حسين- صفنت باوعت لسليم جاوب عني
عمي احنا نخابرك حسين هم لازم يبلغ ابوه يشوف شيكول
هاهي على راحته بس اذا هاي يخابرني حتى اكول للجماعه
اي اي طبعا
حسين- راح الرجال باوعت لسليم كال
روح واحنا هم جيبلنا مال جمله. يكفيلنا فد سنه زيوت وهالسوالف كلها جيبها بالذات زين الحيه عدهم اصلي. وشوف وين الاماكن الاساسيه لا راسن تجيت
لك سليم ذيج المره لو ما صاحبي ويايه مااندل كلشي
يول انكليزيتك توب واسال صاحبك وين الاماكن اللي يبيعوها المنشا مالتها وسجلها وروح هم تتونس وهم تتسوك شفت ذيج المره شكد فدتنه
خوش حجي
حسين- رجعت للبيت حاجيت ابويه شجعني وفعلا رديت خبر ومن واحد لواحد والله وفقني صارو عشر معاميل بالشورجه
وطلعت سفرتي ومسواكي لمحلي بلاش حسبناها بدقه ورقه وقلم وطلعنا منها ربحانين اسهل طريقه للهرب. وطلعت وره سبوعين جتني الفيزه وسافرت
رغم مو اول مره اروح بس لكون وحدي حسيت باستقلال رهيب حياه جديده وفرصه. فتحتلي باب رزق جديد لاكيت هناك لبنانيين وسوريين تعرفت على عالم هواي باسلوبي واخلاقي عالم جتي تتعالج ودلوني على اماكن البيع لان صارلهم فتره مو قليله بالهند. وكمت اندل وين ماكو اماكن رخيصه اشتري تكون فريش وجديده زيوت اخذت هواي وعالطلب الطلبو اصحاب المحال
صارت مثل البضاعه. بس ارخص لان مو حاويه امور مو مال اشرحها بقصه. ربحت اكثر من ما جنت محسب يعني تقري العشر اوراق لان الاماكن كانت ارخص. من ما كالو اصحاب المحال طولت الشهر بالهند
بهالشهر
رويده- امتحنت وي هدير والحند لله رغم معاناه الدراسه واللي غالبا جنت بنهايه كل عشرين سوال ينطينياها رووف ابجي ويضحك عليه وازعل واعوفه واروح ويجيني يضحك ونوبات يعصب لان اعيد الغلط اكثر من مره ومره عاط بيه ---
هاي شبييييج مو ميت مره كتلج من تشوفين هيج حاله تحلين هيج
بلحضتها راسن خليت ايدي على اذني ذب الاوراق ودار وجهه مستغفر غمض عينه واقترب ابتعدت عنه خفت اقترب ووخر ايدي من اذني وحضنني بقوه
احبج لتخافين مني مااذذيج بس دتنسين موتتيني. ميخم لتخافين ابقى وياج كم مره لحد متضبطيها.
يله كافي بس شو باعيني. تالي نزلي ايدج رويده
نزلتها بهدوء باسني من راسي هديت ورجعت عدت الحل مضبوط جر نفس كال
لعد شبيج متكوليلي
انسى
امتحننا. ومن ارجع اراجع الاساله وياه جان دائما يرد
