رويده- مر اسبوع ثاني احساس الخذلان صعب حتى مكلي حسافر يعني هاهي. كلشي بيننا انتهى بعد ميريدني كلما اتذحر الصور كلبي ينعصر مداصدك معقوله هذا حيدر اللي مينام اله بيدي هذا اليكولي اني يمج طفل دموعي نشفن واهلي بيهم الضاج مني وبيهم اليشفق عليه فعلا انزويت بغرفتي وكلما اتصل مغلق بعده تعبت حيل حسيت روحي تطلع مني الحاح والدي وعصبيته عليه لان مااكل انهيار اني وبجيها تتوسل بيه تكرلي راح تموتين من وراه خواتي وتوسلهم مروه ومحاولاتها بتلطيف الجو كلها باءت بالفشل اتمنى اغمض بعد مافتح اتمنى بس اشوفه من يشوفني شيسوي شيبرر بعده يكول بس يموت ابويه اشوفهم وجهي الثاني توني اغفه ومن بعد سبوعين عناء دك تلفوني ب3باليل دكتين وراها انكطع باوعتله رقم غريب ذبيته رجع دك راسن رديت كلبي يدك سريع ويردد هو هذا حيدر رديت صوتي انببح
الو
الو هلو رويده شونج
حبيبي حياتي ياعمري وينك
موجود يابه مو اتفقنا شبيج جايه للبيت وكالبه الدنيا
متت خوف توقعت متريدني بعد
لاشون ماريدج جان اصلا متفقنا شونج انتي احجيلي
زينه الحمد لله حيدر انت سافرت مكتلي
صارت غفل وابويه مفيز ومسويلي مفاحاه اخذتها ورحت
زين هسه انت وين
اني رجعت الصبح
شنو من الصبح رجعت ومجيت عليه مشتاقيتلي حيدر مشتاقيت
والله وويده كومه شغل صار عدي هسه يله كعدت يله باجر امرلج
حيدر شنو عبالك بارد ناحينجتي شنو كمت متحبني
اوهو سوالف الزعاطيط شبيك رويده شنو ماحبج جان مخابرت يله عيوني ارتاحي نامي واني هم راح انام وباجر امرلج الصبح زين ادكلج منهالرقم لان تلفوني ضاع بتركيا
بلعت ريك اوك حبيبي
يله فيماللا
الله وياك سده وكلبي انقبببببض كمت اضرب بروحي وابجي ضربه ضربتين والثالثه انلزمت ايدي الدنيا ضلمه ماعرف منو شهكت ابجي انحضنت ومن ريحتها عرفت هدير تبجي لبجايه وتتوسل بيه
عوفي خيرلي والله ياذيج
مااكدر لحد يطلب مني اعوفه مااكدر والله ماكدر
حبيبتي رويده الله يخليج خلي يولي
مرديت تمددت بالفراش وبقت يمي حاضنتني وتمسد بشعري اتخيله نايم بحضنها وتلعب بشعره ودموعي تنزل وهدير تمسح بدموعي وتبوس بيه تتوسلني اسكت لحد مغفيت فزيت الصبح هدير دتبدل تروح للدوام شافتني كالت
شبيج
دااتحضر حيجيني حيدر
هسه
هو كال الصبح كمزت ركض ركض سبحت وبدلت ومشطت شعري اباوع وجهي صاير شحاله وحوه عيني اسود مكيجت خفيف وحضرت هدومي بقيت كاعده بالمطبخ كعد بابا شافني حجيتلها جر حسره وعافتي وراح للشغل محجه ولا حجايه حسين ديسافر نزل جنطته شافني درت وحهي عنه من يوم الضربني ماحاجي سال امي وين رايحه كالتله كام يسب ويلعن وطلع حتى مسلم عليه مثل خواتي وراح راحو خواتي بقت مروه تنضف وي ماما واني لابسه حتى الحجاب انتضر دكيت عليه دك دك دك كومه ورد
الو
حبيبي وينك شنو نايم
اي نايم بيش ساعه
ب9ونص حبيبي
هممم ديله فد ساعه امرلج
لعد عمي مكعدك عالشغل
لالا كمت ماروح من وكت لل11يله.
