🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)

⛲بارت 17 ⛲

دقدق ....و فتح الباب و دارلي بيدو باش ندخل
قبل ما ندخل باين بلي هاد الغرفة كبيرة على قاع حياتي و راقية عليها تان
دخلت و التوتر ياكل فيا
لكن كانت المفاجأة لي مكنتش متوقعتها كليا
كان مقابلني ديراكت....عبد نسخة طبق الاصل على وائل
لينة راكي تصبري في روحك ولا واش ؟؟
فتحت فمي مالشوك
و بلا ما نفيق
لينة : نتاااا *بصراخ*
خزر فيا و دار علامات استغراب في وجهو
وائل : تعرفيني استاذة ؟؟؟؟ *ببراءة*
انا لتم جاتني الدوخة ....بالاك هدا ماشي هو.... بالاك شبه برك
ايييه ربي خلق من الشبه اربعين
هو برك قال هكاك رجعت انا نبان مهبولة ...قعد يخزر فيا هداك خالد باستغراب
خزرت فيه و سييت نرقع الحالة
لينة : ااه...هههه شيهتو ههه شبهتو برك .. سبحان الله يخلق من الشبه 40
و قاعدة نتبسم كي البهلولة هاه لينة من اول يوم بهدلتي روحك مبروك مبروك
و بعد هداك المومون الغريب تع الصمت و انا حشمت روحي ...خالد فهم روحو
خالد : احم...انا نروح و نشالله متلقايش صعوبة انسة لينة
درت و انحنيت شوية للاحترام
لينة : شكرا
راح خالد ...برك خرج درت خزرت فيه
لينة : راك تتمسخر بيا
وائل : هههه واش انسة قوية *بسخرية *
هو برك قال هكاك و زاد تبسم ديك الابتسامة الملعونة عرفت بلي هدا وائل
اصلا باين ملحطة تاع الدار...وش راني نهدر هههه قالك دار ...قصدي قصر
انا لتم خزرت فيه بتشناف و خزرتي الاعتيادية لي تعيي
وائل : واش واش زعفتي هههه
كان يهدر بطريقة تغزل انا وليت نغلي كثر
لينة : واش راك حاب دير ملخر ؟؟؟ -_-
وائل : نقرا
لينة : راني نبانلك بهلولة واقيل ؟؟
وائل : علاش قلت عفسة هكا
خزرت فيه بسخرية و جيت دايرة ...واش هاد التمسخير ...متهنيتلوش...واش راه حاب يدير رخص كيما هدا بهاد الجاست و على حساب ما نعرف هو يكرهني هههه يعني هادي مأكد منها
جيت دايرة رايحة نرجع للدار نرقد باش نوض غدوة نكمل نحوس على خدمة لانو مستحيل نقعد معاه في بيت وحدنا و زيد نقريه و نفهمو و انا اصلا منحبش لهدرة
بصح انا برك جيت حا نفتح لباب و نسمع
وائل : مديلي التعويضات
وقفت فبلاصتي و درت ليه باستغراب
لينة : وش قصددك ؟؟
وائل : ياخ نتي وقعتي العقد ؟؟ و مكتوب لوكان تستقيلي قبل ما يخلاص لازم تدفعي فوائد
لينة : كاين كاش قانون يقول هكا ؟؟ نن الوغ باي
و جيت رايحة
وائل : وش دخلني....نقدر دك نردو كاين
درت خزرت فيه بخزرة موت
وائل : احم استاذة نورمالمون بدات الحصة ...باش تدي حقك بدو نخداع ارواحي تقريني ..لانو نظن مراحش تقدري تسددي الفوائد هههههههههه
لينة : ههههههه راك تلعب معايا صافيك ؟؟
وائل : افهميها كيما حبيتي
لينة ملازمش رخيص كيما هدا يهزمك
خمي برك بلي راح تدي في شهر واحد 5ملاين ....بصح والله غير ندمو
خزرت فيه و تبسمت بسخرية و جيت مولية
لينة : وين نقراو؟؟؟
وائل : وين تساعدك ..تحبي فوق البيرو ...تحبي فالحديقة ....تحبي فالمكتبة هههه و ادا حبيتي فوق السرير تاعي
هو برك قال هكاك بلا ما نفيق رفدت يدي و جيت حا نعطيه بكف نسيه فاسمو
ممبعد عالشعرة حبست ...و هو قعد يخزر فيا بتحدي
وائل : اضربي ..ههه هايا علاش حبستي
خزرت في عينيه مليييح ...و حبطت يدي
خلاص لينة كالمي اللعب خلي يجوزو شوية يامات ممبعد ساهل
لينة : هايا فوق لبيرو
قلتهالو بنيرة تهديد و كنت متبسمة زعما نبين اللطافة
هو بدا يضحك و راح قعد
وائل : هايا تفضلي الاستاذة
رحت قعدت قدامي و دنيت شوية لكرسي...اننا ندنا و هو يلسق في جدي
حتى خلااص مكاش وين ندنا كثر
