تعديل............#كيدالنساء الحلقة٤ <br> بقلم (ايلاف احمد زروق)
هو انا بخليك تشوفا ولا تضوقا ي عبدالقوي شوف انا محضرة ليك شنو ي ابو اولادي..........<br>
بي هناك عبد القوي جاب عروسو وادي عبدالله اخوهو المفاتيح عشان يرجع العربية لي حليمة(عبدالله الله دا قبل وصال وما عرس بحب ليو واحدة من الحي معرسة ومطلقة وامو حلفت ما تعرسا ليو عبدالله ماسك ورشة ابوهو حقت الحدادة ) وفعلا عبدالله وصل العربية ودقا الباب لي حليمة عشان يديها المفتاح حليمة فتحت الباب ولقت عبدالله <br>
حليمة:عبدالله كيفك ان شاءالله طيب اتفضل ادخل اشرب ليك شي مالك واقف في الباب <br>
عبدالله:الحمدلله طيب والله ماشي احصل المواصلات عشان راجع الليت الوقت اتأخر <br>
حليمة:اها اخوك طيارتو قامت ولا لسة ما قامت عشان مرق مستعجل من البيت <br>
عبدالله:اتوتر كدة وقال ليها اي بتكون قامت وديتو بدري(وبقا يقول لي روحو الله يخجلك ي عبدالقوي خليتني اكضب بعد العمر دا ي الما بتشبه الرجال)<br>
حليمة:الله يعدلا عليك ي عبدالقوي محل ما تقبل اول مرة يبيت برة مننا ي عبدالله الله يجازي الكان السبب وملا ليهو راسو بي السفرية دي كان مالو ومال السفر <br>
عبدالله :اها ودعتك الله ي حليمة خلي بالك من نفسك والاولاد <br>
حليمة:الله معاك ي عم اولادي (بقت تكلم روحا والله ي عبدالله شدة ما متوتر الاولاد ما سلمت عليهن امشي ي الخجلان)<br>
العروس دخلت الاوضة تحضر في روحا وعملت القالو ليها انها ما تتعطر بي عطر قوي عشان الحساسية حقت عبدالقوي 😂😂 لكن ما عارفة انو الجايه لي عبدالقوي ما منها هي <br>
عبدالقوي استحمي ولبس وشال عطرو دي عادة عندو وحليمةعارفة كدة عبد القوي قبال النوم بستحمى وبتعطر عبدالقوي بخ بخ الريحة فيو وكتر منها لزوم انو عريس وكدة😂ودخل علي عروسو وعينك ما تشوف الا النور علي دخلتو بقا يهتش والعيون يدمعن يهتش ويدمع😂وبقا يكورك فيها ي نعمات دا شنو السويتيو دا ما قالو ليك عندي حساسية من الريحة وهي وقفت مهجومة وقالت ليو ما عملت لي ريحة قوية والله زي ما خالتي قالت انا عملت والله ما عملت حاجة وبقت تبكي وتقول ما سويت حاجة <br>
عبدالقوي:خلاص انكتمي ما اسمع حسك دا وهتش يهتش ومرق زهجان وعارف الحساسية بتعمل فيو شنو ورزع الباب طاخ طاخ طاخ ومشي<br>
بي هناك حاجة فاطمة وبناتا مبسوطين ويتونسو وتسأل في عبدالله ي ولد العربية رجعتها لي حليمة لي شنو<br>
عبدالله:عبدالقوي قال رجعا ليها علي اساس انو مسافر انا ماعارف عبدالقوي خايف منها لي شنو ما يقول ليها عرست وخلاص شنو شغل الدسديس دا حاتعمل شنو لو عرفت <br>
حاجة فاطمة:ي ولد بعد عرس ان عرفت اتعرف لكن قبل العرس خفت انا والله عارف اخوك حليمة ان قامت عليو والله ما تخليو يعرس ويمكن تعمل ليو حاجة بي جنها دا<br>
اها قابلتك كيف اوعا تكون صرت ليك وشها ولا عوجت خشما هي اصلا مافي وراها خير من ما عبدالقوي عرسا ماضاق عافية عضمو وحيلو كملتن فيها هي بت الضحوي <br>
عبدالله:قابلتني عادي وكمان قالت لي اتفضل اشرب ليك حاجة انا زاتي لمن استغربت فيها والله من الهجمة ي امي اولاد اخوي ماسلمت عليهن جيت مارق قلت اتلقي جنت<br>
حاجة فاطمة:اجي قالت ليك اتفضل وكانت باردة والله ي ولدي خوفتني علي اولاد اخوك ما تكون جنت بصح ولا تكون عرفت عرس عبدالقوي لالا كان عرفت كان جات جننتنا جن <br>
ووصال تسمع في الكلام وكانت مستنية اخوها يقول ليها لقيتا بي وضع تاني واستغربت منها معقولة ماشافت الفيديو <br>
ورجعت لي تلفونا لقت الفيديو وصل ليها وقطع ونستن صوت ضربة الباب طاخ طاخ طاخ <br>
حاجة فاطمة:وبعلي وبعلي مالن ديل في شنو الحاصل شنو<br>
وقامو جارين عبدالقوي جا يهتش ويكورك يمة يمة اتي مافهمتي بت الناس دي انو عندي حساسية من الريحة القوية <br>
حاجة فاطمة:اي اي وريتها عملتي شنو ي البومة مش قلت ليك ما تتريحي بي الريحة <br>
نعمات:تبكي والله ما عملت لي ريحة قوية والله زي ما قلتي لي عملت بس هو فجأة بقي يهتش من غير سبب<br>
