رويده- التفتت واشوف عيون بابا كلها عتب وتعب برطمت راسن كال
ليش هيج بابا تخذليني اني بيش مقصر وياج تردين تجيبيلنا حجايه
لا بابا والله
اششش كافي سكتي ليكعد اخوج الصبح من يطلع عدي حجي وياج امشي فوتي لغرفتج امشي يله بسع
بس خا افهمك
انتهت رويده حتفوتين لو اصيح لحسين
اباوع ايده ترجف من ياسر وعيونه نار طبيت ركض وطمرت رنحي بالفراش بقيت ابجي للصبح وحيدر الف مره دك اخر شي قفلته للجهاز وضميته العشت بي هاليوم دمار دمر نفسيتي الا ابويه خلي اخسر الكل اله هو وارجع اتذكر حضن حيدر ونفسه ولمسه ركبته والنبض اليدك برجفه عيونه المنكسره واذا تعمقت بيها كومه وعود وانتقام الكه بنضرته. حرت بنارين اهلي وحيدر طلعت هدير سويت روحي نايمه حسيت حسين طلع صوته من سلم واضح وراها نزلت سرى البيت هدا شوي واندمت باب غرفتي بقيت عيني مغمضه ماريد اواجه رجع اندك الباب وانفتح صاح بابا بهدوء
رويده شو كومي بابا داحجي وياج
كعدت عدل اخاف اباوع بوجهه وخرت الغطا عدلت شعري جر الطابوريه مال ميز تواليت وكعد كدامي كال
صحصحيلي خل افتهم راسي من رجليه نتر
احم كعدت عدل باوعت بعينه كوه لازمه دموعي كال
ذاك اليوم مجان رووف مو
بقيت اباوع بعينه ونصيت راسي
احجييي نتر
اي بابا مو رووف
ليش بابا ليش تخزيني بيش مقصر وياج لج ليش هيج مو باعج ببرود
بابا والله بس خل اكولك جان مربط بالسحر خزرني بابا بغضب
وهسه شونن يعني انتي تعرفين شدتسوين بابا دتفضحيني فضيحتين الاولى دتطببين ل غريب لبيتي والثانيه هالرجل ميحل عل يعني صار مثل اخوج دتفتهمين حجم الكارثه
بابا حيدر لا اخويه ولاغريب انت شدتحجي كمت احجي واي تقرب لهي عظ اصبعه بقسوه كال
لج انتي التجيبين الحجايه لبيتي اج تدرين مو بس الج راح تجي لخواتج هممممم لج بابا انتي دتسوين باع اكولج اذا متفكرين باهلج اكولها الج من الاخير ادفنج وارتااااح شبعتيني قهر خمس جهال عدي مريحيني الا انتي وريتيني الويل شنو طالبج ثار من انعل ابوج يابو الرادج ياكلبه بت الكلب
عله صوت بابا ورجفته وجهه صار دم بابا عده الضغط والحجي الحجاه خلاني احس روحي بحلم مو واعيه طلع من يمي وركع الباب وقفلها تخبلت صدك يحجي كمت اسمع اصوات مروه وماما محد وصل للباب مال غرفتي خابرت حيدر وكتله جنت ميته بجي
حيدر بعد لاخابرك ولاالي علاقه بيك كلشي انتهى
احرك عشيرتج غير
حيدر ابويه عرف بيش فدتني من خسرته
نيهم يتصلح مالج دخل لتعوفيني ابقي ويايه،والله بعد ماحابر باي
رويده تشوفين شب مني مصاير تره
باي حيدر جريت نفس رقفلت الحهازضميته ورحعت نمت للوحده طبت هدير باوعتلي ودارت وجهه اكيد المل عرفو وحسين حيجنزني شوراها طبت مروه بيدها صينيه صغيره عصير وفاكهه ولفات كباب تكلاه اكلت بنهم باوعتلي بعتب وطلعت هدير هم عافتني
مروه- صدمتنا رويده تخبلت من ماما دتحجي وتبجي وبابا منصي مكدر يمشي كام يدوخ ركضناله بدوه الضغط والضغط معلك اتفقنا اني وخواتي وامي وابويه حسين مياخذ خبر بشي وفعلا من احه سويناها عادي
هدير- صار شهرين سليم مواصل بيتنا واذا وصل يبقى بالحديقه ميفوت واذا طلعت ينصي راسه وميرفعه وميحجي اي شي جنت اذوب قهر لان متعلمه عليه ومن تركني تندمت كتله مثل اخويه لان من فقدته حسيت احساس محاسته اذا حسين مموجود تاذيت بس مكدرت ابينها زين مشتاق يباوعلي من اصنف ويبتسملي مثل قبل ويباوع لحركاتي
سرى- حسين باجر يطلع للهند وبابا حبيبي ذبل بهل اليومين تدمرت عليه حقدت على رويده هواي ومكدرت اطب للغرفه اشوفها ولاهي طلعت من الغرفه الامل يوصللها وهدير تكول الليل كله تبجي ادري شوكت تنساه مو دمرتنا مرت اربع ايام وبابا اليوم داوم نص دوام ورجع اني اليوم اوفي معد كمت نوبات اشوفه بالكراج ونوبات لا ومروه تستمر بدروسها للبنات
