انتقلت لعالم احلامي كنت ميتة بلعيا
*بعد مرور باقي الاسبوع*
*على الساعة الرابعة و نصف*
اااه اخيرا صونات و مر اول اسبوع
واو اول اسبوع برك ...صراو فيه بزاف عفايس...حسيت كلي راني نقرا هنا من اعوام ...
الايام لي فاتو ما صرا فيهم والو من جهة نوائل و جماعتو و هاد الشي يعني زوج عفايس
يا استعقلو ...يا رام يخططو لكاش حاجة
بصح الاقتراح الاول مشكيتش كاين منو لانو هدوك ميترباوش
كي لعادة لازم كل يوم نسمع لي كومونتاغ مالتلاميد الباقيين فكل وقت مع صباح عشية كي نكونو نقراو كي نكونو ناكلو بصح كيما موالف انا منهتمش اصلا والفت
كنت كي نكملو اليوم الدراسي دايمن نروح للمكتبة نحل الواجبات و ملتم للصالة تع البيانو و نرقد و مينداك كي نكون عيانة منروحش نقرا ههههههه
.............
ااه اخيرا ليوم نقدر ننخرج و نروح لمركز تدريبنا و نتلاقا بلجماعة متقدروش تتخيلو شحال توحشتهم ♥
المهم برك صونات رفدت كرطابي و جيت رايحة نجري للاقامة ندي وش نسحق و نطير منا باسرع ما يمكن
بصح قبل ما نخرج ملغرفة قاطعتني نهاد و كانت مع وائل و هشام و جماعتهم
نهاد : اوه لينة *ابتسامة* نتلاقاو نهار السبت نشالله :)
خزرتت فيها ملفوق للتحت , جيت رايحة خشارة معنديش لوقت سينون ني قلعتلها عينيها
ايه حقا نسيت مقتلكمش ...على سعدنا لمسود حنا نديرو سبور بالسبت لانو منقدروش نديرو بالسمانة لخطرش بروغرام معمر بزاف صافي ك داروهولنا بالسبت
المهم خلينا رحت للاقامة رفدت كرطابي حطيت فيه وش نسحق لهاد اليومين و كدا و جيت خارجة بسرعة البرق
كيما كنت متوقعة التلاميد قاع يجو يدوهم السائقين تاعهم بالسيارة يخي عديمي فائدة يخي
خرجت مالليسي
لينة : ااااااااااه اخيرا
تنفست الصعداء و اخيراااااا قاعدة نمشي برا بكل سعادة لأول مرة بيان سوغ الى مركز تدريب فريقي الحبيب
قاعدة نمشي و نسمع فالموسيقى حتى صادفني حانوت
دخلت ليه شريت شوكولا شيبس الحلوة و كل واحد وش يحب
ليوم عندنا قصرة طويلة
نمشي نمشي حتى صبت روحي قدام المركز
خزرت فيه و تبسمت
لينة : توشحتككك ♥دخلت بكل سرعة
برك فتحت الباب
الجميع : اااااااااه مفاجأة
صبتهم قاع لتم و كانو موجدين قاع الحالة تقوشي حفلة
لينة : ااااااااه خلعتوني
و انا واقفة حتى نحس تسونامي جازت عليا
ميليسا : توحشتتتتتتتتتتتتتتك *بصراخ*
جات تشبكت عليا عنقتني قريب جبتها فالارض ههههههههه انا جاني الضحك يا ربي خليتهم سمانة هبلو
لينة : اااه قريب قتلتيني
ميليسا : مون بيبي اخيرا رجعتي توحشتك
لينة : هههههههههه مام اناااا توحشتكم قااع ..ااااه شريتلكم قاع وش تحبو
و رفدت الساشي وريتهولهم جاو هجمو عليا كي المهابل داوه و كل واحد بدا يدي وش يحب و نساو جدي قاع
لينة : ااااي واقيل نسيتوني
و انا هكاك حتى
أمين : لينوووووشة
لينة : اوووه توحشتك ♥
أمين : مام انا هههههه عندك ما تحكيلنا اليوم لينوشة
لينة : بيان سووووغ اصبر برك يتكالماو المرهوجين هادوك و عندي ما نحكيلكم
تبسملي و راح يكالميهم مسكين امين دايمن يحصل فيهم
هههههه عبالي دك تقولو علينا مهابل مشافونيش سمانة برك توحشوني
بصح هاد الشي عادي جدا لانو حنا من نهار تعارفنا نشوفو بعضنا كل يوووم و نتلاقاو هنا كل يوم هادي اول مرة نغيب عليهم هكا
المهم قعدنا قاع و بدينا نحكيو و بيان سوغ كنت انا بطلة اليوم ههههه حكيتلهم قاع وش صرالي بالتفاصيل المملة
و مساكن حبطلهم السكر مجماعة ائل و وش دار فيا
و فرحو بزاف حاصة امين كي عرفو بلي عجبت الاستاد كي عزفت لبيانو كانو بزاف فخورين بيا
بالمختصر ضحكنا و تقلقنا فنفس الوقت هههههههه
جازت عشية بزاف حلوة و الله يبارك زدت كاش 4 كيلو عندي ما كليت
بصح كيما قتلكم مقبل
دايمن الاوقات الحلوة تجوز بسرعة كبيرة ....
بصح ليوم راح نبات هنا مام غدوة
لانو معنديش نفس نروح لهاديك الدار و لا نشوف هدوك الناس ....
المهم راحو لجماعة و بقاو معايا غير ميليسا و شوية بنات جبناها سخرة ضحك و تمسخير حتي انتقلنا لعالم الاحلام
..........
*يوم السبت*
وااااااااه الجمعة جاز كلس ربع ساعة
لالا ربع ساعة اطول
المهم فالجمعة السريعة مدرتش شي مهم
لعبت شوية بيانو و قصرة مع لبنات و خرجت درت فالارجاء شوية
المهم كان يوم هاديء و هدا ما نسحق
المهم اليوم السبت و عندي سبور عالعشرة
نضت جوايه التسعة
بففففف دك انا وش نلبس -_-
لينة : ميليسا !!!!!!
ميليسا : اااه شبي جدك مع صباح ربي ..
لينة : عندك كاش سورفاتمون ولا ....
ميليسا : وي دقيقة نروح نجيبلك و نجي
راحت ميليسا لدارهم لانها قريبة بزاف مالمركز
ربع ساعة و رجعت
ميليسا : هاكي!
لينة : وشنو !!!! وشنو هدا تعرفيتي نلبس هكا
ميليسا : هدا وش صبت ااوه زيدي فيستا
لينة : غمة نشالله روحي روحي
رحت نلبس علي سعدي لمسود
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
