#كيدالنساء الحلقة ٩<br> بقلم ( ايلاف احمد زروق)
جمال اتخلع من كلام اختو لي عبدالقوي وما عرف يرد ليو <br>
عبدالقوي:ي جمال ات ما معاي ولا شنو بسأل فيك انا <br>
جمال:اي اي بس مشغول شوية بي مشكلة في الشغل العربية لسة والله ما اتصلحت وانا نسيت ما ارجع ليو اسألو لكن بتصل عليو الليلة ان شاءالله<br>
عبدالقوي :والله ي جمال انا ما حمل تللتلة المواصلات استعجل لي عليك الله <br>
جمال:ان شاء الله بشوفو وبعدين يجي اغشاك أوصلك ومنها ازور حليمة خجلتني من عدم سؤالي منها ومن الأولاد<br>
عبدالقوي:لا خلاص عديلة ان شاء الله وانا اتصلت لي عبدو عشان يجيني بعدين لكن برجع ليو اخليو يجيني بكرة في البيت احسن من المواصلات <br>
جمال:احسن والله بتكون تعبان زاتو من السفر اها يلا وراي شغل مع السلامة <br>
عبدالقوي:يلا اها انا زاتي طولت من الشغل واي زول مشى شاف شغلو وجمال بعد شاف روحو بعيد من عبدالقوي اتصل لي حليمة زعلان ومحمود وانو كيف تختو في موقف زي دا<br>
حليمة قاعدة تنضف في بيتا ومشغولة جاها تلفون شالت التلفون الو جمال كيقك تمام ان شاءالله<br>
جمال:ما تمام ي حليمة دا شنو البتسوي فيو يعني لازم تدخليني في حتة ضيقة مع عبدالقوي <br>
حليمة: مالك ي جمال في شنو زهجان وبتكورك فيني كدة<br>
جمال:كيف بتقولي لي عبدالقوي انو العربية عندي داير اصلحا ليو يعني ارد عليو اقول شنو ي اختي <br>
حليمة:سألني منها وات جيت في بالي وعارفاك ما بتغلط في الحديث قلت اتي وحدك عارف موضوعنا ما ممكن اقول ليو زول تاني اخليو كدة كل ما يسألك اتحجج ليو <br>
جمال:غايتو ي حليمة غلطان انا الطاوعتك من اول مرة<br>
حليمة:تسلم ي اخوي وقفلت الخط فيو ورجعت علي شغلتا<br>
جمال اتغاظ من قفلت الخط عمرك ما بتتغيري ي حليمة<br>
عبدالقوي في شغلو ولقا ورق ودفاتر كتيرة راجياو <br>
في بيت حاجة فاطمة ي عبدالله ي ولدي امش لي اخوك خليو يديك قروش جيب لينا الحاجات دي قبال النسوان يجو الليلة عندنا شغل كتير كتير <br>
عبدالله:ان شاء الله ي امي بمش ليو هسي <br>
ووصال جات علي امها سلمت عليها وقالت ليها اصبحت كيف ي يمة ان شاء الله طيبة<br>
حاجة فاطمة:كويسة تب ي بتي ما عندي عوجة الليلة خالاتك وعماتك ونسوانن الاهل كلهم جايين امشي ساعدي اخواتك في البيت الشغلة كتيرة وواحد ما بقدرا <br>
عبدالله وصل عبدالقوي في الشغل واداهو الورقة الكاتباها امو لي عبدالقوي وعبدالقوي راسو جايط وعندو مشكلة في ميزانية الشغل الاسبوع الغابو دا اثر في شغلو وما كان عندو حاجة في الدرج يديها لي عبدالله لمن قرا الورقة ياخ امي دي جادة ما قالت دايرة بهيمة وخضار بس شنو كمان الحاجات دي وما عندي قروش لي قدر دا بديك عشرة تمت خلاص قصرت خليها تديك هي بي قروشا <br>
عبدالله:ان شاء الله ي عبدالقوي البتجيبا جيبا <br>
عبدالقوي مشي يصرف ليو من الصراف الآلي اتصرفت ليو ٥<br>
وقال مالو الصراف دا كرهنا عديل كدة<br>
ورجع لي عبدالله اداهو ال٥ وادين ليو ٥ من جارو واداهن ليو<br>
حليمة قضت شغلتا وفطرت ومرقت علي فتحية تشوفا<br>
حليمة دخلت لي فتحية وسلمت عليها وقعدو يتونسو <br>
فتحية:اها شنو ي حليمة ان شاء الله تكونو اتفاهمتو <br>
حليمة:ماقادرة والله ما قادرة ي فتحية اتحملو واتحمل كضبو حاسة اني مخنوقة ودايرة اقتلو عديل امبارح بتكلم مع امو دخل مني الاوضة عشان ما اسمعو بتوتر مني وبقول لي كلام حلو من خجلتو وعملتو حاسة بيو منافق وانا ما قادرة اكون معاو زي زمان حتي هو يمكن شاكي في اني عارفة موضوع عرسو لكن ما داير يتسبق لي <br>
فتحية:الله يريح قلبك ويصبرك ويقويك ياهو حال الرجال انا راجلي ليو اسبوعين لا حس لا خبر غرقان مع اولادو ونسوانو <br>
حليمة:مستحملة كيف ي فتحية وآلله حارة انا لي هسي بطني واجعاني وحاسة بي كبدي دايرة تمرق عديل والزعل عاميني لكن بتقوا علي شنو ما عارفة <br>
فتحية:الاهمال ي حليمة الهملة هي العودتني انا مرة لا ام لا ابو لا جنا ولا فيني امل لي ولادة امشي وين ياهو البيت دا واستحمل لمن الله ياخد امانتو ما عندي حاجة <br>
حليمة:عمرك طويل ان شاءالله ي فتحية ما سمعتي كلامي لمن قلت ليك اتبني ليك جنى منها اجر ومنها تقلة<br>
فتحية:ما غالبني ا تبنى لكن اظلم لي جنى المجتمع ما برحمو في الدخلة والمرقة ينعتو بري اخير لي كدة <br>
حليمة:صبرك دا بتجيبيو من وين قوة التحمل الفيك دي نادرآ ما تلقاها عند زول <br>
فتحية:لمن تختي انو الحاصل ليك كلو قضاء وقدر وامتحان من ربنا وتقوي ايمانك وربنا ببتلي عبادو البحبهن بتلقي روحك راضية ومرضية عن كل الحاصل ليك والبحصل ليك كلو لي خير ربنا بعرفو وبعدين بتلقي فيو خير ليك <br>
حليمة:ان شاء الله ربنا يصبرني بعد دا اتي الليلة ما عندك قهوة ولا شنو<br>
فتحية:بي قهوتي اتلخمت بي الحديث انقوم اسويها <br>
عبدالقوي اتصل لي ناس البنك يعرف السبب الما صرف بيو العشرة وردو عليو انو حسابو ما فيو قروش الا ٢٥٠ج بس <br>
عبدالقوي جن جنونو وبقا ما شايف قدامو وكيف الكلام دا وراجع كويس وانو ما سحب كتير وكدة قالو ليو القروش انسحبت عن طريق الصراف الآلي وانو كانت يومآ بتطلع كمية من القروش عبدالقوي مخو بدأ يودي ويجيب ومافي غير حليمة العندها البطاقة ....
م تنسو التصويت😍😍💓
يتبع
أنت تقرأ
كيد النساء
Mistero / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
