قلبي لك الجزء الاول للكاتبه أميرة صلاح

الفصل الحادي والثلاثين والأخير

ذهبت إبان لملاقاة فريدة في المكان الذي حددته من قبل .
إبان : خير يا طنط ..إيه السرية دى كلها ...؟
فريدة : قبل ما أبدأ ..عايزة أعرف ... في إيه بينكم ..؟
إبان : في إيه يعني ....؟
فريدة : بينك وبين إياس في مشكلة عايزة أعرفها عشان نشوف هنحلها ازاى ...
إبان : لا عادي مشكلة إيه دى يعني. .......؟
فريدة : إبان أنا مش هبله ولا صغيرة أنا أقدر أفهم إياس ابني كويس .. هو فرحان ومبسوط بس أنتي اللي مش مبسوطة بالخطوبة دى ...
إبان ببكاء : لأنها ببساطة مش خطوبة ده اتفاق ...
فريدة : طب اهدي وقوليلي اتفاق إيه ده ...........؟
إبان : اتفاق عمله هو .... قالي لو وافقت علي الخطوبة دى لفترة هيوافق يعملي اللي أنا عايزاه .وبالمقابل أنا أخدت الشيكات ....
فريدة : وليه متقوليش إنها مجرد خطوة خدها عشان يقدر يعمل كده .
إبان : لا هو عمل كده عشان عرف إني بحبه واستغل ده ضدي زى ما قلتي حضرتك قبل كده ...
فريدة : مش مهم إنه عرف المهم إنك أنتي تعرفي إنه هو بيحبك ..
إبان : لو كان بيحبني بصحيح كان جه يتقدم من غير الاتفاق ده وهو عارف إني بحبه ....
فريدة : ليه إيه اللي حصل قبل كده يعني .........؟
صمتت إبان مع تورد وجنتيها بحمرة الخجل .....
فريدة : نهارك أسود هي وصلت لكده .....؟
إبان : أبداً والله .. مش اللي في بالك ده .... وأخبرتها بما حدث .
فريدة : امممم ... ده بدل ما تضربيه بشاكوش ....
إبان : احم ...ده اللي حصل بقا .....
فريدة : طب بصي بقا ...أنا عايزاك تتطفشي البنات اللي حواليه ...
إبان : دول من كترهم معرفش أفرق بينهم ...
فريدة : هتستخدمي كيد النسا .......
في الشركة ...
ظل يجوب غرفة المكتب ذهاباً وإياباً وهو يفكر بمن ستلتقي .. من تلك المهمة التي رفضت إخباره عن اسمها فقط أخبرته بأنها صديقة ..
هو يعرف صافي ولكنه أيضاً علي علم بأنها مسافرة للخارج مع عائلتها .إذاً من تكون تلك المجهولة ....
قطع أفكاره طرقات الباب ودخول إبان ...
إياس: كل ده كنتي فين .............؟
إبان : إيه ده مش أنا قايلالك إني رايحة أقابل واحدة صاحبتي يا إياس ..
إياس فقط .. هي مازالت تحتفظ بالرسمية بينهما حتى عندما يكون معها أثناء زيارتها في منزلهم ...
إياس : آه افتكرت ....
إبان : المهم كنت عايزة منك خدمة
إياس :إيه هي ...؟
إبان: الصراحة كده أنا مخنوقة من البيت للشغل ومش بخرج فكنت عايز أخرج ...إيه رأيك نخرج نتعشى سوا .النهاردة ..
إياس : نتعشى سوا أنا وأنتي ....
إبان :اها ...إيه رأيك .....؟
إياس : أنتي كويسة يا إبان ....؟
إبان : زى الفل كمان ...ها هتخرج معايا ولا أخرج لوحدى ..؟
إياس: لا طبعا تخرجي لوحدك إيه ...أعدي عليكي الساعة كام ..
إبان : حلو سبعة ..سلام يا إيسو ...
