رووف- من شفتها روحي انسحلت شنو. المبقيج بت عمي ليش ماذيه روحج وياه رجعت للبيت مخنوك وحتى سليم هم صعد وكلشي محجه امي بمجرد ان شافتني كالت
يمه تتعشى
مااشتهي يوم
منو وياك يمه
نصيت انزع حذائي بالباب رفعت راسي وذبيت على صفحه تنهدت بحسره اباوع لامي مسويه كصايب شعرها الفضي طرفها ملفلف تقربت منها بست راسها باوعت بعينها تباوعلي بقلق
يمه رووف شبيك
يمه الواحد ليش يحب اللي يذله كلتها بالم
ليش يمه من وياك احجي عمك بيت عمك غثوك بشي
يمه يايوم شمعتي منهم حجايه
لا والله ولا فد يوم ان جان من عمك لمرته لبناته لحسون لعد شبيك منو الكدر خاطرك
يمه هاي بت عمي هواي دتتاذه اليوم بجتني والله ليش هلكد تتحمل تضغط على روحها
علمود رجلها يمه هي اعرف
يجوز تحبه
ام رووف الحب اللي يذلني بلاه
حجي هذا يوم الحب اعمى من تحب من صدك ذاك الوكت احجي
الله ليوكعني وكعتها بس والله سحلت كلبي سحل بحياتي متاذيت هالاذيه بعدها صغيره وحلوه اشكال شافت ضيم
الله يساعدها ويهدي رجلها عليها بعده يريد يتزوج
باجر زفته يوم
ياااا الله واكبر عليهم من عيال
سكتي وخليها دمروه للولد وهي تدمرت اكثر
دتعال تعال شون كباب مكليتلك
يمه بست ايدها يمه فدوه رحتلج ممشتهي خلي الباجر اتريك بي طلع علي من غرفته صاح
يممه
ها يوم
ها رووف الله يساعدك
ضحكت هله علاوي شونك
زين الحمد لله
باوعلي وكال
يوم هاي هدومي واكع عليها حبر شون اوخره
هههه شوكع الحبر عليه علاوي
مو رحت وي صاحبي لجامعه وخليت القلم بجيبي
هاااه ههه يله ميهم خليله قاصر
لا يعدم القنيص يمه مامنه حاره راح القميص
شو جيبه
رووف- عفتهم وصعدت تمددت وبجيها وصوت صرختها ووكعتها بالكع تاكل بيه اكل دمرتني مكدرت انام بس اتكلب يمكن نمت ساعه لو ساعتين بعدها بدلت ورحت للمعهد نزلت اكلت خبزتين ونص علي بس يباوعلي من اكل مهتمين كملت امل كال
تره هواي دتاكل سمنان اكثر من قبل متضوج شكلك عبالك بالاربعين وانت بعدك توك ب30
مرتاح هيج اني هههه احب الاكل
رووف دااحجي صدك علمودك حتى ياثر على عقلك صوتك وفصاحتك وعافيتك هندامك شبيك متفكر بروحك باع قميصك
هزيت راسي كمت لبست وبست راس امي وطلعت مهتميت صعدت بالسياره بصعدتي نزلت السياره سقت ووصلت للمعهد شفت صاحبي معد بالباب سلمت وفتت كل يوم هيج وكت يوكف بالباب شعده مادري ماحب اتدخل ابد
سرى- استمرت علاقتي بي نضرات بس راح تخلص السنه وبعدني على هالرنه بعد متصل عرف الاتصال يضايقني ولا وصل يمي لان بس يعبر الشارع انهزم وافوت الجامعه سالفه رويده اذتنا كلنا صوت بجيها بالباب لحد الان ترن باذني بس ارجع واكول هي السبب ليش رجعتله شون حتعيش بعذابه هسه شون حتكمل حياتها وهمه كومه حيايه بالبيت ومن تحاجيها تكول
ميكدر بليايه حيدر بدوني يموت زين وانتي
اني اريد راحته وبس
انتي تكدرين تعيشين بلياه
مااكدر اشوفه يتعذب ببعدي وماروحله