سمعت صوت يمه
منو من الصبح حيدوره
نامي مامو شي جاوبها بهدوء وكالي يله ساعه وامرلج تحضري باي سديته جامده
شنو البيج مات رويده رويده شبيج اصحي صوتها باذنج نايمه يمه الجان مينام بس بحضنج حاضنته غيرج اسمعي كلام اهلج وعوفي اردد الصوت بداخلي ويرجع يرد صداه وعيوني مفتوحه كلها وصافنه وتجري مرت ساعه محسيت بيها دك تلفوني
الو
اني بالباب رويده يله طلعيلي
بقيت ساكته
الو
بلعت ريك
رويده شبيج دتسمعين
امم
يله طلعي داانتضر تاخرت على ابويه
امم طلعت بست ماما حسيت روحي بلا احساس مروه تردد ورايه
رويده شبيج بيج شي
جج كلشي مابيه مصطلح قلب ومعني فعلا كلشي مابيه لاقلب ولاعقل ولامشاعر واحاسيس ميته انسانه ميته طلعت شفته بسيارته العاليه وكشخته ابتسم من شافني ونزل فتح الصندوك الوره تقرب مني باسني من راسي اباوعله وجهه متفح كال
هاي شصاير بيج ليش هيج تعبانه
مجاوبته ومو نفس اللهفه الجنت انتضره بيها لاروحي التلهفت عليه ولاهو التلهف عليه سبحان مقلب القلوب صعدت يمه التفت باوعلي ورجع اندار كال
هسه اتسوك واخذج للبيت
كمت ماباوعله احس اشوف غيري بعينه تسوك ورجع صعد كال حوديج ووارجع للشغل اني اليوم اتغده جوه خلي يكمل الاسبوع واكوم يوم هنا ويوم هنا اوك
مجاوبت
رويده داحاجيج
ها بكيفك باوعت بعينه يباوعلي مضيق عينه مستغرب حقه اني الستغربت روحي وصلت للبيت صعدت لشقتي طبيت الترابه نايمه عليها واني مابيه ذره حيل خله الغراض بالمطبخ ويباوعلي بحيره ويجر نفس صاح صوت من جوه
حيدرر
صفنت صوت نسائي
ها ها
انت رجعت
اي جبت رويده
هاه عبالي اكو شي ديله خابروك بالمعمل
اوك جاي باوعلي كال محتاحه شي
جج
يله رايح اني
الله وياك طلع وسد الباب كعدت بالكع وانود بروحي بعد شوي صبري بعد خل نشوف شيطلع منه بعد صبري كمت عالبيت واسحل بروحي كمت اكل فاكهه هواي اريد اتقوى وانضف كملت تنضيف نصيت ااعدل الزوليه بالهول اباوع دبك جواها من الطول للطول تخبل وخرت البرده شفت عالحايط والشباك مفتوح يعني احد شامر شي من الشباك ونازل للكاع مثل الدبس الشحم شلت الزوليه وكمت اجلف من كل عقلي بعصبيه لحد ماحيلي انهد ومسحت مره لخ ونضفت وطبيت سبحت وره محضرت الغده كلت بلكت يشم الريحه ويصعد بدلت مثل قبل عطرت البيت وحضرت هدومه سمعت سيارته فاتت شفتها لهند طلعت للطرمه ركضت عليه تمايل بشعرها باسته من خده بقيت اباوعلهم هاي حركتي اباوعله ابتسم وجر شعرها من دتروح عاطت بدلع هزيت راسي هاي كلها مالاتي رفع راسه ليفوك شافني بالشباك صارت عيني بعينه غابت ضحكته رحعت ليوره ماريد يشوف دموعي لعد اني شعدي هنا. خابرت ماما حجيتلها كالت
ليوين صبرج متموليلي لج ماما عوفيييي وتعاي
ماما بس هالفتره اريد اشوف شوكت يفك اخاف عمل وبعدين اندم