في البداية إياس فقط وبعدها إيسو ..تلك الفتاة ستجنني حقا .. ما سر هذا التغيير ..
في المساء ..
جهزت نفسها جيداً فارتدت أفضل ما عندها ..وانتظرت قدومه ..
سمعت جرس الباب يرن فخمنت أن يكون هو وبالفعل تأكدت عندما سمعت صوته وهو يسلم علي والديها .فأنهت ما كانت تفعله لتخرج إليه .
إبان : هاي يا إياس ازيك ....؟
إياس : الحمدلله ..جاهزة ...
مني : مش قبل ما تشرب حاجة ....!
إياس : متشكر يا طنط ..بس عشان نرجع بدري ...
مصطفي :براحتك يابني ... خلوا بالكم من نفسكم ...
إياس : عن إذنكم ...
انطلق بسيارته حتى وصل لمطعم كان قد حجز به من قبل ...
إياس : ها تأكلي ولا تحبي تشربي حاجة الأول ..؟
إبان : لا نأكل أحسن أنا جعانة ....
إياس : طب ماشي تحبي تأكلي إيه ....؟
إبان : لا اختار أنت أنا بثق دايماً في ذوقك ......
لم يرد مقاطعة الجو الهادئ بينهما بأسئلته تلك .. فما يعرفه أنه يحبها ويريد حبها أيضاً ...
انتهوا من تناول الطعام فعرض عليها أن ترقص معه ..
إبان : لا أرقص إيه ..بلاش ...!
إياس : زى ما تحبي .......
ظلا يتحدثان في مواضيع شتي حتى انتبهت إبان علي الوقت
إبان :ياربي الوقت اتأخر .....
إياس :اها ..ولايهمك يلا .....
أوصلها إلي المنزل فدخلت إلي غرفتها بعدما طمأنت والديها أنهما فقط نسيا الوقت أثناء الحديث ....
تسطحت علي الفراش واحتضنت وسادتها ...
إبان: مش هأكون بنت الشافعي إن ما جبتك يابن المنصور ...
نامت لتأتيها أحلاماً وردية بدلاً من تلك الكوابيس السابقة فتحول قصرها المظلم إلي قصر أميرات ديزني ....
في الصباح
تلقت اتصالاً من فريدة لتخبرها بما عليها فعله اليوم مع وضع لمستها الخاصة بها في إعادة حبيبها ليكون لها وحدها وفقط .....
انطلقت نحو الشركة لتنهي عملها بسرعة وتتجه نحو مكتبه كالعادة .
دخلت المكتب وجدته يحمل مطوية ورقية يبدو عليها أنها دعوة خاصة
إبان : إيه ده يا إياس ......؟
إياس :ها ..لا دعوة عادية ..
إبان : طب خليني أشوفها يمكن أقر إني أروح معاك ....
إياس : لا أنا مش رايح أصلاً .....
إبان : طب خليني أشوفها .. عشان خاطري يا إيسو ..
إياس :خليكي عارفة إنك أنتي اللي طلبتي ....
أعطاها الدعوة لتفاجئ هي أنها دعوة لعيد ميلاد للمدعوة "بوسي".....
إبان :اها ... وأنت هتروح علي كده .....
إياس : لا طبعا .
إبان : ليه مش خايف تزعل خصوصاً بعد اللي حصل في شرم ..
إياس بغضب :إبان أنتي طلبتي تشوفيها أنا مكنتش رايح أصلاً ..
إبان :لا وعلي إيه روحلها ...عن إذنك .
خرجت من المكتب وهو يناديها :إبان استني ..
في القصر ..
لم تجد مكاناً أفضل من حضن فريدة لتفرغ شحنتها ...تركتها فريدة حتى انتهت وهدأت بمفردها .........
فريدة : هديتي دلوقتي .....
مسحت دموعها وهي تقول : شكل دموعي هتخلص بسبب ابنك ...
فريدة:عمل إيه بقا المرادي ....؟
إبان : روحتله المكتب لقيته ماسك دعوة من الست بوسي ..
