بقلم (ايلاف احمد زروق)
#كيدالنساء الحلقة٢٠<br>
وصفو لي مهند مكتب ياسر ومشى ليهو وتمت البيعة بي سعر وفي الدفتر بي سعر تاني خالص واتصل مهند لي جمال ووصف ليو انو اشتري بي السعر الكدة ومن مكتب استيراد مسؤول منو واحد اسمو ياسر جمال صدم صدمة قوية واتصل لي حليمة الكانت راكبة في التاكسي وراجعة علي البيت وكلما بي الحاصل وحليمة بس كانت راجعة المكتب وراسا والف سيف انها تسجنو بس<br>
جمال:كدي استهدي بالله ي حليمة وارجعي بيتك هسي والصباح الدايراو سويو لكن هسي ما تتغابي <br>
حليمة:ارجع كيف ي جمال انا الليلة نوم ما بنوم انت جادي <br>
جمال:عشان تفكري بي رواق كدة وتقدري تحددي اتي دايرة شنو وبكرة مهند بجي المكتب عشان يجيب ليك البضاعة<br>
حليمة:ان شاءالله لي بكرة طيب (ومشت حليمة بيتا ولقت انو لؤي جا وقاعد مع فتحية لمن سمع صوت التاكسي جا جاري ليها عرف انها دي امو وفتحية مرقت معاه<br>
فتحية:حمدالله علي السلامة الليلة جيتي بدري<br>
حليمة:الله يسلمك والله تعب شديد الليلة قلت احسن اجي بدري وما طابخة حاجة قلت عشان اطبخ<br>
فتحية:ما تطبخي انا طابخة اكل كتير بكفينا ويفضل <br>
حليمة:احسن اطبخ عشان يقعد كم يوم كدة ودخلن البيت يتكلمن ويضحكن شالت الحاجات ودخلتا المطبخ وطلعت ليها عصير من التلاجة كبت لي فتحية ولؤي ولي روحا وشربو العصير وفتحية قالت ليها كلمت ليك نجوى بتجيك من بكرة بتمسك البيت كلو ما عدا الطبيخ وممكن تعبي للأولاد وتأكلن بس <br>
حليمة:والله تكون ما قصرت دايرة شنو انا اكتر من كدة<br>
فتحية:ومن ناحية القروش البتديو ليها بتشيلو بتجي الصباح وبتمرق العصر ولا الوقت البتجي فيو اتي<br>
حليمة:لالا تمام من ناحية القروش ما بقصر منها ان شاءالله<br>
فتحية:اها الشغل كيف معاك اتأقلمتي معاو ولا لسة<br>
حليمة:حبة حبة بقيت احسن من الاول غايتو<br>
فتحية:ربنا يوفقك ان شاءالله<br>
حليمة:اللهم امين كدي اقوم اطبخ الطبايخ <br>
فتحية:استنيني انقوم اساعدك <br>
حليمة:اها يلا ارح(قامو وطبخو الطبيخ والاولاد جو من المدارس اكلو وشربو ودخلو نامو وحليمة وفتحية بعد انتهو سو الغدا اكلو وشربو القهوة ومشت فتحية علي بيتا وحليمة رقدت نامت من التعب)<br>
عبدالقوي بدا ليو علاج طبيعي ودلك وبدا يتحسن ومبسوط شديد انو قريب حايرجع احسن والبيت جايط النسوان انتهو من كل حاجة وستفو الحاجات ونامو عشان الصباح يشيلو الحاجات ويودوها لي ناس العريس<br>
اصبح الصباح حليمة قامت ولبست وكان اليوم جمعة ومشت كلمت فتحية انها ماشة الشغل وجاية ما بتقعد كتير الاولاد نايمين تفقدن كل شوية ومشت حليمة في تاكسي للشغل وكان راسا ملان انو حاتعمل شنو وصلت المكتب وما لقت زول <br>
حليمة:ي ربي مشى وين ياسر وبدت تقلب في الدفتر ولقت البيعة حقت مهند وعرفت انو القروش بتتسجل بي سعر تاني <br>
ياسر جا داخل وسلم عليها وهي سألتو انو لي شنو ما كلما بي البيعة دي وكيف يبيع البضاعة الفيها اشكالية وانها لسة ما انتهت من التحقيق في المشكلة يجي يبيع منها<br>
ياسر:انا قلت احسن تتوزع طالما اصلآ علينا علينا <br>
حليمة:احسن ابيدا من اخلي سمعتنا في الواطة حاجة جودتها ما عالية ما لازم تطلع من هنا ي ياسر<br>
اثناء الحديث الداير بيناتن جا داخل مهند ومعاو كم نفر جايب البضاعة الاشتراها امس وقال انو البضاعة دي جودتا ما عالية وما دايرا وبدا يكورك وحليمةبس بتعاين لي ياسر البقول انو البضاعة لا ترد وانو خلاص اشتراها يشيلا بس وكان ببلع في ريقو وحليمة بس كنت مراقبة الموضوع ومهند كان بمثل عليه وياسر غلبو الحديث طوالي حليمة اتدخلت<br>
حليمة:رجع ليو قروشو ي ياسر ما ناقصين مشاكل نحنا <br>
ياسر:بس كدة ما بنقدر نبيعها البضاعة دي وهو شالا يتحمل مسؤوليتا<br>
حليمة:كيف يتحمل مسؤولية حاجة هو اصلا ما عندو فيها يد<br>
ياسر:انا ما قصدي حاجة بس دي خسارة علينا<br>
حليمة: يعني حانخسر اكتر من كدة رجع ليو ال٦٠ الف ي ياسر <br>
مهند :٦٠ الف شنو انا اشتريتا بي ٢٤٠ الف <br>
حليمة رفعت راسا وبتعاين لي ياسر الانخلع من الكلام وبقا يقول لي مهند انت داير تاكلنا عندك٦٠ الف بس <br>
مهند:ات الشكلك ما بتعرفني انا ممكن انادي التجار ديل كلهم انا اديتك ٢٤٠ الف ي زول كيف تقول ٦٠ الف ما جادي ات ولا شنو<br>
حليمة:ياسر انا بسألك سؤال واحد بس الكلام دا صاح ولا غلط ولو انا اتحققت في الموضوع حايكون فيو شرطة ونيابة وبوديك في ستين داهية<br>
ياسر:اتي بتتهميني انا من غير ما تتأكدي<br>
حليمة:انا متأكدة لأنو انا الاشتريت منك البضاعة دي و الزول دا تبعي انا ي اما تتكلم براك او اخلي الشرطة تجرجرك<br>
ياسر بقى مخلوع وخايف واعترف ليها بي كل حاجة وانو هو طمع في القروش وكان داير يبدأ مشروع جديد وما عندو قروش<br>
حليمة:ات استغفلتنا ي ياسر وعبدالقوي وثق فيك شديد دا جزاتو تاكل من وراهو وهسي انا دايرة كل القروش الشلتها ما شغلتي بيك واولا قروش امبارح ما اظن قدرت توديها مع اخواتا جيبا لي فورآ والتجار كمان ساندوك <br>
ياسر:عليك الله استريني وما تفضحيني في السوق ياهو شغلتي ما عندي غيرا انا برجع ليك القروش بس انا صرفت منها كتير معناها تفوت عربيتك برا خت المفتاح هنا وجيب الورق حقها
بعد اشيل منك حقي ما دايرة اشوف وشك دا تاني فاهم <br>
ياسر :فاهم هاك دي مفتاح العربية وبكرة الورق بكون عندك<br>
حليمة:الليلة شغلتك شنو كلو دايرة الليلة وهسي جيب ال٢٤٠<br>
ياسر:ختيت في الخزنة٦٠ الف وانا عندي ١٨٠ الف قاعدة في مكتبي هسي بجيبا ليك ومرق جاب ال١٨٠ ومشي بجيب ورق العربية والقروش الباقية عندو وقبل ما يمرق حليمة كتبتو علي وصولات امانة ومرق جاب باقي القروش وكان صارف منهم وجاب ورق العربية وطلع من الشغل مزلول وقبال ما يمرق قالت ليو اغشى معاك زملائك وقول ليهن ما عندي ليهن تاني اي بضاعة ولا دايرة اتعامل معاهم والبشوفو في وشي ما برحمو والله ويلا برا ما اشوف خلقتك دي تاني هنا فاهم <br>
ياسربس بلولح في راسو خجلان منها وخايف علي سمعتو في السوق<br>
حليمة:ويكون في معلوماتك انا ما بضعف ولا بتنازل نهاي من حقي يعني حقي يجيني كامل ومرق منها وهي دابا بردت شوية وعاينت لي مهند وشكرتو وادتو قروش في الاول ابا يشيلن لكن هي حلفت الا يشيلن وشالن وطلع<br>
في بيت حاجة فاطمة النسوان لمو الحاجات والفطور ومشو ودوهو ناس العريس ومشو وصال وامنة وبناتا عشان يحضرو الحنة وفي البيت في حاجة فاطمة وعبدالقوي والعروس بس عبدالقوي طلع الشارع وجا <br>
