رووف- رجعت للبيت تلكاني علي ورووف وامي واكفه صافنه عليه وعلى عصبيتي كال فرات
شنو هي سهله شو اخذتنا بالمصايح انت صحت
بابا هاي حيه عكرب بالبيت اني كوه متحمل طلعت روحي بتكبرها. وغرورها والانفه على شنو انتو عرب النوبه اعمال وسحر وتفرقه حتى اتمالخ وياكم واطلع من البيت والله العضيم اذا رجعت اني اطلع ماابقيها على ذمتي وماتجمعني بيها غرفه ولك شحجي دااحجي
فرات- رووف شبيك شنو السالفه هاي انت المعصب
علي- شسوتلك خويه هيج ركعت راسك وفشخته شسوت خلتك تعصب وتطلع من ذورك الاولي
رووف- كعدت مكدرت اوكف امي ركضت جابت مي سليم رجع من بره جايب كطن وبلاستر من الصيدليه يسوي براسي وعلي يحجي وفرات خله امي جوه كتفه جانت خايفه عليه وخانسه باوعتلها
يمه مبيه شي لتخافين
علي- ادري شسوت فهمني
رووف- سحوره بابا تكولها يغدون مكاتل هو واخوته وياخذج ويطلع
علي- عزه ذوله شنو النوبه بالكعده مال زلم من دتحجي رويده عالحمامه كذبو كالو يتخيللها وتهموها بالخبال
شفت شفت والله عرفت جذابين النوب عمي بده يصدك عدها حاله نفسيه يكول من اول تختلف عن خواتها. استغفر الله ربي همزين تطلكت هي هاي رباب مصيبه مصيبتها من اول من تحاجيها تدري مره تذكرت تكوللها خلي قطرات بالعصير وشوفي شون يصير دازتها برساله وهي جانت بالحمام قريت الرساله حاولت افك التلفون منفتح عفتها غلست متوقعت شي موزين بس لا والله طلعت سولتها بالاعمال اعوذ بالله الله يجيرنا
فرات- هسه انت شسويت
ياب طلكتها كدام اهلها وباحر ارفع قضيه جتي من يمي لك عيني كعدتني على صفحه تالي طلعتني مموتها جوع ام اللحم اباوع علي وفرات وسليم طاكين ضحك جريت نفس ضحكت بست امي من راسها وصعدت نمت واخوتي هم كلمن لغرفته توجه
بيومها مكدرت انام اتكلب وافور واتخيل تسويلنا شي لو اخوتي يتاذون اتخبل بس صبح صباح الجمعه رحت لبيت عمي وكعدت حجيت وياه كلشي كال
هاهي المهم خلصت ذوله مو ثوبنا وتورطنا وورطناك الحمد لله طلعنا باقل الخساير جريت نفس مبتسم كالعاده
عمي رويده البله شونها
زينه زينه الحمد لله ------- زينه زينه الحمد لله كالها ويهز راسه صافن على ورده ورديه توها مطكطكه بالحديقه وكانما يشوفها رويده السالته عنها
رويده- عرفت الصار وي رووف والكل صدكو بيه بعدما امتلكهم الشك بعد نكران حيدر على سالفه الحمامه واللي شفته عدهم بس ماما وخواتي صدكو بس بابا كونه رجل وحسين اخويه توقعوني دابالغ او اتخيل جنت اشوف بعينهم قلق وخوف عليه يخليني اقلق اكثثر المشكله مو هنا المشكله انه اني دااتاذه ببعده حيل مشتاقه اله يعني معقوله كل هاي وممشتاقلي نساني يعني نسه حناني تذمرت شكله بكعدهزالعشاير الصارت وعيونه التترقبني من احجي يباوع لرجفه ايدي بقلق وينصي مغمض بقوه ويرجع يباوعلي مدمعه عينه متوسل بعيوني ابوه يحجي شي وينتر بابويه وبيه وهو عيونه تحجي غير شي سافرت وياه بخيالي بدنيا مابيها اهله واعيش براحه بحب اني اعرفه شنو لان جربت حنانه فزيت من خيالي بصيحه ابوه
مايشرفني هيج جنه. رد ابويه
ولا اني الاريدها تبقى دقيقه هنا بعد كلمن يروح لطريقه واشرلي بنتره كال
