رويده- بقينا لل4الفجر طب خالهم روحه طالعه بيبي ضلت تساله كاللها ويباوع عليه
شباب منجمعين يمه بالمحل وناطين تبليغ عليهم على انهم حشاشه وجتي سياره الشرطه فلتو ووواحد منهم ملحك ينهزم ذاب الحبوب بالمحل وبقه واكف فتشو ماعده شي وفتشو المخل لكوها وكعت براس حفيدج وهسه نيمو جوه
لطمت على صدري ودموعي موكفت طبيت للغرفه روحي طلعت ربي دخيلك شون للصبح بقيت كاعده بين صلاه وتسبيح دك تلفوني ب7بابا رديت وبجيت وحجيتله كال رايح لتخافين بابا لتخافين رجلج سبع بابا على الرغم من الشافه من خيدر بس بعد متصالحنا وشافه شكد كافح لخاطري وعاف اهله علنودي كام يحبه كلش ويحترمه وعلى طول يخابره. ويسال عنه لو بعزمه بيتنا وفعلا راحو حسين وبابا ومروه جتي اخذتني وي ماما لبيتنا كضيتها بجي وخرف لاكدرت اكل لاكدرت احجي اليشوفني يبجي عليه. خرجواتي التمو عليه بقو يصبرون بيه ويحمدون بحيدر للعصر طب بابا وخسين ووياه سليم ورووف طلعت ركض باوعتله باوعلي ونصه راسه ايست راسن اباوع لرووف يبتسم عفيه هذا شاك كلبي بس شارك حلكه اني بيا حال
كال
طلعو بابا لتخافين طلعو
الحمد لله لعد ليش مااجه وياكم
جر نفس بحسره كال
ابو اجه اخذه
جمدت بمكاني ابو همست يعني معقوله حيسمعله وينفذ رغباته احجي وي روحي بابا صار يعرف بكل شي عن طريق ماما اللي اني اكوللها عرف بابو من كاله تلزم حصتي بالمعمل ونسيبك يلزم حصه عمك بقيت بخوف والخوف اشوفه بعين اهلي هم لليل اندكت الباب واني عيني عالباب كلما تندك ويطلع مو هو بس هالمره هو فز كلبي طب ركضت عليه حضنته ابجي ويمسد على راسي ساكت همس باذني يله تحضري دنروح تعبان
اوك حبيبي باوعت لامي ابتسم راسن لبست ورحت وياه من طلعت لكيت سيارته العاليه بالباب غمضت عيني وصعدت عرفت رجع لابو بس المتوقعته انه
دنمشي بالطريق باوعتله
حيدر حبيبي شونك
زين الحمد لله
جر نفس بحسره باوعلي بالم ودار وجهه كال
رويده لتعوفيني
ماعوفك للموت لتخاف وياك بالحلوه والمره
انشاء الله
باوعت للطريق باوعتله حبيبي هذا موطريق بيت جدك
رايحين لبيت ابويه
بقيت صافنه فاكه حلكي
باوعلي ودمعت عينه كال
ابويه خيرني لو يطلعني وارجع يمه لو يبقيني بالسجن
بلعت ريك بخوف مرعوبه بقه يباوع بعيني ثكل ووكف بفرع اضاءته خفيفه كتف ايده باوعلي كال
حبيبي. اهون عليج ابقه بالسجن لو تتحملين اهلي ويايه
نزلت دمعتي وغمضت وشريط الذكرى افتر كدامي اخته والاعمال واهله وهند ونفس الشريط افتر بيت جده حبه الي ودلاله وغزله وعيشتنا الطايرين بيها جننا احلى ثنين هزيت راسي اوك
تتحملين عمري
اي اتحمل المر
احبج رويده
اموت عليك بقيت اباوع بعينه وتحركت السياره كلسا جار حسره وصلنا للبيت كلبي انقبظ باوعلي كال
غراضج جبتهن كلهن ونضفت الشقه وبيبي طتني بطله ماعرف شنو هم نضفتها بيها بس متحجين لاحد ابد
