#كيدالنساء الحلقة ١٣<br> بقلم (ايلا فاحمد زروق)
عبدالقوي لمن شاف حليمة وشو اتغير واتلفت منها ناحية امو واخوهو وجات جنبو سألتو ات كيف هسي ي عبدالقوي وختت يدها في يدو الشمال داير يزحها منها حس انو ما قادر يحركا وبقا يقول يدي مالا مادايرة تتحرك وبقي يكورك امي يدي انشلت ولا شنو ودخل في حالة عبدالله جرا ينادي الدكتور عشان يشوفو والدكتور جا ومعاو ممرضين مسكو عبدالقوي وكان بكورك فيهن فكوني انا يدي ما قادر احركا<br>
الدكتور اداهو مهدئ ونام عبدالقوي تاني وقال ليهن امرقو منو برا لو سمحتو المريض حالتو لسة ما استقرت وما معروف لسة غير يدو شنو تاني احتمال الرجل برضو يكون فيها فياريت ما تزعجوهو ومرقوا برا يبكو من حالة عبدالقوي الوصل ليها وحليمة تنعل في القرش البخليها تعمل في راجلا كدة وحاجة فاطمة تبكي وتوصف في ولدا حتي عبدالله كان بقش في دموعو الكانت بتطلع غصبن عنو <br>
وهن قاعدين كدة جات فتحية لي حليمة وحليمة من شافتا قعدت تبكي جات فتحية حضنتا عليها وبتواسي فيها <br>
فتحية:استغفري ربك حليمة البكى لا بودي ولا بجيب ارجعي لي الله وادعي ليو مافي يدنا حاجة غير الدعاء <br>
حليمة :انا زعلتو ي فتحية مرق مني زعلان شديد كلو بي سببي انا وسبب القروش<br>
فتحية:مقدر و مكتوب ماعندك زنب في الحصل ليو <br>
وسلمت علي حاجة فاطمة وعبدالله ومرقن برا هي وحليمة<br>
حليمة:الاولاد كيف جو من المدرسة <br>
فتحية:جو كويسين وبسألو منك وقالو لي حيويته أحنا ماشين لي شنو معاك ومحمد دا حلف ما يسكت من الاسئلة وانو اتي مشيتي وين انا شايفة احسن ترجعي بيتك اتي عارفة اولادك الليلة ما بنومو نها ما معوداهم الا في بيتن <br>
حليمة:وافوت راجلي ما عارفة ليو حاجة كدة ي فتحية <br>
فتحية:هو هسي فاقد الوعي وزي ما قلتي زعلان منك <br>
حليمة:زعلان مني شديد من شافني قبل مني الاتجاه التاني<br>
فتحية:يعني لو فتح ما بنطق معاك ويمكن لمن يشوفك يتدهور اكتر احسن تمشي وخلي اخوهو يطمنك كل شوية <br>
حليمة:ان شاء الله بس الليلة بقضيها هنا معاو لي بكرة بمش<br>
فتحية:المستشفى قوانينا صعبة اكتر من مرافق ما بخلو وبعدين ما بعيدة منك ركشة بتجيبك ما تعاندي بعد يجي الليل بتبيتي وين ي حليمة <br>
حليمة :ببيت في الارض هنا لكن ما بمش هسي<br>
فتحية:ربنا يقومو بي السلامة ان شاءالله انا ودعتك الله الليلة الراجل جاي بعدا شوفتي ليو شهر<br>
حليمة:خلاص مزاجو حكم يجيك الله هداو<br>
فتحية:ان شاءالله يهديو بعدا مرتو التانية وضعت عشان كدة اتلقي زهج من ديك ومن جوطة الاولاد بجي يروق بالو تب ويرجع تاني يطول <br>
حليمة:الله يعينك غايتو<br>
فتحية :امين اها ودعتك الله خلي بالك من روحك دي وابقي عشرة <br>
حليمة:ان شاءالله اها ربنا يعدلا عليك( ومشت فتحية ودخلت حليمة جوة المستشفى ما لقت زول وقالت ي ربي خالتي فاطمة وعبدالله مشو وين وبقت حايمة في المستشفى تفتش لمن جاها اتصال من عبدالله وقال ليها احنا في الحوادث امي تعبت وركبو ليها درب ومشت عليهم لقت حاجة فاطمة راقدة نايمة مركبين ليها درب <br>
حليمة:عبدالله مالا خالتو فاطمة عندها شنو كانت كويسة <br>
عبدالله :امي من الصباح لا اكلت لا شربت ووقعت هبطت من الوقفة والانتظار وانا قلت ليها اكلي ابت تاكل <br>
حليمة:لا حول ولا قوة الا بالله ربنا يقوما بالسلامة البعدا تمش البيت بقعد مع عبدالقوي انا ما بتقدر علي التعب<br>
عبدالله:اريتا تقتنع ياخ اتي عارفة قوة راسا <br>
