رويده- جمدت بمكاني كلشي بيه كام يوجعني ودموعي تجري سمعتهم وضهري عالحايط وجوه الهلاهل تركع
حيدر- هند والله الله يدري شكد متندم
هند- واني شكو انت بعد تزوجت اني شعليه منك
بت عمي اذيتج ادري بس منتوالم سوه لخاطر الله طلعيني من راسج والله يدري شكد ندمان
بابا شبيك مخنث اني ماعدي شي وياك شوي افوت جوه
شتردين اتزوجج كوليلي
بقت ساكته وضحكت بشماته
حبيبي اني ماحب احد يشاركني بماعوني
رويده- طبيت مكدرت بعد وعلى اعصابي الحفله كلها خلصت بالكوه ورجعنا حيدر من بيت جده صعدت بشقتي وبقه يتصفن وياعب بشاربه واني ساكته مااعرف ليش ساكته حتى مبجيت بس حسيت تقشمرت وخلص الموضوع ردت اشوفه شحيسوي وهاهي اتفرج عليه ادور حبه وين باوعلي كال
شبيج صافنه
مابيه شي جر نفس
اني نازل لاهلي
رباب جوه مو
اممم يله تنزلين لو ترتاحين
لا اني حنام
اوك
نزل جوه واني نمت توني اغفه حسيت على ايد تخنكني بقوه بحيث احس اضافر اخترقت جلد رقبتي لا اكدر الاصرخ ولا اكدر ابعدها بس بكلبي اردد يارحمن يارحيم ماعرف شون طلعت هالكلمتين يمكن لان مذكوره بالبسمله. يمكن ردت رحمه ربي الا اني بعيده عن الدين كل البعد صلاه قبل كم يوم بديت اصليها وفزيت بشهكه واجر بنفسي تعبت شاغت روحي واباوع عبالك مغفيت دموعي تنزل بسهوله وتعب مدااكدر بعد كرهت حتى حيدر اللي مبقيني يتفرج عليه صعد باوعلي باوعتله بحقد كال
شبيج
مابيه شي همست حيدر اذا ابقه هنا اموت والله احلامي مدااكدر اتعايش وياها الشغلات الداشوفها هواي على عقلي وانت مدتصدكني
بقه يباوع عليه جر نفس كال
الزمي صلاتج وقرانج تروح هالاوهام من راسج وين اوديج اني ابويه كوه ساكت لان اخذتج تردين يشن عليه الحرب
همست ساعه السوده مااعرف شون طلعت تقرب
شنووو كلتي
مكلت شي
لالا كلتي
مكلت شي حيدر صرخت بقه يباوعلي بكره طميت روحي بالمخده بنتره وتغطيت حته وجهي تركني سمعته ورث جكاره كملها شوي واجه بالفراش مجرد وجوده يمي جسمي نمل وبده ينغز بيه بقت بس دموعي تجري طلع الصبح للشغل خابرت مروه حجيتلها كلشي كتلها كولي لماما شوفيلي جاره حموت كالت
مصارلج ج6شهور من تزوجتي شكول للعالم ماما لزمي صلاتج وصبري حبيبتي
اقتنعت بعد كلام ماما الي رغم مكتلها عالحمامه خفت لاحيدر يصير عصبي لراحت ماما وفعلا كمت اصلي واقره قران احس روحي هديت وسكنت روحي مر يوم يومين شهر كمت اتلافى الاشوفه الاحلام منكطعت الموزينه بس اكدر اردد البسمله براحتي وافز اصلي راسن وارجع انام فتره كمت احضن القران وانام وفتره اسبح حد مااغفه حيدر رجع تقرب مني واني وافقت عالنص وابتعد كال
تعبان حبيبي