اوك حبيبي
هسه حنطب تسلمين على اهلي عادي ونصعد بعد مننزل الا سوه اوك
اوك حبيبي
شتسمعين غلسي
اوك
يله ياعمر حيدر انزلي
نزلت ورجلي تثكل وي كل خطوه طبينا اول شي لبيت اهله سلمت كالعاده رباب عطاب موجوده مسلمت عليه دارت وجهه كالبه الخلفه امه خطيه بوستني جناين عمه اللخ مو ابو هند هم سلمو وصلت لعمي باوعلي بحقد كال
يكون تعيشين بله تمثيليات
بقيت ساكته وهزيت راسي بلعت ريك كوه وصارت عيني على ابن عمه اللي اتهمني انه اغري درت وجهي راسن مسلمت خمس دقايق مرت خمس قرون عبالك كاعده على صبير وحجت رباب عطاب
حيدر سويتلك شوربه عود اكل صعدتها للشقه
اباوع حيدر انكلب وجهه كال
شون طبيتي المفتاح يمي كالت
هاي شبيك تخاف من اختك تطب بيتك شصار وابويه طاني المفتاح الثاني كلبي رجف دخيلك ربي عديها سلامات ماريد اعيش دونه ترخص حيدر وكانما كال احلى كلمه سمعتها بحياتي ارتاحيت من طلعنا من بيتهم وصعدنا وكفت بباب الشقه حيدر كلسا يلتفت ويباوعلي بقلق كال
حبيبي ادري بيج اختنكتي بس الله يدري الدنيا فرتني فر
هزيت راسي طبينا واباوع عالشقه هنا الحمامه جانت وهنا الدم وهنا كتلني وهنا الحقيره تتشمت بيه دموعي تنزل بله مااشعر بيها حسيت حضنني قوي يايابه شكد امنت بعد خوفي بهل الحضن. ورجعت لبيتي ومن الصبح كعد حسيت بشاربه يبوس بيه
ابتسمت كعدت حبيبي
اي عمري يله حطلع قفلي الباب ورايه
اوك كمت بس مريكتك
اكلت جبن حياتي واسوكت اكلي لتخلين بالي يمج واليوم اريد بروتين راح ارجع للحديد
تتدلل من عيوني
فديت زوج العيون الشفت بيها الدنيا جنه
اووف على هالغزل ماخليك تروح حضنته سمعت صوت ابوه من حوه
يللله حيدر ر عطلته لاركان
اي ياب نزل وباسني بالهوا قفلت الباب رحت للمطبخ شفت الشوربه الجايبتها اخته مديوره بالزبل ابتسمت حتى هو يخاف منها بلشت ارجع غراضي وارتب وامسح اخشابي والبيت لحد مكام يلمع وركبتله اكله لل2 اجه صبينا وتغدينا جان ممرتاح نفس راحته بيت جده وكلسا يعصب ويهدي روحه كوه لازم نفسه كملنا غده وجينا لفراشنا تقرب مني يبوس بيه كال
حضنيني تعبان
اي عمري حضنته قوي وهدا توقعته نايم وره مرور ساعه اني من التفكير تعبت بديت اغفي وحاضنته من وره وايدي على صدره على غفله. لمحته فجاه بالمرايه المعاكسه يباوع بوجهي صافن عبالك شارد من الدنيا بقيت صافنه عليه حتى ميرمش بس يتنفس بهدوء وعيونه مليانه انكسار مسالته شبيك لان ادري بي متوجع تركته براحته منام ابد للعصر كمنا سويتله جاي ودنشرب ونتفرج تلفزيون وصعدت عطاب دكت الباب صاح
منوو
اني خويه
كمز باوعلي بقلق والله يخاف منها والله فتحلها الباب كالت
تعال حيدوره بابا يريد وولد عمك الاهل منجمعين باوعتلي وجرت عينها بغرور درت وجهي عنها كال
هسه انزل سد الباب وكعد عالجربايه اباوعله وجهه تخربط فرك وجهه بيده وجر حسره وكف يم الزاويه لبس تراكسوده باوعلي كال