يله يابه كومي وباوع لحيدر بنضره استحقار طلعنا من بيتهم ومرت شهر وطلك رووف وهاي اني لادراسه لازواج وعائله ولاداانسى حبه واكدر اعيش بلياه
بيوم طلاك رووف بليل دك تلفون ماما ب11 ونص رقم غريب ردت ماما الو الو ضلت ترددالو ومامو رد كلبي رجف معقوله حيدر طبيت للغرفه هدير نايمه دورت تلفونها لكيته عالشحن عالميز انتضرت ينامون وادكله واشوف هو لو لا لل2 نامو وحسين صعد طبيت المطبخ اخذت تلفون ماما من عالكاونتر حفضت الرقم ورجعت للغرفه دكيت طفيت الضوه وختلت جوه اللحاف دك دك دك رد بصوت تعبان حيل عبالك نايم
الو
هذا حيدر حس كلبي والله حس هو رغم من غير رقم داك على ماما بس حسيت هو
الو منو احمم الو
مرديت بس دموعي تجري والنفس يرجف سكت شوي ورد كال همس
رويده ؟
امم كمت اشهك امم رويده سمعته بجه لاول مره اشوفه بهالضعف حسيته بنيه مو ذاك حيدر لا خنثه حسيته كال
مشتاقلج محتاجج داموت والله
بقيت ساكته كال
طلعي صوت احجي
شحجي بعد كلشي انتهى ليش داك على ماما
صار سبوع ادك وانتي ماكو تلفونج
اخذه حسين
امم توقعت اخ يابه شونج كوليلي مثل حالي لو احسن
ليش شبي حالك
رويده ابوج داز مبلغ الاحد طلاكنا اذا محضرت نتطلك خلص
بقيت ساكته غمضت عيني كال
رويده اني رايدج دمروني اهلي مدااكدر بعد بعدج عللني اني مريض حبيبي منتهي
شبيك حيدر شنو يوجعك
شنو مابيه كولي رويده والله العضيم مشفت راحه وعافيه بعدج لج نوم مانام الا بيدج وبصوت همسج للقران
لعد تكذبني حيدر تكولهم تتخيل
مو بيدي عمري سامحيني ماكدرت اكسر كلام ابويه اصلا مدااكدر اقاومهم بس ساكت مدري شبيه
هاهي لعد حيدر احنا مابينه شي بعد
يعني مترديني واني داموت
ليش اني عايشه انت قتلتني حيدر جر نفس كال
من يوم طلعتي طلعت روحي وياج شون طلعت مني الكلمه مادري لحد هاللحضه اسال روحي ممصدك وشلون انتي وصلتي لهالعصبيه وتردين تضربيني مداصدك
اهلك دمرونا اهلك معافونا اختك بسوالفها اذتنا ونهتنا حيدر. بقه ساكت يعز عليه يعترف سمعت صوت بابا طلع وفتح باب الغرفه مالتنا فزيت سديت التلفون واني جوه البطانيه تقرب من هدير كال
هدير بابا يله كومي راجعي مو كلتي كعديني
كالت
بابا من يدك المنبه مال فون شكرا حبيبي
رويده- عزه بعيني هسه بابا يدور الفون بس الحمد لله طلع وراسن كمت دزيت رساله لتخابر بعد من اني اخابرك ومسحتها ونمت الدوامه الدخلني بيها لحد الان تفر براسي
مروه- حاله رويده سوت زعزعه بالبيت لعد اني اختي تتطلك وهي توها داخله تنتهي حياتها ورده نجحت بمعدل طيب دخلها تربيه بنات علي ضل ممنون الي وكلما يشوفني يبتسم ويتشكر مني وينهي كلامه بكلمه خطيه يتيمه اما عن نور فمتركتها وهدير جابت بنات 2هم كمت ادرسهم وصرت التهي وي البيت والمعجنات والميك والحلويات والتدريس صرت اتجنب كلام نور عن اهلها احاول مااسمع لان بعد الصار باختي صار عدي شي مثل ال شوك صدمه وكمت اخاف افكر بالارتباط اكثر من قبل وماريد ارجع اتذكر رضا ردت اشيله من راسي للاخير لان هو بعد عاش حياته وتزوج شنو جاهله ماافهم اني وبيوم من الايام
جنت اسوي كيك ليمون وجتي نور وصديقات هدير كعدنا ندرس ودك تلفون نور وبعدنا ممكملين محاضره ردت
