🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)

🎯بارت 16 🎯

الكرسي من ورائي....و وائل من امامي فأين المفر ؟؟؟؟

وائل : زعما خشينة و قوية ههههههه و هي جي لهنا تبكي حتى تشبع 
خزرت فيه و مزالني مشوكية 
لينة : وش جابك هنا *بحدة*
وائل : رجليا 
هو برك قال هكاك حسيت روحي فشلت...بديت نسفق 
لينة : سبحان الله ...مغسي كون مشي نتا كون مزلت فالجهل
وائل : ايه كملي وش راكي حابة تديريلي تان ؟؟
قربت عندو و رديت ملامحي الجدية كيما موالفة يشوفوني فالليسي 
شديتو من الشوميز تاعو و انا قصيرة عليه بزاف كنت نبهدل بصح معليه لمهم متروحش هيبتي 
لينة : نسمع بلي قلت لشي حد على وش شفت ليوم ولا على هاد البلاصة الفيديو تاعك مزالو 
برك كملت هدرتي كنت متوقعة يروح و يفهم روحو بصح هو بدا يضحك باستهزاء 
انا مفهمت والو فيها 
وائل : اي انشريه وش راكي تستناي .... 
قاعدة نشوف فيه باستغراب...وشبيه واقيل هبل هدا 
وائل : واقيل حسبتلك صح ؟؟؟ ههههههه نسيتي انا وريث شكون تنشريه قادر بتلفون واحد نمحيه و نمحي الموقع و نمحيكم نتو تان مالدنيا 
برك قال هكاك تفكرت شكون حنا و شكون هو 
و تفكرت مستوانا و مستواه هههههه لينة واقيل بديتي تنساي بلي هو وريث اكبر مجموعة فبلادك 
لتم كلي حطني فالامر الواقع ...
لينة : وش تسحق ماللخر 
وائل : هههه منسحق والو 
لينة : الوغ علاش راك ديرلي هكا ؟؟
وائل : فارغ شغل هههه 
لينة : دير في بالك بلي عفسة فيك متخلعني اوك ... و انا منيش كيما '' نهاد'' قادر نركعلك باش تشوف فيا برك ....انا تغلط معايا تخلصها غالية 
قلت هكاك و جيت رايحة 
بصح قبل ما نمشي خطوة حكمني من يدي و حبسني 
لينة : اففففف 
درت ليه 
لينة : وش تسحق تان ؟
وائل : هههههههه صار هكا ...دك برك كنتي تبكي كي هنا ههههه حمدالله لي جيت نخمم 
رفد تلفونو و ورالي 
شفت فيديو ...كنت انا فيها ...يااااربييي صورني كي كنت نندب على سعدي لمسود 
انا قاعدة نشوف و مشوكية 
ااااه يا زهري الكلب كون توقف معايا والله ما يصرالك والو 
برك كملت هو بدا يضحك و انا مزلت مشوكية :)
بدون اي تفكير رميت يدي باش نحيلو تلفونو هو كلعو فالسماء بسرعة والله يبارك شحال مشي طويل هو 
وائل : بالاكي تسيي زهرك 
لينة : نحي يدك ...نهاد مراحش يعجبها الحال كون تشوفك هكا ...
وائل : كون منحيش وش ديريلي 
لينة : قتلك نحي يدك *بصراخ*
انا برك قلت هكاك هو جبدني ليه و لسقني فيه 
وجهي كان قريب بزاف لوجهو 
انا وليت حمرة طوماطيشة 
ياربي لينة وش صرالك علاش راكي هكااااا 
ااااه وجهي الكلب دايمن يديرلي هاد الهدات 
هو بدا يضحك ديك الضحكة لي تغزلني لي نحب نقتلو كي نشوفها 
بدون اي تفكير طبعتو و بعدت عليه 
بعدما راحلي الشوك 
لينة : اااااي بالاك تعاود وش درت دك سينون يصرا شي ميعجبكش *بصراخ*
وائل : ههههه قعدتي ساكتة ساكتة ساكتة و كي هدرتي نضتي تعيطي 
لينة : ايه الوغ خيرلك متزيدش تسيي تتقرب مني ولا تهدر معايا...ياخ كيما قلتو انا قمامة :) و مشي من مستوى تاعكم  هاد الشي ديرو لنهاد مشي ليا 