اوك حبيبي براحتك باسني من راسي ونام بس حسيته من نفسه مدينام وضيعته تخربطت ميكدر ينام ابد وعلى طول عصبي واني مقاومه وممهتمه بيوم التجي رباب اخته البيت يحترك احسه جوه صياح ابو وياه وهي صياحها كمت انزل انضف للعلم عدهم جناين ولد عمه 2 جوه بس رباب امرت اساعدهم وكمت اساعد فعلا بس الصم حلكها حيدر يصعدلي فاير ابقى اردد استغفار ماما ومروه علموني اشوفه مثل الطفل يلوب يلوب ويتقرب للفراش افتح ايدي يطب بحضني ابقه اقره على راسه لحد ما يغفى. ابقه بهالوضع ساعات واني مااكطع استغفار وصلاه عالنبي لحد ميكعد صارت راحته بس بحضني بصلاتي. وقراني كدرت اكسر الحاجز الصار بيننا السوو باعمال شيطانيه كمت ادخل عالنت اعرف الديصير واقره بالرقيه الشرعيه حبيبي صارت راحته بيدي. بهمس لساني يدور باذنه على حلكي ويلزك اذنه بي ثواني واحسه غفه ايام يفز بيها يقترب مني راسن افز وابقه اردد تعبنا سوه بس اني راح تعبي بالصلاه والقران اللي صار شغلي الشاغل وبيوم من الايام خابرتني مروه. كالت حنروح زياره وي بيت عمي كلنا تجين
بكلت لحيدر هز راسه كال اي نروح كوليلها اجي بالسياره وي رجلي وفعلا الفجر طلعنا قفلت باب شقتي حتى محد يطب بعد حيدر مناقش ابد طلعنا وياهم جانت عمته جايه وي رووف مر على زواجهم شهرين باوعت لرووف مديضحك مثل قبل وهي شسمنهااا وهو ضعفان فرات وعلي وسليم جايين واحنا كلنا اجرنا بابا كيه وطلعنا بقينا سياره رجلي بالطرمه مالتنا وطلعنا وياهم فد كيه السفره كلها نايم بحضني ليوره وامي تباوعلي
يمه شبي حيدر
عوفي ماما تعبان بس مكطعت الصلاه على محمد عرفتها دوه الي. باليوم جنت ارددها 3000 مره يله ارتاح اباوع لرووف التفتت ابتسم من شاف حيدر نام بحضني ضحكته راحت ورجع اندار وصلنا وطبينا زرنا وطلعنا حيدر متاالف وي الولد وعمته لحيدر حقنه كلشي ميعجبها شايفه روحها كزه وتخبل هي جنها سطل عمبه دمرته لرووف بالطريق اشتريلي واشتريلي تكول مناكله واني ادري برووف اقتصادي كلش بس جان كلسا جايب علاكه ومخليها بايدها اخر شي كام كعد ليكدام يم ابويه وبقه يسولفون سوه. بطريق الرجعه هم كضاها نوم التفت حسين كال
رجلج مطلع حسه بس نايم
تعبان
حتى من طبينا شبع بجي
بقيت اباوع ملامحه طفل بيدي. نايم ولازم جف ايدي اتلمس شعره واردد وصلنا ورجعنا للبيت صعدت اباوع عالدرج صارت بيه سوله وخوفه جانو بيت عمه جايين باوعلي دااصعد كال
شوي واجي بس اسلم
اوك حبيبي براحتك فتحت الباب مال الشقه اباوع عالباب طكع فتحت الباب وطبيت سميت بسم الله كلشي ماكو ارتاحيت مرت يوم يومين والثالث. جتي عمته ببيتنه وحيدر كال ننزل جوه عيب نزلت وكعدت يم الجناين مال عمهم اللي همه بنات عمهم بس غير ابو هند والله حبابات بس محد يصادقني غريبه اني جانت العمه بالنص رباب وبنتها ورجلها كاعد وعمي وعمتي وهي تحجي. كعدت يم حيدر ولا خجلت بقت تحجي على رووف -- كالت رباب
مادري شون متقبلته جنه خبل