حليمة:انا ماشة علي عبدالقوي لو الدكاترة احتاجو حاجة يلقونو قاعدة اها يلا اجر وعافية ان شاءالله ومشت لقت الدكتور طالع من غرفة عبدالقوي جاتو وسألتو منو وقال ليها فتح الحمدلله وانا شرحت ليو اي حاجة واتقبل الحقيقة بس ي ريت التعامل يكون في حدود ةما يتوتر وابعدوهو من المشاكل وقالت ليو خير ان شاءالله ودخلت لي عبدالقوي ولقتو دمعتو في عينو بس المرة دي عاين فيها شديد وجات عليو وهي بتحاول ما تبكي وابتسمت ليو وقالت ليو عارفاك من زمان قوي وما المرض البهدك دايمآ صبور وروحك طويلة<br>
عبدالقوي:بس المرة دي جات قوية ي حليمة ومن اعز زول في قلبي كسرتي ضهري وخليتيني عديم حيلة اتي الكان ممكن اضحي بي روحي عشانا كنت خاتيك في مكان براك ما معاك زول مشيت معاك بي مزاجك وما حصل قلت ليك لا حتى اهلي الكنتي ما مرتاحة معاهم بعدتك منهم بس في النهاية كلو مسحتيهو لي من اول غلطة اغلطا في حقك<br>
حليمة:غصبن عني والله ما قدرت اتحمل واحدة تاني معاك تشاركني فيك وتشيل مكاني ما وعيت لي البسوي فيو كل همي كان ارجعك لي من تاني ما كنت مصدقة انك ممكن <br>
تعمل كدة والله حسيت بي روحي ضعيفة ومكسورة من غيرك <br>
عبدالقوي:بس تعملي كدة تجرديني من كل ممتلكاتي وتقولي لي زي ما جيتني تفارقني حسستيني اني كنت شايل حقك الي انا كنت رافض اشيلو من زمان عشان ما يجي يوم وتعايريني بيهو انا تعبت وشقيت عشان احصل المرحلة دي <br>
حليمة:انا عارفة انو من غيرك ما كان حصل كدة ولا بقت بي المستوي دا وبرجع بقول ليك ساعة شيطان وانا ندمانة عليها<br>
عبدالقوي:الندم ما برجع الفات ولا برجعني زي ما كنت وانا ي حليمة خيانتك لي عمري ما انساها ليك صغرتيني ولعبتي بي عقلي امي كلاما صاح انا سكت ليك كتير ي حليمة وبعد السويتي فيني بقيتي ما لازماني<br>
حليمة:قصدك شنو ي عبدالقوي بي كلامك دا طلقتني يعني<br>
عبدالقوي:قصدي اني الحمدلله العرست لانو لو ما عرست قبل يدي دي ما كان في واحدة بترضى بي وطلاق ما بطلقك حليمة:هو ات لو ما عرست انا ما كان عملت كدة انا دا كان ردة فعلي ليك صحي انا غلطانة لكن ات بتعالج الغلط بي غلط اكبر منو المهم دا ما وقت حساب ربنا يقومك بي السلامة انا ماشة علي اولادي الليل ما بنومو في بيت غير بيتنا اتلقي مقلقين مع امي <br>
عبدالقوي:قصدك اولادنا ي حليمة<br>
حليمة :اولادي انا ي عبدالقوي وان انا ما لازماك معناها ات برضو ما لازمني ومرقت محموقة وبتقول انا غلطانة الاتنازلت وجيتك هسي بقول ما دايرني بعد العملتو دا كلو صحي نكار للجميل ي عبدالقوي ومشت بيتا واتصلت لي محمد يجيب ليها اولادا وامها قالت ليو اديني ليها ي ولدي<br>
حاجة زينب:ي بتي مالك فايتة راجلك بي حالتو دي اولادك ما بتجهن عوجة انا معاهن حاجة فاطمة تاني هبشتك <br>
حليمة:راجلي ما دايرني البقعدني معاو شنو ي امي دا كلام كتير وما وقتو ما تسأليني هسي خلي محمد يجيب الاولاد بي شنط المدارس عشان بكرة يمشو المدرسة من هنا وحاجة فاطمة بقت في روحا تعبت وركبو ليها دربات عشان ما اكلت ولا شربت من الصباح اها يلا مع السلامة محمد جا وجاب ليها اولادا وقل ليها ببيت معاكن <br>
حليمة:لا لا ي اخوي انا اصلآ متعودة انوم براي ما جديد علي االاسبوع القضاو بعيد مننا دا عودنا علي القعاد برانا وهسي دايرة اتعود شكلو حأعيش ب اي باقي حياتي دي وات ما دايم لي بكرة تعرس وتعيش حياتك احسن اعتمد علي روحي <br>
محمد:دا كلام شنو ي حليمة اتفاولي الفال السمح عبدالقوي بكرة بجيكم ما تعبان التعب البخليك تفقدي فيو الامل <br>
حليمة:ههههههههه ات قايلني خاتة ليو الموت لالا ي محمد عبدالقوي عرس وناوي يعيش مع امو ومرتو الجديدة واحنا مسحنا بي استيكة كأنو ما كان في حياتو حليمة <br>
محمد:انا بعرف عبدالقوي اكتر منك يمكن دا ما بطلع من شورتك وسامع ابوي وامي بتكلمو عنو انو هو زول بحبك ورايدك شديد وهسي مستحيل يقنع منك <br>