فريدة : دعوة إيه دى اللي من بوسي .......؟
إبان : بتدعيه عشان عيد ميلادها. ...وأكيد طبعاً هتبقي حفلة خاصة بعدها ليهم ......
فريدة : طب أنا عندي الحل ....
إبان : حل ...حل إيه ده .......؟
فريدة : سيبيه يروح وكمان أنتي هتروحي معاه .....
إبان : أنا أروح هناك ليه ...
فريدة : الحفلات اللي من النوع ده بتبقي مليانة ستات فأنتي هتروحي وما عليكي إلا ......
أتي إياس إلي المنزل ليفاجئ بوجود إبان بالمنزل ....
إياس :إيه ده بتعملي إيه هنا ....؟
إبان :إيه ده هو حرام يعني أجي أزور مامت خطيبي في البيت ..
فريدة : اخص عليك يا إياس ..دى خطيبتك برضو ......
إياس :لا والله مش قصدي ...بس هي طلعت زعلانة من عندي في المكتب
إبان : لا عادي يا إيسو ...أنا فكرت كويس في الدعوة .....
إياس: قولتلك مش هأروح ....
إبان : طب إيه رأيك بقا إنك هتروح وأنا كمان هأروح معاك ....
إياس : تروحي معايا ازاى يعني ....؟
إبان : من زمان محضرتش حفلات فممكن نروحها سوا ..بلييز يا إيسو عشان خاطري ....
إياس : خلاص نروح بس في حفلة غير دى ...
إبان :لا بلييز عايزة دى .. بلييز يا إيسو .....
إياس :ماشي ..بس في الأخر متجيش تزعلي مني ....
إبان : لا متخافش مش هزعل منك أبداً ... سلام بقا عشان ألحق أجهز نفسي .......
إياس : هتروحي لوحدك ...
إبان :آه أنا عايزة أروح لوحدى ...باي ..
خرجت من المنزل تحت أنظاره المتعجبة والشكوك تتزايد لديه ...
في المساء
تجهزت إبان للحفل جيداً فهي تريد أن تنفذ خطة فريدة بدقة ..
جاء ليصطحبها معه وهو يتوجس خيفة من تلك الخطوة ..فمنذ متى وهي تحضر حفلات .. والآن تريد أن تحضر حفلة ولمن لبوسي ... هي أعلم بـ بوسي وما وراء بوسي ....
وصلا إلي الحفل وجدت كثيراً من المدعوين من يهتم بالحفلات وحضور الحفلات فقط ..... جميعهم من الطبقة الارستقراطية ...
كانت تتجه نحو إياس لتحضنه ولكن توقفت عندما رأت إبان في الوسط بينهم ...... احتضنتها بقوة وكذلك قبلتها بقوة ككبار السن ,..,,.,
بوسي :آه ..اوعي كده ... مين دى .......؟
إبان : أحب أعرفك يا حبيبتي ..أنا إبان خطيبة إياس .....
بوسي : خطيبة مين .........؟
إبان : إياس ...إيه مبتسمعيش .....!
بوسي :ازاى يا إياس تخطب من غير ما تقولي ......
إياس :.....
إبان : معلش يا حبيبتي ..أبقي نعزمك علي الفرح ....
بوسي : ياي ... بقي دى تكون خطيبتك.......
إبان : النصيب برضو تقولي إيه .....!
إياس: احم ....كل سنة وأنتي طيبة
بوسي بدلال : ميرسي يا إيسو ..اتفضل ....
تجاهلت إبان كلياً ...كأنها لا توجد مرتدية قبعة الإخفاء .....
أتت أخرى لتحضنه ولكن كانت إبان بالمرصاد ......
رأته يقف بصحبة مجموعة رجال ورأت مجموعة كبيرة من النساء مجتمعات سوياً.....