ها بابا. -- لا بعدني --- ليش شكو --- بابا اني معليه والله --- دمعت عينها كالت --- معليه مااعتذر --- ممسويه شي هو الاخذ فوني وكسره -- ماه ما اعتذر حروح بيت بيبي فاطمه لعد اخلي عمو يجي عليه اي ابقى هناك بيباي سدته اباوعلها مبرطمه مختنكه بدموعها لزمت التلفون دكت
الو ها عمو عمو تكدر تمرلي من تكمل شغل اي لا اني بالخصوصي. اي بفرع المدرسه مالتي اي حباب اوك لا بعد ساعه ماشي عمو شكرا بباي
باوعتلها بقلق
شكو
ماكو شي ست
باوعت عالبنات يمكن خجلت منهم مكدرت تحجي كدامهم راحو البنات ورجعت سالتها
شبي ابوج
ست ابنها ماخذ تلفوني يلعب بي والسماعه عطلانه جريته منه مجلب بي يصيح ماما ما ما بعلو صوته عبالك داموته كتل هي جتي ركض ضربتني على ايدي الداجر بيها التلفون كالت
عوفي موتتي لابني
كتلها شمسويتله تلفوني دااجره خنكته قابل صاحت ترديت تخنكي موو تردين تموتي بقيت صافنه عليها كتلها اذا تدنالي اموته بيدي وعفتها وصعدت بدلت وجيت هسه مخابرتي يمولي تجين تعتذرين منها كتله لو اموت مااعتذر خل اروح يم بيبي فاطمه اني دااموت وهو هم ديموت اني تعبت ست والله تعبت
مروه- كصيت كيكه صافنه بحالتها مردتني دك هورن طلعت كالت اجه عمو بعد مادلته عالبيت طلعت وبيدها ماعون الكيك اصريت تاخذه وياها هناك انتبهت دفترها ناسيته وتوها حلت الاسئله بي ركضت وراها والشال على راسي صحت
نورر دفترج. اللي ديسوق التفت مستغرب باوعلي عاكد حاجبه نزلت نور اخدجذته كالت
همزين جان نسيته شكرا ست هلو ديري بالج عروحج بقه السايق يباوع طبيت وراحو همه
سرى- اما اني فكمت كل يوم ادور عيونه التنتضرني اول مافوت وقبل لاروح البيت نضره وابتسامه وخلص لا يقترب مني لان اذا اقترب انهزم ولا يخابر لان خليت حد بقت علاقتنا بالعيون والابتسامه ---
رويده- وعدت الايام وبعد متصلت بي خفت لااهلي يحسون واجه الاحد كعدني بابا كال نروح محكمه كلبي عصرني لبست ورحت وياه طببني بابا ومحاوطني بيده وخجلان من العالم احس يريد يضمني بضبجلوعه ولااحد يكرل خطيه بعدها صغيره وتطلكت سكوت بابا بهالفتره تعبني هلكد تعب من سالفتي هلكد متعذب وصاحو اسمي واسمه وحيدر ماكو وكفت يم القاضي شوي وطب ينهد باوعلي وباوع لبابا كال بعد ماساله القاضي اسباب الغياب وليش مااجه جان يباوع بعيوني ويرد
جان عدي شغل احم
يله تكدر تباوع بوجههي وردد الاكوله ورايه
بقه يباوع بعيني ساكت عيوني انترست دمع وهاي ايدي ترجف وبابا بضهري يجر النفس بحسره ردد كم كلمه وراها سكت القاضي رجع عاد هو سكت ويباوعلي عيونه غرغرت القاضي كال
ابني تسمعني
داسمعك وماريد اطلك
شون يعني
ماريداطلك محد يكدر يجبرني مرتي اريدها
باوعلي وااشر على كتفي كال
انتي الي يومين وجاي ماخذج بابا ردد
استغفر الله الصبر ربي الصبر
واني الفرحه ترست كلبي ترس اباوعله مشه وطله من المحكمه كلها طلعنا رجعنا للبيت جنت ساكته نتسيت كل السوو اهله كل البالي فرحتي بالكاله بس افكر شوكت احضنه وانام. شوكت يرجعني حبيبي. وبابا يلوب وي امي وخواتي حسيت بانانيتي بس مو بيدي مشتاقه اله كلش ----
و
