رويده- بليلتها تدمرت مكدرت انام لزمتني البارده رغم صيف كمت احس ضلوعي تطك وحده باللخ بس اني دااعرك احس على روحي احجي بس بس ماعدي اراده باعصاب حلكي من وحدي احجي بس دااسمع الاكوله حسيت الجربايه نزلت احد كعد عليها فزيت كمت اقل شي افز حسيت ايد صارت على كصتي
رووف- تخبلت خفت حيل ليصير بيها شي قررت انهزم من يمها تدمرت ودمرتني وياها وهذا حيدر اذا الزمه بالشارع الا ادوس عليه بالسياره الطايح الحظ واعدها وتركها من الله لاربحك. شفتها. تاذت حيل بقت بالحمام صدقا اخاف اعوفها وهي عدها سوابق بالانتحار بس لمحتها تفرج اسنانها رغم هي بيا حال بس متترك نضافتها واعتنائها بذاتها الشي الخلاني اخجل اوكف قريب منها واحجي رغم كمت افرش اسناني باليوم مرتين بس بعدني بشك انه اكو ريحه طلعت من الغرفه عفتها براحتها واني روحي احتركت حرك شسوي هسه لاكدرت اساعدها ولا ابقي علاقتي بعمي خسرت المشيتين ادري بيها لو تموت متتقبلني شون هسه شسوي صعدت لميتها طافيه الضوه ومتمدده يمكن نامت نامت لان هادئه ماكو صوت بجي تمددت بالمندر افكر بالصار. اباوع عالنضاره وكاجلام سرى لاول مره يدور براسي ضحكتني من كالت على عمي من سوه العمليه حتى مرتي تتغزل بعيوني ههه انزول عليك عمي شون اسوي عمليه. والله مااعرف مالي خلك المشكله اي ملائمه بيني وبينها ماكو هي كلش نزاكه واني غول على كولتها. مراح ترهم ولا اني الشايفها مرتي طول عمري احسها طفلتي راجعه الي. ومميزها عن بنات عمي مااكدر اسمعها تبجي اتخبل من صدك. طول الليل واني سهران عطله ودوام ماكو والطلاب كملت منهجهم بقيت اشتغل تكسي وايجارالبيت يوصللي والحمد لله دااوفي بي شوي شوي بقه شي قليل طبعا ديني لعمي مو لغريب بس طبيعتي مااعرف دين براسي
صارت ب3 من صوت الساعه القديمه بغرفه الخطار ودكتها دكت 3 دكات حسيت صوت رويده. يرجف بهدوء فزيت شغلت التيبل لامب تقرب لبست نضارتي جان جسمها يرتعش وهي تهذي وعركانه وخرت الغطا عنها خايف عليها كامت ترجف اكثر
بردانه ماما باردتلي
ميخالف عيني انتي موزين اغطيج ركضت للحمام ترست طاسه الحمام وخليت بيها خاولي من الخاوليات الصغار التستعملها لوجهه طبيعتها كلش مرتبه منتبه عليها خاولي الوجه يختلف عن خاولي الجسم ويكون صغير وشرط ابيض ومره نشفت بي بعد مستعملته ولو وجهي كله حبوب تخاف حقها فعرفته للخاولي مالتها وبديت اسوي كمادات الها وهي تنتفض من تحس بالمي حتى كف رجلها سويت كمادات جان تفرك واحد باللخ من البروده بقيت الفلف الخاولي بي المرطب مااعرف شصار بيه وتاثرت برجلها المكشفه يمكن كونها حلالي ابتعدت تعوذت من الشيطان اني بيا حال رجعت عليها اسوي كمادات لوجهاا صارت عيني على شفافها المفتوحع كانت حمره ومورمه يمكن اثر الحراره رجع تفكيري توصخ
شون. ممكن يكون طعمها وهي دافيه ومرتفعه حرارتها كلشي بيه تاثر رجعت ابتعدت فتحت باب البلكون اختنكت حسيت روحي نذل. صار وجهي بالمرايه اباوع لنفسي وهياتي كرشي البارز. ووجهي ونضارتي ورجعت باوعت لنزاكتها اضلمها اذا ضلت عدي. تقربت منها تلمست خدها الحراره نازله شوي الحمد لله بقيت كاعد كالت
