حسين- نزلت وره ابويه اسوفه شحيسوي نزلته مو متوازنه رجع لزم المحجر مال الدرج جر حسره ورجع كمل للصاله طبيت وراه اخاف افك حلكي متوتر حيل احتاجيت سليم. يمي كعد ابويه وارتجي باوع للسكف طلع مناضره من جيبه ولزم الفون باوعلي كال
هاك ابني راسل شوف شنو غايته
اخذته منه فكيت الباسوورد طبعا اني المهلي الباسوورد بالفونات كلها من وره رويده واعرفهن واحد واحد فكيته ودخلت عالرقم دزيت
الو منو حضرتك حسب مكال الوالد بالتفاهم اريد اشوف ليوين اي غلطه بيها فضيحه وخواتك اي عرس ميروحون بعد جنت اهز راسي موافق لان والدي وجهه تغيرت علومه
رسل الشخص
خيرتج اني وميحتاج تعرفين بعد
لو اني لو معد مدام بعدكم معاقدين قريت باوعت لابويه
يابه هذا عرف
طليقته يابه طليقته واني شلي بدوخه الراس ولو معد ذهب معدنه بس ميفيدني اني من رويده خلص كلبي امتبلها المطلوب
المطلوب
تتركين معد
وتركته وبعدين شنو اليضمن متنشرين
اذا نشرت بعد ماعدي شي اهدد بي واني معد اريده
ماشي انتي طليقته مو
اي واذا وصل خبر اله اني مراسلتج او فصختي من ورايه العشيره المفتخره بيها والجامعه وولد عمج اليتباهون بيج اخليهم يوميه قبل لينامون يفوتون لاحمام يتفرجون ويرتاحون يله ينامون
حسين- قريت الحجي وشمرت الجهاز عالقنفه لزمت راسي ابويه اخذ الفون كال
ساقطه هاي يابه ماعليها عتب الله يعين كلبج سرى والله يعينه تعلقو ببعضهم. اني صوجي بنتي ماعليها كاصر وانطيها لمطلق
صارت بعد حجي والسبع الينفذ بجلده
وهو كذلك يابه صيح على سرى واصعد نام
صار
صعدت لكيتها تبجي طبيت جريت نفس باوعتلي باستفهام تريد تعرف عيونها اطمئنها جريت حسره
سراوي ابويه يريدج
اي
كامت سندتها مضل بيها حيل نزلت جوه ونزلت وياها كعدت يم بابا تتضاهر القوه مسحت دموعها بابا جر حسره باوعلي كال
ابو علاوي روح يابه
اوك صاعد باوعت لسرى مسدت على شعرها غمضت عفتهم وصعدت كلبي نار هاي صار شرف الحراير لعبه بسيطه هينه خل اعرفها اذا ملعبت عليها خل تصبرلي بس خلي يمر. تمر فتره
،سرى- من شفت ابويه عرفت شيريد حر حسره وكال
بابا سرى دتشوفين رويده شديصير بيها
هزت راسها برطمت
يابه بعدني محاجي وبعدنا توكم شهرين بينكم حبيبتي اذا حلينا هالسالفه متدرين شتطلع بعد من سوالف
