سرى- انهاريت اجر قوي ومتنفتح كمت ارجها قوي ادري بيه ورايه يتفرج عليه ودموعي تجري ضهري عليه صاح
اوكفي اوكفي
ممهتمه جلبت روحي فرفحت اريد انهزم صاح
اوكفيييي. شبيج متكوليلي مخبله انتي مخبله
وكفت حسيته مشه كم خطوه ورايه وصللي مسحت دموعي لشتي ترجف وصل بصفي ديفتح الباب كال
شون ترحين
مرديت نصيت راسي
كال بهدوء دااحجي
مووياج
اااخذ تكسي كلتها بصوت مخنوك جر حسره كال
خل اخابر ابن عمج يجيج الضاهر بس انتو عدكم رياجيل يروح يصير شي وتوكعين براسي على جتك وانت طردتها
مرديت تركني رجع سمعته دك على رووف
الو ها روف شونك يابه. اكولك تكدر تمرلي للبيت. هه لا والله بت عمك هنا تمر تاخذها لان جايه وحدها اي رحمه الله والديك.
سده منه واني ضهري عليه كال
كعدي. هسه يجيج
مدرتله بال
بقيت واكفه وهو متقرب بعد تعبت التفتت شفت دجه الماطور كعدت عليها ومنصيه وجهي على ايدي افرك بيها. احجي وي روحي هاهي بعد العليه سويته جان كاعد بالرجوحه. يدخن ويرجع يمشي كم خطوه ويرجع يكعد اخر شي شفت رجليه وكف كدامي --كال بصوت هاديء
هنتيني هواي كرهتيني بحياتي. متستاهلين التقدير الجنت مخلي الج بكلبي
نبرته وصوته شككت كلبي. دموعي تجري على ايدي خياله بالكع يروح ويجي رجع كال
انتي من اول ممستعبرتني. شايفتني مره نسوان كلكم نفس الزباله.
مرديت بقيت منصيه. كال
لالا وشون حلو منا عافت منا عيني عينك تتباهه واكفه وي رافد واليكتلك ابوها يكول ماتشوف بيك دروح شوف بنتك
كاافي غطيت وجهي بيدي بس الزم حدودك رفعت عيني بوجهه وكفت صحت بي
خطيه شونك انت يوميه وي وحده شكل يباوعلي بحقد ضيق عيونه بعد مكملت الجمله كال
طلعت العرامه بت ابوج بعد
مالك دخل بابويه ابويه اشرف واحد زين مالك دخل بي
بس لجج بس اني من وراج لعبت نفسي من كل النسوان لتشوفين نفسج تشوفين العالم مثلج.
