رويده- وصلنا لبيتنا نزلت وبابا ورايه بالغراض صار بوجهي حسين نصيت راسي رحت يمنه اجه كبالي رحت يسره هم صار كبالي يبتسم رفعت راسي عيوني دمعت تقرب عليه حضنني قوي
لتبجين رويده موجودين كلنا وياج
اسفه حسين
ميخالف واحد يغلط ويتعض من غلطه صح
اي صح هزيت راسي خجلانه طلعت ماما بقت تباوع بعيني بوستني واباوع لهدوئي وابتسامتي ابتسمت كالت فواي دنتريك انعل ابوه يابو الجابه علينا
بعدها مسبته توجعني سكتت وطبب بابا الغراض وي حسين اباوع لبابا احس حمل وانشال من على كاهله مرتاح حيل وحتى ماما وحسين طلعت سرى عالسريع تعدل بهدومها شافتني جمدت باوعت لهدومي اللي بالجنط ابتسمت ركضت حضنتني باوعت بعيني
حبيبتي كوليلي خلصتي منه
اي سرى ماريد اروح بعد ماريده
ياروح اختج انتي خلي يوالي هو الخسرج
معليه بي ولاريده يتاذه ولاريد لسمع شي عنه طلعت هدير شافتني واخذت جنطيدبالغرفه طبيت وراها راسن تقربت باستني كالت
الموت ولا المذله رورو
صح هدير والله تفتهمين
الحمد لله انسي
انشاء الله
ورجعي لدراستج
اي ارجع انساء الله سنه التحي
عفيه يله حروح تاخرت بستها بالهوا وطلعت
رويده- بدلت هدومي صافنه على روحي زين وروحي المطشره وذمرياتي باوعت للسرير وحجيه ووعوده رفعت راسي للسما ربي بجاه الصلاه على محمد نسيني اياه. صاح بابا كانما مثل قبل كانما السنه وشهرين ممرت كانما البارحه وبعدني طالبه وديكعدني حبيبي من النوم صاح
يله بابا رويده الجاي خيبرد كلت وي نفسي
ياسند رويده ورفعه راسها الله لايحرمنا منك ونضل مدللات بجالك طلعت مبتسمه لازم اقاوم لازم اعيش تعبت من النفاق والناس تاكل ناس كعدت وي اهلي وتريكت وياهم بابا جان طاير ميعرف شيخلي يمي وكلسا جارني حاضنني كملنا اكل وكمت وي ماما ومروه اللي بس تشجع بيه من اسوي شغله ولا عبالك جنت لازمه بيتي قبل ركبت وي ماما وساعدت كروه اللي بس تتصفن مدري شبيها
مروه- البارحه بليل دك تلفوني جانت ب11 باوعت عالرقم نور فزيت رديت راسن
الو مامو رد رجعت كلت
الو نور
هلو مروه شونج
فكيت عيني استاذ رضا
اممم
هلو شون صرت بالي يمك جر نفس بهدوء وسكت
الو
ها مروه
شونك سالتك
زين الحمد لله صرت احسن
الحمد لله بقيت ساكته وهو ساكت كال
مروه عادي اراسلج لو مشغوله
بقيت ساكته همست اوك عضيت شفتي قوي بداخلي ----ماريد اراسله اني بليه شي ميته بي هم اتعلق ويروح بعدين لمرته والله متت ميت مره من تزوج خليني كوه عشت
زين مع السلامه
هله بيك سديته شوي وجتني رساله عالفايبر
ممكن احاجيج
تفضل
بس شي ميخص نور يخصني عادي لو مترهم او متردين
بقيت صافنه كلشي بيه رجف كتبت حايره شكتب بس كتبت
استاذ اي شي اكدر اساعدك بي الك ولنور اني حاضره بقه شوي ساكت ورجع كتب
مروه اني تعبان حيل
سلامتك كتبتها وكلبي يدك قوي
تدرين بزوجتي عدها شي قديم وي حمه ابنها حتى قبل ليموت زوحها
بقيت ساكته
مروه الراح اكوله بعد المحادثه منكملها رحاءا مسحيها وانسي كلشي محتاج احجي لان مااكدر احاحي اي احد اخوتي يعرفوها وخاله نور تصير بيها هد عكل هاي فاهمتني مو
اي استاذ فاهمه اوك امسحها كلها
تعبان حيل دااحس نفسي مضحوك عليه
ميخالف استاذ انت نيتك صافيه
اي والله كل الردته ام لنور متوقعت حتشد وياها خالتها تعرفين شنو خالتها
اي استاذ مفروض تكون مثل امها
اني على هالاساس اخذتها مروه كلبي نار مو شغله حب وعشك لا الله يدري بعمري. محابها بس شغله احس روحي منصوب عليه
