هدير-كالتلي خابري رووف بابا حياخذها للشيخ وهي مدتقبل بس تصيح وتبجي
رووف- جيت هسه كوليلها لتخاف جاي
ركضت لبست هدومي حتى وجهي مغاسله همزين بلشت العطله طلعت ركض بالسياره صاحت امي
يمعه تعال تريك
مااشتهي يوم
اي وييين رايح
لبيت عمي ليضل بالج
عفيه بيت عمك ابتليت بيهم يايمه على كلبك الطيب
رووف- وصلت لكيت عمي يصيح عليها وحسين ديسحل بيها وهي تبجي ومجلبه بمروه وانها تتوسل متريد تروح وتبجي وحسين يصيح
لج تبقين هيج لعد حتى تخلصين
حسين حباب والله.ملخني جسمي كله يوجعني ونار احس تطلع من العوده مالته حباب الله يخليك
امشي فضيها حتى تطبيبن رويده راح اضربج
بابا الله يخليك
لج يابه غير تطيبين
رووف- بس فكيت الباب وشافتني صاحت
روووف لتخليهم ياخذوني ياذيني بالعوده حباب
عمي وخر عوفها وكفت بوجه عمي عمي كال
عوفها يابه داوديها هذا صديقي ابنه جان هيج
عمي كلهم كذابين عوفها بنتك حاله نفسيه مبيها شي جريت ايدها من حسين الحان ضاغط على معصمها من اباوع معصمها نازف دووووخر خرب غيرتك باوع شسوويت
صرخت بوجه حسين وكفت ورايه رويده لازمه قميصي عمي تعب كعد عالكرسي بالطرمه والسياره تشتغل مرت عمي بس تبجي متدري شتسوي باوعت لعمي عمي عوفها اني راح اخذها ويايه
وين يابه وين توديها متكولي البارحه الليل كله تصررخ فضحتنا اني وامها نوم مدانام راح اوكع والبنات يحتاجوني بعدهم
بس طيني مجال عمي فدوه رحتلك مبيها شي مجرد حاله نفسيه والله احجي بسكوت واصبر بعمي وهاي ورايه لازمه قميصي تحتمي بيه منهم جريت نفس اريد اخذها يمي وماخلي احد يكيسها عمي ممكن احاجيك
مو وكتك رووف والله
عمي بس افتهم مني خل احجي وياك
حسين0- رووف انت لتتدخل
يابه المكان اله تاثير عيونكم وخوفكم وقلقكم اله تاثير اني راح اخذها لبيتنا واني معططل حتى تدريس كملت منهج ماعدي شي واذا هاي مروه اخذها ويايه خاجليها تبدل مكانها هاي حاله نفسيه بس اسمعني
وين تروح وشتسوي ببيتكم متكولي
عميه انطيني مجال زين بس اسمعني دتعال اكعد انت وواكف احاجيك خنكتني تجر بقميصي من وره التفتت باوعتلها مبتسم عوفيني رويده روحي فوتي لتخافين كالت متوسله
لتروح حباب
لالا مارح اروح ابقى هنا مراوي اخذيها يابه
اوك تعاي رويده ويايه
طبو جوه وحسين طفه السياره يسب ويلعن اخذت عمي وكعدنا بالحديقه جان منهك القوى كعدت كدامه باوعتله
عمي رويده مجرد حاله نفسيه. اسمع مني
شسويلها متمولي هي الخلت روحها بهالمعمعان شكد حاولت
هسه بعد الحجي ميفيد عمي اسمعني شنو رايك نطلع سفره
وين سفره اني بيا حال اربع قضايا عدي ساكتهم لاصدقائي المحامين لان مدااكدر افكر
عمي رايدلها تغيير جو وداعتك
جر نفس باوعلي كال وين اوديها
هي والبنات ومرت عمي فد سبوع بالشمال لو لايران شتكول
استغفر الللله. والله يابه مادري جوازاتهم لازم نجددها
بسيطه اخذهم واجددها الهم
ماشي خل اشوف اموري
ماشي عمي لا شيخ ولا غيره ذوله كلهم كذابين وداعتك
هز راسه مغمض كال ماشي
كمت من يمه طبيت للبيت من الهوسه الهمه بيها سرى ومروه ابد مينزعون حجابهم لان على طول كمنا نجيهم وهدوره متلبس من عدنا اخذت الجوازات وعدي صاحبي بالجوازات رحنا وجددناها اني وحسين وسليم ورجعنا يومين وطلعت وفعلا حجزنا لايران معد مقبل سرى تروح بس اقتنع من عرف ماكو احد راح يبقى وكال اجي وياكم وفعلا هذا الصار نور صديقه هدير هم كالت لابوها وهم حجزو وي حجزنا بفد باص رحنا بري لان شوي الحاله موزينه واذا اني وسليم وامي3نفرات. فهمي فعمي 6نفرات فتاثر عليه
