بقلم (ايلاف احمد زروق)
#كيدالنساء الحلقة ٢٢<br>
طلعت حليمة من اولادا علي طلعتا كدة فجأة لقت عبدالقوي في وشها اتخلعت لمن شافتو قعدت تتنفس وتقول بسم الله <br>
عبدالقوي:مالك شوفتي شيطان ولا شنو<br>
حليمة:لالا بس لفيت كدة فجأة بس زول وراي من غير ما افكر لي الشخصية والله حاسة انو قلبي حايقيف<br>
عبدالقوي:بتخافي يعني اتي<br>
حليمة:مافي زول ما بخاف كلنا بنخاف بس خوف من خوف يفرق <br>
عبدالقوي :اتي قاعدة في بيت حدادي مدادي براك لازم تخافي ولا كيف<br>
حليمة:البيت دا انا حاسة بي الامان فيو اكتر من اي مكان يعني كونو اكون براي كدة حاجة ما مخيفة وبعدين معاي راجل ما براي<br>
عبدالقوي:ربنا يخليو لينا كدي تعالي دايرك في موضوع ومسكا من يدها وسايقة معاهو علي الصالة <br>
حليمة:موضوع شنو كدي قول لي<br>
عبدالقوي:انا ي حليمة انا مشتاق ليك وما قادر ادس منك اكتر من كدة والله ما قادر استوعب الحصل دا انا بس داير نرجع زي زمان وانا مستعد لي كل شروطك<br>
حليمة:انا ي عبدالقوي وريتك قراري من اول مرة انا قاعدة معاك عشان الاولاد بس وفكرة الرجوع دي انا ماحياها نهاي ما تفكر فيها <br>
عبدالقوي:بس انا ماقادر اتحمل بعدكم مني كدة انا في بلد والاولاد في بلد<br>
حليمة:لو دابر تجي كل يوم تعال ما حميتك منهم<br>
عبدالقوي:واتي ي حليمة ما دايراني نهاي خلاص بقيت ما فارق معاك في حاجة<br>
حليمة:كنت بتفرق لكن هسي لا<br>
عبدالقوي:بتعاقبي فيني يعني<br>
حليمة: افهما ذي ما تفهما لكن انا رميت طوبتك لمن عرستا ولمن اتهمتني بالخيانة انا قنعت عديل منك <br>
عبدالقوي:انا ما كنت مستوعب اني بقول في شنو بس ما عارف في حاجة خلتني اشك فيك وانا متأكد من انو مستحيل تخونيني<br>
حليمة:لأنك حاسي بالذنب وقايل الناس زيك بتخون وبتطعن في الضهر لكن انا لا ي عبدالقوي ما بعرف اعمل كدة<br>
عبدالقوي:وظا المخليني متمسك بيك ما قادر علي بعدكم انا حياتي كلها بقت جايطة وزهجان قرفان منها تصدقي انا اول مرة انوم مرتاح كدة اشتقت لي بيتنا ولي سريري ولي كل حاجة فيو واولادي وانتي كمان بس لي شنو ما دايرة تسامحيني ربنا بغفر ويسامح اغفري لي المرة دي ي حليمة<br>
حليمة:ي ريت لو بي يدي ي عبدالقوي غصبن عني ما قادرة استحمل الحصل وما قادرة انساهو عليك الله خليني في حالي كل ما اعيش مرتاحة تجي تضيقا علي<br>
عبدالقوي:البريحك سويو بس الاولاد ما دايرن يحسو بي حاجة <br>
حليمة:ما بتوصيني عليهم <br>
عبدالقوي: طيب انا ماش انوم ما جايك نوم اتي<br>
حليمة:دايرة احضر شوية في التلفزيون <br>
عبدالقوي:طيب كويس اخدي راحتك<br>
عبدالقوي نام وحليمة فتحت التلفزيون ونامت في الصالة قبلا<br>
