كيد النساء6

55 0 0

بواسطة Amoona991

بقلم Amoona991

#كيدالنساء الحلقة ٦ 
بقلم (ايلاف احمد زروق)
وصال بي شحمها ولحمها الذكرك بيتي شنو 
وصال:اتي ي حليمة بتستغبي فيني ولا انتي غبية من اساسو 
حليمة:احترمي نفسك وما تنسي انك في بيتي وفي خشم بابي وان شوفتيني ساكتة ما معناو خايفة منك ولا خايفة من عبدالقوي ولا عرستو بتأثر فيني واظنك ما بتعرفيني ي وصال لأنو استفزازك لي اصلو ما داخل في راسي ولو عندك حديث عن عبدالقوي وعروسو الجديدة فاحتفظي بي كلامك لي نفسك وانا بيتي وراجلي ما بخليهن انا ما غبية عشان عرس عبدالقوي اهد البنيتو من سنين في لحظة 
وصال:انتي طينتك شنو وقلبك مخلوق من شنو انتي معقول تكوني بشر لو حجر كان حس علي روحو معقولة عرس راجلك مامأثر فيك ولا حتي هزة ما يهزك جبروتك وغرورك زي ماهو لا بتنكسري ولا بتنجرحي لالا اصلو ما بصدقك اتي عارفة انا قدر شنو بكرهك متمنية اشوفك مزلولة في وشي ومطاطية راسك دا وعينك مكسورة 
حليمة :اتي دايرة مني شنو ي وصال انا عملت ليك شنو لي دا كلو حتي لو اذيتك ما بتكوني بالغل دا انا عاملتكم كويس وعشتا معاكم ولو ما معاملتكم السيئة ما كان بقيت كدة اتو الخليتوني اكرهكن امك دايراني خدامة واتن قاعدات وانا ما اتعودت علي الحكم والاوامر دا طبعي كدة ما اتحملت ولمن مرقت مرقت وانا هادية وما عندي معاكن شدايد 
وصال:نسيتي انك سبب العذاب الانا فيو اتي السبب 
 حليمة:عذاب شنو ي اختي عايشة احسن عيشة وفي بيت اي مرة تتمناو ولا بس عشان الموضوع القديم انا لو ما دايرة مصلحتك ما كان عملت كدة ي وصال 
وصال:مصلحتي اتي ضاحكة فيني ولا شنو اسمعي ي حليمة ان طال الزمن او قصر انا كرهي ليك اكتر ما بزيد ما بنقص وانا قاعدة ليك كدة بس لقايت ما اشوفك متوجعة 
حليمة:معناها بتحلمي ما انا البتوجع ومافي شي فارق معاي 
وصال:كضابة من يومك هسي عرس عبدالقوي قاطع قلبك كونو قاعد مع مرة غيرك ومبسوط معاها دي حاجة براها ما هينة عليك واتي السبب اخوي من عرسك ما اتهنى هو قال انا اول مرة اعرس واضوق العرس واتي خليك مكابرة كدة 
حليمة:اطلعي من بيتي وما اشوف خلقتك في وشي تاني والله اشوفك في طريقي تاني ما تلومي الا نفسك 
وصال:دي البداية ي حليمة والبيت البتطرديني منو دا بكرة بجيب ستو وادخل معاها واقعد بي راحتي كمان 
حليمة:ههههههههههه والله ي وصال شكلك مشيتي لي بعيد شديد ست منو وتاخدي راحتك وين قلتي لي يلا يلا عليك الله شوفي عدلك وين وورينا خطوتك لأنو دايرة افطر 
وصال:ماشة علي بيت ناس امي ولي العروس الجديدة 
حليمة:الله يعدلا عليك وسلمي عليهن واحد واحد 
ومشت وصال بعد استفزت حليمة العاملة فيها قوية وحست بي غصة في قلبا مع انها كانت ثابتة قدام وصال لكن الكلام وجعا شديد وبقت تفكر في موضوعا وانها بكرة لازم تمشي لي ابوها وتقضي الدايراو قبل عبدالقوي ما يجي. 