مروه- بعد ذاك الاتصال التهيت وي رويده وابد متصلت بي حتى نومه كمت انام يمهم ونور حجت لابوها عالديصير برويده فتفهم اصلا مكام يتصل بس يراسل
بالي يمج
ياريت اكدر اساعد بشي
الله يساعد ابوج وامج
ديري بالج عروحج
ومجنت ارد مالي واهس الديصير برويده هواي علينا كعائله مستوره وماعدها مشاكل بس من عرف حنروح لايران حجز وي حجزنا بنفس الشركه وفعلا صارت السفره وشفته ديصعد بالباص ويانا توقعته حيروح جوي بس لا حجز بالمنشاه. دخل للسياره لابس قميص وبنطرون كله كابوي والمناضر الشمسيه عبالك اجنبي ونور هم لا بسه ثوب كابوي طويل نفس اللون لابسين حتى بوتينها كابوي وبي خط وردي والطاك هم وردي وفاله شعرها السرح كالعاده شافت هدير ابتسمت توجهت يمنا
حسين- بس شفتها ارتاحيت لان تاخرو طالعه تخبل نزاكتها وعيون الشباب اللي بالبسياره تركزت عليها انسحلت سحل يعني سفره لايران غير تلبسين حجاب جنت كاعد يم هدير توجهت عليه تباوعلي وتبتسم بفرح شبيها هاي ضحكت لضحكتها وكلبي يدك سريع وصلت يمي كالت
حباب حسين خل اكعد يم هدوره
رخت روحي واني عبالي علمودي دتضحك جاوبت
تعاي يمعوده باوعت ابوها سلم على والدي ورووف وتصافح ويايه مبتسم
ها هجروك تعال عمي تعال تعال اكعد يمي
ههه اوك عمي كعدت كدامهم بكرسي. ورايه هي وهدير وره هدير امي وابويه ووراهم مروه ورويده وراها سرى وامي ووراها معد وسليم اللي انطلقو بالكلام براحه طلعت السياره
رووف- جنت كلسا ملتفت عليها كاعد بالكرسي المقابيل كرسيها اني وامي المكيفه بهالسفره اول مره تزور الرضا اول مره تسافر اصلا كلما تحجي اباوعلها قريبه عليه اذا امد ايدي الزمها بصفي كاعده كلسا ابتسملها وتردلي الابتسامه بامتنان حنت مرتاح حيل نامت نزلت ايدها خفت تنزف شلتها على كيف وخليتها بحضنها لزمت اصبعي قوي الابهام جانت غافيه دفت روحي سحبت ايدي على كيف بقيت اباوعلها نايمه على كتف مروه
مروه- جنت فرحانه كلش من عيونه تركزت عليه وسلم مبتسم واخيرا التقينا شكد لح عالطلعه تالي صارت مثثل مراد الضروف المرينا بيها اجلت مهر سراوي وخلت معد يتحسر المسكين بس شكد احترمته ابد مقلل من قيمته وتقرب الها رغم لهفته المبينه من يجي يزور بابا وكف ويانا الولد كانه واحد من ولد عمنا بعدنا بالطريق وكل 4ساعات ينزلونا محطه استراحه مطعم او كافتريا نرتاح نص ساعه صلاه وحمامات ونرجع نكمل جانت عيوننا فرحانه بلمتنا حتى رويده هدات اكثر جانت بس تباوع للمناضر ومن بابا او حسين يحاجيها تفز وتجاوب بتردد وصلنا ايران وتوزعنا غعن طريق الحمله بغرف الفندق جنت اني وخواتي الاربعه بفد غرفه ويانا نواره جلبت شكد حاول ابوها يقنعها وتتوسل بي
بابا حباب وي هدوره اخر شي نتر بيها كلها روحي باوعلي ودار وجهه منحرج
عوفها استاذ ويايه
يابه ثكل عليكم اني من اول اتفقت وياها لتحرجيني
ميخالف هونها طالعين نتونس
ماشي درت وجهي عنها لان والدها حان ديباوع عليه من احاجيها واني عيوني مفضوحه وهي تحجي بهدوء يسسسكر
