حسين- همم ماشي براحتج. بقيت ساكت وهي ساكته
لااني الاكدر انزل نفسي زايد واتوسل رغم كلبي اللي انعصر ولا هي الدتتراجع وتكول لتروح جنت كذتبه انتضرت اسمع شي --
نور- حسين. انت تستاهل احسن مني
بقيت ساكت غمضت بله اني شورطني
اني كدامي مستقبلي مافكر بزواج
همست انتضرج عضيت شفتي واني اشوف روحي نزلت نفسي كلش
لشوكت تنتضر عشر سنين
بقيت ساكت
اني اريد اكمل دراستي واخذ واحد نفس مستوايه
فكيت عيني بعدما جنت مغمضها ضحكت
شنو كلتي
يعني هيج الحجي. همم
يعني سياده الوالد يريد واحد نفس مستواه. عذرا انسه نور اني مو من مستواج
حسين افهمني
فهمتج نور بس الحمد لله بينتي قبل لا تصيرين عدي لان لو انتي مدامي وكلتي هالكلمه. لا افركه لحلكج فرك. بس خليها شغله ببالج مو لشي للزمن
لتشوفيني ذبحت روحي عليج بس والله لو مااشوفج تستاهلين ماصير طوع كلبي لا اشيله لكلبي واذبه بالزبل حشه اليسمع. وخليها ببالج
اني خريج سادس مو متخلف بس مو واهسي بالدراسه ولكيتلي صنعه. ومخلي ببالي اكمل بس هاي وضعيه الخريجين لج مهندسين صناع عدي
المهم هسه روحي الله وياج. ويوفقج وينولج اللي نفس مستواج. بس مراح تلكين نفس كلبي ونضافته ونفس خوفي عليج وخليج وره ابوج وامحي شخصج زين فرصه سعيده نور وشكرا لاحلى ايام
حسين بس اسمع
اللي سمعته يكفي نور احتراما لرجولتي ولنفسي ماراح اسمع شي منج وماريد اقلل من احترامج واسده بوجهج من رخصتج يله الله وياج
سديته واني غادي نار خرب حضي اي والله طلعت طيت الفون لهدير الضلت صافنه عليه وين اولي اني هسه استغفر اللللله صعدت فوك لغرفتي الحولناها بعد متزوجو البنات فوك. بقيت صافن اخر شي توصلتله اني العليه سويته خلي كم سنه تبرد ناري واتزوج. بمعرفه امي وطززز بكلبي
رويده- ايام مرت علينا بين الامتحانات والدراسه والتوتر الاني بي وبين رووف وحنيته ومواضبته عالعلاج ويايه مبقه شي للنهائي ورووف بده يعصب من انسه شغله واني اضوج وازعل تعلمت على حنانه ويرجع يصالحني محاضراتي صارت وي الولد وهدوره ويانه. سرى طلعت حامل سوتله مفاجئه لمعد بمساعدتي وصار الاكل كلش طيب.