لينة : معليش تبعد عليا عندي الغمة
انا برك قلت هكا هو قرب لوجهي كثر و كثر
وائل : ههههه اوك استاذة :)
و دنا شوية عليا
لينة : وين راهم دوزانك ؟؟
وائل : اوك
راح جاب دوزانو...مي هدا غبي كيفاش كان ناوي يقرا -_-
راح جابهم و حطهم فوق الطابلة
و لتم شعلت المود تع الاستاذة
لينة : ممم راك ضعيف بزاف فالرياضيات الوغ نبداو بيها ليوم
وائل : هههه ديري وش تحبي
رفدت كراسو تع الرياضيات و برك فتحتو حكمتني الغمة
قاعدة نشوف فيه و مشوكية كليا
وششش هدا....شيفوووون ما راه كاتب والو و مام لي كاتبهم مخلطين قاع
قاعدة ندور فالصفحات و مشوكية ...و ندعي نشالله نصيب صفجة تسقي باش منفقدش الامل ملدك
بصح وااالو ني نقلك الكراسي شيفوووون
لينة : وشنو هدا ؟
وائل : كراس تع رياضيات
لينة : كراسي تع رياضايت اااه ؟ ...ياربي صبرني...معليش عليش
رفدت الشيفون هداك و رميتو و جبدت كراسي
لينة : بون نعطيك كراسي هدا صح منيش كاتبة كلش بصح فيه لعفايس لي نسحقوهم ..و تان فيه ملخصات الدروس درتهم انا يفيدوك و يعاونوك فالمراجعة ...و دك قولي وش مراكش فاهم ؟؟؟
و برك كملت هدرة خزرت فيه
صبتو يخزر فيا بطريقة بيزاغ بزاف...
ممبعد تبسم ديك الابتسامة تع الغباء
انا فهمت كلش
لينة : قولي برك بلي ماك فاهم والو
وائل : هههه...ياودي مشي من هاد لعام ...ملعام لي فات
لينة : وشنووو *بصراخ*
وائل : و مال نمدلك 5 ملايين للشهر في باطل
لينة : بففف معليش معليش مزال لوقت
رفدت لكتاب و رحت ملول قاع
باغسك باين بلي معبالوش اصلا وش و عليمن رانا نقراو السيد راه مبحر
بديت نفهم فيه و هو مرات يخزر و يتبع معايا و مرات يقعد يخزر فيا بخزرات بيززاغ مفهمتش
و انا بيان سوغ راني مقلقة و كي نزيد نشوفو مش متبع معايا نولي مقلقة كثر صافيك نوض ليه
قاعدة نفهم فيه و نعطيه الاساسيات مام تع لعام لي فات
*بعد مرور ساعة و نصف*
جازت نص ساعة و انا ني نقللكم مسكتش ...قاعدة غير نفهم فيه و هو غير ايه ايه درنا شوي عفايس تع البداية و فهمتهوملو مليح ...نبدالو بلعقل برك باش منخلطهالوش على راسو
لينة : بون سي بون لليوم ....بقات نص ساعة دك نمدلك شوية تمارينات تديرهم و غدوة نشالله نصححهوملك و مدابيك ديرهم مشي غير انا لي نتعب
وائل : ظهرتي تعرفي تفهمي ييياااه
لينة : و غدوة نشالله نبداو عالوحدة لانو مع الصباح عندي شغل
وائل : وشنو هو ؟؟؟
لينة : وش دخلك ؟؟؟
ياربيييي رح نهبل معاه انا نهدرلو على حاجة و هو على حاجة ...نقولو حل تمارينات و هو يحوس وين نروح
رفدت لي سوجي و قاعدة نخيرلو ....خيرتلو ربعة تمارينات نبدالو بلعقل برك لخطرش مخو بزاف صغير
و برك كملت كانت مزال ربع ساعة
لينة : لازم تنظم دوزانك باش جيك المراجعة ساهلة
طلعت راسي شفت فيه...كان يشوف بطريقة بزاف غريبة و يتبسم
لينة : اااي راك هنا ؟؟؟
وائل : لالا راني لهيك *بسخرية*
لينة : لازم تنظم دوزانك
وائل : كيفاش ..؟؟
لينة : بففف قولي وين راهم نظمهوملك دكا
وائل : اوك
ناض و انا تبعتو والله يبارك الغرفة تاعو متخلاصش...ايييه وين تبان دار نادية و فريد قدام هادي
المهم داني لوين كاين دوزانو
كانت كوانة في بيتو تقوشي مكتبة صغيرة فيها بيرو وحدوخر و رفوف و قاع وش يسحقو ....باباه مسكين وفرلو كلش و كل التقنيات لي ناس كيما انا ميقدروش يجيبو شوية برك منهم
البلاصة و التصميم بزاف شباب بصخ انا برك شفت الكارثة لي كان دايرها طلعتلي الحمى
ياخااااه مي مريض هدا ...كان كلش مخرب...وراقي مرميين فالارض الماكلة الكراريس تشوقي شوالق ...ياربيييي انا شفت 1000 الف خدامة وحدة ما دات ترتب هنا