ماكو امي جذب هذا هوائي
انتضرت لليل مااجه نعست كلش تمددت طفيت الضوه توني اغفه وواحد خنكني بقوته فزيت وبقيت اردد
الصلاه على محمد وال محمد وكمت راسن صليت وكملت ولزمت السبحه سبحت الف مره الصلاه على محمد وال محمد تمددت مره لخ القوه العدي مو طبيعيه صارت غفيت واحس شي طلع من عدي ونركع بالحايط ووكع بالكاع طك فزيت اني حلمانه شنو هاي اللي طلع مني بس وراها ارتاحيت بردت هواي مرت يوم يومين كمت من يجي ماروح للبرده وبعدني اكول خل اشوف ليوين ومر سبوع خابرته بيومها
الو
هلو رويده
هلو خيدر شونك اكولك اليوم تجي
وين
فوك
اني دااصعد كل يوم بليل اشوفج نايمه وانزل
شوكت
يوميه بليل
ماحس عليك
هو انتضرهم يناموت واصعد يضل بالي يمج
اوك هسه المهم شوكت تبدي يوم هنا ويوم هناك الاسبوع كمل
ها يله اليوم اجي يمج
اوك يعني احضر غده
اي حضري
اوك
كمت حضرت ادري رروحي طفيت ناحيته مامو لهفه قبل الحمد لله بس عبالك اريد اشوف ليوين حده بقه شي من حيدر القديم وفعل للضهر اجه وطب ابتسم وطب للمطبخ ايده بجيبه كال
الريحه طيبه
مهتميت لكلامه باوعتله يله بدل
اوك غمزلي
ابتسمت بدل هدومه واجه صبيت الاكل وكعد تغده ساكت سبحان الهان بس يحجي عالاكل ويسولف ويضحك عديتها بمزاجي. كملنا اكل وكف كال
اشوف امي واجي
بقيت اباوعله مبتسمه ععلى راحتك حبيبي تصرف برااحتك
اوك
نزل ساعه يله صعد طب جنت متمدده اكلب بالفون ذبيته من طب تمدد يمي يكلب بالتلفزيون باوعلي ابتسم شفت ركبته حمره ضحكت على روحي حتى يومي اخذت حصته هي مرت ساعه حيدر كامويلوب فوك يروح منا ويجي منا اني بس صافنه كتله
شبيك
مادري كلبي انقبض اريد اتنفس مااكدر
روح انزل اذا تريد
لالا بس مادري
طلع للسطح يريد يجر النفس ميكدر وفعلا نزل جوه نزلت وره وشفتها باوعتلي بشماته ودارت وحهها بسده عينها ركبتها مطكعه هيج متلهف عليها تقربت يمه
حبيبي شبيك مخنوك
مادري مادري امي وين
خاله دتصلي اصيحها
اي صيحيها يمههه
هايوم شبيك
يمه فدوه اختنكت مدااكدر
استغفر الله تعال يمه اقره عليك
يمه راح اموت نفس قبل دااحس
هسه تروح يوم هسه تروح استغفر الله حسبي الله ونعم الوكيل
خالتي تردد وتباوع لهند ترخصت وصعدت فوك لملمت غراضه غسلت المواعين حسيت روحي بمعركه خسرانه خابرت امي كتلها كالت
مراح يعوفو الا يخبلو شلج بدوخه الراس عوفي اكدر امولج اوديج فتاحه فال تفتح العمل بس يجددو واهسهم بهالشغله يمه
اقتنعت بكلام امي وكلت باحر الملم وارجع لا اني الدااكدر ولا هو تعبت كلش لليل صعد ونام يمي تقرب مني حضني بعدوء دقايق وابتعد تركته سويت روحي نايمه سبحان الله تدمع عيني من اتذكر قبل وهسه شكد فرق توني اغفه حسيت بي فك باب الشقه ونزل مديكدر مو بيده صحت
حيدر
ها ها
بس تعال احاجيك
رجع طب باوعلي ونزل عينه كال
