كيد النساء

كيد النساء1

#كيدالنساء  الحلقة 1(بقلم ايلاف احمد)
الليلة وووووب علي ي فتحية&nbsp; وووب وتاني وووب اقبل وين وامشي وين اقول لي اهلي شنو نسابتي يقولو علي شنو نسوان الحلة يشمتن فيني ي فتحية ......................<br>
في شنو ي حليمة مالك بتكوركي الحاصل شنو &apos;الليلة ي فتحية الراجل العولاق الخولاق عملا انا اسوي شنو ماكنت مصدقة انو ممكن يعملا دا كان ما بطلع من شورتي ماشي معاي يمين وشمال والله ي حليمة مافاهمة منك حاجة عمل ليك شنو عبدالقوي&nbsp; عرس علي ي فتحية عرس الخايب العايب لا حول ولا قوة الا بالله كدي تعالي ارتاحي اشربي ليك موية وشوفي روحك بقيتي كابة موية قولي بسم اللة انا ي فتحية بعرسو فوقي بري يايمة والله ما تستاهلي يسوي فيك كدة لكن نعمل شنو دا حال الرجال اصلن كدة من ما يجري القرش في يدهن بدل يمتعو الصبرو معاهم ايام الضنك يفتشو للجديد عشان يدلعوهن...........<br>
تعالو نعرف حليمة وفتحية ديل منو وعبدالقوي منو&nbsp; <br>
حليمة مرة جبارة ومستقوية عمرا ٣٥ سنة وعبدالقوي دا راجلا بسمع كلاما في اي حاجة يعني ذي ما بنقول دلدول وفتحية دي جارتا علاقتن قوية مع بعض مع انو فتحية اكبر منها بي كتير فتحية راجلا معرس فيها اتنين وما عندها جنى ما ولدت وحليمة عندها اربعة اولاد اكبر واحد عمرو١٥ سنة&nbsp; حليمة&nbsp; مرة جميلة وكتار كانو دايرنهاعرست عبد القوي بالقوة اهلا ماكانو رضيانين بيو ما كان عندو حاجة بعد العرس مشت لي ابوها يدي عبد القوي دكان من دكاكينو عشان يشتغل فيو وابوها في الاول رفض لكن تاني شغلو معاو حليمة بتو الوحيدة&nbsp; معاها خمسة اولاد وعبدالقوي بسمع كلاما حصلت مشاكل بينا وبين امو واخواتو لمن رحلت منهن وعلاقتا معاهن ما كويسة عاشو مع بعضن وجابت منو محمد الكبير واسامة البعدو والصغار عمر ولؤي .<br>
ي حليمة استهدي بالله واي&nbsp; ي فتحية بس اشوفو اشوفو والله ما اخليو وعندو شنو المقطع ما كلو من خير ابوي عارفة امو واخواتو مشو معاو تمشيهن بطنن دا الدايراتنو بيتي يتخرب مش كدة اها فايتة ليهن اوعك ي حليمة تفوتي بيتك اتي مجنونة ولا شنو تفوتي ليو وتفتحي ليو كدة خلاص اصبري عليه بكرة بجيك مذلول انا اقعد معاو اتي جنيتي ي فتحية بعد ما رماني وخاني انا اقعد معاو مستحيل ي حليمة عايني لي اولادك ديل ما تشتتيهن الابو في بلد والام في بلد اتي دايراني اقعد زيك كدة واستنى متين حضرتو يجيني بي مزاجو يجي يوم وعشرة يوم لا (فتحية وشها قلب وملامحا اتغيرت هنا حليمة فكرت لي كلمتا) والله ي فتحية ما قصدي اتي عارفاني بتكلم ساي والراجل دا طير لي مخي دا انا ي حليمة ما ذيك ما عندي جنى عشان يجيني والله انا بس شوفتو بي الدنيا ما دايرة اكتر من كدة اليوم البجي فيو دا بشاركني بي حركات اولادو وبكون مبسوطة ليو وحاسة بي عدم الجنى حار عشان كدة ما بركز في الغيرة حقت النسوان مع انو نسوانو اليوم البجيني بضيقنا علي بي تلفوناتن وبي حنك الاولاد دايرنك اها ما عليك بي اسمعي كلامي&nbsp; نصيحتي ليك خليك في بيتك.ماعارفة والله اسوي شنو.&nbsp; اتي ي حليمة الكلمك منو قال ليك عبد القوي عرس........<br>
القصة لو عجبتك النبي ملصقات محظورة <br>
واعملو لي متابعة للحلقة الجاية عشان اعدلا ليكن هنا <br>
بقلم (ايلاف احمد زروق)
يتبع......