اكتشفت اختي تحب تاثيرها على خيدر مو تحبه لتفسها لا لان اني لو بمكانها مستحيل اتحمل حبيبي يرتبط بغيري. بس هي رادت راحته وبس وداست على روحها وكلما باوع لمعد اتذكرها واتهرب كرهت الزواج كله والرجال وانانيته حسيتهم كلهم نفس الشي مرت يومين مااباوعله لمعد من افوت انزل راسن وافوت ماخلي عينه بعيني ومن اطلع هم يوم يومين والثالث رابع يوم متحمل عبر لرصيف جامعتي من طلعت صار بوجهي نصيت ومشيت من يمه سريع كال همس
اىكفي بس احاجيج
موكفت كملت مشيتي بعصبيه
سرى زين امشي بس علكيف حتى احجي وياج
مرديت بقيت امشي سريع وهو ورايه كال
شبيج ويايه
التفتت خزرته وكف جمد بمكانه بلع ريك ونصه تلفت يمنه ويسره جر نفس وشال ايده اساره توقف هو وداير وجهه كال
اعتذر ودار وجهه وراح
ارتاحيت حيل ونفس الوكت كلبي انعصر داخلي يصيح لتروح ابقى امشي ورايه وبنفس القدر يصيح روح كلكم انانيين وحقراء لو بيك خير متطلك مرتك يجوز انت كذاب مخاينتك وصلت لبيتنا واعصابي تعبت هالاسبوع كله عطله من الخميس للثلاثاء يله دوام ارتاحيت
مروه- مستمره انطي دروس لنور وهدير وصديقاتها نور صارت تحجيلي كلشي من يروحون صديقات هدير ونبقى وحدنا اني وياها وهدوره. تحجيلي عن علاقه ابوها بخالتها المهزوزه
نور- يعني كاللها البارحه سمعته لتخابرين عمه لابنج بعد كالتله عمه ويريد يشوفه وكامت تصيح وحرام عليك كلها اذا خابرتي اطلكج كالتله هاهي اوك ماخابره مو طلع للجامعه سمعتها تحاجي وفد اسلوب يلعب الروح
لاا محمد لتسوي هيج فدوه ازعل عليك
ست مو اسلوب مره متزوجه يعني تتنعوص وترجع ليوره وذاك فد واحد مسقط. مثل ابن اخو
ماما انتي معليج منهم عليج بدراستج
خاله بابا حيموت من وراها صارلي يومين مشايفته يرجع ب1 بليل حتى ميشوف وجهه لان متعاركين وتالي هسه اني من جيت شفت سياره عم ابنها طبكت بباب بيتنا وطلعتله هي توصل ابنها بالنطرون الحصر والله ست
عزه بعينها الله يسترنا نور حبيبي معليج منها عليج بدراستج ولا تهتمين زين سوي العليج وتلافيها
اي ست هو اني هيج مسويه
عفيه سبعه نور
مروه- بقيت اتصفن تضحكني هدير من تسب بيها. وهي هم تسب وراها يضحكون ثنينهم. بس خلتني بدوامه بقلق دائم عليها وعلى ابوها لحد مافد يوم العصر جنت طالعه وي بابا اتسوك شغلات لعيد ميلاد هدير وحسين ويانا جان ديشتري قمصان يريد يروح للهند يجيب بهارات وماعده ملابس زينه فكال
اروح وياكم للسوك على ذوقج مروه اخذيلي
اوك يله امشي صعذت وي بابا وحسين يسوك وصلنا تقريب السوك ودك تلفوني نور شنو السالفه اليوم ماعدي محاضره
الو ها نور
ست عفيه الله يخليج
جانت تبجي وترجف وصوتها عالي
شبيييج ماما شكو فزيت بابا التفت متفاجي صاح شكو رويده بيها شي
لالا بابا نور هاي حسين راسن ثكل ووكف باوعلي بالمرايه كال بصوت شبيها
اوكفو
شبيج نور احجي على كيفج حبيبتي
خاله بابا واكع ميكعد وماكو احد بالبيت وبيت جدو اخابر ميشيلو ماعرف شسوي
رفعت راسي خالتج وين
