..
إبان : ماشي ...يلا ..! .
فرحة غامرة بداخل كلاً منهما ..فهذه أول مرة معاً بعيداً عن العمل ...
بما إن إياس أتي إلي هنا من قبل فهو يعرف أكثر الأماكن التي يمكن أن تسعدها ... أخذها إلي سطح الفندق المطل علي النافورة ..
رأتها ودهشت من المنظر فتلك أول مرة تري نافورة بهذا الجمال ..
إبان : سبحان الله ... تحفة يا إياس بجد ..
إياس : طب كويس إنها عجبتك ...
إبان : جداً ... ينفع نعقد شوية هنا ....؟؟
إياس :آه طبعاً ....بس خايف لتنامي هنا ...!؟
إبان : ههههه .. لا طبعا متخافش ..,,..
ظلا جالسين إلي ما يقرب الساعتين شعرا فيها بإحساس مختلف وجميل, .
فهو تأكد أنه لا يمكن أن يحيا بدونها بعد الآن ....
وهي الآن تشعر بالأمان وشعورٌ أخر جميل .......
إياس : أنا بقول يلا ..أحسن تنامي مني ......
إبان : وأنا برضو بقول كده ...
غادرا المكان متجهين نحو فندق إقامتهما بعد ليلة أمضياها سوياً لتدخل عالم ذكرياتهما .......
في الصباح استيقظا ونزلا سويا إلي مطعم الفندق لتناول الفطور معا كما طلب إياس ....
إياس: ها .. تفطري إيه ...؟
إبان : أي حاجة ... علي ذوقك مثلاُ..,؟,؟
إياس : امممم .. شكلك عجبتك ليلة امبارح ...؟!
إبان : مش هأكدب والله ... كان المكان تحفة .......
إياس : أي خدمة ياستي ...
تناولا الإفطار معا قبل أن يأتي سمير ويتجها نحو صاحب والد إبان .
في المشفى ...
أصر أمجد علي معرفة سبب إبان للسفر وليس كما قيل أمامهم ....
أمجد : عمي ..حضرتك عارف أني شغال ظابط وقبل ده أنا مش عيل عشان يصدق أي كلمتين يتقالوا ... فريحني بقا وقولي السبب..
مصطفي : هو أنت هطلع اللي بتعملهم بتول فيك عليا ....
أمجد : سيبك من بتول ... أنا عارف إنك مخبي عليهم .. فأنا بديك الوعد أهو إني مش هأقول لحد ......
مصطفي : طب ماشي ... اقفل الباب بقا .....
أغلق الباب وعاد إلي مكانه : قفلت الباب أهو ...قول بقا ..
قص عليه كل ما جري له في دبي وأيضاً سبب سفر إبان ومعها إياس منصور .....,,
أمجد : وحضرتك ملقتش غير إياس منصور .....؟؟
مصطفي : ماله بقا إياس منصور ... حماتك قالتلي إنه كان هنا من أول ما جيت المستشفي .....
أمجد : أصل حضرتك مش عارف إيه اللي حصل مع إبان بسبب إياس منصور ده ....؟
مصطفي : طب قولي بقا إيه اللي حصل ....؟
أمجد :...............
في قصر سيف منصور ....
جلست فريدة في الحديقة كعادتها وبصحبتها ابنتها مي .....
مي : يعني برضو مش عايزة قوليلي إياس فين ...؟
فريدة بضجر :يووه يا مي .. بقيتي زنانة أوي ....
مي : لا مانا عايزة أعرف أخويا فين ...؟
فريدة بضيق : هو حد قالك إنه مخطوف مثلاً ...!!
مي : يبقي ليه مش عايزة تقوليلي في إيه ....وهو فين ......؟
فريدة : إياس في دبي ...
مي : دبي .!!!.. بيعمل إيه في دبي بقا ..؟؟
فريدة : يا ربي عليكي يا مي .. حاضر هأقولك ...... إياس في دبي مع إبان ... وليه معرفش .ارتاحتي .؟..؟
مي : مع إبان ........؟؟.. وكمان متعرفيش .. مش يمكن اتجوزها من ورانا وراح يقضي شهر العسل ....
فريدة : أهو تعرفي بقا لو كان عمل كده عمري ما هزعل منه ..
