رووف- ضلت رويده نايمه ساعات فرات جاب صاحبه طبيب فحصها على نومتها كال مبيها شي نايمه بس يحتاجلها خافض حراره.
بقيت لازم ايدها حتى اني مشفتها خليت سليم وعلي يمها عمي بعد مفات للغرفه ولا البنات بس مرت عمي تروح وتجي.
كومي عمري وراج دراسه
احاجيها بداخلي. اباوعلها نايمه مثل الملاك. وجهه ورد بعدما دفت كلسا واتذكر اني نايم متلفلف بالغطا ودفيان وهي نايمه بالبرد وخايفه. واصير نار املخ بروحي بهالاثناء تحركت متالمه
اي ماما ضهري
تقربتلها راسن
رويده حاسه عليه يابه
اممم اخ راسي ياذيني
ابتسمت. بالم. تلمست راسها مغمضه وتحجي فكت عينها شوي شافتني فزت تبتعد عني
بعدت ايدي تباوعلي بغرابه
شبيج رويده
ماما
همست
شنو
ماماا
تردين باجيتي
هزت راسها تبجي شوي شوي عله صوتها كامت تصرخ وايدها على اذنها
اهداي رويده فركت وجهي بيدي اهداي عيوني انتي باجييي باجي.
هاه. ها يمه رويده
ماما حبابه
شبيج امي سوده عليه تعلي بحضني تعاي
ماما لتعوفيني
هياني يمج
خلي يطلع كوليله يروح
روح رووف يمه
رووف- واكف صافن عليها كامت ترفس وترجف من الله لاينطيني العافيه شسويت بالبنيه طلعت وعفتها كعدت بالهول لازم راسي وحاني جسمي لركبي
حسين- ها رووف
باوعت لحسين ورجعت نصيت
كعدت
هزيت راسي
حفوت اشوفها
لالا عوفها باجيتي يمها عوفها خل ترتاح
ماشي كعدت بصفه خليت ايدي على فخذه باوعلي عيونه مدمعه ورجع نصه جر نفس
ميخالف تصير سوالف
رووف- جريت نفس. اذا نست اني مراح انسى رجيت ضهري عالقنفه عافني حسين شوي وطلعت باجيتي
باوعتلها كالت
نامت مدري شبيها شو عبالك دتنسى وتخربط خبلتني
وكفت ليش
والله يمه مادري والله يمه حموت قهر مادري شون اتعامل وياها حرت هالبنيه حيرتني وياها اذيناها وضلمناها
تحجي وتبجي تركتها رجعت للغرفه طافيه باجيتي الضوه اخذت كرسي وكعدت بصف سريرها. فزت صاحت ماما
