#كيدالنساء الحلقة ١١<br> بقلم (ايلاف احمد زروق)
عبدالقوي:القروش وين ي حليمة الحساب فاضي ما فيهو غير ٢٥٠ج بس وانا حسابي ما كدة <br>
حليمة:سحبت القروش كلهن حقي وحق اولادي داير تضيعو في المرة الجديدة <br>
عبدالقوي:ي حليمة انا لحدي الان بتكلم معاك بهداوة ما تطضريني اعمل حاجة ما تعجبك <br>
حليمة:اسمعني قروش مافي الداير تسوي سوي <br>
عبدالقوي:دا اخر كلام ي حليمة <br>
حليمة:اي ياهو كلامي وما بغيروا<br>
عبدالقوي:انا اديتك الامان واتي خنتي الامانة ما كان العشم القروش بكرة تكمل ي حليمة وريني بتصرفي من وين تاني<br>
حليمة: ههههههه وانا ما غبية لدرجة اني اعتمد علي قروشك دي بس دي مصروف سنة ما تكفي <br>
عبدالقوي:قصدك شنو بي كلامك دا <br>
حليمة:قصدي انو ات ي عبدالقوي بقيت ما بتملك غير اللابسو دا وال٢٥٠ ألفي البنك يعني لمن جيت عرستني كنت كدة ورجعت لي حالك القديم ويلا اتفضل برة بيتي ولو داير تجي تشوف اولادك تعال في الوقت البعجبك وان داير تطلقني تكون ريحتني <br>
عبدالقوي:لالا انتي ما طبيعية البيت دا بيتي وما تنسي انو عندي دكاكين وحاجات تانية كيف تقولي لي ما بملك حاجة<br>
حليمة:البيت بي اسمي والعربية في يدي والدكاكين برضو بقو بي اسمي يعني اي حاجة داير تتصرف فيها الا ترجع لي ولو داير الشغل تشتغل زيك زي الشغالين وتاخد مرتبك <br>
عبدالقوي :لالا اتي اكيد بتحلمي ولا اتي خلاص جنيتي <br>
حليمة :لا بحلم ولا جنيت انا عملت الصاح وماشة في السليم العملتو دا لازم تدفع تمنو غالي <br>
عبدالقوي: البيت خليو بي اسمك لكن كيف الدكاكين بي اسمك والعربية يعني ما خسرانة قاصدة تديها لي جمال يعني كلكم لعبتو علي اتي واخوك وابوك كلكم بقيتو علي لكن والله ما اخليكم حقي وتعبي ما بروح ساي <br>
حليمة:انا الغشيتك اخوي وابوي ما عندهن دخل<br>
في بيت حاجة فاطمة وصال ونعمات وبنات امنة شغالين في الموية والشاي والقهوة ويقدمو في الحلاوة وامنة وامها والنسوان شغالين في الدلكة والريحة مرت اخو حاجة فاطمة اسما ستنا بتسأل في حاجة فاطمة <br>
ستنا:اتي ي حاجة فاطمة عرستي لي عبد القوي كيفن عملتها دي وحليمة سكتت ليكن سااااي كدة<br>
حاجة فاطمة:انا قلت ليو عرس بعد اختك تمش ما عندي زول يقعد معاي ويونسني وعشان عبدالقوي بريدني وبسمع كلامي طوالي عرس ولا سألني من العروس مني وحليمة شنو كمان ان قدرا تقول حاجة والله طوالي نبلعا لسانا<br>
ستنا:الله يسعدوا لكن ما لقيتي ليو غير المعصعصة دي<br>
حاجة فاطمة:والله عرس السمحة لقينا طبعا زي الزفت ورافعة نخرتا علينا هسي انا كست ليو لي الاخلاق <br>
ستنا:كلامك صاح والله السماحة سماحة الطبع <br>
حاجة فاطمة:كدي خلينا في شغلتنا احسن <br>
عبدالقوي وحليمة النقاش وصل حدو وحليمة بطنا كنت من كلام عبدالقوي وانو كيف يشك فيها بعد ما كانت مخططة ترجعوا ليها كرهتو بس بقى همها بس توجعو ذي ما وجعا <br>
