رويده- شوي واندكت الباب بسرعه باجيتي طلعت تركض وتكول ياستار شكو. فتحت الباب والعباه على راسها
وطبو نسوان كالو رووف انضرب وودو مستشفى انهبطت وكفه مبيه اوكف باجيتي خطيه لطمت على وجهه. تبجي ومتدري شون تخابر سجاد وروعه واني دموعي مادري منين تطلع
عزه خاف بي شي يربي دخيلك رووف خاف تعوفني النسوان. يكولون مبي شي يابه اخذو صاحي ويشتتم بس كلبي ممطمن. بقيت بس ادعي ولساني موكف دعاء باجي اجه سجاد عليها وجاب روعه وراحو للمستشفى الكالو العالم عليها واني بقيت اتوسل والوب
باجي فدوه عود اخابرج ردي بس اطمن
اي يمه اييييي هو خل اشوف طوله
طلعو بعدها دكت روعه على رجلها
كلها مبي شي بس ضهره مشخط ومديكدر يحركه
سوده عليه شون ربي بجاه وكفته ويايه وحنيته تساعده. لليل اجه فرات من النجف. بسياره صاحبه طب للبيت كال مامو شي لتخافون. بس رضوض بضهره حضرولي غيارات اله واكل
ركضت سويت شوربه سريعه وشويت تكه دجاج وخليتها بحافضات وروعه ورايه ورايه سوت عصير وخلت الخبز ترتب بي صعدت جبت الغيارت ورتبتها بالعلاكه وهاي ايدي ترجف باوعلي فرات مستغرب كال
تردين تجين تطمنين عليه وارجعج. وي امي
اي حباب الله يخليك
دمشي بدلي لعد
ركضت صعدت بدلت ونزلت روعه مكدرت تعوف جهالها بقت بالبيت وداني فرات صعدت ليوره لان صاحبه وياه وصاحبه مشال عينه من المرابه كلسا يباوع ويدير وجهه نصيت راسي لحد موصلنا تروح تجيني حجايه بعد السويته كمت اتجنب اي حجايه
وصلنا المستشفى نزلت وي فرات والولد ديطبك السياره انشي وراه وافر براسي لمحت حسين وبابا يم الردهه اهوو ماريد اسلم عليهم لمحني حسين وجهه ابتهج ابتسم اشر عليه--- بابا جان ناطيني ضهره التفت لتاشيره ايده عكد حاجبه وعدله ابتسم درت وجهي وصلتلهم كلبي انقبض
السلام عليكم
عليكم السلام هلو بابا فوتيدليضل بالج مبي شي
مرديت عليه طبيت ركض شفت باجي يمه وسليم باوعتله راسن غرغرت عيني ابتسم مضيق عينه يحاول يركز
ولج شجابج
جيت وي فرات غير تدير بالك وكفت يمه ضحك ودار وجهه
مبيه شي يابه ضهري شويه رضوض باجر اجي
ادري شون هيج صار قابل متعرف تسوق
يابه هو ابو الكيه مسقط اني اول مره اشوف عماله يسمع مايكل جكسون
ههه متجوز من سوالفك هاي سويتلك شوربه وروعه عصرت برتقال
باجيتي كالت
اي يمه فدوه لعينج غيارت جبتيله
اي باجي جبت