لتنزلين خاف تنغثين
لالا داكوم اكوي هدومك
اوك نزل جوه على غفله سمعت صياح ابو وبعدها عمامه يهدون بي وينترون بحيدر وراها صنطه حجي ممفهوم بس هوسه لليل يله صعد تعب الدنيا كلها بي باوعلي ودار وجهه
حبيبي شبيك احجيلي
ماكو شي
باوعلي ورجع كال رويده تتحملين ويايه
كتلك اتحمل المر بانواعه
نصه راسه ورجع رفعه كال بحسره
تتحملين تنزل عليج ضره
وكف كلبي ورجع دك دكه مخربطه نفس حياتي محجيت مكدرت اتنفس حتى اكدر انطق بس عيني فاكتها كلها وحلكي كال وعينه مدمعه
رويده حتعوفيني مو
بقيت ساكته كال
حبيبي مو بيدي انجبرت والله وبيت جدي حيبيعو وين اخذج وانهزم اقبلي بضره اقلها اشوفج بين يوم ويوم والله العضيم اعدل بينكم وانتي الاصل وتدرين بيه مجبور ولج هددوني يتبرون مني عشيرتي
بقيت اباوعله كال
انتي براحتج اني تعبت بعد من ملحته وتهديده بلكن الله ياخذه وارتاح
جريت نفس واخيرا كدرت اتنفس
حيدر اني شون حكدر
تدرين بيه ماحب غيرج وتدرين شكد احبج وتدرين بيه مجبور كالها وعيونه انترست دمع كمل كلام كال
اساسا اني اخاف منها تصدكين ماامن بيها
هزيت راسي خايفه وميته قهر كال
الج يومين تختارين لو تضلين ويايه لو اوديج لاهلج ماريد اضغط عليج
بقيت صافنه عافني وراح للهول تمدد عالقنفات عرفت صفنته وخنكته وعرفت ليش ابو طلعه وعرفت ليش بابا وجهه مكلوب من اجه من المركز هذا جان شرط ابوه الليل كله افكر لحد ماروحي طلعت اخر شي توصلتله هو يحبني الي وهذا بيتي وهو يبقى جوه بلكن الله اخلص من مشاكلهم ومن اليردو مني وميسوولي بعد اعمال وهي جوه واني فوك شعليه منها وادري بي يحبني الي افكر هيج وابجي بقهر من اتخيله يباوع على غيري لو غيري تحضنه. كعدت الصبح مااعرف شوكت نمت شفته طالع كمت اغسل وجهي اباوع مكتوب على ايدي بقلم حمره
اني كلبي مسجل الج بس ماراح احب غيرج انتي وامي امنني ولتتركيني تحملي ويايه متعرفين ربج شضام لباجر
اقره وابتسم بالنهايه مكتوب
احبج
ابتسمت رفعت راسي ليفوك
ربي دخيلك طيني الصبر خليها تعدي سلامات فقررت ماتركه خابرت ماما عليه وحجيتلها كلشي كام تغلط وتسب باهله واني ارتاح اخر شي كالت عوفي وتعاي
ابد ماما ابد رجلي الي وحدي
ماما ميعوفوج ذوله
اني ماعرف رجلي يمه تدرين شنو حيدر تدرين حنان البي شنو
اوووف اي والله يمه عرفنا من عافهم بس يمهم ينكلب كيفج ماماتي بس خلي تلفونج يمج لتخوفيني عليج
اي ماما اوك
كمت راسن نضفت البيت وحضرت غده وبدلت تحضرتله واردله جوابي وطب من الشغل بهدوء يدورني بقلق جنت خاتله وره الزاويه بقه يفر براسه وراح للمطبخ فك الجداري كال
رويده وينج
يمكن بباله سويتله غده ورحت لاهلي ضحكت ضل يدور بقلق اباوعله راح لاحمام ورجع لزم فونه دك عليه دك جان التلفون بالهول