وائل : .....
جا حا يهدر قاطعتو 
لينة : متهدرش معايا *بحدة* كي نتا كي جماعتك راو كلش ليكم اخطوني برك و خلوني نعيش بسلام و نكمل عامي متزيدوش تشوفوني 
برك قلت هكاك 
درت و جيت رايحة 
قاعدة  زعما نمشي بزربة لمهم نبعد عليه 
حتى نشوفو جاي يمشي و سبقني 
رمال الفيستا تاعو بلا ما يخزر فيا 
وائل : عزفتي مليح اليوم 
هو برك قال هكاك انا تبلوكيت فبلاصتي و قعدت شايدة الفاست تاعو ...اما هو كمل طريقو حتى اختفى 
ياربي وش راه صاري...علاش راه يهدر معايا هكا ؟؟
واقيل كي اختفى مالليسي عاودولو التربية ؟؟؟
نن مستحيل وائل و نعرف النوع تاعو 
مستحيل 
سور كاش ما راه يخطط راني سووووور 
متتخدعيش بيه لينة 
و انا واقفة هكاك مع افكاري 
حتى نسمع  صوت البقرة صحبتي 
ميليسا : لييينة راني جيت 
خزرت فيها بخزرة تعيي 
لينة : ارواحي لهنا ليوم تموتي على يدي يالحيوانة 
و نضت نجري موراها 
ميليسا : ااااه ربي وش درت 
و ناضت مسكينة تجري 
لينة : ارواحي ليوم تموتي على يدي 
رحت بالسرعة الصاعيقة حكمتها و عطيتها طريحة 
ميليسا : ااااااااااه لينة وشبيك وشبيك وش درت 
لينة : روحي قعدي نعل نهار لي عرفتك فيه 
راحت تجري قعدت 
لينة : هدا وين يجو الناس 
ميليسا : علاش انا ؟؟؟؟ بسيف باش قدرت نهرب مالدار 
لينة : بففف زهري الكلب 
ميليسا : علاش وش صرا ؟؟؟ علاش كنتي تبكي ؟؟؟
رحت قعدت قدامها 
و حكيتلها كلش م الالف للياء 
من هدوك الخانزات تع الحفلة حتى اللحظة لي راح فيها وائل 
و برك كملت 
ميليسا : ياربيييي كون جيت شوية بكري ندفنهولك هنا 
لينة : ياودي كيما قالي بتلفون يدفنا قاع كيما رانا 
ميليسا حبطت راسها لانو عبالها بلي واش راني نقول صح 
ميليسا : عبالي بلي عندو نفود كبير بصح لينة نتي اقوى منو ...ادا هو قوي بدراهمو نتي قوية بعقلك و بقلبك 
لينة : على هادي لي صبرت هاد الفصل ...قليلي ما قالولي و ما سبوني 
ميليسا : كلشي يجوز كلشي نتي استغلي  الفرصة هادي باش تعطيها للخارج 
لينة : وي صح ...على هادي لي راني صابرة....اصلا حتى الاقامة و كرهتها الليسي قاع كرهتو 
و لتم ميليسا خزرت فيا بخزرة نعرفها مليح مليييح 
لينة : ياخااه وش كاين 
ميليسا : عندي فكرة بزاف شابة 
لينة : يايما تخلعيني كي جيري هاد الخزرة 
ميليسا : لينة  بقاولك فصلين قصار ...و عبالي بلي نتي بلا مراجعة جيبي 19... وش رايك تخدمي خدمة ...مثلا ديري لي كوغ 
و برك تلمي دراهم بزاف اكري دار السطح هما الرخاص قاع و منها مور الباك  تان تصيبي وين تسكني خير ما تروحي لدار عائلتك 
(( ملاحظة : دار السطح كاين في كوريا جونغ ديور جايين فالسطح تع الباطيمات و هاد الديور جينيغالمون يكون فيهم بيت وحدة و دوش و توالات حشاكم و الكوزينة لاسقة مع البيت و منها يربحو سطح  ...هما الرخاص قاع و تلقاو بزاف شباب مستقلين وحدهم و لي معندهمش دراهم بزاف  ساكنين لتم ...لي يشوفو الكي دراما رام يعرفوهم جايين هكا  ))