لعبة القدر
نظنه شرا فيأتي بالخير
حياة
يعطيها لنا بعد جفاف للروح
قلب
يعيد نبضه من جديد بعد توقف
عقل
يحاول إعادة سيطرته علي الجسد بأكمله
وقلب يعارض ويصرخ بكل قوته بأني
"قلبي لك "
في القصر
جلست فريدة بجوار ابنتها مي تقص عليها حوارها مع أدم وما قاله لها إياس بعد انتهاء مكالمته مع أخيه........
مي بفرحة : بجد يا ماما يعني يوسف هيجي ...
فريدة مؤكدة : أيوة .. بس مش قبل ما بيري تخلص امتحاناتها ..
مي : أنا مش مصدقة أنه هيرجع تاني وأخيرا ...
أخيرا تؤامها سيعود . لكن بم سيعود وكيف .. أيعود أخاها أم تؤامها .. أو .. صديق أخيها ..؟؟؟!
غصة مريرة أصابت قلبها .. هل تغير لهذا الحد ربما فأكثر من عشرون عاما هو بعيد عنها فقط تسمع عنه من أمها التي كانت تزوره أحيانا أو من إياس الوحيد الذي كان علي اتصال دائم به .... .. ولكن لم اللوم الآن ؟؟!
تبدلت ملامحها الفرحة إلي أخرى حزينة منكسرة .. رأتها والدتها فلا تعلم من تلوم ... الزمن قادر علي المعالجة ..
فريدة : مي .. أخبار سيف إيه ؟؟!
مي : تعرفي يا ماما هو زعلان جدا عشان المعسكر هيطول المرة دى عشان عندهم مباراة الشهر الجاى ..
فريدة : هو مش بيحب كرة القدم خلاص بقا يستحمل .؟؟!!
مي : ههههه .. لا حرام يا ماما هتبقي أنتي وإياس عليه ..؟
فريدة : بمناسبة إياس عايزاكي تقولي لباسم ياخد باله منه؟؟!
مي بدهشة : ياخد باله منه ..!!؟ ... قصدك إيه يا ماما ؟؟!
فريدة : مانا قولتلك إنه بيعمل حاجة وأنا عايزة أعرفها ..
مي : مش عارفة .. طب أبقي أقوله وربنا يستر ..
فريدة وهي تحثها علي النهوض : طب قومي اتعشي معانا قبل ما تروحي
قامت مي واتجهت معها إلي الداخل
وجدت سايا تلعب بالألوان وإياس نائم علي الأريكة أمامها
مي بتساؤل : أنتي بتعملي إيه .. وإيه نيم إياس كده .......
سايا بانزعاج : نام وأنا برسمه . وحاولت أصحيه مرضيش ..
مي بعتاب : وأنتي مش شايفة إنه تعبان .. شكلك وحشك الشبشب .
سايا بضيق : آه . مانا عارفة إن أخرتها كده .. بقولك إيه يا ماما أنا جعانة.
فريدة : خلاص يا مي تعالي يا حبيبتي عشان تآكلي .. وأنا هصحي إياس ونيجي وراكم ..
اقتربت من إياس النائم بعمق : إياس .. إياس
لم يستيقظ . فاقتربت منه ولكن توقفت وهي تري فزعه ..
سايا بصراخ بالقرب من أذنه : إياااااس
انتفض فزعا من نومه ..: في إيه ؟؟1
سايا : ههههه لا مفيش بس قوم عشان تاكل
إياس بغضب : وهو فيه حد يصحا علي صوت صراخ
رفعت كتفيها بلامبالاة : معرفش بقي ؟.. بس دى طريقتي في إني أصحي حد ...
نظر إليها بغضب والتفت إلي مي : خد بنتك من قدامي بدل مقتلها
عنفتها مي : مش هتبطلي طريقتك الهمجية دى ..
انزعجت سايا واكتفت بالصمت بعد أن نظرت إليها بضيق وتركتهم ورحلت ...
فريدة بلوم : إيه يا مي طريقتك دى يا حبيبتي
مي : أعمل إيه يعني .. مش هتبطل غير بكده
فريدة : لا أنتي محتاجة قاعدة .. بعد العشا لو مجاش باسم أبقي نقعد
فريدة موجهة كلامها لإياس : وأنت قوم اغسل وشك وتعالي العشا جاهز .
أومأ برأسه موافقا واتجه إلي الحمام ليغتسل ...
خرج بعد قليل لينضم إليهم علي الطاولة وجد سايا تجلس بعيدا نسبيا عنهما
جذبها من كرسيها ليجلسها علي قدميه
إياس : حبيبي زعلان ليه ؟؟!
تعجبت منه هو السبب ويسأل عن السبب . أبعدت وجهها عنه
إياس : هو في حد يزعل من حبيبه برضو ... طب لو فضلتي كده مش هخليكي ترسميني وأنا لسه صاحي ..
سايا : وإيه اللي يخليني أصدقك يعني ؟؟!
إياس بتفكير : اتصال بأبوكي مثلا أقوله إنكم قاعدين معانا النهاردة ..
سايا بفرحة : بجد .. طب يالا اتصل كده..
أخرج هاتفه وقام بالاتصال برقم باسم وأخبره بمكوثهما معهم اليوم وبعد محاولات عدة وافق باسم علي بقاء سايا فقط وسيأتي بعد قليل ليأخذ مي
أنهي المكالمة واحتضنته سايا بقوة مع قبلة علي وجنته ..
سايا بفرحة : حبيبي يا خالو أنا بحبك أوى
إياس : ههههه وأنا بموت في العسل .. يالا بقا عشان تآكلي مع خالو ماشي ..
= اشطا ..
انتهوا من تناول العشاء مع مشاكسات إياس لسايا ... وبعده أتي باسم ليأخذ مي معه إلي منزلهما ....
أنت تقرأ
قلبي لك الجزء الاول للكاتبه أميرة صلاح
Romantizmجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح
