بقلم (ايلاف احمد زروق)
#كيدالنساء الحلقة ٢٥<br>
حليمة:امشي معاك<br>
فتحية:لالا ي حليمة خليك قاعدة ما في داعي تلاتة يوم وبجي ان شاءالله اها انمشي اجهز مسافة يجي <br>
حليمة:اها الله يعدلا عليك ان شاء الله <br>
عبدالقوي مقلق علي حليمة وبتصل عليها وما بترد ليو <br>
نعمات:ي عبدالقوي ما داير تنوم ات<br>
عبد القوي:نومي اتي نعمات انا ما جاييني نوم <br>
نعمات:ات ما مبسوط مش كدة ما داير الطفل دا<br>
عبدالقوي:استغفر الله العظيم ي نعمات الحصل حصل وما من حقي اقول ما داير نعمة الله كل شي لي حكمة <br>
نعمات:لمن حليمة حملت كنت بتعاملا كدة<br>
عبدالقوي:اسمعي ان جبتي سيرة حليمة تاني بفوت ليك البيت دا نومي عليك الله نومك <br>
وعبدالقوي شغال يتصل وحليمة ما بترد لمن تعب دق لي محمد ولدو سلم عليو وقال ليو اديني امك محمد مشى لي امو واداها التلفون وقال ليها اتكلمي مع ابوي حليمة شالت التلفون من ولدا وسلم عليها وهي ساكتة وقال ليها وصلتي كيف وما بتردي مالك<br>
حليمة:كويسة الحمدلله وبقت تقول ليو الو الو وقفلت الخط وادت محمد التلفون وقالت ليو دايرة انوم لو اتصل ما تصحيني ومشت نامت <br>
عبدالقوي رجع لي ولدو وقال ليو امي نامت وقفل منو ونام الصباح اصبح حليمة جهزت الشاي و الاولاد جهزو للنادي ونجوى جات وقالت ليهم اشربو عشان عمو عبدو مستنيكم برا<br>
محمد:ي امي ما ماشة الشغل الليلة<br>
حليمة:تعبانة الليلة ما بقدر امشي <br>
ومرقو الاولاد شنو النادي ونجوى نضفت البيت وقعدو يتونسو سوا نجوى عاينت لي حليمة وقالت ليها مهمومة<br>
حليمة:كيف عرفتيني <br>
نجوى:انا برمي الودع ولو دايراني اشوف ليك هسي بشوفو<br>
حليمة:دا كلو كضب وما بأمن بي الكلام دا <br>
نجوى:كدي جربيني وبعدين ما كلام ما ضروري يكون ياهو زاتو لكن جربي <br>
حليمة:نشوف ارميو <br>
ورمتو ليها وقالت ليها شايفة دي اتي القاعدة براك ودا راجلك لكن المعاو ما عارفة حاجة غريبة <br>
حليمة:الغريب شنو <br>
نجوى:كدي ارميو تاني ليك<br>
حليمة:مش قلت ليك غلبك صاح كلها خرافات ما اكتر<br>
ورمتو تاني المرة دي نجوى ضحكت وقالت ليها دابا الصورة وضحت لي جاياك حاجة من راجلك وحاتقبلي بيها لكن الحاجة شنو ما تسأليني منها <br>
حليمة:اكتر من الجاني دا كدي خليك منو ما بتزبطي القهوة دايرة لي قعدة قهوة بي مزاج<br>
نجوة:من الصباح <br>
حليمة:اي من الصباح مزاجي حكم علي جبنة ولو فتحية قاعدة كان زبطتا لي<br>
نجوى:مشت وين بصح غشيتا في بيتا ما لقيتا <br>
حليمة:عندها ضرة من ضراتا ماتت في حادث وماشة تمسك العزا مش مجنونة عليك الله <br>
نجوى:ما كل الناس واحد في زول بتحمل وزول لا<br>
حليمة:كدي قومي زبطي القهوة والقعدة والبخور عندي بخور ريحتو قوية ما قاعدة اعملو انجيبو ليك<br>
نجوى:سمح قايمة اها <br>
عبدالقوي قام من الصباح لبس ومرق المكتب وفات نعمات نايمة وصل المكتب متوقع حليمة قاعدة ما لقاها وسأل منها قالو ما جات واتصل عليها ما بترد قال خلاص بعد يخلص يمشي ليها البيت<br>