شوي اختنكت
زين تبقى هيج كلما تذطيب هنا تختنك
مادري مادري
فرك وجهه بعصبيه مثل الشاغت روحه فتح دكم القميص بقوه طكت ونزل ركض ههههه والله دنيا مرت ايام ومر اسبوع وحيدر يصعد يتغده بس لا يكدر ينام ولا بيكدر يقترب مني فتحت كنتوري ارتبه والكاه كله سلابيح بيض مليان واني بين يوم ويوم ارتبه تخبلت كمت انفض وابجي واردد
ربي مسني الضر وانت ارحم الراحمين سرت رجفه بجسمي هدت حيل حيلي لهنا وخلص صبري وحسيت روحي حتى حب مبقه بكلبي وحيدر ايست منه. كل اهتمامه صار بهند اللي بكل مغربيه مادري شتسوي بالحديقه. تعبت خل تاخذه بالعافيه مو روحي طلعت بيومها صعد حيدر شافني محضره كل هدومي وعيوني وارمه بس باوعلي وكعد احسه تعبان كلش مثلي كعد عالحابايه وخله راسه بيده منصي بالكع كال
هاهي رويده لهنا صبرج خلص
يحجي ومنصي ويفرك براسه بيده
خيدر اني لهنا وتعبت
واني رويده فهميني
حيدر لتغشم روحك مراح يعوفونا اني الباجر بابا يحي عليه واروح لاهلي وكلشي بيننا ينتهي بقيت اباوع بعينه اريد يكولي لا لتروحين بقى صافن عليه كال
براحتج
تطلكني
نصه راسه كال. ابريلي الذمه
مبري الذمه بجيت بس دير بالك عروحك وحاول تروح سيد كل شهر يفكلك العمل كملت حجي كال همس
بس كافي
والله حيدر شبيك
منو غيرج اليسوي سحر
يعني انت تحجي كل عقلك لو ما سوه شفناه هههههه الاناء ينضح بما فيه فعلا اهلك مراح تنطي بيهم هاهي عمي مو هند تسوي اني الاسوي باوعلي بحيره وتوسل وتعب يريد. اجابه مقنعه
بس هسه اني تزوجتها بعد الوش تسوي انتي الدتسوين حتى تسحبيني منها
ههههه هههههه هاهي حبيبي كيفك بس دير بالك على روحك انت تعرف اهلك كلش زين تتذمر من جنت تكولي لتسكتين بس بيدج ارتاح ضلي رددي الصلاه على محمد لو نسيت
اممم اتذكر
خلي عقلك براسك حيدر اصحه وشوف ناسك الله يساعدك روح اختنكت انت هنا
اني مااعرف شبيه
مجاوبته بقيت اباوعله احواله تخربطت نزل جوه بدون ميحجي شي بقيت كاعده للصبح مصدكت ضوه الجو راسن خابرت بابا كال تحضري حضرت كلشي واخذت كلشي وطلعت حسيت اخر مره اطب هنا بيه شي متكسر وبس فتحت الباب شفت ابتسامه بابا حسيت لمني ولك اجزاءي المتكسره صعدت السياره كال
بطله بنتي متقبل بالذل برطمت وطلع شال ايده وخلاها وره كتفي وكال
رويده يااحلى بناتي وارقهم واقواهم بابا حبيبتي الوكعه متكسرنا لاتقوينا
بقيت ساكته
ماريد بعد عناد
لا بابا هاهي التشوفه اسوي
خوش حجيتي وياه
اي وكال كيفج
يعني ميحبج بابا تدرين لو يحبج شوي ولو جان مخطه هالخطوه
باوعتله ليش يعني
لان هالخطوه اخر فرصه اله بابا اذا تطلكتو معناها بعد. مترجعون لبعض الا اذا تزوجج غيره تحرمين عليه بابا
بقيت فاكه حلكي واني ليش بباللي ارجعله ليش ببالي يصحه ويرجع يتوسل بيه ------