حاجة فاطمة ونعمات والبنات يتونسو بالحنة نعمات قامت ماشة غرفتا عشان تنوم كوركت ليها حاجة فاطمة وقالت ليها عبدالقوي مشى بيتو وببيت مع الاولاد<br>
نعمات:مشى وين قلتي بيتو عندو شنو في بيتو<br>
امنة:كيف عندو شنو اولادو ومرتو ديل ما عاجبنك وما تنسي انو البعرس يعدل بين زوجاتو<br>
نعمات:ما قصدي حاجة بس هو زعلان منها عشان كدة استغربت من مشيتو وعارفة انو لازم يعدل بينا<br>
امنة:حتي لو زعلان منها اولادو عندهن حق عليو<br>
وصال:ي امنة فهمنا وقالت ليك مستغربة بس مافي داعي تحسيسيها كدة<br>
امنة:انا بوريها الصاح ما قصدي احسسا زي ما فاهمة<br>
حاجة فاطمة:خلاص قفلن السيرة دي واتي ي نعمات امشي غيري وتعالي نومي بي جاي<br>
نعمات:اي ماشة مرقت منهن نعمات وهي في بالا خلاص عبدالقوي تاني ما بجيها هنا غيرت وجات قعدت معاهن لكن بالا بعيد <br>
الاء:اتي ي امي اخواني ما جايين يحضرو عرسي<br>
حاجة فاطمة:جايين ان شاءالله قريب بجو بس منتظرين الاجازة قالو بدوهن ليها وبجو طوالي<br>
الاء:والله اشتقت ليهم وطولت ما شفتهم<br>
حاجة فاطمة:اها بتشوفيهم قريب وتشبعي فيهن شوف وجايين يشوفو عبدالقوي وانا قلت اخطب لي عبدالله عشان يحضرو عرسو ومنها ينسى العذبة الدايرا دي<br>
امنة:ي امي اتي بس بتريدي المشاكل وعبدالله ما زي عبدالقوي عشان تعرسي ليو غصب<br>
هنا نعمات اتلفتت للحديث وقالت من غير ما تشعر اتي كدة بتظلمي ليك بت ساي وبتخليها تعيش في جحيم<br>
حاجة فاطمة:هي اي واحدة تخليها في همها اولادي وانا بعرف دواهم ما تتحشرن فيني<br>
وصال:امي كلاما صاح المرا البجيبوها كلها عواليق وتطلع لينا في راسنا احسن تختار ليهم امي<br>
نعمات سكتت وخلتن في حديثن ونامت نوما <br>
عبدالقوي صحا الصباح وما لقا حليمة راقدة جنبو مرق من الغرفة لقاها نايمة في الصالة والتلفزيون فاتح قفلو وعلي قفلة التلفزيون حليمة صحت لقتو قداما <br>
عبدالقوي:النوم ما دايرة تنومي جنبي ي حليمة<br>
حليمة:قول اصبحتي كيف اول واتا كدة مرتاحة <br>
عبدالقوي:بي راحتك ي حليمة وانا يوم بس الببيتو معاكم في الاسبوع وبرجع <br>
حليمة:ما بتستحمل اكتر من يوم منها<br>
عبدالقوي:والله ولا ثانية لكن قلت الاولاد يستاهلو يوم<br>
حليمة الكلام استفزاها وقالت ليو ربنا يسعدك ويهنيك <br>
مع كلامن الباب دقا <br>
عبدالقوي:دا منو جاينا من الصباح كدة<br>
حليمة:شوفو منو <br>
مشي عبدالقوي فتح الباب لقى مرا وسلم عليها وقال ليها منو ودايرة شنو قالت ليو دا بيت حليمة انا نجوى جيت اشتغل هنا كلمتني فتحية جارتكم دي عبدالقوي:ي حليمة دي مرا قالت جاية تشتغل عندك<br>
حليمة:خليها تدخل <br>
عبدالقوي:اتفضلي ادخلي جوة حليمة<br>