حليمة:شوف ي عبدالقوي مافي شي بربطني بيك غير اولادك غير كدي ما تسألني وما عندك عندي اي حاجة <br>
عبدالقوي:لالا اتي كان كدة دايرة الوش العمرك ما شوفتيو <br>
حليمة:لالا خوفتني والله هو ات... قاطع حديثن جرس الباب <br>
عبدالقوي:ودا منو كمان <br>
حليمة:اتلقي الزول العاملة معاو علاقة ومشت تفتح الباب لقتو لؤي جا من الروضة كيفك حبيبي جيت من بدري ولا شنو وكان بعاين ليهن ودخل ابوهو شالو سلم عليهو وهنا هددو شوية وانتهو من الحديث <br>
حليمة :قالت ليو اسمعني هنا الكلام ما انتهى وياريت تمرق بي دربك ما اشوف خلقتك دي في وشي <br>
عبدالقوي:والله لو ما الولد كان شوفتي مني شي تاني بتطرديني من بيتي كمان كويس ي حليمة <br>
حليمة:يلا درب السلامة هوينا عشان بقيت اكوس لي النفس ما لاقياو ومرق ووشو دا ما بتوصف وحسا بي انو اتلعب بيو <br>
واول مكان مشى ليو جمال اخو حليمة ووصل لي جمال <br>
جمال:لسة بدري ي زول دايرنا نمرق من هسي <br>
عبدالقوي:اسمع انا ماش معاك المكان الفيو العربية عشان اشوفا ومنها تاني الزول اكون بتعامل معاو انا احسن<br>
جمال:ومالك متعصب وزهجان كدة قول بسم اللة واقعد اشرب ليك حاجة ي زول في شنو<br>
عبدالقوي:مافي حاجة داير عربيتي وبس<br>
جمال:ياخ عربيتك دايرين ناكلا ماقلت ليك في التصليح خايفني اكلك ولا شنو <br>
عبدالقوي:ما اهتم اكلت الوراي والقدامي ماباقي عندي حاجة تاكلا <br>
جمال:دا كلام شنو البتقول فيو كيف اكلتك <br>
عبدالقوي:عامل فيها ما فاهم حاجة مش ما اختك لازم تقيف معاها لكن لو قلت ليك عديتا ليكم عادي تكونو غلطانين وعبدالقوي بتكلم بي عصبية لمن وقع في جمال فاقد الوعي <br>
في بيت حاجة فاطمة جو الجيران ومن ضمنهم امنية دي الدايرة عبدالله وامو ما رضيانة دخلت سلمت علي القاعدين كلهم وجات تسلم علي حاجة فاطمة عملت فيها مشغولة وامنية من النوع المنفتح وما بتخجل لمن شافتا ابن ترد ليها قالت ليها ي خالتي انا بسلم عليك ما سامعاني <br>
حاجة فاطمة:اي كويسين اتفضلي اختصرتا شديد وامنية قالت الليلة اصلي ما بحردك لمن اشوف اخرك شنو عاد ي عبدالله بيت السرور ماشاءالله الله يجمعنا فيو كانت بتكلم مع روحا جات نعمات شايلة العصير تسقي في نسوان الدلكة جاتا امنية خلي عنك ي العروس انا بسقيهن اخدي راحتك حاجة فاطمة عاينت لي نعمات عين زعل كدة وخربت وشها وامنية ولا اشتغلت بيها اسقت النسوان وجات لي نعمات عندكن شغلة شنو اساعد شوية الجيران لي الجيران <br>
ونعمات مافاهمة حاجة ساقتا معاها لمن وصال شافت امنية انفصمت فيها الجابك لينا شنو ي المابتخجلي <br>
أمنية:و مالو لو جيت فيها حاجة احنا جيران ي وصال مالك <br>
وصال:عاملة فيها مفتحة وجاية عشان تعملي ليك عمل لي عبدالله اخوي الخليتوي ما شايف غيرك <br>
امنية مسكت قميصا وتفت انا انا شبه كدة انا بعمل سحر انا لو بعمل سحر كان عرستو ورضيت امو ما انا البسوي الحرام عشان حلال عبدالله جاني بي مزاجو وانا رضيت بيو عشان راجل ما عشان شي تاني قالت ساحراو <br>
وصال :لا لا صدقتك تب اطلعي برة يلا ما اشوفك هنا تاني <br>
امنية قربت لي وصال وقالت ليها انا بطلع برا واتي بتطلعي بي وراي لو عبدالله عرف العملتيو لي عشان كدة امسكي لسانك عليك <br>
وصال:بتهدديني بي عبدالله <br>
أمنية:لالا ما بهددك لكن بوريك بي الحايحصل ي نعمات المطبخ وين عشان نسوي الشاي والقهوة <br>
نعمات مخلوعة ومستغربة ومن الحديث فهمت انو دي الدايرا عبدالله لكن دي قبال تدخل عليهن صعبة وباردة وبتعرف تتعامل معاهم بي اسلوب يسكتن كلهن مشو المطبخ وطول الوقت نعمات بتعاين لي امنية ما باقي ليها غير انو تسألا اتي كدة كيف وكيف بتقدري تتعاملي معاهم <br>
جمال ساق عبدالقوي المستشفى واتصل لي عبدالله أخوهو عشان يلحقن في المستشفي عبدالله مرق جاري جري ومن الخلعة ما حاسي بي حاجة وجمال اتصل علي حليمة وقال ليها عبدالقوي دخل المستشفى مالو عندو شنو ي جمال <br>
جمال:ما عارف جاني واتناقش في موضوع قروشو والعربية وفجأة وقع واحنا هسي في المستشفى <br>
حليمة:طيب طيب جاية عليكم <br>
حليمة ودت لؤي لي فتحية ووصتا علي الاولاد بعد يجو ومشت علي المستشفى لقت عبدالله وجمال قاعدين وعبدالقوي جوة معاو الدكاترة وبقت تبكي والدموع دي عشرة عشرة ي جمال مالو عبدالقوي <br>
جمال:انا قلت ليك البتعملي فيو دا حايأثر عليو <br>
حليمة:ما وقتو ي جمال كدي انشوفو <br>
جمال:تشوفي شنو منعونا لازم يسعفو عشان تاني ندخل <br>
وحليمة بس تبكي وتدعي ليو بالشفاء <br>
عبدالله بعاين فيها وجا سلم عليها وبطمن فيها عبدالقوي ان شاء الله كويس ما تشيلي هم <br>
حليمة:ان شاء الله ي عبدالله ان شاءالله <br>
عبدالله اتصل بي امو واخواتو وكلمن بي عبدالقوي حاجة فاطمة وقعت صادمة وبناتا بقو فيها هي وكلهم مخلوعين امنية جرت جابت ليها بصلة خلتا صحت ومشو كلهن المستشفى بي العروس وامنية قعدت في البيت لملمت الريحة ودستا وبقت تتصل لي عبدالله كل شوية عشان تطمن علي عبد القوي ووصلو المستشفي ولقو حليمة تبكي جو جاريين من غير سلام لي عبدالله ويتباكو كلهم<br>
حاجة فاطمة:الليلة واي انا ي وبدي البقا عليو شنو مرق مني أمس نصيح وكويس مالو البقا عليو شنو ووصال عاينت لي حليمة وبقت تكورك كلو منك اتي سويتي لي اخوي شنو دايرة تكتليو مش عبدالله جاها اداها كف لمن سكتت <br>
وامنة جات وسلمت علي حليمة وبتطمن فيها انو ان شاء الله يكون طيب وفي ماني الله حليمة ما واعية لي كلام اي زول بس بتبكي وفي نفسها بتقول انها السبب <br>
الدكتور طلع من عبدالقوي كلهن جرو عليه....
م تنسو التصويت😍😍😍💓
يتبع....
أنت تقرأ
كيد النساء
Mystery / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
