#كيد النساء الحلقة١٥<br>
حليمة مشت الشغل ولقت الدكاكين شغالة وفيها واحد اسمو ياسر دا البمسك الشغل لمن عبدالقوي يكون مافي حليمة سلمت عليو السلام عليكم ات ياسر مش<br>
ياسر: وعليكم السلام اتفضلي اي انا ياسر اي خدمة<br>
حليمة :انا حليمة بت الضحوي زوجة عبدالقوي اظن انت عارف بالحاصل ليو ومرضو الجا فجأة(ياسر قام علي حيلو ويقول ليها اتفضلي اتفضلي اي عارفو وكفارة ليو وربنا يكتب سلامتو وكنت معاو امس ما اتلاقينا<br>
حليمة :انا الحاأباشر الشغل بعدو وياريت تفهم كل الناس الشغالة معانا والتجار كمان لأنو في امضاء جديدة يعني البدخل ويمرق لازم يمر بي انا اول <br>
ياسر:اكيد اكيد ان شاءالله ربنا يوفقك<br>
حليمة :دايرة اعرف الحاصل في الاسبوعين الفاتو كلو ي ريت وبالتفصيل الممل ما تنقص اي حاجة وكمان كيف الشغل بمشي والدخل والخزينة كمان ودايرة المحاسب يجيني هسي<br>
ياسر :حاضر ان شاءالله اجيب ليك الدفاتر وتمشي تشوفي البضاعة الجديدة في المخازن ولو حابة تمري علي الدكاكين <br>
حليمة:لالا انا بس دايرة الاوراق وقصة البضاعة والدكاكين ان شاءالله يوم تاني (عبدالقوي شغال في الاستيراد يعني اي بضاعة بستوردا وبيوزعا وعندو دكاكين شغالين فيها ملابس والعاب ولمن عبدالقوي غاب اسبوع لقى انو في مشكلة في الميزانية حقت الدكاكين وكان داير يتحقق منها لكن تعب في نفس اليوم )<br>
ياسر مشي يكلم الشغالين معاو انو في زول بقى بدل عبدالقوي ومشي ينادي المحاسب وبقى يقول الله يستر شكلا صعبة شديد المرا دي ناقصين احنا كمان تحكم نسوان <br>
وكلمن انو زوجة عبدالقوي هي المسؤولة من الشغل لقايت ما يقوم بي السلامة قام واحد قال ليو اها حلوة ولا شينة ي ياسر عليك الله <br>
ياسر :ات في حلاتا ولا في طبعا شكلو طبعا حاد شديد ومن اول يوم دايرة تشوف الحسابات والداخل والمارق وجميع الملفات يعني جاية وناوية علينا فهمت ولا لسة داير تعرف حلاتا وشناتا قال ليو ياخ ما اصلو الزول اول مرة بجي متحمس عشان كدة ما تشيل هم بكرة تزهج مننا<br>
ياسر:اتو مافاهمين يعني شنو مرا تبقى مسؤولة اي حاجة تفكر ليها ما بتنسي ولا الصغيرة ما بتعديها ديل النسوان عندهن قوة ملاحظة مافي راجل بلاحظا انا غايتو حزرتكن <br>
في جانب حاجة فاطمة وبناتا بتناقشو في موضوع حليمةوعرس عبدالقوي وامنة بتغلط فيهن جا عبدالله وقال ليهن كفاية ياخ اها ان شاءالله ارتحتن مرقت منكن وارتاحت منكن احسن ليها مرقت زاتو<br>
حاجة فاطمة:عارف مشت وين ي ولدي مشت تشتغل في محل اخوك وات قاعد المفروض تمسك مال اخوك ات وتشيل مصاريفا زيها زي اي مرا خلي ماشة تستولى علي المال كلو<br>
عبدالله:لا حول ولا قوة الا بالله ي امي انا عارف ماشة وين ومن حقها والقال ليك منو انا داير امسك حق اخوي انا زاتي ما بقدر عليو دي مسؤولية <br>
حاجة فاطمة :اها الترابا في خشمك حق منو لقت ليها حق وين دا حق اخوك<br>
عبدالله:شكلك نسيتي ودايراني ازكرك انو الخير الفيهو ولدك دا بي فضلا هي دا حقها والدكاكين حقات ابوها عبدالقوي ما وارثن من ابوهو وما تتغابن العرفة ي امي وتنكرن جميل حليمة عبدالقوي كان سواق بس الحبة ما عندو لمن حليمة عرستوو بعد مشت لاهلا ادوهو دكان وهي باعت الوراها والقداما ووقفت معاو لمن وقف علي كرعيو وهسي بتقولي لقت الحق وين ي امي الله يرضى عليك خلينا في حالنا ولا انا قدر الكلام دا انا الحمدلله شغلي مكفيني وما داير لي حاجة في الدنيا دي غير الاتي عارفاو وارح جاي الدكتور مطلع عبدالقوي هسي <br>
حاجة فاطمة ووصال بعد كلام عبدالله سكتن<br>
الاتنين واستنو الدكتور لمن جا وطلعو من المستشفى مع عبدالقوي ووصلو البيت الي كان فيهو نعمات وبنات امنة واولادا والاء <br>
ولمن وصل عبدالقوي نعمات اترددت انها تدخل ليو بس في النهاية دخلت وكفرت ليو وهو بالو بعيد بفكر في حليمة وبفكر انو هو كيف وصل لي المرحلة دي وانو غلط غلطة عمرو ما حاتسامحو فيها تاني ومقلق عليها وعلي الاولاد <br>
بي هناك حليمة شافت الورق والمحاسب وراها اي حاجة وفتحت الخزنة وما لقت غير قروش بسيطة وقالت لي المحاسب انو لي الخزنة فيها ديل بس المحاسب قال ليها انا بسلم نائب المدير ياسر وهو البصرف للعاملين وبتم باقي الشغل <br>
حليمة:وعبدالقوي عندو علم بي كدة انو القروش بتمش الخزنة عن طريق ياسر ولا دا جديد<br>
المحاسب:لالا من بدري عن طريق ياسر بتمش<br>
حليمة:تاني القروش تجيني انا في يدي واتفصل شوف شغلك<br>
المحاسب:ان شاءالله <br>
حليمة بالا بعيد انو كيف القروش دي مهملا كدة قاطع تفكيرا <br>
ياسر انا انتهيت من الطلبتي مني <br>
حليمة:طيب انا ماشة هسي البيت لكن من كرة بكلمل اليوم معاكم يلا مع السلامة ودايرة اقول ليك الطلبية الجات قبال اسبوع داسرة اراجعا بكرا ان شاءالله<br>
ياسر :ان شاءالله بكرة بتلقيها جاهزة <br>
حليمة يلا اها(مشت حليمة بيتا ولقت لؤي جا من الروضة مع فتحية مشت عليهن بي هناك <br>
حليمة:كيفك ي فتحية ان شاءالله كويسة الليلة لؤي مشتاقين والله شوفتي ليك زمن ي عسل <br>
فتحية؛كويسة الحمدلله اتي كيف وعبدالقوي كيفو كويس<br>
حليمة:الحمدلله احسن طلع الليلة من المستشفى<br>
فتحية:والله حمدالله علي السلامة وجا معاك هنا<br>
حليمة:لا لا نازل مع امو ومرتو الجديدة مبروك عليو<br>
فتحية :كيف الكلام دا لسة زعلان منك ولا شنو <br>
حليمة:انا اصلآ مافاضية ليو ماسكة شغلو خليهن هن يخدمنو<br>
فتحية:شغل شنوالبتمسكيو اتي جادة ي حليمة بتقدري عليو<br>
حليمة:ليه ما بقدر اي نزلت الليلة كمان وكل يوم بنزل ودايرة اطلع لي رخصة قيادة واسوق العربية <br>
فتحية:ههههههه دايرة تبقي سيدة اعمال خلاص <br>
حليمة:اي ي فتحية ومالو كتير علي مثلآ ولا ما خايل فيني<br>
فتحية:لالا والله خايل فيك لكن كان روحتي الكريشة دي بتبقي سيدة اعمال علي المظبوط كدة<br>
حليمة:والدخل الكرش مع الشغل شنو الشغل في الراس ما في البطن ي فتحية اها اسمعيني دايراك تشوفي لي شغالة كويسة كدة تمسك لي البيت والله الليلة جيت غلبني اطبخ لي اولادي والله ومنها تقعد معاهم ان اتأخرت<br>
فتحية:خلاص كدة ي حليمة دايرة تحرميني من متعة شوفة اولادك لمن يجوني في البيت <br>
حليمة:معقولة ي فتحية انا بس ما دايرة ليك التعب وبعدين هن خطوتين منك تجي في اي وقت ويجوك كمان في اي وقت لو دايرة<br>
فتحية:الله يوفقك ي حليمة ان شاءالله في نجوى الفي حينا دي محتاجة شوية وبتشتغل غسيل ومكوة واهو رزق اليوم بي اليوم اشوفا ليك لكن ما بتطبخ ليك وانا زاتي ما دايرة ليك مرة تسوي اكل لي اولادك اشتغلي بليل اطبخي ودخلي التلاجة ولو ما قدرتي انا بجي اطبخ ليهن لكن طبيخ النسوان مامضمون<br>
حليمة:الله يديك العافية ي فتحية ما عارفة اعمل من غيرك شنو والله مش قلت ليك اتي اختي الما ولدتا امي <br>
فتحية :ي بت ما بيناتنا اولادك ديل زي اولادي واحد الله يخليهن ليك<br>
حليمة:اها خلاص كدي اقوم ماشة اشوف عباياتي وطرحي الما بلبسن الا لي مرقة برا الحي البعدا خلاص حوجتن جات <br>