خزرت فيه و هو واقف كي الغبي
لينة : وشنو هاذ الكارثة ؟؟
وائل : معجباتكش ؟؟؟ نقدرو نبدلوها على ستيل تاعك باش تقريني افضل هههه
لينة : وش هاد الوسخ و الخراب...انا شفت معمرة خدامات هنا علاش منظفولكش البلاصة
انا برك قلت هكاك هو تبسم بسخرية
وائل : السي هارون قاللهم ممنوع يتوشيوها ههههههه
لينة : باباك مشي سي هارون -_-
شفت فيها مليح...و قلبي وجعني ...و انا منحملش الخراب ...لاااازم هاد البلاصة نظفها ليوم سينون منرقدش مليح
لينة : معليش نظمهوملك ؟؟؟
صح نكرهو و ميستهلش الاحترام بصح غرفتو و منتوشي شي حتى يعطيني الاذن
وائل : ديري وش تحبي *ببرود*
قال هكاك و راح لجيهة السرير تاعو رفد تلفونو و تكسل و قعد يخرب فيه
و انا قاعدة نتبع فيه بعينيا ...واو شحال يكون شباب و بريئ كي يكون هكا هادئ
شحال يبان ملاكة
اااااه لينة وش راكي تهدري بركاينا ماد التمسخير
حشرة كيما هدا حاسب روحو ميدخلش لتوالات
صح نكرهو و كلش بصح منحملش الفوضى و رام حا يعطوني 5 ملاين للشهر لازم يصيبو نتيجة منيش حابة نتبهدل
المهم ... طلعت التريكو على يديا و بديت بسم الله
اول شي درتو الكوارط تع الماكلة و الوراقي و قاع وش كان رامي حطيتهم فالبوبال
برك كملت هدوك الرفوف فرغتهم قااااااع
حطيت قاع وش كاين فالارض
و درت كيما راني دايرة فالاقامة
كل رف يخص مادة و رتبت كلالكتابات بالترتيب
مالكتب تع الليسي للكتب الخارجية لي صح خلعوني باغسك هادو عمرك ما تصيبيهم جابوهملو قاع مالخارج ...حمار يخي هدا قاع و مايجيبش المعدل كيفاش حبيتو باباه ما يهبلش
صبت عندو ملصقات بزاف كيوت لصقتهعم عالرفوفو
, كل رف كتبت عليه اسم المادة و كلش المهم الحالة رجعت بزاف شابة و منظمة
ممبعد رحت للبيرو ..خملتو و لميت الستيلوات و قاع العفايس لي كانو مرميين بلا فايدة
عاودت درتلو اعادة تأهيل للبيرو هداك
المهم راكو تعرفو خملت خملت خملت حتى خلااااااااص بانت الحالة و ولات بزاف منظمة
برك شفت هكاك تبسمت كي البهلولة بلا ما نفيق
و انا كي نتبسم فمي قاع نفتحو الله يبارك *راني نحكي على روحي :')*
و انا هكاك و نتأمل فالمنظر الجميل
وائل : واش الاستاذة لينة مزالك معانا ؟؟
هو برك قال هكاك انا فقت لروحي و راحت الابتسامة و عاودت درت هداك الوجه الجدي
لينة : راني كملت و نشالله متعاودش تخربها لخطرش تعبت معاها
وائل : هههه حاضر
لينة : الوقت باش نروح اصلا راني بطيت
وائل : هههه كيما تحبي
قاعدة نخزر فيه باستغراب بدون اي حس لانو راه بزاف غريب..شبليه هكا لطيف و يضحك و لعفسة لي نقولو عليها يقولي كيما تحبي و منعرف واش ....سور كاش ما راه يخطط...بصح معليش انا عندي عقد معاه و لمهم نربح فيها وش نسحق...و انا منقدرش ندير شغلي معوج يا نديرو على اكمل وجه يا ملول مندخلش
المهم رحت لوين كنا نقراو رفدت كرطالي و حطيت دوزاني فيه
و ديت رايحة باتجاه الباب
و برك جيت حا نخرج
لينة : بالاك تنسا التمارين
وائل : ايه روحي برك
حطيت يدي عالباس ....بصح برك سييت نفتح .. مقدرتش...علاش راني نحس هكا ؟؟؟؟ كلي فقدت قاع قوتي..و فجأة جاتني الدوخة و راسي بدا يوجع و كنت نشوف الدنيا قاع دور
حتى .......
STOOOOOOOOOOOOOP

هاااااااي لبناااات ♥
والله متقدروش تتخيلو شحال توحشتكم ♥
لقدت عدت و عبالي طولت عليكم بصح اللغ غالب كيما عبالكم قربو الاختبارات صافيك الاساتذة هجمو علينا بالفروض والله مكانش عندي ميمبا لوقت باش ندخل للواتباد
نشالله يعجبكم البارت و بالتوفيق ي فروضكم ♥