تعديل....... #كيدالنساء الحلقة٢
بقلم (ايلاف احمد زروق)
الكلمك بي عرس عبد القوي منو .في غيرا اختو الممعطة دي الابت تختاني والله ي فتحية عينك ليها الرحول رحلت منها جاتني تاني كل ما اقول ابعد منهن هن ساكني كدة بس لكن هين كلهن بقو علي الا ما يجي يوم واوريهم كويس كلمتك وصال ي حليمة الساكنة في الحي معانا هنا اي ياها الممسوخة القبيحة في غيرا مضيقا علي اخر مرة اتشكلنا في السوق وقالت لي ان ما خليت عبدالقوي ادبك بي مرة ما ابقي بت ابوي وجيت كلمتو بيها وقال لي ما تشتغلي بيها انا مستحيل اعمل كدة الخاين الكضاب هدا تابع حديثا هو لو باقي علي ي فتحية ما بعرس عبد القوي مل مني وكاس غيري معناها ما ياهو عبد القوي البعرفوا <br>
فتحية:انا زمان وصيتك بي اللين على راجلك واتي ما سمعتي الكلام الراجل مهمآكان بريدك ما بتحمل المعاملة السيئة وعبد القوي اخواتو كل ما يشوفو بسمعنو كلام انو سميع ليك و انو دي ما من شيم الرجال وفي النهاية سمع الكلام وعرس فيك <br>
حليمة:اتي ي فتحية معاهن ولا معاي دا كلام شنو البتقولي فيو انا براي ما ناقصة <br>
فتحية:انا ي حليمة بديك النصيحة واتي ما بتقبليها وهسي لو دايرة عبد القوي يرجع ليك اركزي في بيتك وربي اولادك <br>
حليمة:احي انا عكننت لي مزاجي الله لا كسبا عافية تلقاهو في روحا وفي جناها <br>
فتحية:حليمة استغفري ربك وما تدعي علي المرة وعلي جناها وبعدين اتي مقاطعاهن لا بتمشي لي السمح ولا الكعب البجيهن خلاص وبعدين الراجل ما بغصبو وما بالقوة لو مادار العرس ما بعرس <br>
حليمة:لكن هي الرمت ليو راسو ي فتحية انا اتصلت عليها ونبزتها قعدت بس تضحك لي يعني شمتانة فيني انا اخر الزمن بعد العشرة دي كلها يعمل فيني كدة عرستو بالقوة اهلي ما رضيانين بيو انا البقيتو راجل وخليت القرش في يدو وااااااي استاهل كدة يجازوني بي عرسا <br>
فتحية :خلاص ي حليمة البعدا مواعيد اولادك بجو من المدرسة امشي على بيتك وما تسألي راجلك لمن تتأكدي يمكن عاملاها ليك لعبة عشان تتشاكلو وبعدين وينو لؤي جا من الروضة ولا لسة<br>
حليمة:جا قاعد في البيت معقولة ي فتحية وصال بتكون بتكضب علي عشان اتحامق بس لكن هي طولت بترسل لي في الرسايل كدي هاك اقري اول رسالة دي فيها نبز من يوم مشكلة السوق شوفيها قالت لي هي ي مرت اخوي ي الماعندك ولي شايفة روحك علي شنو رافعة نخرتك لي متين والله ان ما زليتك وخليتك فرجة لي نسوان الحي ان ما خليتك ونسة في الجبنات والقعدات ابقي ما وصال ي تيت تيت شوفي قلة ادبا وفصاحتا ي فتحية ولا بتخجل وشوفي دي قالت لي لقينا عروس لي راجلك وهنا بعد مدة قالت لي عبدالقوي خطب ي النايمة دا كلو وقلت ما اشتغل بيها لكن الليلة قالت لي عبدالقوي امس عقد والليلة دخلتو ارجي الراجيك <br>
فتحية:اتي من اول رسالة كان توريها لي عبدالقوي عشان تعرفي ردة فعلو وكلام اختو هسي ما تسأليو لمن تتأكدي براك ي حليمة <br>
حليمة:بتشوفي ي فتحية ان ما خليتو لافي مع روحو ومافاهم شي ابقي ما بت الضحوي كدي النقوم علي الولد دا ما القاو خرب لي شي ..............<br>
تعالو نعرف وصال دي منو ومالا شايلة كدة من حليمة <br>
(وصال اخت عبد القوي القبل الاخيرة اكبر منها امنة واصغر واحدة آلاء وعبدالقوي عندو اخوانو تلاتة اتنين متزوجين وواحد ما متزوج والاتنين اكبر من عبدالقوي وامنة برضو اكبر منو )<br>
ي وصال ي بت تعالي هنا دايراك<br>
وصال:اي ي امي جيتك في شنو ي امي انا من قبيل شغالة بطلت زاتو والله ما تقولو لي سوي وافعلي <br>
ي بت وطي حسك دا ما اسمعو انا الليلة مبسوطة ما تخربي علي الروقة دي خلاص اخيرآ حاجيب لي مرة ولد تقعد معاي ات ي عبد القوي تتهنا وتتعلا ويوسع ليك في رزقك ي الله تفتحا عليك زي ما فتحت لي نفسي ويفرحك زي ما فرحتني <br>
حاجة فاطمة ام عبدالقوي مرة صعبة شديد وبتحب تستعمر اي حاجة اولادا الاتنين الكبار عرسو وواحد عرس بت خالو يعني بت اخوها دي قعدت معاها ١٠سنة استحملتا واستحملت بناتا لكن في النهاية فاض بيها ورحلت مع اهلا بعد مشاكل كتيرة عشان حاجة فاطمة قبلت تخليها ترحل منها اما ولدا الكبير دا مغترب واولادو معاو ما احتكت بيها كتير بتجي اجازات ومالياهن هدايا ومغرقة حاجة فاطمة دهب عشان كدة علاقتن كويسة مع بعض نرجع لي حاجة فاطمة وبناتا <br>
حاجة فاطمة:امشي نضفي اوضة اخوك عثمان لي عبدالقوي وبخريها تمام التمام عشان الليلة يدخل علي مرتو ويبيت معانا امشي قوام ي بت<br>
وصال:انضفا انا ي امي الاء مشت وين ما تنضفا هي انا ناقصة وسخ الاوضة كمان سويت ليكن الفطور والغدا زاتو علي ما بقدر<br>
حاجة فاطمة:الاء متين سمعت كلامي امشي ي بت نضفيها قلت ليك كلها كم يوم وترتاحن من خدمتي خلاص الله جاب لي مرة ولد تخدمني من غير نقة وكوراك امشي قلت ليك<br>
وصال:سمح ي امي ماشة(ومشت وهي تطنطن وتتكلم مع روحا باقي لي كمان اخدم النسوان انا دي عيشة دي نسوان عبدالقوي البتجي كلها انضف ليها الاوضة انا )قلتي حاجة ي بت لالا ي امي ما قلت شي <br>
بي هناك حليمة رجعت بيتا وبالا بعيد بتفكر في عبدالقوي معقولة يعرس فيها وقطع تفكيرا اتصال شالت التلفون اجي دا عبدالقوي داير شنو ي ربي........
(ايلاف احمد زروق)
م تنسو التصويت😍💓
يتبع....
أنت تقرأ
كيد النساء
Mystère / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