اقتربت منهن ووقفت بجوارهن
إبان :هاي يا بنات ....أحب أعرفكم بنفسي أنا إبان خطيبة إياس منصور ..حتى بصوا الخاتم بتاعي عليه اسمه ...إياس منصور ...
فتاة :إيه ده بجد ..إياس منصور خطب ومحدش يعرف .....أكيد بتهزري .
إبان بغيظ : لا مش بهزر وأكملت بهيام : أصل إيسو حبيبي بيغير عليا موت ومكنش عايز حد يشوفني ....
: يعني عايزة تفهميني إن إياس منصور خطبك أنتي بصي لنفسك في المرايا يا حبيبتي وقارني نفسك بينا ...هاهاها ..
إبان :لا خالص .. لو مش مصدقة بصي الخاتم عليه اسمه ازاى ...؟
أرت الفتيات جميعهن الخاتم وعليه اسم إياس ...صدمت جميعهن ..إياس منصور خطب ...غير معقول .....؟!
ذهبت إحداهن إليه لكي تلومه :أخص عليك يا إيسو بقي بتخطب كده من غير حتى ما تقولنا .....
إياس : معلش بقا ......
فأكملت إبان : معلش بقا أبقي نعزمك في الفرح إن شاء الله ...تتعوض يا حبيبتي ....
إياس :أنا كنت عارف إن وراكي حاجة ... خلينا نمشي يلا .....
إبان ببراءة : أبداً هما اللي كانوا بيسألوا وأنا كنت بجاوب بس .
إياس بسخرية : لا والله ... كتر خيرك ياستي ...قدامي يلا .
ودع بوسي وتكرر المشهد في اللقاء الأول .... تريد أن تحتضنه لتقف إبان في المنتصف وتكرر ما فعلته بها ........
أوصلها إلي منزلها لتدخل مباشرة نحو غرفتها تقفز فرحاً لتحقيقها انتصاراً جديداً ... وكسب نقطة لصالحها .......
في الصباح ...
استيقظت نشيطة كعادتها عندما تحقق انتصاراً ..
وانطلقت نحو الشركة بحالة جيدة ... اتجهت نحو مكتبه مباشرة ..
إبان :صباح الخير يا دودو...
دينا :صباح الخير يا عم المهم ......
إبان : قوليلي هو جه ...؟
دينا :اها .. من شوية ... ادخلي علطول يا كابتن ......
إبان :ههههههه ... حبيبتي يا دودو ..
دخلت إلي المكتب دون أن تطرق طالما هو بمفرده ..
وجدته يتحدث بالهاتف .وهو يوليها ظهره ....
إياس :خلاص عادي يعني يا بوسي.....
خطفت من يده الهاتف وهي تصرخ بها :والله لو شوفتك قدامي هأقطعك بأسناني ... وأغلقت الهاتف في وجهها .......
إبان : بقي كمان بتعتذرلها ... طب أبقي اشبع بيها ..
وألقت بوجه الهاتف قبل أن تتركه وتذهب ....
تركت الشركة بأكملها واتجهت نحو مكانها المفضل .....حضن فريدة .
فريدة :ها ... خلصتي ولا لسه ...
إبان :شوفتي ابنك عمل إيه .....؟
فريدة :ها سمعاكي قولي .....!
إبان : دخلت المكتب بتاعه لقيته بيتكلم مع الزفته اللي اسمها بوسي دى و بيعتذرلها كمان .....
فريدة : أنتي عملتي اللي قولتلك عليه كله ...
إبان :آه والله بالحرف .....أنا كنت ماسكة فيه طول الحفلة وخليت الكل يعرف إني خطيبته .....
فريدة : طب إيه اللي مفروض يحصل عشان يبعدوا عنه ....
إبان : دول عاملين شبه الناموس مش هتسيبه غير لما تمص دمه كله ..
فريدة : فكري معايا ..أنتي أكتر واحدة عارفة عنهم حاجات ..
هتفت إبان فجأة بحماس : بس لقيتها ....
فريدة : إيه هي .....؟
إبان :اسمعي ,.............