فتحية:خلاص كدي انادي ليك لؤي مع التلفزيون<br>
ومشت حليمة بيتا ومن التعب ما حست بي روحا ونامت<br>
في بيت حاجة فاطمة الناس داخلة ومارقة يكفرو لي عبدالقوي وجو نسابتو اهل نعمات امها واخوها احمد <br>
وكفرو ليو وقاعدين وام نعمات( اسمها اسيا مرة حقانية وما بتريد الحقارة)شايفة وتعاين في بتها والخلقة حقتا عاملة كيف لا حنة لا دخان لا ريحة كأنو ما عروس وعشان اهلا جو حاجة فاطمة قالت لي وصال تقوم تقدم هي ما تخلي نعمات تقدم وامها تشوفا وفعلآ نعمات قعدت معاهن ساي وهن مارقين امها قالت لي حاجة فاطمة اتي ي حاجة فاطمة بتي لا حنة لا دخان مالا حتي الريحة ما مريحة ووشها وجسما ديل النعومة الفيهن راحت ممكن اعرف السبب شنو وانا عارفة لو سألتها ما بتجاوب لي<br>
حاجة فاطمة:والله اسأليها هي انا بقول ليها اتحنني ادخني هي ولا سامعة كلامي اسوي ليها شنو عاد ميابية كلو كلو وبعدين هي زولة كبيرة ما صغيرة عاد امسحا واحننا اناقالت ليها العفو ما قصدي لكن الزول يوجه وهي جديدة علي البلد دي لا بتعرف حنانة لا غيرو كدي بتكلم معاها انا الناس بتاكل وشنا عرس اخوها قرب حاتكون بي حالتا دي ي نعمات ي بت<br>
نعمات:اي ي امي في شنو <br>
حاجة فاطمة :اخليكم تاخدو راحتكم انشوف ولدي داير شنو<br>
اسيا:ي بتي مالك لا حنة لا دخان البشتنة شنو الفي وشك وجسمك دا مالو شربان كدة ي بتي خلي بالك من روحك دي وما تتبشتني كدة اتي عروس<br>
نعمات:ي امي اتي براك شايفة الحال الانا فيها ما لاقية طريقة لي روحي والله شغل البيت والراجل عيان<br>
اسيا:شغل شنو لي عروس ليها اسبوعين هسي نسيبتك قالت براك ما دايرة الحنة والدخان وانها بتلز فيك لز واتي ما رضيانة بي كلاما<br>
نعمات:هي القالت ليك كدة ي امي انو هي ما دايراني اشتغل وكدة ودايراني اتحنن وادخن اصلآ هي في السرير ما بتخليني اقعد ي امي الشغل كبو فيني انا وبناتا ديل مقعداهن ملوك وانا انضف واغسل واكوي واطبخ كلو علي ادخن متين ولا اتحنن متين انا خلاص فترت زاتي كان مالي ومال العرس دا رخصتوني ي امي وخليتوني اعرس راجل بالو كلو مع مرتو واولادو وبعدين معرس ليو مرا اسمح مني بي مراحل ولا بجي في ضفرا ما عارفةانا ختيت نفسي في مكان صعب شديد والله وانفقعت بكا<br>
اسيا :ي بتي كيفن رخصانكي انا دايرة ليك السترة واتي عارفة الحصل ليك وانا ان عارفة بحصل ليك كدة بسكت وهسي ما بسكت علي البسوهو فيك ي بتي<br>
نعمات:لالا ي امي ما تندميني علي اني وريتك انا بس فضفضت معاك عشان ما تلوميني وانا بعرف اتصرف<br>
اسيا:اسمعي ي بتي وصية بديك ليها وختيها حلقة في اضانك ما تخافي ليك من مرا زيك سامعة ولا ما سامعة واوعك تقولي مرتو الاولى اسمح منك اتي زاتك فيك حاجات اسمح منها واجزبي راجلك عليك وختيو تحت جناحك وطالما جا في مرضو معاك هنا معناو دي حاجة كويسة انا ما بقول ليك اخطفيو لكن خليو يميل ليك اتي عندك حقوق عندو والعشرة بتولد المحبة والراجل مهما كان بحب المرا بضعف قدام غيرا في طرق كتيرة بتخليو يقرب منك اتلحلحي شوية ي بتي واتجيهي اتي مبشتنة دايراهو يعاين فيك كيف وشغلة البيت اعملي البتقدري عليو والتقيل خليو لكن راجلك ما تقصري منو نهاي <br>
نعمات:ان شاءالله ي امي <br>
اسيا:اها انا ماشة واخوك حنتو يوم الجمعة تعالي احضريها....<br>
م تنيو التصويييت😍😍😍💓
يتبع....
أنت تقرأ
كيد النساء
Misteri / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