حليمة:اهلين نجوى كيفك جيتي في وقتك والله <br>
نجوى:الحمدلله ما اكون ازعجتكم<br>
حليمة:مافي ازعاج وكويس جيتي بدري عشان انا ماىدرقة شغالة<br>
نجوى:ابدا شغل من الليلة يعني<br>
حليمة:عندك مشكلة<br>
نجوى:لالا ما عندي مشكلة الليلة ببدا<br>
حليمة :طيب ابدي بي المطبخ لأنو وسخان شديد مسافة استحمى عشان اجهز الشاي <br>
نجوى:طيب خلاص وين المطبخ<br>
حليمة:تعالي معاي اوريك ليو مشو علي المطبخ وورتا ليو وورتا الغرف والصالون وانها تنضف لحدي الحوش برا الا غرفة حليمة تخليها ومشت حليمة استحمت وجات لقت نجوى انتهت نضافة المطبخ دخلت جهزت الشاي لقت عبدالقوي استحمى وجهز مارق علي بيتو <br>
حليمة:اشرب الشاي ويدل تمشي البيت ي ريت تمشي الشغل احسن ليك من قعدتك بتزهج<br>
عبدالقوي:ياتو شغل انا ما عندي حاجة ما كلو في يدك<br>
حليمة:هو صاح قانونيآ الشغل حقي بس في النهاية ات صاحب الشغل وان دايرو في اي وقت تجي تستلمو لكن انا ما بخليو برضو بشتغل<br>
عيدالقوي:شايفك مبسوطة بالشغل وماشي معاك <br>
حليمة:شديد تعال اشرب الشاي مسافة اصحي الاولاد انا اشتركت ليهن في نادي احسن ما يقعدو يضيعو زمن الاجازة في البيت منها يسبحو ويركبو خيل<br>
عبدالقوي:ماشاءالله كويس احسن والله<br>
حليمة صحت الاولاد عشان يجهزو ورجعت كبت الشاي ليها ولي عبدالقوي وجابت كباية تبرد فيها لي عبدالقوي<br>
عبدالقوي:انا قلت نسيتي بشربو كيف متزكرة لسة<br>
حليمة:كا طولت عشان انسى وان قلت ليك نسيت معناها منافقة ما اكتر قلت شنو في الموضوع<br>
عبدالقوي:موضوع شنو<br>
حليمة:الشغل نسيت ولا بتنافق<br>
عبدالقوي:خلاص افكر وارد ليك<br>
حليمة:تفكر بي راحتك انا دايرة اطلعك من جو الكأبة القلت عايش فيو دا<br>
عبدالقوي:طيب خلاص بنزل معاك لكن بتشغليني شنو<br>
حليمة:الدايرو ات تشتغلو ي صباح الخيرات بي الحلوين<br>
محمد:صباح الخير ي امي وابوي <br>
اسامة:ياخ والله تعبان تعب ونعسان لسة<br>
حليمة:اكيد حاتتعب كلنا نمنا الا ات انا لمن جيت اتفقدكم لقيت اللابتوب جنبك فاتح ولو ما تعبان كان صبحت فيو يلا بطل كسل وانا دايراكم المرة دي تجيبو معدلات حلوة السنة دي والنادي بديكم نشاط والرياضة كويسة وي محمد خلي بالك من عمر ولؤي انا كلمت المشرفين لكن برضو اعملو حسابكم ودي اللطاقات كل واحد يشيل بطاقتو يلا اشربو الشاي عشان عمو عبدو جاي علينا<br>
عبدالقوي:اتصلتي عليو<br>
حليمة:اي اتصلت وقال قريب<br>
عبدالقوي:ما كلمتيني يعني <br>
حليمة:هسي كلمتك عندك حاجة داير تعملا <br>
عبدالقوي: كنت داير اشيل لي شوية هدوم من البيت لأنو العندي كلهم بقو ضيقات<br>
حليمة:نعم القعدة دي زادت ليك وزنك ماشاءالله ما فكرت ليك <br>