وقصة وصال مع حليمة انو حليمة قبضتا مع ود عمها لمن شافتن صرخت وناس البيت جو جاريين لقو وصال وودعمها مع بعض مسكن عبدالله ودقاهن وقرروا انو يزوجوهن قوة ووصال كانت بتتسلي بس ما دايرة ودعمها ومن ديك بقت شايلاهو مع حليمة وانها سبب في انو تتزوج بي القوة 
وصال وصلت بيتن وسلمت علي ناس البيت ومسكت امها بعيد توشوش معاها وقالت ليها حليمة عرفت عرس عبدالقوي ولاقتا شاكلتا ونبزتا وقعدت تتبكا لي امها عشان ما يختو فيها انها هي الكلمت حليمة وتحصل ليها مشاكل من عبدالقوي وامها قالت ليها وما تعرف بعد ولدي عرس البركة العرفت عشان تتأدب اوعى تكونى سكتي ليها ي بت كترتو معانا وانا ان قلت ادبا انا بعرف دواها والله اخلي عبدالقوي يطلقا ذي الماحصل شي اسمعيني خليك من دا كلو عرس اختك خلاص حددو الحمدلله البعدا مافاضيين لي حليمة زاتو 
وصال:جد ي امي الاء خلاص حايعرسوها والله فرحتيني 
وهن بتوشوشن جات نعمات داخلة وشافتن طوالي سكتن لمن شافتن سكتن قالت خلاص بقطعن فيني ومرقت زهجانة ولقت عبدالقوي في وشها وقال ليها مالك صارة وشك طوالي كدة ولا لما تشوفيني انا بس ما عاجبك ولا اتي قصدك شنو 
نعمات:هو انا عرفتك عشان تعجبني ولا لا ات اصلآ شكلك زاتو ما راجل معرسني وما وديتني اي فجة ولي تلاتة يوم قاعدة في وشك ما حركت فيك ولا شعرة 
عبدالقوي دمو فار وعصب والغضب بقا في عيونو ومسكا من شعرا جاريها لي غرفتو وهو بقول ليها انا ما راجل الليلة بوريك الرجالة دي كيف دايرة تعرفيني راجل ولا لا صاح وحصل الحصل بعنف وبدون رحمة كأنو كان بفرغ في غضبو فيها وكان بتقوى فيها والسنين العاشا تحت زل حليمة او بالأصح حبو ليها ما كان مستوعب انو يضرها أو ما يسمع كلاما لكن مع نعمات كان غير كان مشاعر كره ممزوجة مع غضب ومرق منها من غير ما يعاين فيها أو يعرف حالا وهي كانت بس بتبكي من الحصل ليها وبتلوم في نفسها انو دا سبب غلطتا زمان مع انو شرعآما غلط لكن المجتمع اعتبرو غلط وعرفت انها مستحيل تعيش زي اي مرة متزوجة زواج طبيعي . 
حليمة مشت لي فتحية ياها سرها وصاحبتا البتواسيها وهي الوحيدة البتشوف حليمة في حالة ضعف وانكسار وهي البتفضفض معاها وبتنصحا 
فتحية:حبابك والله ي حليمة ماشاءالله ما اتأخرتي شديد اها ان شاء الله تكوني اتوفقتي في مشوارك 
حليمة:اي الحمدلله اتوفقت تب كيفك اتي ولؤي جا ولا لسة 
فتحية:جا واسقيتو عصير وفتحتا ليو التلفزيون دقيقة ما تماها نام شكلو تعبان الليلة 
حليمة:كرعلي ي يمة ما بنوم الليل جت يسأل من ابو والعجب اخوانو الكبار يسألو زاتن منو وقلت ليهن مسافر المشكلة تلفون بقا ما بدق الا ادق ليو انا شكلو خلاص استغني تب 
فتحية:ما تقولي كدة عبدالقوي ما بستغنى عنك ي حليمة وعرسو دا اتلقي لي ظروف معينة عارفاو عبدالقوي ما بعمل عملتو دي بالساهل كدة كدي استنيو لمن يجي واتفاهمو 
حليمة:الليلة جاتني وصال ومن غير خجلة بتنبذ وتستفز فيني قالت عبدالقوي قال ما عرس قبلي كدة دابو عرس 
فتحية:واتي صدقتي كلامة دي كضابة ودايرة تغيظك بس 
حليمة:مالي ما بصدقا انا عبدالقوي ما كنت حنينة معاو وعارفة نفسي غلطانة لكن انا والله بريدو وما عارفة انا بعاملو كدة لي شنو ما بعرف اعبر ليو وما بعرف امثل دور الضعف والانكسار وهو كان دايمآ بتنازل لي 
فتحية:انا بعرف الراجل البحب من الراجل الضعيف عبدالقوي ي حليمة رايدك وما ظنيتو يريد غيرك وعبدالقوي الناس قايلنو خايف منك لكن هو رايدك قوي مع الكل لكن قدامك ضعيف ما بنكسر لكن بمشيك لأنو شايفك كدة ودا طبعك وما ناوي يخسرك فاشنو اتي ما تخسريو ي حليمة 
حليمة:اريتو ي فتحية كلامك يكون صحيح لانو الوجع ماليني والشيطان بزن في راسي وبقول لي افكار كلها كعبة 