مي :يالهوي يا ماما ... إياس اتجوز ....
فريدة : اتجوز إيه يابت الهبله ..... اتجوز واحدة أبوها في المستشفي وكمان لسه قدامه العلاج طويل .....
مي : مش أنتي اللي بتقولي كده طيب.
فريدة :روحي يا مي شوفي عيالك فين أحسن .....!
مي : خلاص سكت أهو ... بس لما يتصل خليني أكلمه ..
فريدة: حاضر ...هأخليكي تكلميه ....روحي بقا شوفي عيالك فين وبيعملوا إيه ...روحي .....؟
قامت من مكانها غاضبة ..لم لا تريد إخباري بالحقيقة ولم إياس سافر مع إبان .....لوحدهما ........؟
أمام كلية التجارة وقف مراد منتظراً خروج سمر من أخر امتحاناتها ,,
بمجرد أن رآها اتجه نحوها ....
مراد : سمر .. سمر استني .....
التفتت سمر لمصدر الصوت فرأته مراد فرددت بتعجب : مراد ...أنت بتعمل إيه هنا ......؟
مراد : الصراحة كنت مستنيكي ....!
سمر : مستنيني أنا ..ليه في حاجة ,.؟؟.
مراد : أيوة كنت عايزك في موضوع كده ... قوليلي وراكي حاجة دلوقتي .......؟؟
سمر : أنا لا .. كنت مروحة علي البيت ....!
مراد : طب خلاص تعالي نتكلم في أي مكان ...
سمر : ماشي ... يلا ...
استقلا سيارة مراد متجهين نحو أحد المطاعم الهادئة ....
مراد : تشربي إيه ....؟
سمر :أي حاجة فريش ....
أشار للنادل فقدم الأخير : لو سمحت .ممكن عصير برتقان وقهوة مظبوطة ..؟
النادل : تحت أمرك يافندم ....!
سمر : خير يا مراد .. موضوع إيه ده اللي عايزني فيه ...؟
مراد :هو أنتي كده خلصتي دراسة ولا ناوية علي حاجة تانية ...؟؟
سمر : زى مانت عارف إني بشتغل في الشركة ...!
مراد : لا قصدي حاجة غير الشغل .. ناوية تكملي دراسات عليا ..
سمر : لا خالص .. دانا ما صدقت خلصت من الكلية ..!
مراد : طب كويس ....
سمر : إيه اللي كويس فيه .؟!
مراد : بصي من الأخر كده أنا عايزة أخطبك ......
سمر : ...........
في دبي ......
جلس إياس وإبان في بيت الرجل صاحب مصطفي ....
إبان : أولا ... أنا بشكر حضرتك جداً. علي إنك ساعدت بابا ..
الرجل : عيب والله يا بنتي .. مصطفي كان مو مجرد صديق ..أنا كنت بعتبره دايما إنه أخ بالنسبة إلي ..
إبان : ولو لي الشرف إنه يكون عندي عم زى حضرتك ...
الرجل : ههههه ...يبقي أنتي أكيد إبان مو هيك ....؟؟
إبان : أيوة أنا هي ......
الرجل : مصطفي كان دايما يحكي عنك ... عنجد يا بنتي هو محظوظ فيكي كتير متل ما سمعت منه ...
إبان : ههههه .. وأنا والله دايما ببقي فخورة بيه ...... عشان كده أنا هنا دلوقتي ....
الرجل : الله يوفقك يا بنتي .. وأبقي خليني شوفك قبل ما ترجعي علي بلدك
إبان : إن شاء الله يا عمو ....
أخذت الأوراق منه ورحلت مع إياس وسمير اللذين كانا يقفان في الخارج بعدما أصرت بالدخول لوحدها ......
سمير : كده يبقي تمام ... نبدأ من دلوقتي لو تحبوا ...
إبان : ياريت والله يا متر ....
إياس: تمام يا سمير ...
رن هاتفه باسم والدته .فاستأذن منهما ليتحدث بعيداً وعينيه تراقبان ملامح إبان حتى إذا تغيرت فيلاحظها هو ....
