بقلم(ايلاف احمد زروق)
#كيدالنساء الحلقة ٢٣<br>
وجات داخلة وصال علي بيتا <br>
يزن :ماما ماما كنتي وين صحينا من النوم ما لقيناك ولمار كانت بتبكي دايراك <br>
لمار جات جارية لي امها ووصال شالتا وسلمت عليها<br>
لمار:كل يوم تاني بتبيتي برة مننا<br>
وصال:كنت في بيتنا وهسي جيت لالا حبيبتي امس بس عشان اتأخرنا في الحنة اها نومتو كيف امس اوعا تكونو غلبتو بابا <br>
يزن:انا نمت بس لمار غلبتو هي<br>
(وصال عندها ولد وبت يزن وعمرو ١٠سنة ولمار ٦ زي ما عارفين وصال معرسة ود عمها وما ولدت منو سريع كانت بتاخد مانع لأنها ما دايراو لمن عرف انو هي بتاخد مانع شكاها لي امها وامو وجو عليها سمعوها ما سمعوها وانو هي بتضر في روحا وقفت المانع وحملت بي يزن ) <br>
عمار:ي يزن سوق اختك وادخلو جوة عايز ماما في حاجة<br>
يزن:حاضر ي بابا يلا ي لمار<br>
لمار:ما ماشة ماما تاني بتطلع <br>
وصال:يلا ي حبيبتي ما طالعة مكان هسي بجي ادخلي مع اخوك <br>
لمار:وعد ي ماما ما بتطلعي مكان<br>
وصال:وعد حبيبتي يلا <br>
عمار بعد حس انو الاولاد بعدو شوية جاها ومسكا من يدها وقال ليها اتي ما مفروض تكوني ام جادعة اولادك ومهملة بيتك وصايعة بي جاي وجاي وصال سحبت يدها وقالت ليو احترم نفسك ما انا الصايعة وسكت ليك كتير وان كان علي الاولا بسوقم معاي محل ما طايرة ما كفاية اني مستحملاك وعايشة معاك قوة <br>
عمار:انا الاستحملتك زيادة علي اللزوم ودلعتك وخليتك ماشة بي هواك<br>
وصال:نعم وينو الدلع ي اخوي انا من عرستك ما شفت يوم حلو معاك وعرسوني ليك قوة <br>
عمار:عارف انو نحنا غلطنا ودفعنا تمن خلطتنا وحانفضل ندفع التمن لحدي ما نموت <br>
وصال:اسمع هنا الاولاد ديل ما مسؤوليتي ات ابوهم تربيهم بي مزاجك انا خلاص الفيني كملت وبقيت ما طايقة العيشة معاك احسن اشوف حالي واعيش زي باقي النسوان<br>
عمار:اتي عايشة احسن من اي مرا لكن ما بتحمدي ربك وما تنسي لو راجل غيري كان زلاك بي لعبك القديم معاو لكن انا ما بتهون علي العشرة القديمة وحبيتك وانتي طلعتي بتتسلي معاي وتقضي وقت وانا كنت جادي دايرك<br>
وصال:اسمع هنا ي عمار انا ماشة بيتنا واولادك عندك ما تسألني من حاجة بتربطنا ورقة بس لو جبتها كتر خيرك لو ما جبتها اشبع بيها<br>
عمار:استني هنا ي وصال بي السهولة دي تقنعي من كل حاجة يعني يخلوك بي مزاجك تعملي الدايراو وما يسألوك ويوروك الصاح من الغلط لازم تهدديني بي موضوع الطلاق <br>
وصال:والله ياهو العندي قبلت بيو حبابك ما قبلت دي حاجة تخصك ات انا ما بريد زول يتحكم في تحركاتي امشي واجي بي مزاجي دا <br>
عمار:ما تنسي انو نحنا بيناتنا اولاد حياتنا دي ما حقتنا برانا<br>
وصال:والله تتصرف ما لي دخل بيك انا كدة ي رضيت بي كدة ولا ننهي موضوع الزواج دا<br>
عمار:لا حول ولاقوة الا بالله ي ربي بس الصبر ومرق عمار من البيت زي كل مرة مكسور من نقاش وصال دايمآ بتقوم هي في النهاية وتهددو بي الطلاق وهو بحب اولادو والاولاد متعلقين بي امهم الما جايبة ليهم خبر بعد طلع وصال قالت برا رجعة ان شاءالله ضيقتها علي تضيق عليك سمعا يزن ولدا وقال ليها ما منو ي ماما <br>
وصال:أدخل مع اختك جوة وما دايرة اسمع لي صوت انا تعبانة ونعسانة ودخلت نامت <br>
عبدالقوي وحليمة وصلو المكتب والشغل ماشي كويس والناس كلهم جو لي عبدالقوي وكفرو ليو وحليمة اتعلمت عن الشغل كتير وعبدالقوي مبسوط انو في مكتبو وماسك شغلو وبقا بي الحال دي عبدالقوي وحليمة كل يوم في الشغل وعبدالقوي بمشي الجلسات الطبيعية و حاسس بي تحسن كبير وكان ببيت يوم مع حليمة ويوم مع نعمات وكان كلهم حليمة انو ما بياناتهم هو ونعمات اي حاجة حليمة انبسطت لكن ما اتسرعت وسامحتو ولا حتي رجعو زي زمان والأيام جارية وجا عرس الاء وأحمد وكان في صالة كبيرة اتجمعو فيها الاهل والأصحاب اخوان عبدالقوي اعتزرو لأنهم ما لقو طريقة للجية نعمات ما خلت ليها توب ما جابتو بعد عبدالقوي رجع الشغل اداها قروش تشتري بيهن لبست الدهب ولبست توب برتقالي مليان بي الاشكال واخوات العروس قشرن احسن قشرة وحليمة كانت قاعدة في البيت مليانة غيظ انو ما كلموها بالعرس الاتجهزت ليو قامت قالت للأولاد يلبسو البدل ولبست توب اسود بالفضي وما كان فيها لا حنة لا اي معلم من الزواج لبست واتصلت بي عبدو السواق ومشو.الصالة وقالت كيتن عليهن بس شافتا نعمات لمن جات و معاها اولادا المشو قعدو جنب ابوهم وهي دخلت وسلمت عليهم وكلهم اتخلعو من وجودا حاجة فاطمة ووصال اتغاظت منها وباركت للعرسان وام العريس وام العروس نعمات ما نزلت عينا من حليمة ومن عبدالقوي الكان بتكشم من شاف حليمة وانبسط جاتا امها قالت ليها المرا السمحة الجات داخلة دي تبع ناس العريس بتعرفيها ي نعمات <br>
نعمات:سمحة ي امي المرا دي <br>
اسيا:اي سمحة ماشاءالله التوب الأسود اتقول سوهو ليها هي<br>
نعمات:دي حليمة ي امي ضرتي <br>
اسيا:وبعلي دي ضرتك ي بتي<br>
نعمات:اي ي امي لمن جيت اشتكي ليك انا عارفة ما حاتفهميني الا تشوفيها براك وهسي قلتيها حلوة هي و سمحة مش <br>
اسيا:لالا ي ي بتي والله اتي اسمح منها هي صاح لونا فاتح واتي خضرا لكن ملامحك بارزة واجمل منملامحا وشها فيو شر وحسد الله يحفظك منها ي بتي شكلا ما ساهلة جات ورافعة راسا فوق من خير خجل<br>
نعمات:تخجل من شنو ي امي انا البخجل ما هي انا الجابوني فوقا ما هي شوفتي اولادا حلوين كيف ما التقول ابوهم عبدالقوي دا <br>
اسيا:بكرة تجيبي احلي منهم بس اتي خليك مع راجلك وداعية والله تشيلي من عينا <br>
نعمات:شايفة ي امي عبدالقوي ماشي علي طربيزتا <br>
اسيا:ما فيها حاجة ما مرتو خليك ما تركزي معاهم ي بتي <br>
نعمات:قعد ي امي وقبيل قلت ليو اقعد جنبنا هنا قال ما بقعد وسط النسوان هسي يقعد ليها هي <br>
اسيا :غايتو ي بتي قلت ليك ما تركزي معاهم تعالي معاي وامشي مع البنات جهزو الجرتق يلا<br>
ومشت نعمات علي الغرفة عشان يجهزو الجرتق <br>
ووصال شغالة توشوش مع امها وبتقول ليها شوفي الما بتخجل دي جات لي عرس اهل ضرتا غايتو ما لاقني زول زي المرا دي لا خجل لا حياء وشوفيها لابسة كيف ولا التقول اخت العريس ولا العروس <br>
حاجة فاطمة:خلاص اسكتي محمد جاي علينا ما تقفلي ليو نفسو مننا <br>
وصال:وينو علي وين ما شايفاو <br>
حاجة فاطمة:هدا قدام جاي علينا<br>
محمد:السلام امي فاطمة كيفك وكيفك عمتو وصال كويسين<br>
حاجة فاطمة:حبابو حبابو محمد والله ي ولدي اشتقنا ليك واخوانك مالم ما بسلمو <br>
محمد:لالا جايين بس دايرين يسلمو علي ابوي <br>
وصال:كويسين نحن ات كيف وكيف مع القراية <br>
محمد:الحمدلله كويس <br>
حاجة فاطمة:ي ولد مالك ضعفتا كدة ووشك قلب ابيض ما بتاكل ولا شنو عاد البطبخ منو امك زاتا بقت زي الراجل تجي متأخرة واتلقي تاكلو في الهواميق دي<br>
محمد:لا والله تجي من الشغل بتطبخ لينا واي حاجة في محلها ما نقصت حاجة مننا اصلآ مشترك في نادي وقاصد اضعف دي الرياضة ما شايفة ابوي كرشتو راحت برضو اشترك معانا لكن امي ما عارفة <br>
حاجة فاطمة:اجي ي وصال صحي اخوك كرشتو راحت مافكرت ليو<br>
وصال:و الله كلامو صاح عبدالقوي قبل ما كان بلبس البدلة معاها قميص ضيق الليلة ضيق وما ظاهرة لجنة<br>
حاجة فاطمة:سبحان مغير الاحوال دي مسخة ساي الضعف بقو يكوسولو هو الواحد ان ما اتربع السماحة وين والراجل الكرشة دي علامة الشبع بري زمن يحير وصال ومحمد يضحكو علي كلام حاجة فاطمة وبي هناك حليمة وعبد القوي قاعدين ويتونسو وعبدالقوي يعلق عليها <br>
عبدالقوي:شنو السماحة دي والتوب الحلو دا من دخلتي ماقادر انزل عيني منك انبسطت انكم جيتو <br>
حليمة:من ذوقك اصلآ قلت طالما عرس اختك مفروض اكون متواجدة شينة في حقي وحق اولادي مهمآ حصل ياها عمتن ومافي زول كلف نفسو وعزمني بس اولادي عشان مايتخلعو باكر بي عمتن اتعرست ويلوموني قلت احسن اجي<br>
عبدالقوي:نورتي الصالة كلها بس لي شنو ما اتحننتي <br>
حليمة:ما عندي ليها مزاج والوقت ضيق<br>
عبدالقوي:والاولاد خلاص دايرة تدخلي فيهن عين اتي وهم جيتو داخلين والاسود دا جهركم الله يحفظكن <br>
حليمة:الحافظ الله محصناهم قبل ما امرق<br>
عبدالقوي:ما حصنتي نفسك معاهم <br>
حليمة بدون ما تشعر قعدت تضحك وعبدالقوي برضو ضحك<br>
ونعمات جات داخلة وشايفاهم بضحكو اتوترت وشايلة صينية الجرتق وقعت منها الصالة كلها قبلت عليها وهي عينا في حليمة جات وصال واسيا امها يلمو في الصينية وقالو ليها شايلاها ليه وحليمة بتعاين ليها وعرفت انو وقعتا متوترة منها ومن وجودا قالت لي عبدالقوي مرتك شكلا تعبانة خليها ترتاح <br>
عبدالقوي:تعبا شنو وما صغيرة عشان اقول ليها ارتاحي<br>
نعمات دنقرت لمن شافت حليمة ابت تنزل عينا منها وبقت تلم معاهن مسكتا امها وقعدتا في كرسي وكانت كلو ما ترفع عينا في حليمة تلقاها مركزة معاها <br>
حليمة:ماشة الحمام ممكن دقيقة بس وارجع <br>
عبدالقوي:اتفضلي اخدي راحتك <br>
مشت حليمة الحمام نعمات لمن شافتا قامت وراها <br>
اسيا:ماشة وين ي بت <br>
نعمات:ماشة الحمام ي امي<br>
ومشت وراها حليمة قاعدة تصلح في مكياجا جات نعمات داخلة شافتا بي المراية ولا اخدت خبرا ولا حتي ادتا كلمة دخلت نعمات وعشان وشها وبتعاين في حليمة وقالت ليها <br>
اتي حليمة وحليمة قعدت تضحك وقالت ليها<br>
حليمة:لسة ما عرفتيني يعني<br>
نعمات:لالا عرفتك <br>
حليمة:طيب بتسألي لي شنو <br>
نعمات:دايرة اتأكد بس مش انتي وعبد القوي علاقتكن شبه انتهت<br>
حليمة:منو القال ليك كدة انا وعبدالقوي مافي حاجة بتفرقنا حتي لو مية مرا غيرك<br>
نعمات:يعني لسة زي ما انتو انتي عارفة اكيد سبب عرسنا<br>
حليمة:عارفة اي انك راخصة نفسك شديد... <br>
نعمات:احترمي نفسك <br>
حليمة:اتي البتحترمي نفسك انا راجلي لحدي هسي خليتو ليك بي مزاجي دا فاهمة وان دايرة تشوفي وشي التاني حاضر بوريك ليو كويس<br>
نعمات مرقت منها زعلانة ومحموقة وحليمة كان بتتنفس ي الله من التوتر وبتقول ما بتخجل كمان ومرقت من الحمام بعد هدت شوية <br>
عملو الجرتق والناس هدت شوية وطلعو وانتهى العرس والعرسا مرقو جات نعمات لي عبدالقوي وقال ليو بيت معاي هنا وهو رفض وقال ليها طولت من الاولاد نعمات اتغاظت منو وقت تكورك ليو انو مشتاق لي امهم وهي شايفاهم وهم بضحكو<br>
وقال عارفةمع انو اتي الجيتي فوق حليمة لكن حليمة ما جايباليك خبر ما تقعدي تألفي ساي وحليمة مرتي وام اولادي عجبك خير ما عجبك علي كيفك.<br>
م تنسو التصويت😍😍😍😗❤
يتبع....
أنت تقرأ
كيد النساء
Детектив / Триллерللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