فتحية:استغفري ربك هو القادر ينصرك ويبرد ليك واصبري 
حليمة:ان شاء الله ي فتحية اها انقوم علي البيت الونسة ما بتنتهي الاولاد البعدا بجو ولؤي بعد يصحا خليو يلحقني 
فتحية:اها خلاص عديلة امشي علي بيتك 
حليمة:اسمعي انا باكر ماشة بيتنا الدغش ان شاءالله بجيني محمد اخوي بدري عايني معاك لي بيتي بكرة 
فتحية:ان شاء الله بعاين ليو 
ومشت حليمة علي بيتا واليوم عدا عادي غدت اولادا وخلتن يقرو وهي قضت باقي شغلا وقعدت في التلفزيون 
بي هناك حاجة فاطمة ووصال والاء قاعدين في صينية الغدا فقدو نعمات ما جات 
حاجة فاطمة:ي الاء امشي نادي نعمات دي من قبيل لمن جات داخلة لقتنا انا ووصال عاينت فينا ومرقت شوفيها 
الاء:سمح ي امي اشوفا واجي 
الاء بتكورك لي نعمات ونعمات من شدة الوجع والبكا ما قادرة تقوم عملت فيها نايمة جات الاء ي نعمات ارح اتغدي 
نعمات:ما دايرة لي غدا دايرة انوم خليني 
الاء:امي قالت ليك تعالي مستنياك بي الغدا 
نعمات:والله تعبانة ي الاء ما قادرة اقوم 
الاء عاينت فيها ومرقت جات لي امها وقالت ليها نعمات قالت تعبانة ما بتقدر تجي وصال وامها عاينن لي بعضن مالا دي كمان تعب شنو التعبتو لسة الشغلة ما نزلت ليها ما اتلقي قايلة روحا عروس بصح وحاجة فاطمة تكورك لي عبد القوي الكان متصل بي حليمة عشان يسلم عليها وعلي الاولاد 
حليمة جاها اتصال من عبدالقوي وردت عليو الو ي عبدالقوي يادوب اتزكرت انو عندك مرة واولاد انا هينة لكن اولادك كرهوني بي الأسئلة الكتيرة 
عبدالقوي:والله انشغلت شوية ي حليمة هسي اتو كيف 
حليمة:كويسين الحمدلله بكرة ماشين بيتنا نسلم على ناس ابوي  طولنا منهن 
عبدالقوي:اي احسن غيرو جو شوية من كتمة البيت 
جاهو صوت امو بتسأل فيو ي عبدالقوي نعمات مالا تعبانة 
عبدالقوي اتخلع من سؤال امو وخاف انو حليمة تكون سمعت وفجأة قفل التلفون وعاين لي امو اتي شايفاني بتكلم في التلفون نعمات شنو البتسأليني منها ما يكون سمعتك بس 
حاجة فاطمة:في شنو بتتنهر فيني كدة مالك وما تسمع كان سمعت مالو خايف منها لي هسي ي عبدالقوي مصيرا تعرف وتواجها ي عبدالقوي 
عبدالقوي:اصلآ ما حاتعرف وانا العرس دا ما مطول فيو بعد عرس الاء طوالي بطلق وبرجع لي بيتي وخشمك ما تفتحيو معاي ي امي خلاص فترتا 
حاجة فاطمة:سجمي تطلقا عشان يطلقو اختك الليلة وووب منك ي حشاي داير تدمر اختك كان كدة 
عبدالقوي:يمة بطلقا بي مزاجا براها بتقول لي طلقني 
حليمة سمعت المكالمة وقالت اسما نعمات يعني والله كويس ومن غير ما يخجل بكلمني في بيت امو ويمكن يكون جمبها 
عبدالقوي :خلاص ي يمة قفلي الموضوع خليني اشوف المصيبة الوقعت فيها دي وضرب تاني لي حليمة بعد مرق من البيت اي ي حليمة الرصيد قطع وكان داير يجس نبضا وهي فهمت كدة وعشان تأكد ليو انها ما سمعت قالت ليو كنت سامعة صوت شخشخة وانا شبكتي وقفت نهاي قلت يمكن مني انا هنا عبدالقوي اتنفس وفرح شوية انو ما عرفت وادتو الاولاد سلمو عليو واحد واحد وقفلت علي كدة 
حاجة فاطمة:بري اخوكن بقا زهجان واخلاقو ضيقة كدي انقوم اشوف بت الناس دي مالا كمان 
وصال:استنيني ماشة معاك يمكن تخجل ما توريك انا ما ذيك 
حاجة فاطمة اها ارح مشن لي نعمات ولقن الفجة مبهدلة وهي نايمة صحنها ولقن العيون حمر 
حاجة فاطمة:ي ساتر مالك ي بتي وشك مورم والأوضة مبشتنة وعيونك حمر علو خير ان شاء الله 
نعمات:مافي حاجة تعبانة ساي بنوم وبرتاح 
وصال:سلامتك من التعب وهمست ليها شكلو في حاجة حصلت لأنو البشتنة الفيك وفي الأوضة دليل علي كدة اها يادوب كدة نقول مبروك ...
م تنسو التصويت😍😍😍😍💓
يتبع.....