حليمة:كان ي محمد لكن هسي خلاص قنع نهاي مني <br>
محمد : المهم انا ما بفوتك ببيت معاك الليلة ان شاءالله وبعدين دا منو الداير يعرس ومنو البترضا بي دي <br>
حليمة:والله الف من تتمناك ي اخوي هو ات في زيك وقاطع حديثن ولدا الكبير محمد وقال ليها ي امي ابوي الليلة ما جاي ولا شنو ولي شنو مشينا مع حبوبة زينب كنتي ما جاية ولا شنو عاينت لي محمد وقالت ليو انو ابوك شوية تعبان وفي المستشفى وما كنت دايرة اقلق بيك قال ليها انا ي امي فاهم وما صغير ابوي من جا من سفرتو جا متغير وانتي كمان اتغير تعاملك معاو ما زي زمان ي امي <br>
حليمة:ما تقول كدة ي ولدي مافي اي تغير وما في حاجة <br>
محمدولدا قال ليها انا ما صغير ي امي عشان تدسي مني اي حاجة انا فاهم وواعي لي اي شئ بس ما بحب اتدخل في حاجة ما بتخصني وكل ما اسألك بتقولي لي مافي حاجة<br>
حليمة :ي محمد والله مافي حاجة زي ما..ماخلاها تمت كلاما ومشي منها زعلان انو كيف تدس منو مرض ابوهو<br>
حليمة ابتسمت ابتسامة صغيرة لي اخوها ولدي كبر وبقا راجل ي اخوي بدور شنو اكتر من كدة سند <br>
محمد اخوها قال ليها بقى راجل لكن ما بقنع من ابوهو<br>
حليمة:ما انا البخليو يقنع من ابوهو ولا من حقي اعمل كدة <br>
نامو وصبحو الصباح لبست الاولاد ومشو المدارس الا محمدقال ليها ماشي اشوف ابوي ما ماش المدرسة الليلة <br>
حليمة:ي ولدي البس لبسك وبتشمي لي ابوك وامشي مدرستك مع خالك محمد بغشينا ابوك وبوديك المدرسة الوقت لسة بدري سمع كلاما ومشى لبس هدومو وطلعو علي المستشفى لقو امنة ووصال قاعدات وحاجة فاطمة وعبدالله كلهم معاو في الغرفة دخلت حليمة كلهم كانو مبسوطين لمن دخلت حليمة وصال وامها صرو وشهن وعبدالقوي اتلفت منها لمن جا محمد ولدو امو ووصال فردو وشهن وحبوبتو قالت ليو حبابو حبابو ولدي تعال سلم علي عبدالقوي لمن شاف ولدو انبسط وكان داير يقوم علي حيلو من شافو بس ما قدر<br>
سلم علي حبوبتو وجا سلم علي ابوهو وقال ليو كيف ي ابوي ان شاءالله كويس واحسن وانو كا عرف الا هسي وزعلت من امي لأنها ما كلمتني بيك <br>
حاجة فاطمة :ما بتكلمك ي ولدي معوداك علي الجفا هنا عبدالقوي اتدخل وقال ليو لالا بس ماكانت دايراك تقلق علي حليمة انتهزت فرصة ولدا وقالت لي عبدالقوي بقيت كيف هسي ما احسن عبدالقوي رد ليها بعد مسافة الحمدلله احسن ومحمد كان بعاين في كلام ابوهو وكلام حبوبتو قعدو شوية ومحمد كان داير يقعد اكتر بس المدرسة وحاسي بي امو دي ساكتة ما بتتكلم نهاي لمن كانو قاعدين وسلم علي عماتو وامنة سلمت عليو شديد وقالت ليو ماشاءالله كبرت ي محمد <br>
بعد سلمو عليه مرقو وقبال ما يمرق قال لي ابوهو بتجي البيت متين ي ابوي وحليمة قالت ليو ما وقتو ي محمد يلا اتأخرت ومحمد خالك منتظرك برة خلاص امشي وانا بوريك بي حالة ابوك ان شاءالله <br>
حاجة فاطمة:الولد داير يقعد ما تخليو يقعد شنو بناكلو ليك ولدك دا خايفة عليو مننا
عبدالقوي:ي امي دا شنو البتسوي فيو دا والكلام البتقولي فيو <br>
حليمة :يلا محمد خلي بالك من نفسك ان شاءالله قال ليها ي امي بعدين في حديث طويل بيناتنا ودايرك تفهميني الحاصل كلو <br>
حليمة:ان شاءالله كدي امشي هسي بعد مشى ولدا قبلت علي حاجة فاطمة اسمعيني كونك ترمي في كلامك قدام الولد كدة ما كويس تحسسيو انو في حاجة كلو ولا اولادي انا سكت ليك لمن هبشتيني انا لكن تسممي فكر ولدي علي دا انا ممكن اعمل حاجة ما تتوقوعوها كلكم اولادي خط احمر ي حاجة فاطمة.......
م تنسو التصويت😍💓
يتبع ......
أنت تقرأ
كيد النساء
Mistério / Suspenseللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
