رووف- سجاد فر راسي شون مفكرت بهالسالفه ليش جنت مخلي البيت وارد بس. ادري بروحي اقتصادي. والدنيا اذتني واريد اكون قوي ومتحضر لاي محنه. اي فلس مااصرف. صح عدي واردين وضيفتي والاجار مال بيت وبالاضافه الى التكسي. كلهن اجمعهم وشي بسيط اصرف عالفاكهه واحتياجات رويده البسيطه كان تكون شامبو او معطر اووصابون او احتياجاتها الشخصيه. صعدت واني مسطور محجيت شي لرويده.
ثاني يوم رحت للتمرين احسن بهواي رغم متخوف من الحركه بس احسن الديصير رويده كامت تخاف تسويلي شي لان روعه كامت تعاند حيل. فاضطر اضل واكف يمها لحد متكمل الطبخه واكل يله تفك ياخه
امي خطيه جانت تشوف طعم الطبخه بوجهي تقره ملامحي من اكل واتمتع ترتاح بس شسوي. اولا مريض ثانيا عاجبتني لهوتهع باهتمامها بيه خليها ملتهيه واسمها مرتي
رحت للتمرين ورجعت هم متشنج بس احسن طبيت وي سليم اعرج. صعدت كوه ارتاح. شفتها محضره الزيت الدافي باوعتلها ابتسمت
ها هه لا لا احسن من البارحه ميحتاج
ميخالف ترتاح سليم كال عضلاته تتلين. المدرب كاله. فات للحمام بعدما التفت حك راسه كال ايبح واطلع مليان عرك
اوك
طلع من الحمام ينشف بشعره مشط وتعطر والتفت عليه بحيره جر نفس
يابه ماريد اتعبج
لا متعبانه يله رووف بسرعه لازم نتعاون حتى تطيب
يله كيفج تمددت على بطني حسيت اطراف ايدها الدافيه رفعت تيشرتي ذبيت النضاره السويتها بالجديد اختار فرات اطار اخف بهواي من القديم واصغر دزه من النجف خطيه كال ارخص واحلى وبس تطيب تشيلها سوي عمليه جنت محسب هيج حساب ومفكر بيها
فزيت من تفكيري بثضغطه خفيفه على نهايه ضهري مااعرف ليش تاثرت كزبر جلدي قلصت جسمي. همست
ياذيك منا
رجعت تلمست المكان رجعت تاثرت وتقلصت. همست اممم وماريد تشيل ابجيدها دغدغه. على. رخاوه لجسمي وهدوء اعصابي. احلى احساس. كامت تمشي بمساحات اوسع بيدها واني مسافر بعالم ثاني من الهدوء والسكينه عمر علاقتي وياها متشوهت بالغريزه غير من تمرضت وبيومها مدري شجان بيه. وشفتها غير شي.
وحتى واني بهالوضع تحت رحمه ايدها كل الدااحسه حنانها واهتمامها وخوفها عليه. من الراحه الحسيتها بيدها. همست
رويده ؟
ها رووف شبيك اذيتك
جج
لعد شبيك
رويده شنو رايج نطلع بيت وحدنا كملت الجمله وكفت ايدها التفتت على ضهري ونزلت تيشرتي.