جر نفس وكعد عالجربايه حسيته ايس لزم راسه وطلعت من وره الزاويه جان منصي ولازم راسه بيده الاثنين تقربت رفع راسه راسن اجه عليه بسرعه حضنني ويبوس بيه يهمس
كلت عفتيني كلت راحت من ايدي عافتني متريدني بعد
من تطلع روحي اشرت على ركبتي مبتسمه من تطلع روحي اطلع منا باوعلي ذابت روحه تقرب بلهفه لركبتي يبوس بيها انتضري وصبري علي لا اخبطها واشرب صافيها بس خلي يموت ابويه وشوفي شسوي الزم الشغل بيدي ولاابقي هند ولا اعولنها انتي وامي وبس مثل ماضلموني اطيح حضهم بس خلي يصبرون عليه ويشوفون شيسوي حيدر واخذني للفراش عوض البارحه وعذابه وامطرني بسيل من الغزل واللهفه والحب جان كلش عاطفي ومتلهف هالمره حضنته قوي وبس كمل وابتعد حضنته جر نفس كال لتعوفيني ابد كلهم وهم بس انتي واقع رويده
انشاء الله حبيبي ماعوفك وياك وياك الا ان تفرج لتخاف الله ويانا
الله كريم غمر راسه بحضني وغفه حتى متغده حبيبي لعد شكد تعبان كعدنا العصر صبينا وتغدينا توني اكعد اكل واندكت باب الشقه وطب عطاب اويلي الله ماعدها غيري هاي كالت
حيدوري وينك
هنا هنا رباب بالمطبخ
يااه هاي هسه يله صبتلك والله يا الله الجناين ديحضرون العشا وانتي توج تغدين رجلج
ابتسمت مرديت بقت صافنه عليه شون مبتسمه وممهتمه جاوب حيدر
لا مو اول مطبيت حضنتها ونمت البارحه منايم تعبان
هاا اي شكوش منها عود انزل عمامي وابويه جوه باوعتلي من فوك ليجوه كالت
تره الشقه بيها ريحه شنو ماتنضفيها
ابتسمتلها كتلها عود انضفها طلعت من يمنا باوعت لحيدر كال
معليج منها تخبل ريحه الشقه عمري
ادري حبيبي ادري كملنا اكل باوعتله يشرب جاي
شنو عمامك شعدهم
هو علمود صخمه نتر
شنو يعني مشيه وهاي
لا يابه هم بس يردون عقد حيموتون
هسه شدعوه ماكو رياجيل هي شون ترضاها لنفسها
بابا فلوس اهم شي فلوسهم متروح للغريب فكررر
بقيت اباوعله اول مره يحجي هيج عليهم كمل بدل ونزل جوه وكلبي انقبض وارجهجع اتذمر سوالفه من تقرب مني والله لو يموتون ماخليهم ياخذو مني لليل صعد كال
الخميس يسوون زفه ويجيبون غرفه ماريد تنقهرين لان تعرفين اني داخلي شنو
بقيت صافنه ووتنزل جوه تنام
حبيبتي اريدج قويه
نزلت دموعي ارجف شبسرعه حيدر متوقعت هالسرعه
رويده وعد وعد اوديج للشمال بس اخلص هالشهر الاكشر
هزيت راسي ابجي اوك حضنني قوي همس
اوديج لاهلج عمري خاف متتحملين
اي وديني
جر نفس كال واني شون حنام هز راسه ماشي لخاطرج ولا تتاذين وفعلا للاربعاء بليل اني اشوفهم يحضرون طايرين وكلسا الحقيره رباب تهلهل وتسوي كولات عناد وجابو الغرفه والديجي والهوسه واني كوه مصبره روحي والسبحه بالصلاه على محمد متركتها بابا صار عده علم وخله ماما تخابر تكولي هسه تجين وبالفعل لليل طب حيدر وجهه تعبان عبالك حيوكع متوقعت هلكد مرايد هالزواجه يباوعلي الم هدومي بهدوء وعيونه مدمعه تقربت منه همست