إياس :ألو ...ازيك يا ماما ...؟
فريدة :أنا الحمدلله كويسة ... طمني عليك أنت ...؟
إياس : أنا كويس ... قوليلي كل حاجة تمام عندك ...
فريدة: أيوة الحمدلله ..قولي راجع امتي ...؟
إياس : لسه مش عارف ... علي حسب الظروف .....
فريدة : ماشي.. أبقي طمني عليك دايما ...فاهم ...؟
إياس: ههههه .. حاضر يا ست الكل ..سلام ..
-مع السلامة يا حبيبي. ........
عاد إليهما بعدما أنهي المكالمة مع والدته .......
سمير : لحد دلوقتي الأمور في صالحنا .......
إبان : ليه وبعد كده ...... الورق اللي مع حضرتك يجيب إعدام ..
سمير : فاهم والله كده .... هما عملوا حسابات وهمية وده اللي بتثبته الأوراق اللي معانا دى ... لكن هما ممكن يلعبوا في حاجات أكتر ... والأهم من ده شهادة والدك ...بيتوقف عليها حاجات كتيرة أوي ..
إياس : طب هو هييجي ازاى .....
سمير : أنا ممكن أقدم التماس للمحكمة وكمان تقارير والدك الطبية هتثبت ده كمان ..... ولازم نعمل ده في أسرع وقت قبل هما ما يقدروا يتصرفوا .
إبان : طب شهادة بابا هتبقي ازاى ..؟.....
سمير :أظن اللي هيعملوه هما هيبعتوا مندوب من الشرطة عشان يسجل الشهادة أو يخلوها بث مباشر في المحكمة .....
إياس : طب تمام كده ... نطمن يعني ...
سمير : إن شاء الله ....
إبان : متشكرة يا أستاذ سمير .. مش عارفة أقول لحضرتك إيه ..؟
سمير : لا شكر علي واجب ده شغلي .. وبعدين الشكر كله لإياس بيه .
إياس : لا عادي يعني ..... شد حيلك معانا يا سمير ..
سمير : إن شاء الله يا إياس بيه .....
في القصر
عاد مراد إلي القصر بعد لقائه مع سمر ......
لم يجد والدته جالسة كعادتها في مكانها المفضل في الحديقة ...
اتجه نحو المطبخ ليسأل الخادمة عليها فوجدها تعد كوب قهوة ..
مراد :ماما .... هو حضرتك هنا ..؟
فريدة : خير يا مراد ... كنت عايز حاجة ....؟
مراد : أيوة كنت عايز حضرتك في موضوع ...بتعملي لمين قهوة ..؟
فريدة : بعمل القهوة لأبوك ...
مراد : هو بابا هنا .....؟
فريدة :أيوة جه من شوية ...
مراد : طب خلاص ..أنا هاطلع أشوفه ...
فريدة : ماشي يا حبيبي .. وأنا ثواني وجاية ..
مراد : ماشي ,,,.
صعد مراد نحو غرفة المكتب وطرق الباب قبل الدخول...
سيف : مراد .. تعالي ......
مراد : احم ... هو حضرتك فاضي دلوقتي ....؟
سيف : أيوة فاضي .. ليه في حاجة ..
مراد : الصراحة كنت عايزك في موضوع .....
سيف : موضوع إيه ده .......؟
أتت فريدة أيضا حاملة كوب القهوة الخاصة بزوجها ....
مراد: كويس إنك جيتي كمان ...
فريدة : أيوة بقا .. موضوع إيه ده ........؟
مراد : أنا خلصت كلية خلاص ولو علي الشغل يعني فأنا ممكن أشتغل في الشركة ...
سيف : مراد ..ادخل في الموضوع علطول ....
مراد : أنا من الأخر كده عايز أتجوز ........
فريدة بفرحة : بتتكلم بجد يا مراد ....
مراد : أيوة يا ماما .. بتكلم بجد ...!
سيف : ومين بقا سعيدة الحظ .......
مراد : احم .. سمر .....
فريدة : سمر مين ,....؟
مراد : سمر يا ماما .. سمر بنت عم مختار ....
فريدة : عايز تتجوز سمر بنت صفية ..... لا يمكن أبداً.
أنت تقرأ
قلبي لك الجزء الاول للكاتبه أميرة صلاح
Storie d'amoreجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح
