تعزف علي البيانو 🎹
كأنها ترسم أجمل اللوحات 🎨
تتناغم الأحلام مع الكلمات بين أطراف أناملها التي تمررها برقي غير معهود👑
علي أصابع البيانو🎹
وكأنها تكتب أول سطور لحكاية الزمان كما تريدها هي وحدها 🎬
بحثت العالم عن امثالك 🔭
لم أجد...
فأنتي مميزة...
انا برك درت هداك الجاست وائل خزر في هداك صاحبو و اومالو براسو ...
ناض هداك صاحبو ... و دخل يدو فجيبو و جبد ورقة كانت مطوية بدا يفتح فيها و انا رديت روحي كلي مش مهتمة لاني كنت صح مش مهتمة حتى نسمع وائل فتح فمو وائل : ممم عبالكم بلي بابات هاد الطفلة ...قتل يماها و قتل خالها ...و خطفها و يعني كيما هي كيما الاطفال الغير الشرعيين ..نفس الشي و هايليك الورقة لي تثبت هاد الشي راح هداك صاحبو يجوزها على قاع الجماعة انا برك سمعت هكاك حسيت كلي طحت من اعلى مبنى...وش راو يهدر هدا... وائل : هههههههه و سمعت تان بلي تسكن فهاد المبنى حتى نشوف صحبو خرج و جاب معاه واحد التصويرة كبير ...خزرت فيها و كانت دارنا الجماعة قاع بداو يضحكو و يتهامسو ****01: ياربي وش هاد القرف **** 02: متقربوش منها بلاك فيها كاش مرض وائل : هههههههههههه اصبرو مزال مكملتلكمش انا قاعدة غير ساكتة و نخزر فيهم ...لينة ....لينة نتي دايمن كنتي قوية ...متخليش عفسة صغيرة تحطمك و انا نقول هاد الشي ...حتى وائل : بما انو هي فتاة تقريبا غير شرعية صافيك باباها و مرت باباها باينة بلي يكرهوها مسكينة ...سمعت بلي باش تاكل و تدبر دراهم ...كانت تروح لبيوت الدعارة و تبيع جسدها هو برك قال هكاك قاع التلاميذ تشوكاو ...و قعدو يخزرو فيا بنظرة احتقار و انا بدون اي تفكير حكمت السنيوة تع الماكلة تاعي و تيريتها عليه ... حوايجو ملفوق للتحت توسخو انا بلا ما نحس عينيا تعمرو بالدموع ...نن لينة متبكيش لينة من وقتاش نتي تبكي من وقتاش ... نضت و جيت رايحة حتى نحس عبد حكمني من يدي درت صبتو وائل ...خزرت فيه ...نظرة استحقار...كلش وائل : عبالك بلي هاد لحوايج تخدمو خصيصا ليا ؟؟؟ لينة : .... وائل : عبالك بلي مصممين خصيصا ليا *بصراخ* و لوكان نجمع الدراهم قاع لي جبتيهم ببيع جسدك منجيبش ربع منو كان يهدرو النار يتطاير من عينيه ...و التلاميد قاع مشوكيين انا خزرت فيه ملفوق للتحت ...و نحيت يدي من يدو بعنف...و عطيتو بكف ...خرجت فيه قاع زعافي *تع هنودة* و طبعتو جبتو فالارض هو كان مشوكي كثر من ردة فعلي...واقيل حسبتلو راح نسكتلو ...انا منيش مالعبيد تاعو تقربت ليه عفست على حوايجو لي راه مخلوع بيهم ...بزقت عليه و جيت رايحة انا مزال مخرجتش حتى نسمع وائل : روحو جيبوها *بصراخ* جاو يجرو صحابو شدوني و انا بكل برود واقفة نستنا وش يدير وائل : اخرجو قاع *بصراخ* هو برك قال هكاك كي الوحش قاع التلاميذ اختفاو ...و هاه ...بقينا غير انا و هو و زوج صحابو حررت نفسي من صحابو و قاعدة نخزر فيه بكل ثقة و برود حتى نشوفو جا عندي و شدني م الشوميز تاعي وائل : وجدي روحك حياتك راح تولي جحيم ....مرحش نتهنا حتى نشوفك ميتة قدامي و قعد يغلي وحدو قال بزاف كلام و انا مش سامعة قاع بيه برك سكت لينة : سي بون كملت ؟؟ انا برك قلت هكاك حسيت بلي هو النار و انا زدت رميت عليه ليسونس ... حتى نشوفو رفد يدو ...و جا حا يضربني انا لا اراديا غمضت عينيا ....علاش لينة ؟؟ راكي خايفة منو ؟؟؟ و حنا هكاك حتى نسمع صوت المطعم يتفتح بقوة حبسنا قاع درت نجري شفت شكون صبت استاذ الرياضيات و نائب المدير داخلين يجرو نائب المدير : ااااااي حبسو وش راه صاري هنا هدا كوري ولا ليسي *بصراخ* هو برك قال هكاك اناحبطت راسي ياربيييييييي هاه كون قعدت فليسي تاعي لقديم مشي خير *بعد مرور ساعتين * جازو ساعتين و انا و وائل في مكتب نائب المدير مبعدينا على بعضنا اونديغي حيوانات راح ناكلو بعضنا و ساعة كاملة و نائب المدير يغسل فينا و يحلف فينا و حنا غير ساكتين نائب المدير : دك نتو متهدروش *بصراخ* كل واحد فيكم راسه يابس على لوخر ...يا تهدرو و تقلولي وش صرا يا راح تقعدو شهر و نتوما تنظفو كل المدرسة كل يوم .... هو برك قال هكاك وائل طلعلو الزبل وائل : انا وائل وريث شركات TFIT و مديرك فالمستقبل نظف ؟؟؟ هههههههههههههههههه ياربي كيفاش راه يهدر مع نائب المدير .. و لهدا قررت ندير الزكارة نوريلو شكون لينة وقفت و حبطت راسي احتراما ليه لينة : انا مستعدة نظف الليسي عام كامل ادا حبيت هههههههه انا اصلا معنديش مشكل و ادا نظفت انا هو تان بسيف ينظف صافيك نرد التار تاعي بكل سلام و حب :) و حنا هكاك حتى يدخل السي هارون علينا انا وليت حمرة و مت بلحشمة هو دار فيا ثقة و انا خذلتو من اول اسبوع ليا دخل و كان باين بلي الزبل طالعلو ... نائب : اه السي هارون تفضل هارون : يعني هكا نتا متترباش ...مشي قتلك متخلطش فالطفلة انا خزرت فالسي هارون و مشوكية ...واو عطالي ليا الحق و معطاهش لوليدو ...اول مرة حد ميظلمنيش عينيا تعمرو بدموع معباليش علاه واه لينة وليتي بزاف حساسة حبسي لكن الشي لي خلعني انو وائل قعد ساكت ...لهاد الدرجة يخاف من باباه مقبيل برك كان يرفع صوتو مع نائب المدير انا نخزر برك و مش فاهمة شي هارون : سمحيلي بزاف بنتي لينة ...الله غالب انا معرفتش نربيه و نردو راجل ...نتمنى تتجاهليه ...كانت دايمن حاب تولو اصدقاء بلاك يتعلم منك ...بصح كي عرفت وش دارلك اليوم .... سكت و حبط راسو انا حسيت روحي مش مليحة فالدقيقة هاديك مع انو انا عفايس هكا ميقيسونيش بصح قتلكم مقبل....انا ناس لي يحتارموني نحتارمهم احسن احترام لينة : لا لا عادي متقولش هك ما صرا والو...خلافات برك بين طلاب ثانوية انا برك قلت هكاك هداك وائل ضحك باستهزاء جا حا يدور ليه باباه يتلتها بيه حتى نسمعو تدقديق فالباب نائب المدير : تفضل تفتحت البا و يا ريتها متفتحتش ... دورت راسي و نصيب لي يسموه بابا داخل انا برك شتو كلي بيدون ماء مثلج دفقوه عليا .. فتحت عينيا و انا مشوكية ....