رفدت تلفوني و جيت رايحة نجري...
خرجت مالصالة هاديك و قاعدة نجري باش نوصل للاقامة
و انا نجري حتى نحس عبد حكمني من كتافي و طبعني بعنف
طبعوني بقوة كبيرة لدرجة جبتها فالارض حسيت عظامي تخلخلو ...
جسدي بالكل المني بصح الالم لكبير حسيتو في رجلي ....
ياربيي هداك ما خصني
رفدت راسي نشوف من و من بصح مكان حتى واحد ...
بالاك طحت وحدي و انا كنت نتخايل ...نوو ني متاكدة بلي كاش واحد طبعني
بفففف والله و نحكم هاد الرخص غير نوريلو شكون لينة
جيت نايضة ....عاودت طحت رجلي مقدرتش نوقف عليها ااااه بالاك تفعصت راي توجع بزاف
تعمرو عينيا بالدموع لا اراديا
ااااه لينة وشبيك ...
بففف الشي لي كنت حاباتو برك انو نعيش بسلام ما نسحق اصدقاء ما نسحق عائلة ما نسحق حب ما نسحق شي برك انو نعيش بسلام و نتحمل مسؤوليتي منقلق حد
ااااه ياربي عاوني ...لينة اصبري عام برك و تبعدي قاع منا
قويت و شجعت نفسي
وقفت بسيف رجلي راي تقتل
شديت فالحيط و قاعدة نتكعون بسيف ...
ضربت طلة على تلفوني صبت جاز الوقت تع الاقامة بفففف دك حارس الاقامة يغسلني غسيل ااااه لازم يخلاص يومي بالمشاكل لازم
بفففف قاعدة نمشي الطريق هاديك حسيتها طووويللة
بعد مرور مدة اخيرا وصلت و رجلي منيش حاسة بيها
مزال مدخلتش الاقامة قابلني الحارس
الحارس : اسمك من فضلك
بففف عرفتها
لينة : لينة ****
خزر فالقائمة يحوس على اسمي و بسم الله بدا يوبخ
الحارس : من اول يوم التأخر وين كنتي ؟؟؟؟؟؟
لينة : كنت فصالة تع البيانو
الحارس : وش داك لتم
لينة : رحت ندير بلبيانو و نسيت روحي
الحارس : شوفي ..عند الزهر ليوم اول يوم و منيش حاب مشاكل لكن عيني رح تكون عليك من الان فصاعدا منسحقش تأخرات ولا رح نطردك مالاقامة
بففف دك ندور عليه هدا تانيك
لينة : حاضر
و حبطت راسي
الحارس : نتو راكو مسؤوليتنا و كاش ما صرا حنا نخلصوها غالية ..نتمنى تتفهمي
خزرت فيه و تبسمت باحترام
لينة : حاضر ..انا اسفة
الحارس : هايا ادخلي دك لغرفتك
حبطت راسي عبارة عن الاحترام ...هو راح و انا جيت داخلة ...
جيت رايحة لغرفتي حتى يينحس عبد شدني من يدي
اااااااااااااااااااااااااااااااااااااااااااااااه
اخطوني يا رببببييي
درت بسرعة صبت هداك المصيبة وائل
خزرت فيه مشوكية ياربي كيفاش قدر يدخل هنا
بدون اي تفكير خلاص كرهت
لينة : ااه وش راك در هنا
خزر فيا و ضحك ضحكة استهزاء
وائل : مزال مدخلتش في راسك بلي هاد الشي قاع تاعي و نقدر ندخل و نخرج وقت ما نفحتلي و كيف ما حبيت
خزرت فيه نظرة تقزز ياربيي يفشل يتباهى بعفايس مدارهمش هو ميمبا ..كل هاد خدمة السي هارون مسكين
لينة : ....
ميستهلش نعيي روحي و نرد عليه
قعدنا مدة و حنا ساكتين كان يستنا فيا نرد عليه واقيل
صافيك نحيت يدي من يدو بعنف و جيت رايحة
وائل : احم ...حبيت نقلك برك ..
قبل ما يكمل هدرتو درت ليه صبتو حاكم مشزارة و يمسح في يديه
ضحكت باستهزاء
وائل : بلي وش صرا اليوم البدية برك و الخير مزااااال
و ضحك معايا ضحكة تغزل حبيت نحكمو نفجر راسو مع الحيط
بصح معليش لينة خلاص بزاف مشاكل صراو ليوم كالمي كالمي ...خلي حسابو ممبعد كي يجي الويكاند نشالله و تكونو برا الليسي
خزرت فيه ملفوق للتحت و جيت رايحة
بفففف مليحة هادي ...قالك مدرسة القانون و منعرف واش ...راه فعصلي رجلي و عبالي كون نروح نشتكي يردوني انا الغالطة ...اصلا معنديش دليل بلي هو
بصح معليش يا وائل مزال الخير هاه...مزال متعرفنيش مليح
نمشي و نهدر وحدي كي المهبولة
حتى صبت روحي قدام الغرفة
جبدت مفتاحي و فتحتها و جيت داخلة و الحمدالله صبت هادوك البهلولات راقدات في سابع نوم
رحت دخلت بدلت لبست بيجامتي و رحت رميت روحي في فراشي ...
تكسلت رفدت تلفوني ضربت طلة على اخر الاخبار...مكان حتى شي جديد ...دخلت للتصاور نشوف تصاوري مع فريقي الجميل ااااه توحشتهم بزاف
دخلت للمجموعة تاعنا بعتلهم ميساج
لينة : '' اااي راكم هنا ''
انا برك بعت ريبونداولي شوية منهم ههه حمدالله عالاقل ختامها مسك
قصرت معاهم شوية
و انتقلت لعالم احلامي ...
*في الصباح*
نضت على صوت الرافاي
فقت طفيتو بزربة مزالهم راقدين لوخرين و معنديش لحق نوضهم
نضت رحت للصال دوبان غسلت وجهي و سناني .... و عالجت رجلي لخطرش مزالها توجع فيا و كانت منفخة قاع اااااه ....كملت مع رحلي و رحت جبت ثياب الليسي و لبستهم
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
