رحت عند الفريق..وسيم فرحلي بزاااااااف و شجعني كثر و كثر ...كلماتو مشجعة جدا كل ما نسمعها نتقوى كثر و كثر
برك كملنا الافتتاحية ...بدات الحفلة و بداو لي سارفور يدورو و ناس كل واحد شايدة مجموعة و يقصرو غير عالشركات و الاموال و الصفقات , انا قاعدة فلوسط وحدي ....كانت ندور فالصال و نشوف فالديكور تاعها عن قرب....
لكن و انا مارة بجماعة سمعت
****01: هههه والله مشكلة المجتمع الفقير
****02: شفتي ...بزاف اراضي فيها ديورهم هههه هادي ادا تقدري تسميهوم ديور
****03: وي حنا قادرين فهادوك الاراضي نبنو شركات و بزاف مرافق نستفادو منههم ...اصلا هما رام بلا فايدة لهاد البلاد
****04: وي ما يخدمو والو شايدين برك اراضي
قاعدة نخزر .....نخزر فيهم و كل كلمة يقولوها تدخل لقلبي كي السيف ...وش راه صاري في هاد الدنيا ...كنت عبالي بلي كاين ناس رخاص ...مي مش لهاد الدرجة
قاعدة نخزر فيهم و عينيا مفقتش كيفاش تعمرو بالدموع
تفكرت حالتي...كي كنت ملي نوض حتى نرقد ..و انا نخدم ...ملخدمة لخدمة تقوشي مش انسان ...نعيا و نكمل...و حتى الاكل عمري ما كليت شي يصلح غير اكل سريع تع برا ...
و هادو لي هما فقصورهم و كلشي يجيهم على طبق من ذهب يهدرو على اشرف الناس و الخدامين الحقيقيين لي هما المجتمع الفقير
قاعدة نخزر فيهم بالسم ...و انا كي نزعف منرجعش نشوف قدامي....كون أذاوني معليش...بصح قاسو ناس اشرف منهم
و لازم يعرفو شكون هما و قيمتهم ....صح انا دايمن كالم ...لكن فمواقف كيما هادي نتحول
كان جايز سارفور قدامي و حاكم كيسان تع عصير ...رحت عندو و رفدت واحد و جايا رايحة عندهم
و مكنت نشوف شي من غير حوياجهم لي باين بلي شراوهم غاليين لي راح نفسدهم بالعصير ليوم
وصلت ...كنت موراهم جيت راح ندوشلهم ...رفدت يدي ....حتى نحس عبد شدني و نحالي الكاس هداك
انا لتم الزبل طلعلي كثر ....درت و انا ناوية نخبط السيد هدا بكف و يكون وش يكون
بصح برك درت تفاجئت لانو صبتو وائل ...
لينة : وش راك دير
وائل : نتي لي واش راكي ديري ؟؟
خزرت فيه و ضحكت باستهزاء
لينة : وش دخلك
وائل : وش دخلني ؟؟ معليش هدا حفل عائلتي و نتي راح تفسديه
برك قال هكاك انا تبلوكيت ...لانو عندو الحق حفل عائلتو ...ملقيتش وش نقول و انا كنت مقلقة بزااف
رفدت راسي شفت الصال هاديك و ناس و شفت السي وائل
واو لينة ...وش وصلك لهنا ؟؟؟
هادي مشي بلاصتك ...من وقتاش نتي دوري فبلايص كيما هادو ...لي يقللو من قيمة الناس بكل سهولة برك لانو عندهم دراهم كثر منهم
انا المهبولة لي قبلت اصلا نجي لهنا و لهداك الليسي تع الزمر
كنت مليحة وين كنت و كنت هايلة مع جماعتي
نحيت يدي من يدو بعنف و جيت رايحة
خلاص لازم نخرج منا ...هاد البلاصة متوالمنيش
لكن فطريقي تلاقيت مع وسيم
وسيم : واش لينة وين بيها
لينة : استاد سمحلي لكن لازم نروح
وسيم : بصح ...
لينة : ياخ خلاص كملنا عزف و خلاص دوري...ليلة سعيدة
و رحت كملت فطريقي خلاص منيش قادرة نزيد دقيقة هنا نترتق
مفقتش كيفاش حتى صبت روحي برا لاصال
كان الليل ...البرد بزاف و انا مكنتش لابسة مليح
بصح مدخلنيش المهم خرجت ...برك خرجت تنفست الصعداء ...اخيرا خرجت من المكان هداك المعمر بالنفاق
قاعدة نمشي برا بهاديك اللبسة كنت نبان مهبولة
بصح مدخلنيش
قاعدة نمشي برك كي المهبولة و معباليش قاع وين
حتى نصيب روحي فواحد الحديقة ...هاد الحديقة ...بزاف شابة ...ملي كنت صغيرة ...منهار خرجت للشارع باش نخدم على روحي و نواجه صعوبات هاد الدنيا ..و انا نجي لهنا كي منكونش مليحة ..و كيلعادة رجليا يجبوني ديراكت لهنا
هادي مكان اسراري و هنا نقدر نرتاح ...و نبين لينة الحقيقية ...نقدر نبين الالم تاعي كلو هنا
رحت قعدت فوق الكرسي و نخزر فالحالة الخالية ...