ياربي وش جابو هدا لهنا و برك دخل فريد : سلام عليكم..انا بابات لينة نائب المدير : اه مرحبا ندعي فربي يروح بلا ما يدير اي تبهديلة لكن هدا يسموه فريد ...كون ميديرش عفسة مش مليحة يموت و حنا هكاك جتىنشوفو راح عند وائل و ركعلو كي البغل انا لتم رجليا فشلو فريد : سمحلي سيدي سمحلي....راهي مريضة مديروش عليها سمحلي سيدي... و قعد يترجا كي الكلب قريب لحسلو صباكو و انا مشوكية قاع وش كاين وائل كان يضحك كي البهلول و عاجبو الحال و السي هارون طالعلو الزبل ...راح عند هداك لي يسموه بابا هارون : سيد فريد سمحلنا بصح جيت في باطل لانو خلاص فريناها و ما صرا شي فريد : صصصح ؟.؟ هارون : وي فريد : انا نروح دك و نتي بلاكي تزيدي ديري لمشاكل و احتارمي لي اعلى منك خزرت فيه و ضحكت باستهزاء... اعلى مني ؟؟ علاش رسول وقيل قاعدة غير نخزر و محليتش فمي خلاص ني حابة نروح منا *بعد مرور نصف ساعة * جازت نص ساعة و الجماعة فراوها و انا كلمة منطقتها غير نومأ براسي و هاي راحت عشية -_- مقريت ما ستفدت شي راحت عشية غير فالمشاكل لكن راح ندمك يا وائل و تشوف... خلاصت علينا معاقبين لمدة اسبوعين نظفو الكلايس تع التاغمينال قاع كل يوم :) برك كملو انا خرجت ديراكت و هداك وائل منعرف مين راح و نشالله طريق السد لي تدي ما ترد و كانت الربعة صافيك كملو الدروس لي يخرج يخرج و الداخليين لي يباتو فالليسي كل واحد يروح لبيتو قاعدة نمشي فالكولواغ حتى وصلت لخزينتي نجبد منها كرطابي بصح انا برك وصلت صبت ورقة مكتوب فيه ((فلنلتقي في الليل في غرفتكي و سادفع لكي)) بفففف نسيت قاع وش قاللهم بففف نحيتها قطعتها و قعدت فالارض ...حطيت راسي بين يديا و قاعدة نخمم وش ندير...وش ندير في حياتي دك انا اوك مدخلنيش يخمو عليا وش حبو بصح متقلقونييييش بفففف منين عرف قاع هاد الشي منين .... راني حايرة ...جامي فحياتي كنت حايرة كيما راني دك جامي فحياتي حسيت روحي ضعيفة كيما راني دك ...واش لينة بديتي تستسلمي ...ديجا من ثاني يوم .... وقفت و حطيت يدي على قلبي لينة انساي بلي عندك هاد الشي انساي ...دايمن خمي و ديري كلش بعقلك ..عمرك ما تخلي مشاعرك يتغلبو عليك ...كوني قوية ...كيما كنتي دايمن شجعت روحي ... فتحت خزانتي رفدت كرطابي و جيت رايحة للغرفة تاعي و انا برك دخلت ...جاني الشوك نمبر 2 صبت زوج بنات معايا فالغرفة الله يبارك الله يبارك هداك ما كان خصني .. زهري و نعرفو منقدرش نتهنا خزرت فيهم و درت روحي مشفتهمش و جيت داخلة انا مزال مدخلتش **** : ياربييي العاهرة راي معانا ***** : يا ربي لازم نقللهم يبدلولنا غرفة **** : ايماجين تقتلنا فالليل ولا...ياربي تبان مهبولة *****: اصبري نسيي نهدر معاها انا كنت نسمع كلش لكن يدخلو من يخرجو من سلمى : هاي...