كملت بقه يباوع بعيني وجرني لحضنه ويشم بيه بلهفه هدا شوي وراها كام يشهك بحضني اني دموعي تجري سكتاوي كال
راح تطلع روحي بطلعتج
لتخاف عمري هالاسبوع واحد نخلي للاشتياق وارجعلك ماعوفك
رويده بكد عذابج قاطات اتعذب مااتحمل تتاذين والله
حبيبي سوي اليردو واتجفه شرهم
وهو كذلك اخ ربي انت التعلم يله عمري باسني من ايدي ونزلنا ومهد ايدي واني احاجي واضحك ماريد يشوفون انكساري داانزل وشفت رباب ترتب بالنراسي وي رجلها رفعت راسي مبتسمه وحيدر ضغط على ايدي كالت
هااا حتروحين ليش خو ضلي عالعرس عهههههه
لا خلي حبيبي ياخذ راحته كلتها ببرود اذا بقيت مراح يكدر ميصعد فوك وعيب من بت عمه ابتسمت باوعتلي عوجت حلكها كالت بثقه
خل نشوف بعدين شيصير هههه ونشوف الميزان المن ينزل
مهتميت جرني حيدر ونتر بيها
كافي ربابببب جاوب زوجها
على كيفك شصار محجت شي ونسوان بينهم لاتدخل
انت اللي لتتدخل اني واختي فاهم وانتي اذا متسكتين هسه اهد كلشي واخذها واسافر واخلي حتى اخته علج بحلك الناس لجبيوم الحنه وطفر خطيبها
اباوع وجه رباب زنبر وتباوعلي بحثجقد كلمه محجت خسيت بانتصار رهيب رغم اني اول الخاسرين بس يكفي اعرف داخل حبيبي شنو من الشي وصلني لاهلي نزلت ميباوع بوجهي اباوع قابض السكان قوي لزمت ايده غمض ورخت اعصابه باوعلي
انتي من شنو مخلوقه كوليلي
ابتسمت. من ضلعك نصيت بست ايده جر راسي باسه ونزلت سديت الباب نصيت باوعتله
دير بالك عروحك
راح تطلع روحي رويده والله
اسم الله حبيبي برطمت لعد اني شكول
لتبجين تره اخرب كلشي والله
هزيت راسي وطبيت وسديت الباب مجرد متحركت السياره كعدت ابجي بالكع اهلي شافوني فتحو باب المطبخ وركضو عليه امي تحضن بيه وبابا بس يباوعلي بعتب هو. وحسين هناك لمحت رووف بعيد واكف بالصاله منصي راسه ويمسح بعيونه لاول مره اشوفه مقهور وعليمن عليه هيج شكلي وشهكتي تقهر طبيت للغرفه طتني مروه حبايتين ونمت مااعرف شون حسيت الضهر ثاني يوم مثل الفازه اكيد هسه دخل لان هم عرب الضهر دخلتهم اكيد نام وياها تهسترت ابجي واملخ بروحي بسكوت طبت مروه العجغرفه ضلمه واني جوه البطانيه ابجي تقربت مني بس وخرت البطانيه شهكت حضنتني تبجي ويايه وطبت ماما وسرى كلهن حضنوني يبجون لبجايه حسيت روحي تطلع بقسوه وكلبي معصور كلش طتني ماما عصير وره شوي طتني مروه حبايتين لخ كوه ابلع المي والعصير بس ردت انام دك تلفوني حيدر رديت صوتي رايح
الو
حبيبي ليش البجي شتفقنا
تقربت منها نترت
سكت
احجييي
لا
جريت نفس مرتاح كتله وصافنه على روحي شدااحجي خلصني فضها كل يوم تاخير يعني اتاخر اني هنا
مكدرت انام البارحه رويده
انت رجال حيدر
يمج انتهيت طفل صرت بيدج اخلامي بيج اللي تهدد بانج تتركيني حتموتني
ميخالف بس هالاسبوع انساني احجي وابحي راح حيدر واني نمت راسي ثكيل -----