عبد القوي:كيف من غير سبب وهتش يهتش والوش اتورم وبقي ما قادر يتكلم زاتو <br>
حاجة فاطمة:ي عبدالله سوق اخوك الدكتور الادوهو حقنة قوم سريع <br>
عبدالله:ارح ي عبدالقوي والله ان شاء الله نلقا لينا عربية <br>
ومرقو علي الظلط ركبو ودخلو وادو عبد القوي حقنة لي الحساسية وشوية كدة ينوم ويقوم يهتش <br>
حليمة قاعدة في بيتا وبتقول ي ربي عبدالقوي يكون دخلو المستشفي ولا كيف كدي النتصل عليو الساعة١٢ كدة طيارتو نزلت علي اساس انو دايرة اشوفو وصل ولا لسة رن اتصلت عليو وتلفونو يدق بي هناك في الاوضةواتصلت كتير وانبسطت انو خلاص خطتا نجحت وعبد القوي دخل المستشفى بي هناك حاجة فاطمة لا خلت لا بقت لي العروس الجديدة اتي دايرة تكتلي ولدي مش وريتك اختي الريحة اختيها ما تسويها والعروس تبكي بكى شديد ومهجومة من الحصل ليها اول يوم في عرسا <br>
وصال:ي امي هي زنبا شنو هسي نعمات اتلقي دي حليمة سوت ليو نصيبة من نصايبا خلتو ينفر من العروس <br>
حاجة فاطمة:نصيبة شنو البتسويها قامت عليو الحساسية الدخل حليمة شنو والبخليها تعرف العرس شنو ما عينك ليها ما جايبة خبر في بيتا لكن البت دي دايرة تندمني علي اختياري ليها كدي خليك منهن ودقي لي عبدالله شوفي اخوك سوولو شنو <br>
وصال:سمح ي يمة بدق ليو ما برفع لي اسوي شنو <br>
بي هناك عبد القوي بعد ادوهو الحقنة قالو يقعد ٢٤ساعة تحت المراقبة عبدالله قاعد مع الدكتور وبتكلم معاو واداهو الروشتة ماشي علي الصيدلية سمع التلفون ورد علي اختو <br>
عبدالله:اي ي وصال نحنا في المستشفى لسة <br>
وصال:ي عبدالله نحنا مقلقين مالك مابترفع التلفون <br>
عبدالله:كنت مشغول مع الدكتور ما تشيلو هم عبدالقوي ما عندو عوجة والليلة بنبيت في المستشفى لي باكر<br>
وصال:مبيتين في المستشفى وما عندو عوجة كيف <br>
حاجة فاطمة:قولي ليو في مستشفي شنو انا مابقعد كدة ماشة ليو <br>
عبدالله:اسمعي ي وصال زول يجي مافي بس ختو تحت المراقبة ياخ اول مرة تجيو ولا جديد عليها امي دي قولي ليها ما تجي والله تجي الا افوت ليها المستشفى <br>
وصال:خلاص يا عبدالله لكن رد في تلفونك ما تخليو بعيد منك اها ودعتك الله <br>
حاجة فاطمة:ي بت ما تسأليو في ياتو مستشفى <br>
وصال:اتي عارفة عبدالله ي امي اها قال ان جيتي بفوت المستشفى ما تشيلي هم بكرة ببقى كويس<br>
حاجة فاطمة:الليلة واي من ولدي الما عندو حظ في النسوان <br>
وصال والاء يعاينو لي بعض ونعمات دمعته في عينا <br>
وصال شالت تلفونا ورسلت رسالة لي حليمة سويتي لي عبدالقوي شنو ي ي وش الشؤوم اتي اصبري بس لكن وموتي من النكد اها عرس وعروسو في بيتنا اظن الفيديو وصلك <br>
حليمة كانت مقلقة وما قادرة تنوم وشغالة تدخل وتمرق وتتفقد في اولادا وجات رقدت علي رقدتا تسمع صوت الرسالة شالت التلفون وقرت الرسالة وانبسطت واتأكدت انو عبدالقوي في المستشفى و لا ردت عليهاوقالت البعدا الزول ينوم بي مزاج كدة قفلت التلفون ونامت <br>
وصال بتعاين مستنياها ترد عليها لكن ولا عبرتا استغربت وقالت معقولة دي حليمة مالا بقت كدة وين النبز وحرقة الدم كدي النشوف دا رقما اي ياهو رقما تكون ما قرت ولا شافت ولا ناوية على شنو المرة الفقر دي الله يستر بس <br>
الصباح عبدالقوي اتحسن شوية ورجع البيت وامو تشيل وتبكي واخواتو سلامتك ي اخوي ونعمات خشما وعندها ولا كلمة ما قالتا دخل ورقد نام <br>
حليمة:ي فتحية فتحية <br>
فتحية:اي ي حليمة اصبحتي كيف الليلة <br>
حليمة:كويسة الحمدلله اسمعيني ماشة لي مشوار كدة وجاية عليك الله لؤي وصيتو يجيك في بيتك من الروضة ما تكوني طالعة ليك محل<br>
فتحية:لالا ما ماشة لي فجة قاعدة لكن مشوار شنو الجاك من الصباح <br>
حليمة:عندي ليك حديث كتير كدي بعد امشي واجيك بوريك.......... ي ربي حليمة ماشة وين من الصباح كدة الحلقة الجاية بوريكم اها رايكن شنو😋😋😋😋😋😋😋😋
بقلم(ايلاف احمد زروق)
م تنسو التصوييييت😍😍😍💓
يتبع.....
أنت تقرأ
كيد النساء
Mystery / Thrillerللكاتبة إيلاف زروق/تتحدث عن خيانه الرجل للمرأه حينهاتبدأ مكايدها له