خاله كل احد ماكو الله يخليج حموت خوف على بابا
حسين- يمعوده نشفتي دمي شكووووو
ابوها متخربط
بابا كال
مامو احد يمها
لا بابا وحدها نور وين بيتكم دليني صاح حسين
انداه اندله كوليلها لتخاف جايين
ابو حسين- منين تندله
حسين- هزيت راسي بالموافقه. مرديت اباوع للطريق كلبي يرجف عليها كم مره رايح وجاي يم بيتهم وكت رجعتها من الدوام لو الحك الخط من يوصلها من جنت فد نوب اريد اشوفها ومالحك عليها من تجي لمروه مشيت بسرعه وبابا يهدي بيه
علكيفك يابه
مروه- اعصابي تلفت لحد موصلنا نزل حسين راسن واني نزلت وبابا ورايه دكيت الباب ركضت نور فتحتها حانت بدشداشه قصيره تعاليك ميته بجي ترجف اول مشافتني كالت
ست فدوه بابا حيموت حيموت
حسين ركض طب هو. وبابا التفت بابا كال
مامو احد
لالا عمو مامو احد بس بابا عفيه
حسين- ركضت عليه شفته ممدد ووجهه احمر دم كعدته مكعد حاولت اشيله جثيث تعاونت اني وابويه اخذناه للسياره ومروه ركض ويانا دتصعد ووياها نور دتريد تطلع للشارع صحت بعلو صوتي
وووووين طالعه وموانتي مصلخه امشي من خرب حضج امششي لبسييي شيييي بهالحجايتين ووكفت سياره بالباب صاحت عمووو طب عمها ركض يصيح
لج عمو شبي رضا توني قريت رسايلج وينه
عمو حياخذه عمو عمار للمستشفى
اطلع حجي اطلع لاحكك بس اوديها لبيت جدها امشي لبسي خل اخذج بيت جدج احجيلي شبي ابوج
تخربط عمو ومادري شبي ميجاوبني من اكعده. لبست بسع وصعدت بسياره عمي فرعين وذبني بيت جدو وراح للمستشفى وره عمو عمار
مروه- خلاه حسين وبابا ليوره واني كعدت ليوره بابا ليكدام وي حسين. تدنيت سديت الباب انحشك راسه شلته خليته على رجلي يمكن جانت امنيه من امنياتي القديمه بقيت اباوع ملامحه وحسين وبابا كلسا يستلون
بابا حجه شي مبين علي صاحي
لا بابا مواعي بقيت اباوع بوجهه ملامحه الخشنه وحمار وجهه شكه عينه ورمشه الجوزي وخاجبه الطويل تلمست شعره الخفيف فك عينه بتعب بلعت ريك بقيت ايدي على راسه نصبت راسي على وجهه همست
دكتور واعي
همس مبتسم مراوي رجعت راسي رجيته باوعلي حسين
هزيت راسي يغيب ويصحى بس خل نوصل
كال
مضل شي وصلنا
وصلنا للمستشفى واخذو للطواريء شوي وطلع الدمتور كال ضغط مرتفع عده كلش وهسه يخفض عالمحلول والابر استريحو باوعت لبابا يباوع عالباب
ها بابا
يابه اخو ميدري يامستشفى هالحجايه ودك تلفوني نور
ها نور
ست عمي يسال يامستشفى
كوليله باليرموك حبيبي
اوك شونه هو ست فدوه كوليلي
والله صحه نورلليل يرجع لتخافين حبيبتي اهدي. لتبجين موزين عليه اذا سمع بيج تبجين هو يتاذه
لا ست الحمد لله حسكت
شوي واجه اخو وتشكر من بابا وحسين ومني بقينا شوي طب بابا شافه كال صحه طب سلم عليه هو وحسين مكدرت اطب اني واشوفه بهالانكسار واني اللي طول حياتي شايفته جبل. بقيت وره البرده بقه يتشكر من بابا ويتعذر وطلع بابا وحسين ورجعنا حتى السوك راح وكته رجعت حيلي مهدود من الهبطه طبيت لكيت رويده كاعده وطالعه من الغرفه