محمد:سجلي ليو ي امي في النادي بقت ليو كريشة كمان<br>
حليمة قعدت تضحك واولادا يضحكو معاها<br>
عبدالقوي:اي اضحكو سمح بكرة بتحرك حركة الشغل بس بتنزلو شوفو روحكم اتو <br>
حليمة:يعني نازل معاي الشغل صاح <br>
عبدالقوي:اي نازل معاك <br>
حليمة انبسطت والليل كلو كانت بتفكر انو ترجع عبدالقوي الزمان تاني ولو ما حست انو رجع زي زمان ما بترجع ليو واول خطوة كانت دايرة تخليو تحت عينا وبرضو الاولاد نفسيتن اتغيرت مع ابوهم ومرقو كلهم وصلو الاولاد النادي <br>
ومشو المكتب <br>
نعمات مقلقة علي عبدالقوي وخايفة يرجع لي حليمة وينساها ولا يفكر يطلقا شافت وصال كانت مارقة علي بيتا<br>
نعمات:ي وصال تعالي دايراك<br>
وصال:اسمعي انا من امس جادعة اولادي مع ابوهم وهسي اتصل علي بكورك دايرة شنو سريع<br>
نعمات:عبدالقوي ي وصال حايطلقني مش<br>
وصال:قولي بسم الله يطلقك شنو بتجيبي الكلام دا من وين<br>
نعمات:امبارح كان معاها واتلقي ملتو مني وهو اصلآ ماطايقني اول حاجة بعد يجي حايطلقني<br>
وصال:الما بتعرفيو عن حليمة انو هي ما متخلفة عشان تركز معاك زي ما اتي مركزة معاها مركزة مع راجلا بس عشان ترجعو واتي بي هبلك بتمهدي ليها هي وعبدالقوي في طريق مسدود وهي ولا خاتاك في بالا فما تفكري كتير خليك في جيهتك شايفاك بديتي تبقي حلوة عشان كدة ركزي مع راجلك عشان يرجع ليك<br>
نعمات:هو كان معاي عشان يرجع لي <br>
وصال:لو ما معاك نبقيو معاك بس خليني اتكتك ليك وهسي انا ماشة لي الدلاهة حقي دا عشان قفلا معاي بي التلفون وانا ما ناقصة وجع راس يلا ويمكن اقفلا معاو واجيب الاولاد واجي اقعد هنا اها يلا<br>
نعمات:طيب خلاص عديلة<br>
مرقت وصال علي بيتا وراجلا يشيل ويتصل عليها وهي ما بترد عليو بتشوف المكالمة وتخت التلفون قاصدة تعمل كدة<br>
وصال:اوف انا من الراجل الفقر دا كدي ارد عليو احسن الو عمار في شنو مالك ياخ كرهتني التلفون قلت ليك جاية علي البيت شنو ترن ترن ما بتزهج ات ياخ<br>
عمار: هسي ما بتخجلي بتبيتي في بلد واولادك في بلد كدي بعد تصلي اتي كترتيو ي وصال<br>
وصال:يوووو كترتو كترتو ما تقفلا معاي ياخ قلت ليك بعد اجي وقفلت الخط في وشو<br>
عمار:وكمان بتقفلي الخط في وشي هين ي وصال الليلة الا احددا معاك ي يزن ي لمار تعالو حبايبي شربتو الحليب ولا لسة<br>
يزن :شربناو كلو ماما ما جاية <br>
عمار: هسي جاية ي حبيبي <br>
وجات داخلة وصال ... 
تاني اتحظرت النبي فكو حظري وانتظرو الحلقة ٢٣
#كيدالنساء الحلقة ٢٣
😍😍😍😍😍😍😘😘😘😘😘😘
م تنسوو التصويت😍😍😍😘💓
يتبع.....
أنت تقرأ
كيد النساء
Mystery / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
