🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)

🎶بارت 01🎶

" عظامك ليست مصنوعة من الزجاج، دع الحياة تصدمك، فلتُهزَم، فلتُخطئ، فلتيأس، لا تهرب! دع الحياة تقويك."
________________
• غمضت عينيا ... تنفست مليح ...و عطيت الحرية لاصابعي  لي كانت تنتاقل من الاسود للابيض ...
بديت نعزف ...و انا في عالم اخر كليا 
في عالم احلامي الجميل..
لي ننسا فيه كلش ...كل  وش راه صاريلي في هاد الدنيا ...
كأنو راني وحدي مع البيانو فهاد القاعة ...
راني نعزف اجمل شيء الفتو... هاد المقطوعة  تعبر عن كل مشاعري...
.....
جازت مدة ..و مقطوعتي خلاصت ..واو نجحتي لينة 

راهم قاع يسفقو واو ...

وقفت و رحت مع الفريق تاعنا ...
شدينا قاع بعضنا و انحنينا قاع كيف كيف باش نشكروهم ...

بصح برك وقفت شفت نظراتهم ليا... 
نظراتهم الساخرة 
هههههههه مش شيء جديد اصلا 

بعد ما كملنا كلش و خلاص العرض بداو الناس يروحو ...
بدون اي تفكير رحت رفدت كرطابي و جيت رايحة 
ميليسا : هاااي... لينة رانا رايحين قاع نحتافلو بنجاح عرضنا اليوم ..و نتي هي سبب نجاحنا كيما العادة متقليلي والو لازم تجي معانا ...
لينة : نو ميليسا منقدرش نجي راكي تعرفي حالتي 
ميليسا : اووه بليز لينة ...متجيبيش السبة نتي اصلا عمرك لا درتيلهم قيمة ولا سمعتيلهم 
لينة : بصح ...
ميليسا : نووو متقليليش بصح ..هايا كيفاش نتي السبب الرئيسي فنجاحنا و مجيش 
لينة : هايا خلاص نجي اسكتي عليا برك 
دارت للجماعة 
ميليسا : يااااااي لينة راهي جاية معانا 
الجميع : ياااااااااااي 
انا تبمست بسيف ...راني عيانة بزاف كنت حابة نروح نرقد بصح معليش خلي نروح معاهم باش تكمل فرحتهم 
المهم رفدنا قشنا و جينا رايحين ...
في طريقنا جزنا على الفريق لي  دارو عرضهم قبلنا 
حتى نسمع 
**** 01: هههههه اومايقاااد شوفييهم كيفاش راهم لابسين ..
****02 : وييي شفتهم هههههه ياربي وشنو هدا زعما رام حاسبين روحهم مميزين بهاد الستايل ولا واش 
**** 01 : لول يضحكو والله 
كانو يهدرو بلعياط باش نسمعو 

انا حبست و جيت دايرة 
ميليسا : نو بليز لينا خلينا منهم 
خزرت في ميليسا و تبسمت معاها و جيت رايحة 
لينة : هاااي ... احم احم كيفاش راكم هههه نتمنالكم النجاح 
**** 01 : ممم حنا تان 
لينة : احم  و تان حبيت نقلك حاجة ..ستايل تاعنا مدخلك فيه هادي لولة ...حنا اوموان اوغيجينال مشي نسرقو من الفرق القديمة ههههه 
بداو يتخازرو في بعضاهم بالشوك 
**** 01 : ...
لينة : ممم باينة معندكش جواب بصح معليش...راني فريتهالك و عطيت دلائل سرقتكم للحكام ..بون هي مام كون مدرتش هكا كنا راح نربحو مي انا منحبش لكدب ...ايا باااي 
بداو يتخازرو و هما مشوكيين 
و راحو يجرو للفريق تاعهم  منيرفيين 
اما انا رجعت لفريقي و كملنا طريقنا 
ميليسا : هههههه كيما موالف لينة دايمن تشوكيني بذكائك 

لينة : فيها شك هادي 
ميلسا : بصح لينة ايماجين منربحوش حنا ... متنسايش كاين فريق ثالث...
هي برك قالت هكاك و نسمعو 
**** : و الفريق الرابح ...هو ....unique butterflies 
( الفراشات المميزة )
خزرت في ميليسا و تبسمت معاها