حبيبي شون صرتي
لالا احسن راسي صار زين وين جنتو
ووو سكتي فلم صار بينا حجينالهم الصار وهدير تخبلت خافت على نور وخابرتها وحاجتني متشكره والحمد لله لليل راجع للبيت تطمنت حيل وارتاحيت مااعرف الديخوضه شنو وي مرته كل الاريده يرتاح
رويده- مر سبوع ومتصل بعد حيدر خابرته اكثر من مره ماكو متصل تخبلت ليش هيج بقيت اخابره مغلق ردت اموت كمت مااكدر انام ولا اكعد ولا اكل بس ابجي اخر شي تعبت كتله لحسين وديني مو اعصابي تلفت بعد توسل ساعات وبجي قنع يوديني رحت وياه لبيت عيالي دكيت الباب طلعتلي خالتي من شافتني فكت عينهاكالت
رويده ها شبيج
خاله حيدر وين
بقت ساكته دفعتها طبيت صارت بوجهي رباب كالت
خير ياطير مخلصنا منج عاد
حيدر وينه
ههههه حيدر بشهر العسل حبيبه
وين جوه طبيت دفعتها كالت تضحك بصوت عالي
حبيبه حيدر بتركيا
جمدت بمكاني التفتت اريد الدمعه متنزل كتلها كذابه
كالت هاي امي ساليها يمه وينه ابنج اباوع لخالتي نصت كالت راح لتركيا وي بت عمه تقربت مني امه شاورتني وحضنتني كالت
يمه عيشي حياتج المثلي ومثلج متكدر تعيش وياهم لتصيرين مثلي ابتعدي ولمي جروحج
بقيت صافنه عليها خاله شتحجين حيدر يموت دوني
ربابى-ههههه داشوفه شون ميت لج شوفي الصور الحاي تدزها هنده راحت لتلفونها ركض كانما مصدكت شي ياذني واتي عيوني جاحضه وتجري وتلحك حركاتها من تتحرك بشماته جابت التلفون وشوفتني الصور وتكلب واباوع حيدر مبتسم وهند وشعرها المفلول الطويل لو نايمه على كتفه لو بايسته من راسه اختتتتنكت شهكت وضربت على وجهي محسيت الا واني اطلع واصيح حسبي الله ونعم الوكيل حسبي الله ونعم الوكيل بيكم طلعت للباب حسين نزل من السياره على صياحي صم حلكي وطببني للسياره وطلع كام يشتم
بسسسس نعله عالجابج ياجلبه فضحتينا غبره شلت ايدي ضربتها على راسها وهي تبجي وتلطم بقيت صافن بحالتها غمضت عيني راح تموت الثوله كالت
حسين روحي تطلع روحي تطلع لك كذب عليههههه
يطبج طوب ميت مره كتلج
خسين ماااكدر اصدك لك يموت دوني
اي وينه لعد
لك عافني وراح سافر صدددوك
بسسس لتصيحين بس كافي انجبي انجببيي بسسسس خرب شرفج وصلتها للبيت وعيون العالم اكلتنا طببت السياره متندم وديتها طبت للبيت تبجي بس شافنجت امي ضلت تصرخ وتصيح وتلطم امي حاولت تهديها مكدرت لهنا وفقدت جريت الحزام ميت عليها ومنها. وهددتها
بالقران هسه اجنزج اذا مسكتتي عليمن تبجين فهميييييييني عليمن عاللي ديتونس انتي صوجج انتي تحبين تذلين روحج تسكتين لولا
مستمره بالصياح والبجي شلت ايدي ضربتها صرخت وصفنت
تسكتين لو لاا رفعت حاجبي محذر جرتها امي للغرفه اسمع ونينها بله
مااحس على روحي ضلت الجام خانه تكسرت بيدي وتدميت . اختي هاي اختي مااتحمل الها الاذيه والمذله --------
يابه المدام تكول التفاعل قليل. والبارت قصير وعد اذا وصل التفاعل 2000تعليق هسه انزل 17 بعد
مدام مريم لو اني لو انتي
😅😅