سمعت بلي اسمك لينة ...ممم انا سلمى و هادي صحبتي حنان درت خزرة فيها ملفوق للتحت و في صحبتها و درت روحي مسمعتش...منسحقش عباد منافقين فحياتي رفدت الفاليز تاعي و ديتها لجهتي لانو هي غرفة كبيرة و فيها 3 جوايه و كل جيهة فيها سرير و خزانة صغيرة هما قعدو يهدرو عليا بطريقة غبية و انا مش سامعة بيهم قاعدة نرفد فحوايجي و نسقمهم فالخزنة و هما يكومونتيو عليهم رفدت كرطابي و دوزاني و حطيتهم ممبعد رفدت حوايج لازم نبدل عييت من هاد اللبسة هيقلتني رحت للحمام كان صغير مي شباب لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و جيت خارجة ...انا برك خرجت هدوك البهلولات طرطقو بالضحك
سلمى : ياربيي راي تبان شجرة حنان : وش راي لابسة ... سلمى : اعق ...قرف حنان : ممبعد نصدقو عليها شوية حوايجنا من غوتشي سلمى : وي انا اصلا عييت منهم ههههه بزاف رخاص تستهلهم
انا ضحكت باستهزاء و رحت لجيهتي رفدت كراس تالموسيقى تاعي ... و جيت رايحة بيان سوغ للصالة تع البيانو لي هدرلي عليها السي هارون ♥ هاد العفسة الوحيدة لي راهي محمستني فهاد الليسي خرجت و كنت حاسة روحي مليحة لانو ني رايحة ليها رحت لمكتب المستشارة و سقسيتها وين جاية ..وراتلي و انا رايحة و نسيي نجري فالمشية باش نوصل اسرع برك وصلت فتحت الباب و جيت داخلة ....و انا برك دخلت ... ياربييي هدا افضل من ظر شفتو فحياتي قلبي ....قلبي راه يخبط بسرعة الضوء دخلت بزربة و الابتسامة ترسمت على وجهي صالة كبيييييييييييييييييرة بلبزاااااف ...مسبوغة بالاسود و البيض....كلشي فيها راقي....كل انواع البيانو رام هنا .... فالحيط ملسقين اشهر المقطوعات الموسيقية تع اشهر عازفي البيانو ...و فكل وحدة فيها امضاء تع العازف ياربي رح نبكي ملفرحة قاعدة ندورفيها كي الطفلة الصغيرة و نمرر اصابعي على قاع لي بيانو لي كاين ... فهديك اللحظة نسيت حكايتي المأسوية ..نسيت حياتي المزرية نسيت تعبي نستي وش صرا ليوم نسيت وش تعرضت لظلم و انتقاد نسيت كلش رحت و انا مش قادرة نزيد نصبر كثر قعدت على البيانو الكبير الفاخر لي كان دايمن حلمي ندير بيه جبدت مقطوعاتي درت تلفوني يسجل و بديت نمرر اصابعي ...بين الاسود و الابيض ..و انا في عالمي الخاص ...في عالم احلامي الجميل.. من مقطوعة لمقطوعة حتى رفدت تلفوني نشوف الساعة صبتها السبعة و نص تع الليل ياربييييييييي كيفاش جاز الوقت كيفاش ؟؟؟ هدا وين دخلت لهنا ياخااااه و دك يجوزو يفتشو الغرف باش يسجلو الحظور و ميصيبونيش تروح عليا .. اااااه دايمن دايمن لعفايس لي نحبوهم يجوزو بسرعة ...و لعفايس لي منحبهمش يخلدو رفدت تلفوني و جيت رايحة نجري... خرجت مالصالة هاديك و قاعدة نجري باش نوصل للاقامة و انا نجري حتى ...... STOOOOOOOOOOOOOOP هااااي عدت بعد غياب قصير ههه نشالله يعجبكم لبارت و في رايكم وش صرا فالاخير ؟
