سرى- مر شهر ومعد ممل يوميه ميفوت للمعهد اذا مااوصل واطب لجامعتي يبتسم لي وافوت واشوفه يطب لمعهده. كمت اباوع مكان وكفته اول مااوصل للجامعه خليك بعيد معد من بعيد هواي احلى اخاف من القرب واخاف من حجي العالم. رووف نوبات يمرلي يكولي شمحتاجه ممحتاجه واحب كلش سواله عليه اكييف احس عدي ضهر بالجامعه محد يكدر يمسني بكلمه لحد مافد يوم
سالي اريد اتريك
يله امشي اني هم ممتريكه بس بره الجامعه هذا الكافتريا ماحب اكله
اوك طلعت طبينا المطعم الكبال الجامعه مامو ميوزه فارغه بس ميز رافد شافنا وكف مبتسم كال
تفضلو ويايه
لا تسلم جاوبت ودرت وجهي سالي كالت
لج بابا شعليج منه حسبي روحج كاعده بالقاعه مال قسم كعدنا وطلبنا هو ضل يسولف وي سالي وويايه اني بقيت بوجهي الاعتيادي خاف عباله انيدفكيت ويرجع يحاول وارجع افشله منصيه اكل ورفعت راسي واشوف معد عيونه عليه بنضره غضب ارتبكت كعد بالزويه منعزل وعيونه تبسمرت عليه اريد ابلع اللكمه مااكدر بالكوه كملت وكفت افوت اغسل للحمامات وطلعت شلت انطه سالي جانت تسولف وي رافد ويضحكون اني بلا موبالاه
سالي اني رايحه باوعت للساعه بعد ربع ساعه محاضرتنا
اي يله اني هم اجي بس خل اغسل رافد كال
انشاء الله كل يوم تجوعين ومتلكين ميوزه
باوعتله ابتسمت بتصنع ودرت وجهي كعدت انتضر سالي وهو يحجي اني عيوني عاللي زنبر وجهه وعيونه نار نصيت راسي كال
ها شنو رايج
ها ويايه
لا والله مو وياج اعتذر سرى عمي مااحاجيج بعد هيج اهانه مصايره بعد
درت وجهي عنه رافد اعذرني اني هيج. طلعت من المطعم دااحس روحي ممرتاحه بقيت واكفه بره شوي وطلع معد مباوعلي طلع ومشه سريع من يمي طلعت سالي ومشينا هو كدامنا يمشي بثقه وسرعه همست سالي
زوجها المحترم
منو
معد
اي
تدرين انقهر عليه كلش
ليش عود
خطيه ولج خانته ولكفها
جمدت بمكاني وكفت باوعت لسالي شنو كلتي
مرته خانته مها لعد ليش تطلكو همه
يايابه روحي اختنكت تذكرت من كال تلفونها تفلش باوعتلها شون عرفتي
اخو رجلي بالمحكمه ومره وصلني وشافه كال هذا قبل يومين طلك مرته وصارت فضيحه بالمحكمه كدام اهلها وتنازلت عن كل حقوقها حتى ميفضحها
بقيت صافنه كملت مشيتي واليوم خلص ولا محاضره خاشه براسي رجعت للبيت لليل جيت انام ودك تلفوني رقم غريب رديت متاكده هو جان شي بيه مقهور عليه وشي بيه ماريده يزعل تعودت اشوفه اول نااوصل وقبل ماارجع واليوم من طلعت مشفته رديت
الو
الو كال وسكت
هلو استاذ
هله بيج ورجع سكت
جريت نفس انتضره يحجي ومبين عليه ميعرف منين يبدي كال
ليش هيج
شنو
ناطيه مجال لغيري واني ردت كلمه وحده ومنطيتيني مجال
بقيت ساكته رجع كال
شنو هيج عاجبج لو جيف صغير وحليوه اني مردت شي بس ردت كم كلمه الوش هيج مطايقتني ششفتي مني عمي مو اعتذرت شنو الغلط بيه بالدنيا جر نفس ---- ششايفه بيه غلط هلكد كارهتني شو عيونج من بعيد تكول غير شي
استغفر الله يابه اني كيفي اكعد ويه الارتاحله انت شلك دخل ابن عمي ميحاسبني هيج شنو تتدخل بحياتي بقه ساكت وجر نفس كال
ديري بالج على روحج مع السلامه وسده
حسيت بصوته خنكه تتكسر بلسانه انمرد كلبي ذبيت التلفون مااعرف ليش بجيت حسيت روحي متحاصره حيل ثاني يوم داومت بس ملكيته بباب المعهد بقيت صافنه اكو شي بداخلي حاب وكفته ولهفته واهتمامه طبيت للجامعه وكملت محاضره وطلعت وهم مشفته بقيت اباوع لمكانه وانتبهت على روحي اوي شبيه تخبلت رجعت للبيت وراسي حيطك من التفكير
يوم
يومين
والثالث معد ماكو ضل بالي حيل شتاقيت لعيونه بقيت واكفه اباوع على باب المعهد طلع رووف لمحتي وعبر على صفحتي
هلو سروشه
هلو رووف
هله بيج امشي اوصلج
ها اوك مشيت وياه واباوعله مااعرف شون احاجي اخر شي حجيتها
شنو صديقك مو وياك شعجب
منو صديقي كومه عدي باوعلي مستغرب نصيت راسي فضحتني لهفتي وقلقي خرب يومه شسوه بيه كال منو
استاذ معد
ها مريض خطيه فد نوب البارحه رحناله مستشفى
بلعت ريك رجع باوعلي كال منين تعرفي صاحبي
اشوفه دائما وياك احم شبي مريض
والله يمكن تيفو لان صخونه مدتفك ووجع براسه
جريت نفس ودرت وجهي من عيون رووف صعدنا وصلني من داانزل كال
سروشه
نعم رووف
ليش سالتي عنه
لا مو جان زوج مها صدديقتي تتذكر