في الشركة
عادت إبان بعدما نفذت خطتها إلي الشركة حتى لا تثير الشكوك عند إياس .
في مكتب إياس ...
تلقي اتصالا من بوسي وهي تلعنه وتلعن اليوم الذي رأته فيه
إياس : طب اهدي وفهميني إيه اللي حصل ...؟
بوسي بغضب :أنت عارف إن عندي حساسية من القطط بتبعتلي قطة .
إياس :أنا مبعتش حاجة ..
بوسي : لا مكتوب عليها إنها منك .....
إياس :طب خلاص ... حصل خير. ..
بوسي : خير إيه ده ..أنا جسمي باظ وعندي حفلة قريب .. مش عايزة أشوف وشك تاني فاهم ......وأغلقت الهاتف ...
إياس: اووف ... يعني هي كانت ناقصة ,,,,,,..
تلقي اتصالا أخر من سوزي ...
إياس: طب خلاص اهدي ...
سوزي : بقولك لو شوفتك قدامي هأقتلك ..أنت فاهم .
واتصالا أخر من ليو ..
إياس :لا متقوليش إنك متتصلة بيا عشان مش عايزة تشوفي وشي ..
ليو :دانا لو شوفتك هأشرب من دمك يا إياس .....
إياس : لا هو إيه اللي حصل بالظبط ... تكونش إبان هي السبب .
طلب من دينا أن تطلب إبان علي وجه السرعة ..
إياس : أنتي ليكي يد في اللي حصل ده .....؟
تصنعت البكاء : اهئ ..يعني أنت عايز تدبسني تهمة أخص عليك يا إيسو ....
إياس :لا مش قصدي ...أصل أنتي أكتر واحدة عارفة عنهم حاجات ..
إبان : ما يمكن يكون حد عايز يأذيك هو اللي عمل كده ....
إياس : لا يأذيني إيه ... ده أنقذني ....
إبان بفرحة :بجد يعني مش زعلان إنهم سابوك ...
إياس : لا خالص ... وبعدين كفاية أنتي معايا ......
إبان بخجل : احم ... طب عن إذنك بقا عشان عندي شغل ..باي يا إيسو
إياس: باي يا قلب إيسو ......
في القصر
أصرت فريدة علي إبان بتناول الغداء معهم ..
اجتمعت العائلة علي طاولة الطعام .بما فيهم إبان .
سايا : تعرفي ..لو خالو كان اتجوز واحدة غيرك كنت هأزعل منه ..
إبان : يعني أنتي مش زعلانة إنه هيتجوز واحدة غيرك ...
سايا : لا خالص ... هو اختار طريقه وأشوف أنا طريقي ومستقبلي ..
سمر : ببساطة كده يا سايا هتسيبي إياس ...
سايا : أصل أنا بحب خالو وهو دلوقتي مبسوط مع إبان ..وأنا كمان مبسوطة ..
إياس: حبيبة خالو أنتي ....
سيف : علي فكرة إبان أحلي منك يا خالو ....
إياس : وأنت مالك بقا بيها .....ها ..؟
سيف : لا ملييش كنت بوضح بس ...
إياس: لا يا سيدي متشكرين مستغنين عن الخدمات بتاعتك .....
سيف : أنت الخسران ,....
فريدة : بس خلاص أنتوا الاتنين ...... اتعودي علي كده يا إبان .
إبان : عادي يا طنط ده حتى الجو لطيف هنا ......
مي : معلش يا إبان عيال بقا ....
إبان : لا خالص ... ده حتى أنا حبيت سايا من أول مرة ...
سايا :أيوة مانا شبه خالو إياس كده أدخل القلب علطول ههههههه
إبان بخفوت : أنتي هتقوليلي ....
إياس : يعني وزعت علي الكل مفيش حاجة ليا ...
إبان : احم ...إياس اتلم ...عيب كده ...
مي : ماما ..بدأو من دلوقتي الوشوشة .....
