رووف- مكدرت انام قلق حيل خايف من لقاءهم لاتفشلني وي عمي بس تبقى هي بتهم توني اغفه وحسيتها كامت بقيت مغمض عيني شوي اباوع حركاتها
وكفت يم الكنتور طلعت كلبيتها عيوني تغوش بدون نضاره وراها اخذتها وراحت للحمام. لبست طلعت وكفت كدام المرايه تسرح شعرها ريحه الغرفه انترست عطر شامبوها. رفعته ليفوك وسوته كصيبه صفح. تقربت خلت كحله وتعطرت
ابتسمت لراحتها ولهفتها لاهلها كعدت كالت
مكدرت تنام مو.
ههه شمدريج.
مشخرت مسمعتك
ههه فشله والله كمت اطلع هدوم من الكنتور صافن شلبس باوعتلها ردتلي النضره بعتب كالت
حاير شتلبس مو
اي والله كلهن عراض عليه بس بنطرون علي
اي يعني شوكت تشتري كلتها بملل كال
عود اشتري ميهم لبست تراكسودي ووكفت كدام المرايه امشط باوعتلي كالت
تزين لحيتك؟
لا مو هسه
كيفك حريت نفس دك تلفونه باوعت فرات باوعتله
تره فرات
اي جيت
رديت الو ها فرات. ها هههه ولك بيت عمي جايين ارعن. دتعال هله بيك لتجي ايدك فارغه. كلشي منريد جيب فلوس ههههههاي.
باوعتله
شنو حيجي فرات
اي توه راجع كال داشوف بيتك
هله بي بلعت ريك خايفه. نزلت حضرت كلشي حتى الاستكاين بالصينيه وقسمت الكيكه وخليت الحلاوه بمواعين صغار صغار صارت 8مواعين مادري بعد تكفي لو لا. بقينا ننتضر
رووف- ها جاهزه
امم بس خايفه
لتخافين قابل شكو
امم اباوع واتلفت عالغراض اندك الجرس ارتبكت رووف لزم ايدي كال
اني وياج نفتح الباب
اي اي كلتها بارتباك وصلنا للباب فتحها كال
هلااااا باوعلي ابتسم ابتسمت طب بابا يضحك بوسه وباوع بوجهي مبتسم جر حسره وجرني لحضنه
شونج بابا
زينه همست بلعت ريك مااعرف ليش داارجف حسيت روحي انضغط على ايدي اباوع ايد رووف طبت ماما تضحك فرحانه بوستها. اباوع بعينها