رفدت تلفوني و عيطت للشخص الوحيد لي يفهمني ...ميليسا
لينة : الو *بصوت متألم*
ميليسا : هاي لينوش
لينة : ميليسا منيش قاع مليحة *بصوت باكي*
انا برك قلت هكاك الطفلة تقلقت مسكينة و نبرتها تبدلت
ميليسا : علااش ؟؟ كيفاش ..وش صرالك ؟؟
لينة : معليش جي عندي
ميليسا : بيانسوغ ...وين راكي ؟؟؟؟؟
لينة : كيما موالف
ميليسا : نص ساعة و نكون عندك
لينة : اوك
كوبيت ...و قاعدة نخزر فالسماء
و انا هكاك حتى نتفكر هدرتهم ....المجتمع الفقير عبئ على المجتمع الغني
انا برك تفكرت هكاك
مفقتش كيفاش جموعي بداو يطيحو ...
المشكل انو عبالي بلي دموعي هادو ...راهم في قلبي ملي دخلت لليسي هدا
لكن انا لميت لميت لميت حتى دك خلاص مقدرتش نزيد نلم كثر....كون نزيد كثر
نتقنط...قلبي راني حاساتو يتقطع
علاش عمري ما نحظي بيوم مليح ؟؟؟ علاش كل ما جي تتسقم عفسة فحياتي تخرجلي عفسة وحدوخرة و تعاود تحطني فالارض
دايمن نقول نرقد سعيدة ليوم ....بصح تصرا تصرا عفسة تخليني نرقد و انا مقلقة و حزينة
ضميت رجليا لصدري و حطيت راسي عليهم و بديت نبكي ...نبكي و نخرج كلش
ليوم فرصتك لينة ..خرجي كلش ليوم ...باش اليام الجايين ترجعيلهم اقوى ملي كنتي
باش تحققي اهدافك
.....
جازت مدة و دموعي محبوش يحبسو ....كومام راني انسان
و عندي احاسيس و عندي قلب
و انا هكاك حتى نحس عبد دار يدو فوق كتفي...عرفت بلي ميليسا جات
و عبالي بلي تفهمني
مفقتش كيفاش
بلا ما نطلع راسي و لا نخزر فيها
بديت نفرغ فقلبي
لينة : علاش دايمن يصرالي هكا علاش ؟؟ كل ما نفرح نعاود نتحطم ...كانو يقولو بلي حنا الفقراء عبئ عليهم ...و نساو بلي هما لي رام سبب فالفساد ...من نهار نشفا على روحي و انا نخدم كثر من 5 خدمات فالنهار و نشري سندويتش نقسمو نص للفطور و نص للعشاء بصح نسكت و نكمل نجاهد..هما ؟؟؟ هما كلش يجيهم واجد كأنهم مشلولين شي ميعملوه ...عايشين احسن معيشة ...و يزيدو يشتكيو ملفوق ..حتى هدوك لي يقراو معايا هههههه قالك وائل قالك ...زمر ماشي واقيلة حسب روحو عفسة كبيرة ....ما داير والو في حياتو كلشي خدمة باباه ..يعرف غر يفتاخر بشغل باباه و الزبل تع حوايجو لي مسنوعين خصيصا ليه والله و نحمو غير راسو نفجرهولو نوريلو شكون لينة و لتم نشوفو ادا الدراهم تع باباه يفيدوه
قاعدة نهدر جملة مور جملة و نبكي بشهقة خلاص راني تعمرت فاض الكاس
حتى نسمع شي غريب جدا
***** : صار هكا هههه تفجريلي راسي
لتم البكية و الدموع و الهدر و النفس قاااااع تبلوكاو تنحاو قاع
واات ؟؟؟؟
ماذا يحدث ؟؟؟ راني نحلم ؟؟
سووور اني نحلم سور
طلعت راسي باقصى سرعة
صبت وائل ....
وائل كان واقف قدامي و يخزر فيا و يضحك باستهزاء
انا برك شفتو دوخة جاتني خلااااااص
ياربي وش جابو هدا لهنا
ااااه شيت منيش مقلقة باغسك سمعني نهدر عليه ....شافني نبكي و نشتكي
و انا دايمن نرد روحي قوية
خلاص راحت هيبتك يا لينة
لتم جاتني لبكية كثر
بصح بلعتها و شديتها
طان حاك يدو فوق كتفي
انا بدون اي تفكير نجيت يدو و وقفت
الكرسي من ورائي....و وائل من اميمي فأين المفر ؟؟؟؟
وائل :************************
STOOOOOOOOOOOP
هاي لقد عجت ببارت جديد
نشالله يعجبكم ♥
و نلتقي في بارت جديد غدا ان شاء الله ♥
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
