سرى- بقيت بهالحاله يباوعلي واهمل نضرته وماردها اجاني رووف كم مره يسال وراح هالفتره مبتعد متقوقع على روحه ومااعرف شبي تركته براحته حبيت شغلي صار عدي صديقات يسالوني عن الكتب واي نوع يطلبو احاول اوصله الهم او ادليهم كمت كمل مااكمل كتاب اقره الثاني تقربت من ست رائده يااللله شكد تفتهم حجيتلها عن قصتي بدون مااحس كالت
ابتعدي عنه اذا متشوفي يستاهلج ويستاهل دموع كلبج. الذبيتيهن عليه. لترجعيله
ست احبه موبيدي شمد هاني وهان اهلي بس من اشوفه تتخزبط احوالي هو الوحيد اللي صدك كلبي يدكله بقت تباوعلي ذبت المناضر تبتسم
شوفي سرى شغله من تكررين ذكرها على كلبج وعقلج حتشوفين نفسج متكدرين تبتعدين عنها بكل بساطه حل الانتي بي عدم ذكره طلعي من راسج ولسانج
مفتهمت ابتسمت مو اني شوي استيعابي بطيء
حنطيج مثل
كرري كلمه شوكه عشر مرات.
بقيت اباوعلها عاكده حاحبي
كرري شبيج
،شوكه شوكع شوكه شوكه شوكه شوكه ---
بيش تاكلين الشوربه
بالشوكه كلتها وصفنت على روحي ابتسمت
ليش الشوربه تناكل بالشوكه لو بالملعقه
بقيت صافنه على بلاغتها. وعقلها يمكن كتب المكتبه كلها قاريتها هي وحدها صايره مرجع
جاوبت همس بالملعقه كالت
خلص طلعي الشوكه من عقلج وكلبج. واكلي عدل لتلوخين روحج
هزيت راسي. بفهم كالت
اذا ميستحقج ميستحق تعيشين وياه كل حياتج هي حياه مره وحده نعيشها باعي سرى اني حبيت مره وحده وكان زوجي المرحوم مريض بالقلب الدكتور ناطي بوكتها عشر سنين فقط كنت مخطوبه ببذاك الوكت اصريت انه الزواج يتم رغم رفضه وكلامه بانه حرامات اضيع عمري عالفاضي بس اصريت يتم الزواج وتم الحمد لله وعاش ويايه 15سنه باحلى مايكون خلفت منه نرجز ورائد عشت احلى عيشه
حبيبتي واحد لو يعيش الحياه اليستحقها لو بلاها عيشه. ابقى عد اهلج معززه مكرمه احسن والحب بلاكرامه ميثمر معليج
باليكول ماكو كرامه بين مره ورجال الرجال يقدر اللي عدها كرامه ويلحكها وين متروح حتى لو ماتت صدكيني اعرف ناس تزوجت مره ومرتين يدورون على اطياف وحده ماتت ويردون مثلها ومن ميلكون يتندمون على ارتباطهم كوني امراه
لاتتكرر الحمد لله انتي ملتزمه بدينج وفريضتج منتبهه عليج وكت الصلاه تفرشين سجادتج وتصلين لو مكلوبه الدنيا فحرامات تدورين على نصج الثاني ببقايا ذكريات اذتج ومردت كرامتج وهو هانج اتركي شوفي اليكدر يسوي علمودج تره الرجل