فريدة : ربنا يحميهم يارب. .. ويبعد عنهم عيون حماتك ...
قضت إبان وقتاً ممتعاً مع الجميع وتعرفت عليهم كلهم ...
عادت إلي المنزل بالمساء .. وجدت والديها جالسين كالعادة في الصالون
مصطفي : حمدلله علي السلامة ..
قبلت وجنته وهي تقول : الله يسلمك يا جميل .....
مصطفي: لا شكل الغزالة رايقة علي الأخر ....
إبان : حاجة زى كده ......
مني : واتعرفتي عليهم كده بقا ....
إبان : آه يا ماما جداً... ناس لطاف جداً...
مني : ربنا يسعدك يا حبيبتي ....
إبان : يارب يا ماما ... تصبحوا علي خير بقا ....
نامت لتسكن قصور أحلامها الوردية مع فارس أحلامها ...
في الصباح تكررت عادتها .......
تلقت اتصالا فذهبت لتستأذن من إياس .......
إياس :طب هترجعي تاني هنا ........
إبان : آه طبعا ..عندي شغل كتير.....
إياس :طب خلاص أبقي طمنيني ماشي .......
إبان : حاضر إن شاء الله .....
ذهبت لتحضر موعدها ...
مضي كثيراً من الوقت حتى أنه انتهي وقت العمل ولم تحضر بعد وهاتفها مغلق ..... خاف من أن يخبر والداها ويسألهما ربما عادت إلي المنزل .
لم يجد مفراً من هذا .. فاتصل علي والدها .....
إياس : ازيك يا عم مصطفي ....
مصطفي: أهلا يا إياس الحمدلله يا ابني ....
إياس : احم ....كنت عايزة أسألك عن إبان إن كانت رجعت البيت ولا لأ.
مصطفي : لا هي مجاتش ...هتكون راحت فين يعني ....؟
إياس : لا أصلها طلعت تشوف شغل ومرجعتش لحد دلوقتي فقولت يمكن رجعت البيت ولا حاجة ....
مصطفي :طب لو رجعت طمني ولو جات هنا أنا هأقولك ...
إياس : وهو كذلك ..سلام ....
=مع السلامة ....
..........***
مر بعض الوقت أيضا ولم تأتي فقرر الخروج والبحث عنها
فتح الباب ليفاجئ بها أمامه ..
إياس بلهفة : إبان أنتي كويسة كنتي فين كل ده ........؟
إبان ببرود : لا متخافش أنا كويسة .خالص ...
إياس :طب الحمدلله قلقتيني عليكي أوي....
إبان :لا متخافش عليا أنا محدش يقدر يعملي حاجة ..
إياس: مالك يا إبان ....؟
مدت له ورقة وخلعت دبلته من يدها ....
إبان : دى استقالتي ودي دبلتي ... أنا خلاص مش عايزة أشوفك تاني أو تكون في حياتي بعد كده .....
إياس : طب اهدي وفهميني إيه اللي حصل لكل ده ....
إبان :أنا مش وحشة عشان أستاهل كل ده منك ..عملتلك إيه لكل ده .
إياس: طب اهدي وفهميني ...
إبان :بلاش الشويتين بتوعك دول ....وكل حاجة هترجعلك .أنا مش عايزة حاجة منك. عن إذنك ..
أمسكها من يدها ليوقفها :استني بس ....
سحبت يدها بقوة وصفعته بكل ما في قلبها لتصرخ :أنا مش رخيصة يا إياس بيه ...أنا إبان ..إبان الشافعي ,.,.,.,.
لتتركه وتغادر .....فقط غادرت .....

وإن كنت تدمن شخصاً .. ستتعب كثيراً عندما يغادرك .

قلوب سكنها العشق لينسيها حزناً قد ذاقته من قبل ..
ولكن ماذا بعد الفراق ماذا سيتبقي
أهي الذكريات .... أم الكره .......

انتظروا الجزء الثاني .....
"أميرة صلاح "....