#كيدالنساء الحلقة ١٠<br> بقلم (ايلاف احمد زروق)
عبدالقوي راسو شاطب دقا لي بتاع التاكسي جاهو وركب ماشي علي البيت وخايف من ألفي بالو <br>
حليمة رجعت بيتا وقالت اخد لي نومة قبال الاولاد يجو <br>
في بيت حاجة فاطمة الناس اتلمو وبدو دق الريحة وعبدالله والشباب ضبحو والنسوان يطبخو وشغالين في شغلتن <br>
حاجة فاطمة:ي عبدالله ي ولد <br>
عبدالله:اي ي حاجة في شنو مالك<br>
حاجة فاطمة:الحاجات دي جايبا ناقصة مالك ما كلمت عبدالقوي<br>
عبدالله:ي امي دي القروش الاداني ليها عبدالقوي كملتهن واتي زاتك طالبة حاجات كتيرة شديد<br>
حاجة فاطمة:مالك ومال الطالباهو طلبتو من عبدالقوي ما منك ات وبعدين عرس اختكن علي منو ما عليكن اتو <br>
عبدالله:ما قلت حاجة لكن اخواني ما بقصرو وبجيبو ليك ما تلزمي عبدالقوي كتير كدة ما تنسي انو طالع من مصاريف عرس وبيتو ماشاءالله حليمة ما بترضي لو قصر ملح حار عليو والله <br>
حاجة فاطمة:ياخ حليمة حليمة كلكن شايلين همها هسي بدق ليو وبرسل لي هسي بدل المليون عشرة ولدي وبعرفو<br>
عبدالله:علي كيفك ماش علي شغلتي انا بعد قضيت ليك<br>
عبدالقوي في العربية تلفونو دقا دا تلفون الاء الو أيوة ي الاء في شنو برجع ليك بعدين جايط هسي <br>
حاجة فاطمة:معاك امك ي ولدي اسمعني الحاجات ناقصة مالا انا الشغلة المقصرة اصلي ما بريدة جني وجن الصحافة<br>
عبدالقوي:يمة الله يرضى عليك ما ناقص الفيني مكفيني<br>
برجع ليك بعدين <br>
حاجة فاطمة:كيف ترجع لي بعدين قلت ليك الشغلة ناق.. <br>
ما كملت كلاما قفل في وشها الخط <br>
ووصل عبدالقوي البيت داير يفتحو لقاو مقفول بقا يدق في الباب شديد وحليمة نايمة جوة صحت علي دقت الباب الشديدة وعاينت للساعة لسة بدري علي مواعيد الاولاد<br>
قامت مهجومة وتكورك ي الفي الباب جينا ماباقي الا تكسرو دا منو دا الداير يفك زهجو في بابي و لسة عبدالقوي يدق في الباب فتحت الباب وبي كواريكا دا ات ي عبد القوي في شنو جاي بدري كدة وبترزع في الباب كدة مالك قافلة الباب بي جوة لي شنو ي حليمة <br>
حليمة :قصدك شنو ي عبدالقوي كلامك دا فيو اهانة لي <br>
عبدالقوي:اي قافلاو لي شنو وخاتا فيو المفتاح عشان لو جيت ما يفتح معاي مش كدة بتعملي في شنو بي وراي ي حليمة سفرة اسبوع بس خلتك كدة متغيرة وما طايقة شوفتي <br>
حليمة:لالا شكلك جنيت ما انا البسوي كدة انا بت رجال ومربية وسط رجال وضهري ضهر عشرة ذيك وما انا البخون وبسوي الوسخ عبدالقوي نسى موضوع القروش بس بقى شاكي في قفلة الباب بي جوة وقايل معاها راجل جوة بقا يجول في البيت كلو ويقول اطلع لي برة اطلع وينو ي حليمة <br>
حليمة:هو منو هو انا كنت نايمة ومن ما ات سافرت اتعودت علي ختة المفتاح في الباب عشان ما يفتح لي اي زول حتي لو كان عندو نسخة وانا اصلآ ابرر ليك لي شنو ما من حقك تتهمني اتهام زي دا ي عبدالقوي المفروض تخجل من روحك <br>
الليلة بقا عليك المثل دقاني وبكى سبقني واشتكى ات الاسبوع دا كلو بتلعب علي ومعرس ومستغفلني شايفني ذيك بطعن في الضهر يمين انا بسوي واضح ولا بخجل ولا بستحي ولا بخاف لي من زول وعديتا ليك وعصرت علي روحي واستحملت كضبك ونفاقك لكن ات جبت أخري الليلة <br>
وطالما الكلام جاب الكلام خلينا واضحين ي ابو اولادي <br>
انا قصرت منك في شنو عرستك غصبن عن اهلي ورضيت بي حالك واستحملت اهلك وقعدت معاك في المرة قبل الحلوة ونزلت لي مستوى عمري ما كنت متخيلة انزل ليو <br>
دا جزاي تعرس فيني وتقول اول مرة تعرس يعني معاي ما مرتاح اسمع الباب يفوت لو انا ما بلزمك اتفضل طوالي شوف حياتك وين وشوف همك انا بربي اولادي واعيشن عيشة احسن منك مالك ساكت خجلان مش ما عندك جواب <br>
عبدالقوي:يعني من الاول عارفة عرسي ي حليمة <br>
حليمة:عارفة من خطوبتك لحدي ماعرست ما تنسى انو البلد دي مافيها حاجة بتندس لو مشيت سابع أرض خبرك يجي<br>
عبدالقوي:وسكتي لي وخليتيني اعرس لي شنو <br>
حليمة:في الاول ما كنت مصدقة لقايت ما قالو لي عقدت عشان انا صدقت وصدقت اكتر لمن شوفتك سايق عروسك واخواتك وامك بزغرتن ويجرتقن ويغنن ما بتخجل راجل عندو اربعة اطفال الجرتق لي شنو ولا ما صدقت<br>
عبد القوي:والله غصبن عني ي حليمة اصلآ العرس دا ما دايرو وبس عرستها عشان امي تقعد معاها وتخدما وعشان الاء اختي اخوها يعرسا دا كان شرطن انو بتهن تتزوج <br>
حليمة:وعشان تعرف اهلك اختاروك دونآ عن اخوانك ات عشان يغيظوني انا عبدالله صبي ما يعرسوها ليو هو <br>
عبدالقوي:عبد الله رفض انو يتزوجا اتي عارفة السبب<br>
حليمة:عشان مخلص ما بعمل كدة لكن ات عشان راسك خفيف وبتسمع الكلام خلاصة الحديث شنو ي عبدالقوي<br>
عبد القوي:انا خلاص عرستها وانتهيت اسوي شنو يعني <br>
حليمة:المطلوب مني شنو في الحالة دي<br>
عبدالقوي:كيف المطلوب شنو ما مطلوب منك حاجة اصلآ كنت شايل هم مواجهتك لكن كويس جات منك في النهاية انا رايدك اتي وما عندي ليها حاجة والله <br>
حليمة:العب غيرا لو ما درتها ما كان عرستها اصلآ<br>
عبدالقوي:انا وريتك اسبابي ي حليمة مافي داعي اعيد الكلام حليمة:انا رميت طوبتك زمان وبي العملتو لي الليلة قنعت مرة واحدة لا دايرة اشوفك لا اسمعك <br>
عبدالقوي:طيب موضوع القروش شنو....
م تنسو التصوييت😍💓
يتبع....
أنت تقرأ
كيد النساء
Misterio / Suspensoللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