نعمات صحت من النوم بي كواريك حاجة فاطمة ووصال بكوركو ومعاهن عبدالله نزلت جرت علي صوت الكواريك لقت امنية معاهن ووصال بتنبز فيها وعبدالله ضرب وصال وحاجة فاطمة ما رضيانة وقعدت تكورك <br>
كل الحصل انو امنية جات ماشة الدكان وصال ماشة علي بيتا اتصادفو ووصال نبزتا وامنية ردحت ليها واتشبكو الاتنين حاجة فاطمة وعبدالله بشربو في الشاي سمعو الكواريك ومرقو عليهن<br>
امنية:اتي المسكتيني وشغالة نبز فيني من ابوي لحدي جدي خبارك يعني اسكت ليك <br>
وصال:اسمعي هنا اخوي دا تشيلي من بالك مافي ليك عذبة مقطعة جاية تتفرعن فينا كمان هنا عبدالله سمع كلام وصال وضربا كف في اللحظة دي نعمات قاعدة وبتعاين ليهم بس اتصلت بي عبدالقوي ما برد لمن الجيران وناس الحلة اتدخلو فيهم وعبدالله كان زعلان زعل شديد ساق أمنية من يدهاومشى بيها علي بيتن وخطبا من ابوها <br>
ضنعمات وحاجة فاطمة ووصال دخلو البيت ووصال زعلانة شديد من الحاصل وامها قالت ليها اصبحنا منها بي الله ما لقت غير شارعنا البت دي <br>
وصال:دي دايرة تربية وانا بعرف كيف<br>
حاجة فاطمة:مالك ومالا هدا اخوك ركب رأس شوفتيو وقف معاها من هسي بعدين كيف يدقك اتي عشانا باكر بدقني انا <br>
حليمة ونجوى شربو قهوتن ومشت تشوف شغلا نجوى مر اليوم عادي لحدي الضهر الباب دق <br>
حليمة:قامت وفتحت الباب لقتو عبدالقوي دخل عليها ويسأل فيها ما جيتي المصنع الليلةلي شنو <br>
حليمة:فتحية مافي عندهاوفاة وتعبانة شوية كدة احسن لي <br>
عبدالقوي:انا ي حليمة عارف الاحسن ليك من البضرك وانا فاهمك شديد<br>
حليمة:لو سمحت عليك الله انا فت ليك المكان دي بي حالا خليني في حالي ياخ <br>
عبدالقوي:ما بخليك لمن تعرفي الحقيقة مني كلها<br>
حليمة:انا ما دايرة افهم ولا دايرة لي مبررات امشي ي عبدالقوي امشي ليها محتاجة ليك اكتر مننا<br>
وطلع عبدالقوي مكسور الجناح <br>
بي هناك وصال راجلا جاها في بيتن وزلاها وما خلي ليها جنبة تقعد عليها وفات منها وقال ليها ما تجي تاني البيت الاولاد مع امي لو اشتقت امشي طلي عليهم ومرق منها <br>
حاجة فاطمة:عين والله ي اولادي عين وصابتكم مالكن <br>
ي وصال اتي راجلك وعبدالله انا قنعانة منو اتي اوعك تكوني قنعتي من راجلك كلامكن كلو مسيخ مالكم في شنو<br>
وصال :مافي حاجة .ي امي <br>
انتهت التلاتة يوم بشرهن وحرهن فتحية جات و مبسوطة كمان لاقتا حليمة وسلمت عليها شديد <br>
فتحية:والله مشتاقة ليك<br>
حليمة:وانا اكتر والله وشايفاك مبسوطة جيتي من عرس ولا عزا اصلك<br>
فتحية:مبسوطة لأنو في موضوع تانى <br>
حليمة:موضوع شنو ورينا <br>
فتحية:حاج ابراهم قال لي الاولاد جايبن ليك اولاد المرا الماتت اهتم بيهم ي حليمة يتقلوني واتقلم <br>
حليمة: قلتي شنو<br>
معليش بنات كنت دايرة انتهيها الليلة لكن ما قدرت اختصرتا لأنو أحداثا طويلة وما حابة اختصرا ليكم وشكرآ
م تنسو التصويت😍😗😘🔥❤
يتبع....
أنت تقرأ
كيد النساء
Mistério / Suspenseللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