حاجة فاطمة: قلقتني عليك ي عبدالقوي مشيت وين الليلة<br>
عبدالقوي :مشيت هنا وجيت وهسي مارق علي اولادي <br>
حاجة فاطمة :ي ولدي كدي اتحسن شوية لمن تبقى طيب امش ليهم خليك رايق هم بجوك هنا لو دايرنك<br>
عبدالقوي:ي امي هم ما قايلني عيان الا محمد بس العارف باقي الاولاد ما عارفين حاجة ويحوني كيف ويسألوني ات قاعد هنا لي شنو وانا ما داير ادخلن في الحاجات دي <br>
حاجة فاطمة:خلاص ي ولدي امشي شوفن وتعال بدري ما تتأخر<br>
عبدالقوي:ببيت معاهم ي امي عشان ما يحسو بي حاجة<br>
حاجة فاطمة:المبيت برضو عشان الاولاد ولا حليمة <br>
عبدالقوي:للأولاد ي امي وياريت لو حليمة بتغفر لي <br>
حاجة فاطمةفي سرها ان شاءالله ما تغفر ليك لقينا منها شنو غير المشاكل وقلة الادب مرق عبدالقوي علي بيتو وركب المواصلات ولمن وصل بيتو بدق في الباب مافي زول برد ليو مع انو الليلة الجمعة مافي زول ولا شنو علي دقة الباب جاتو فتحية وسلمت عليو وفتحت ليو الباب سلم عليها وسأل من احوالا واحوال راجلا وانو وين حليمة<br>
فتحية:والله حليمة عندها شغلة كدة وجاية مشت المكتب<br>
عبدالقوي:ايواه كويس <br>
فتحية:يدك بقت كيف وكفارة ليك جيت لكن ات ما كنت واعي الساعة ديك<br>
عبدالقوي: تسلمي ما بتقصري احسن الحمدلله بعد العلاج الطبيعي الاولاد مافي ولا شنو ماسامع ليهن صوت<br>
فتحية:قاعدين نايمين امس مساهرين الخميس عشان كدة نايمين لي هسي كدي اشوفن اها هدا محمد صحا شكلو علي دقة الباب<br>
محمد:ابوي كيفك ان شاءالله طيب وطولنا من شوفتك <br>
عبدالقوي:والله مشتاق ليكم شديد ات كيف واخوانك كيف طيبين تب<br>
محمد:نحنا كويس الحمدلله بس فاقدنك ي ابوي<br>
عبدالقوي :انا برضو والله فقدتكم شديد وجيتكم الليلة مخصوص<br>
محمد:ايدك بقت كيف ي ابوي كويسة تب<br>
عبدالقوي الحمدلله احسن<br>
محمد:اصحي اخواني واجي اسامة كل يوم بسألني منك وعمر ولؤي مجننين امي بي الاسئلة عليك <br>
عبدالقوي مبسوط والفرحة ما سايعاهو من شوفة محمد وفتحية قالت ليو ربنا يهدي سركم عشان اولادكم ما يضيعو بيناتكم ي عبدالقوي الفرحة بي شوفتك دي زيها مافي<br>
عبدالقوي:ي ريت لو بي يدي شى ي فتحية حليمة راسا قوي والكلمة البتقولا ما بتزيدا نهاي<br>
فتحية:ربنا يهديها ان شاءالله انا ماشة لو دايرين حاجة رسل لي محمد <br>
عبدالقوي:شكرآ ليك تسلمي كتير اوووو عمر اسامة ولؤي مشتاقين <br>
اسامة والله ي ابوي نحنا اكتر منك وين ات غايب الزمن دا كلو من سافرت بقيت ما بتجي لقيت السفر احلى مننا صاح<br>
عبدالقوي:لالا والله مافي احلي منكم اتو وزيكم مافي ي اسامة لؤي وعمر كيفكم والله اكتر اتنين تاعبني فاقدكم <br>
عمر:تاني ما تمش ي ابوي ان مشيت انا بزعل منك<br>
لؤي :ات زعلان مننا عشان بنجوط تاني ما بنجوط<br>
عبدالقوي حس بي غصة وقرب يبكي من كلام اولادو وما قدر يرد عليهمدن عارف نفسو انو قصر منهم وانو ممكن يفقدون بي تقصيروا وهم في حديثن وونستن جات حليمة داخلة تعبانة ولقت عبدالقوي في وشها <br>
عبدالقوي قام علي حيلو وقال ليها حليمة كيفك <br>
حليمة:كويسة الحمدلله.......<br>
م تنسو التصويت😍😚💓
يتبع.....
أنت تقرأ
كيد النساء
Mystery / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
