رويده- سديته منه باوعت لرووف باوعلي بشك يعز برجله بعصبيه نصيت راسي خجلانه منه كال
ها شكلج
باوعتله ونصيت
احجي ماراح انتقدج ميفيد بعد شتفاهمتو
رووف تتزوجني كلتها بتوسل
رجفت روحي بحجايه مااعرف شصار بيه وليش هلكد روحي تاثرت بقيت صافن عليها من شفت بعينها توسل عرفت مبتغاها هزيت راسي،ونصيت
علمود ترجعيله مو
اي
عمي ميقبل بعد
كال اعوف اهلي وونطلع لاخارج
كال وكال وكال وكالللل قبل كوومه حجي وكلشي مسوه لج بابا هذا خنيث وشون تردينا نامن عليج هناك بالخارج يابه فقدت كمت اصيح------ هو هنا وبمنطقه اهلج وطلع روحج انتي شدتخربطين بحياتج صدك كال عمي متنطي مجال عفتها وطلعت امي بالمطبخ تلف بالدولمه لباجر باوعتلي رفعت راسها
ها يمه
ها امي ها تقربت بستها من راسها وكعدت بالكع كدامها ارتجيت هالحايط ممدد رجليه كالت
يمه شونها بت عمك
نصيت راسي ادعيلها يوم
والله يمه كومه دعيتلها بصلاه الضهر بس موهيج هاي دمرت سمعه عمك يبنيها من سنين
اوووف والله خايف عليه المكرود
يعينه الله والله يهديها هي هم مو سهله رجلها وتحبه الله يساعدها. كوم يمه تعشى مااكلت شي
جريت حسره مالي نفس والقران
كيفك بالفرن شوكت ميعجبك اكل
عاشت ايدج همست بتعب رجيت راسي عالحايط باوعت عالساعه ب11بليل شبسع يا الله دك هورن عمي ودك تلفوني رديت
ها عمي
ها ياب صيحها لرويده
عمي خليها اليوم تبات هنا اخاف حسين
يابه دصيحها يابويه اني كدام عيني وخلته يجي للبيت تريدها بغير بيت هاي لازم تنحبس دمرتني من خرب هيج بنيه
بقيت سامت عمي صاير كبره ابد مو مال نقاش طبيت للهو ل جانت لازمه راسها صافنه بالكع
رويده ابوج اجه
اروح وياه خاف حسين
اني احاجي لتخافين جريت حسره طلعت وطلعت وراها نصيت حاجيت عمي
عمي امانه الله ورسوله
لتخاف رووف الله ينطيك على بياض كلبك ونيتك عمي صيحها
صار طبيت يله رويده
بيباي باجي
هله يمه هله هله بامج يوم
اي باجي طلعت
باوعت لبابا ونصيت مباوعلي طبيت للسياره باوعت لرووف ابتسم وخر من يم السياره طلع بابا وكلشي محجه ولا باوعلي جنت كلش خايفه منه ومن البيت ومن حسين احس روحي غريبه ببين اهلي وصلنا نزل بابا وفتح باب الحوش وطبب السياره ونزلت وراه
طب كدامي يجر نفس ويزفر مستغفر. طبيت لكيت ماما بالمطبخ باوعتلي ودارت وجهه زعلانه نصيت وطبيت راسن للغرفه لكيت هدير دتلم بغراضها
شنو وين
حصعد فوك بابا كال شونج شون صار راسح
تباوعلي بقلق هزيت راسي لالازين بس ليش حتصعدين بغرفهزالبنات
مادري بابا كال
صعدت بقيت صافنه شوي وانقفلت الباب عليه تخبلت صدك يحجون يتشاقون حيحبسوني كعدت بالكع من صدك كرهت نفسي وكرهت الدنيا بيش فلحت اريد افهم لادراسه لازواج ولا ثقه اهلي دونا عن خواتي اني هيج حضي تمددت انام تذكرت فوني دورت عليه ملكيته كلبت الدنيا ماهو صفنت تذمرت الفديوات والصور الحنت ادزها تخبلت عزه بعيني لكوه واخذوه حقهم من حبسوني والله حقهم والله
